OCEANMEDIAS.COM

കുവൈത്ത് സിറ്റി: സഹപാഠികള്‍ തമ്മിലുണ്ടായ അക്രമം കത്തിക്കുത്തില്‍ കലാശിച്ചു. പത്താം ക്ലാസിലെ രണ്ട് വിദ്യാർഥികൾ തമ്മിലാണ് അക്രമം ഉണ്ടായത്. അക്രമത്തിൽ ഒരു സഹപാഠിയ്ക്ക് ഗുരുതരമായി പരിക്കേറ്റു. വിദ്യാര്‍ഥി അൽ-അദാൻ ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ്. സുരക്ഷാ വൃത്തങ്ങൾ പറയുന്നതനുസരിച്ച്, വ്യാഴാഴ്ച മംഗഫ് പ്രദേശത്തെ ഒരു സ്കൂളിൽ വിദ്യാർഥികൾ അവസാന പരീക്ഷ പൂർത്തിയാക്കിയതിന് തൊട്ടുപിന്നാലെയാണ് സംഭവം നടന്നത്. സ്കൂൾ പരിസരത്തിന് പുറത്തുള്ള ഒരു പലചരക്ക് കടയ്ക്ക് സമീപം രണ്ടുപേര്‍ സഹപാഠിയെ നേരിട്ടു. അക്രമികൾ ഓരോരുത്തരും കത്തി ഉപയോഗിച്ച് ഇരയെ ആറ് തവണ കുത്തി. നെഞ്ചിന്റെ മുകൾഭാഗത്തും പിറകിലും ഇടതുകൈയിലുമാണ് മുറിവേല്‍പ്പിച്ചത്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/G1Hh6T2GWp9Kg4JJmtL9kW വിദ്യാര്‍ഥിയെ ഐസിയുവില്‍ പ്രവേശിപ്പിച്ചതിനുശേഷം വാര്‍ഡിലേക്ക് മാറ്റി. ഡിറ്റക്ടീവുകൾ പ്രതികളെ പിടികൂടി കൂടുതൽ നിയമനടപടികൾക്കായി ജുവനൈൽ പ്രോസിക്യൂഷൻ ഓഫീസിലേക്ക് റഫർ ചെയ്തു. ഇരയെ പ്രതിനിധീകരിച്ച് സംസാരിച്ച അഭിഭാഷകൻ അബ്ദുൾറഹ്മാൻ അൽ-ഹുവൈഷിൽ ആക്രമണത്തെ അപലപിക്കുകയും വിദ്യാർത്ഥികൾക്കിടയിൽ വർധിച്ചുവരുന്ന അക്രമ പ്രവണതയിൽ ആശങ്ക പ്രകടിപ്പിക്കുകയും ചെയ്തു. “ഇത് ഒരു സ്കൂൾ മുറ്റത്തെ പോരാട്ടം മാത്രമല്ല; ഇത് മനഃപൂർവ്വം, മുൻകൂട്ടി തയ്യാറാക്കിയ അക്രമമായിരുന്നു,” അൽ-ഹുവൈഷിൽ പറഞ്ഞു.