Sahel App: കുവൈത്തിലെ ‘സഹേൽ’ ആപ്പിലൂടെ പുതിയ സംവിധാനം
Sahel App കുവൈത്ത് സിറ്റി: സഹേല്‍ ആപ്പിലൂടെ പുതിയ സംവിധാനം. ഏകീകൃത സർക്കാർ ഇ – സേവന ആപ്ലിക്കേഷനായ ‘സഹേൽ’ ആപ്പിലൂടെ ആദ്യമായി ഭരണഘടനാ കോടതി സേവനങ്ങൾ ആരംഭിക്കുന്നു. നീതിന്യായ മന്ത്രാലയം ഞായറാഴ്ചയാണ് ഇക്കാര്യം പ്രഖ്യാപിച്ചത്. പുതിയ സേവനത്തിലൂടെ അപേക്ഷകർക്ക് അവർ ഉൾപ്പെട്ടിരിക്കുന്ന ഭരണഘടനാ കോടതി കേസുകളുടെ ഒരു ലിസ്റ്റ് കാണാൻ അനുവദിക്കുന്നെന്ന് ഒരു പത്രക്കുറിപ്പിലൂടെ മന്ത്രാലയം വിശദീകരിച്ചു. വിധിയുടെ പകർപ്പ് ലഭിക്കുന്നതിന് അവർക്ക് ഒരു കേസ് തെരഞ്ഞെടുക്കാം. ഭരണഘടനാ കോടതി റൂളിങ് സേവനത്തിൻ്റെ പകർപ്പ് ഇപ്പോൾ സഹേൽ ആപ്പ് വഴി ലഭ്യമായ ഭരണഘടനാ കോടതി സേവനങ്ങളുടെ ശ്രേണിയിൽ ഉൾപ്പെടുത്തിയിട്ടുണ്ട്. പൊതുജനങ്ങൾക്ക് നടപടിക്രമങ്ങൾ എളുപ്പമാക്കാൻ ലക്ഷ്യമിട്ടുകൊണ്ട്, ഡിജിറ്റൽ പരിവർത്തനം മുന്നോട്ട് കൊണ്ടുപോകുന്നതിനും സഹേലിലൂടെ സേവനങ്ങൾ നൽകുന്നതിൽ അതിൻ്റെ പങ്ക് വർദ്ധിപ്പിക്കുന്നതിനുമുള്ള നിരന്തരമായ ശ്രമങ്ങൾക്ക് മന്ത്രാലയം ഊന്നൽ നൽകി.
Comments (0)