Dr Namrata Cocaine ബെംഗളൂരു: കൊക്കെയ്ന്‍ വാങ്ങുന്നതിനിടെ പിടിയിലായ സ്വകാര്യ ആശുപത്രി സിഇഒ ഡോ. നമ്രത ഷിഗുരുപതി (34) യെ കുറിച്ച് പുറത്തുവരുന്നത് ഞെട്ടിക്കുന്ന വിവരങ്ങള്‍. ദിവസം 10 തവണ വരെ നമ്രത കൊക്കെയ്ൻ ഉപയോഗിക്കുമെന്നും മയക്കുമരുന്ന് വാങ്ങാനായി ഒരു കോടി രൂപയുടെ സ്വത്തുക്കളാണ് ഇവര്‍ വിറ്റുതുലച്ചതെന്നും പുറത്തുവരുന്ന റിപ്പോര്‍ട്ടുകള്‍ പറയുന്നു. നല്ല ഉറക്കം കിട്ടാൻ യുവതി പല തവണ ഉറക്ക ഗുളികകള്‍ കഴിക്കാറുണ്ടെന്നും പോലീസ് കണ്ടെത്തി. അഞ്ചു ലക്ഷം രൂപയുടെ കൊക്കെയ്ൻ വാങ്ങുന്നതിനിടെയാണ് ഡോ.നമ്രത കഴിഞ്ഞദിവസം പിടിയിലായത്. എംബിബിഎസ്, എംഡി ബിരുദങ്ങള്‍ നേടിയ നമ്രത സ്പെയിനില്‍ എംബിഎ പഠിക്കുന്നതിനിടെയാണു ലഹരി ഉപയോഗിച്ചു തുടങ്ങിയത്. ഇതുവരെ 70 ലക്ഷം രൂപ ലഹരിക്കായി ചെലവിട്ടിട്ടുണ്ടെന്ന് അവർ പോലീസിനോടു സമ്മതിച്ചു. 2021 – 2022നുമിടെ എം.ബി.എ ചെയ്യാനായി സ്പെയിനില്‍ എത്തിയപ്പോഴാണ് കൊക്കെയ്ന് അടിമപ്പെട്ടത്. 2014 ലാണ് എംബിബിഎസ് പൂർത്തിയാക്കിയത്. റേഡിയേഷൻ ഓങ്കോളജിയില്‍ എം ഡി പൂർത്തിയാക്കിയത് 2017 ലാണ്. അതേസമയം, നമ്രതയെ കൊക്കെയ്നുമായി പിടികൂടിയ സംഭവത്തില്‍ അന്വേഷണം മുംബൈയിലേക്കും വ്യാപിപ്പിച്ചു. നമ്രതയ്ക്ക് ലഹരി എത്തിച്ചുനല്‍കിയ വ്യാപാരി വംശ് ധാക്കർ മുംബൈ കേന്ദ്രീകരിച്ചാണു പ്രവർത്തിച്ചിരുന്നത്. ഇയാള്‍ ഇപ്പോള്‍ ഒളിവിലാണ്. വ്യാഴാഴ്ച വൈകിട്ടാണു ഹൈദരാബാദിലെ റായ്ദുർഗം മേഖലയില്‍വെച്ച് ധാക്കറുടെ വിതരണക്കാരൻ ബാലകൃഷ്ണ റാംപ്യാറില്‍ നിന്നു നമ്രത ലഹരി വാങ്ങിയത്. ഈ സമയം പോലീസെത്തുകയും ഇരുവരെയും അറസ്റ്റ് ചെയ്യുകയും ചെയ്തു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/L6hYb7cEsDxCEiHpJHthOe 53 ഗ്രാം കൊക്കെയ്ൻ 57 ചെറുപാക്കറ്റുകളിലായി നമ്രതയുടെ മിനി കൂപ്പർ കാറില്‍ ഇതുണ്ടായിരുന്നു. വാട്സാപ് വഴിയാണു നമ്രത ഓർഡർ ലഹരിക്ക് ഓർഡർ നല്‍കിയത്. കാൻസർ ചികിത്സാരംഗത്തെ മുൻനിര സ്വകാര്യ ആശുപത്രിശൃംഖലയുടെ സ്ഥാപകന്റെ മകളും സിഇഒയുമാണ് ഡോ.നമ്രത ഷിഗുരുപതി. വിവാഹമോചിതയായ നമ്രത രണ്ടു കുട്ടികളുടെ അമ്മയുമാണ്.