OCEANMEDIAS.COM

കുവൈത്ത് സിറ്റി: ബാങ്കിങ് സംസ്കാരവും സാമ്പത്തിക അവബോധവും സാക്ഷരതയും വർധിപ്പിക്കുക എന്ന ലക്ഷ്യത്തോടെ, പ്രാദേശിക ബാങ്കുകളുമായും കുവൈത്ത് ബാങ്കിങ് അസോസിയേഷനുമായും സഹകരിച്ച് സെൻട്രൽ ബാങ്ക് ഓഫ് കുവൈത്ത് ആരംഭിച്ച “നമുക്ക് ജാഗ്രത പാലിക്കാം” എന്ന കാംപെയ്‌നിൽ നാഷണൽ ബാങ്ക് ഓഫ് കുവൈത്തിന്‍റെ ഇടപെടല്‍ തുടരുന്നു. അതിനായി, സോഷ്യൽ മീഡിയ പ്ലാറ്റ്‌ഫോമുകളിലൂടെയും മറ്റ് ചാനലുകളിലൂടെയും വീഡിയോകൾ, ടെക്സ്റ്റ് സന്ദേശങ്ങൾ, നിര്‍ദേശങ്ങൾ തുടങ്ങിയ വിദ്യാഭ്യാസ ഉള്ളടക്കം പ്രസിദ്ധീകരിച്ചുകൊണ്ട് വഞ്ചനാപരമായ നടപടികളെക്കുറിച്ചും അവ ഒഴിവാക്കാനുള്ള വഴികളെക്കുറിച്ചും പൊതുജന അവബോധം വളർത്തുന്നതിനുള്ള എല്ലാ ശ്രമങ്ങളും എൻ‌ബി‌കെ ഉപയോഗപ്പെടുത്തുന്നു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/EeM9kQDbfi48HR9CEHANYT വ്യാജ എയർലൈൻ അല്ലെങ്കിൽ കച്ചേരി ബുക്കിങുകൾ വഴി പ്രലോഭിപ്പിക്കുന്ന സോഷ്യൽ മീഡിയ പരസ്യങ്ങളിൽ നിന്ന് ഉപഭോക്താക്കളുടെ സ്വകാര്യ വിവരങ്ങളും പണവും തട്ടിപ്പുകാർ മോഷ്ടിക്കുന്ന വ്യത്യസ്ത രീതികളെയും തന്ത്രങ്ങളെയും കുറിച്ച് എന്‍ബികെ മുന്നറിയിപ്പ് നല്‍കി. സംശയാസ്പദമായതോ സ്ഥിരീകരിക്കാത്തതോ ആയ അക്കൗണ്ടുകളിൽ നിന്നോ പേജുകളിൽ നിന്നോ വരുന്ന അത്തരം പ്രലോഭിപ്പിക്കുന്ന ഓഫറുകളിലും വ്യാജ പരസ്യങ്ങളിലും വീഴുന്നതിനെതിരെയാണ് മുന്നറിയിപ്പ്. വഞ്ചന ഒഴിവാക്കാൻ പണം നൽകുന്നതിന് മുമ്പ് റിസർവേഷൻ പ്രക്രിയ കൈകാര്യം ചെയ്യുന്ന ഏതെങ്കിലും കമ്പനിയുടെയോ വെബ്‌സൈറ്റിന്റെയോ ഏജന്റിന്റെയോ വിശ്വാസ്യത ആദ്യം സ്ഥിരീകരിക്കേണ്ടതിന്റെ ആവശ്യകത ഊന്നിപ്പറയുന്നു.