Pravasi Raksha Insurance Policy; പ്രവാസികളെ നിങ്ങൾക്കിതാ സുവാർണ്ണാവസരം; കുറഞ്ഞ ചെലവിൽ ഇൻഷുറൻസ് എടുക്കാം….
Pravasi Raksha Insurance Policy; പ്രവാസികളുടെ ക്ഷേമത്തിനായി നോർക്ക റൂട്ട്സുമായി ചേർന്ന് നിരവധി പദ്ധതികളാണ് സംസ്ഥാന സർക്കാർ ആവിഷ്കരിച്ച് വരുന്നത്. ഇതിൽ പ്രാവസികൾക്ക് ഏറ്റവും കൂടുതൽ ഉപയോഗപ്രദമായ ഒന്നാണ് പ്രവാസി രക്ഷാ ഇൻഷുറൻസ്. പ്രവാസികൾക്കും അവരോടൊപ്പം കഴിയുന്ന കുടുംബാംഗങ്ങൾക്കും കുറഞ്ഞ ചെലവിൽ ഇൻഷുറൻസ് സംരക്ഷണം ഏർപ്പെടുത്തുന്ന പദ്ധതിയാണിത്. ന്യൂ ഇന്ത്യ അഷുറൻസ് കമ്പനിയുമായി ചേർന്നാണ് ഈ പദ്ധതി നടപ്പാക്കുന്നത്.
പദ്ധതിയിൽ എങ്ങനെ അംഗമാകാം? 18 വയസ്സിനും 60 വയസ്സിനും ഇടയിൽ പ്രായമുള്ള പ്രവാസികൾക്കും അവരോടൊപ്പം താമസിയ്ക്കുന്ന കുടംബാംഗങ്ങൾക്കുമാണ് പ്രവാസി രക്ഷ ഇൻഷുറൻസ് ലഭിക്കുന്നത്. പദ്ധതിയിൽ അംഗമായിരിക്കുന്നവർക്ക് ഒരു ലക്ഷം രൂപയുടെ ചികിത്സാച്ചെലവ് ലഭിക്കും. കൂടാതെ 13 ഗുരുതര രോഗങ്ങൾക്കും പദ്ധതിയിലൂടെ ചികിത്സാച്ചെലവ് ലഭിയ്ക്കും. ഇതിനായി പ്രവാസികൾ പ്രതിവർഷം നൽകേണ്ടത് 550 രൂപ മാത്രമാണ് ഈ പദ്ധതിയിൽ പ്രവാസികൾക്ക് നേരിട്ട് അംഗമാകാം.നോർക്ക റൂട്ട്‌സിന്റെ വെബ്‌സൈറ്റായ www.norkaroots.org-ലെ സേവന വിഭാഗത്തിലെ പ്രവാസി ഐഡി കാർഡ് വിഭാഗത്തിൽ നിന്ന് ഓൺലൈനായി നിങ്ങൾക്ക് സ്‌കീമിൽ ചേരാം. ഓൺലൈനായും ഫീസ് അടക്കാവുന്നതാണ്. വിശദമായ വിവരങ്ങൾ നോർക്ക റൂട്ട്സ് വെബ്‌സൈറ്റിലും [email protected ]എന്ന ഇമെയിൽ വഴിയും ലഭ്യമാണ് 91-417-2770543, 91-471-2770528, 18004253939, 00918802012345 (വിദേശത്ത് നിന്നുള്ള മിസ്ഡ് കോൾ സേവനം).
ഈ പദ്ധതിയിൽ ഓൺലൈൻ വഴിയും അംഗമാകാം നോർക്ക റൂട്ട്സിൻ്റെ വെബ്സൈറ്റ് വഴി പദ്ധതിയിൽ അംഗമാകാൻ അപേക്ഷ നൽകാനുള്ള അവസരമുണ്ട്. പ്രവാസി ഐഡി കാർഡ് ഉള്ളവർക്കാണ് പദ്ധതി പ്രകാരം ഇൻഷുറൻസ് ലഭിയ്ക്കുക. നോർക്ക് വെബ്സൈറ്റിൽ നിന്ന് പ്രവാസി ഐഡി കാർഡ് എന്ന വിഭാഗത്തിലൂടെ തന്നെയാണ് ഇൻഷുറൻസിനും അപേക്ഷ നൽകേണ്ടത്. 91-417-2770543, 91-471-2770528 എന്നീ ഫോൺ നമ്പറുകളിൽ വിവരങ്ങൾ ലഭ്യമാകും. ടോൾ ഫ്രീ, മിസ്ഡ് കോൾ സേവനങ്ങൾക്ക് 18004253939, 00918802012345 എന്നീ നമ്പറുകളിലും ബന്ധപ്പെടാം.
നോർക്കയെക്കുറിച്ച് പ്രവാസി മലയാളികളുടെ (NRK) പരാതികൾ പരിഹരിക്കുന്നതിനായി 1996 ഡിസംബർ 6 ന് രൂപീകരിച്ച കേരള സർക്കാരിന്റെ ഒരു വകുപ്പാണ് നോർക്ക എന്ന് ചുരുക്കി വിളിക്കപ്പെടുന്ന നോൺ റെസിഡന്റ് കേരളൈറ്റ് അഫയേഴ്സ്. ഇത്തരത്തിൽ ഒരു ഇന്ത്യൻ സംസ്ഥാനത്ത് രൂപീകരിക്കുന്നത് ആദ്യമാണ്. എൻആർകെകളും കേരള സർക്കാരും തമ്മിലുള്ള ബന്ധം ശക്തിപ്പെടുത്തുന്നതിനും ഭരണപരമായ ചട്ടക്കൂട് സ്ഥാപനവത്കരിക്കുന്നതിനുമുള്ള ശ്രമത്തിലാണ് വകുപ്പ് രൂപീകരിച്ചത്. NRK-കളും കേരള സർക്കാരും തമ്മിലുള്ള ഒരു ഇന്റർഫേസ് ആയി പ്രവർത്തിക്കാൻ 2002-ൽ സ്ഥാപിതമായ നോർക്കയുടെ ഫീൽഡ് ഏജൻസി നോർക്ക റൂട്ട്സ് എന്നാണ് അറിയപ്പെടുന്നത്. NRK കളുടെ പ്രശ്‌നങ്ങൾ പരിഹരിക്കുന്നതിനും അവരുടെ അവകാശങ്ങൾ സംരക്ഷിക്കുന്നതിനും മടങ്ങിയെത്തിയവരെ പുനരധിവസിപ്പിക്കുന്നതിനുമുള്ള ഒരു ഫോറമായും ഇത് പ്രവർത്തിക്കുന്നു.കോവിഡ് -19 പൊട്ടിപ്പുറപ്പെടുന്നതിനിടയിൽ, നോർക്ക-റൂട്ട്സ് പോർട്ടൽ ലോകമെമ്പാടുമുള്ള ആളുകളിൽ നിന്ന് കേരളത്തിലേക്ക് മടങ്ങാൻ അഭ്യർത്ഥിക്കുന്നതിന് രജിസ്ട്രേഷൻ സുഗമമാക്കി. 2020 ഏപ്രിൽ 29 മുതൽ രാജ്യത്തിന്റെ വിവിധ സംസ്ഥാനങ്ങളിൽ കുടുങ്ങിക്കിടക്കുന്ന ആളുകളെ അവരുടെ സൈറ്റിൽ രജിസ്റ്റർ ചെയ്യാനും പോർട്ടൽ അനുവദിച്ചു.
APPLY ONLINE: CLICK HERE
Comments (0)