കുവൈത്ത് വിശ്വസിച്ച് കൂടെ നിര്‍ത്തി, സ്ഥാപനത്തിന്റെ മുഴുവന്‍ ഉത്തരവാദിത്തവും ഏല്‍പ്പിച്ചു, വന്‍തുക തട്ടിയെടുത്ത് ജീവനക്കാരന്‍ മുങ്ങി
Money Theft Kuwait കുവൈത്ത് സിറ്റി: ഗാർഹിക തൊഴിലാളി റിക്രൂട്മെന്റ് ഓഫീസിൽ നിന്ന് ജീവനക്കാരന്‍ വന്‍തുക തട്ടിയെടുത്തതായി പരാതി. 7,500 ദിനാർ തട്ടിയെടുത്ത് ജീവനക്കാരൻ നാട്ടിലേക്ക് കടന്നുകളഞ്ഞതായി ഓഫീസ് ഉടമ ജഹ്‌റ പോലീസ് സ്റ്റേഷനിൽ പരാതി നൽകി.സ്ഥാപനത്തിന്റെ ഉടമയായ വായോധികനാണ് സെക്രട്ടറിയായി ജോലി ചെയ്തിരുന്ന ഏഷ്യൻ പ്രവാസിക്കെതിരെ പരാതി നൽകിയത്. തന്‍റെ പ്രായാധിക്യവും അസുഖവും കാരണം സ്ഥാപനം നടത്തിപ്പിന്റെ മുഴുവൻ ഉത്തരവാദിത്തവും താത്കാലികമായി സെക്രട്ടറിയെ ഏൽപ്പിച്ചിതായിരുന്നു ഉടമ. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/EeM9kQDbfi48HR9CEHANYT എന്നാൽ, ഈ അവസരം മുതലെടുത്ത് ജീവനക്കാരൻ സ്ഥാപനത്തിന്റെ കണക്കുകളിൽ തിരിമറി നടത്തുകയായിരുന്നു. രോഗമുക്തനായ ശേഷം നടത്തിയ പരിശോധനയിലാണ് തട്ടിപ്പ് അറിയാനായത്. ഇതോടൊപ്പം ജീവനക്കാരൻ ജോലിക്ക് ഹാജരാകാതിരിക്കുകയും ചെയ്തു. തുടർന്ന്, ഇയാളെ ബന്ധപ്പെടാൻ ശ്രമിച്ചെങ്കിലും ലഭ്യമായില്ല. തുടർന്ന് നടത്തിയ പരിശോധനയിലാണ് ഇയാൾ നാട്ടിലേക്ക് കടന്നുകളഞ്ഞതായി കണ്ടെത്തിയതെന്നും ഉടമ പോലീസിന് നൽകിയ പരാതിയിൽ പറയുന്നു.
Comments (0)