Expat Flees With Cash in Kuwait: വിശ്വസിച്ചു കൂടെ നിര്‍ത്തി, എട്ടിന്‍റെ പണി തന്ന് പ്രവാസി; മുങ്ങിയത് 187,000 കെഡിയുമായി
Expat Flees With Cash in Kuwait കുവൈത്ത് സിറ്റി: ബിസിനസ് പങ്കാളി എട്ടിന്‍റെ പണി തന്ന് മുങ്ങിയതായി പരാതി. 1,87,000 കെഡിയുമായാണ് ഇയാള്‍ മുങ്ങിയത്. കുവൈത്തിലെ ഒരു ജനറല്‍ ട്രേഡിങ്, കോണ്‍ട്രാക്ടിങ് കമ്പനിയിലെ പങ്കാളിയാണ് പ്രതി. ഇയാള്‍ക്കെതിരെ നിയമനടപടിക്കൊരുങ്ങുകയാണ് മറ്റ് ബിസിനസ് പങ്കാളികള്‍. അന്താരാഷ്ട്ര വാണ്ടട് ലിസ്റ്റില്‍ ഉള്‍പ്പെടുത്താന്‍ പബ്ലിക് പ്രോസിക്യൂഷനില്‍ പരാതി നല്‍കാനൊരുങ്ങുകയാണ് ഇവര്‍. ഇയാൾക്കെതിരെ ഹവല്ലി ഇൻവെസ്റ്റിഗേഷൻസ് ഡിപ്പാർട്ട്‌മെൻ്റില്‍ ആദ്യം പരാതി നല്‍കിയെങ്കിലും പ്രതിയെ അന്വേഷിച്ച് പിടികൂടാത്തതിനെ തുടർന്നാണ് ഇരകൾ കോടതിയെ സമീപിച്ചത്. കേസിൻ്റെ വിശദാംശങ്ങൾ അനുസരിച്ച്, പ്രതികൾക്കൊപ്പം തൻ്റെ കക്ഷികളും കമ്പനിയിൽ പങ്കാളികളാണെന്ന് ഇരകളുടെ അഭിഭാഷകൻ പറഞ്ഞു. 47 കാരനായ പ്രതിയെ രണ്ട് പ്ലോട്ടുകളിലെ നിർമ്മാണപ്രവർത്തനങ്ങൾ പ്രത്യേക കരാറിൽ പൂർത്തിയാക്കാൻ ഫണ്ട് ഏൽപ്പിച്ചിരുന്നു. ജോലിയുടെ ഒരു ചെറിയ ഭാഗം മാത്രം പൂർത്തിയാക്കി, ആദ്യകരാറിൽനിന്ന് 70,000 കെഡിയും രണ്ടാമത്തേതിൽ നിന്ന് 117,000 കെഡിയും മൊത്തം 187,000 കെഡിയുമായി പ്രതി ഒളിച്ചോടുകയായിരുന്നു.
Comments (0)