സഹേൽ ആപ്പ് വഴി പുതുതായി ആരംഭിച്ചത് അഞ്ച് പുതിയ ഇ-സേവനങ്ങൾ
Sahel App കുവൈത്ത് സിറ്റി: സഹേൽ ആപ്പ് വഴി സാമൂഹിക അലവൻസുകൾക്കായി സിഎസ്സി അഞ്ച് പുതിയ ഇ-സേവനങ്ങൾ ആരംഭിച്ചു. നടപടിക്രമങ്ങൾ കാര്യക്ഷമമാക്കുന്നതിനും പേപ്പർ രഹിത ഭരണത്തിലേക്ക് നീങ്ങുന്നതിനുമുള്ള ശ്രമങ്ങളുടെ ഭാഗമായാണ് സഹേല്‍ ആപ്പ് വഴി സേവനങ്ങള്‍ ആരംഭിച്ചത്. സിവില്‍ സര്‍വീസ് കമ്മീഷന്‍റെ (സിഎസ്സി) ഔദ്യോഗിക എക്സ് അക്കൗണ്ടിൽ പ്രസിദ്ധീകരിച്ച ഒരു പ്രസ്താവനയിൽ, കുട്ടികൾക്കും ഭാര്യമാര്‍ക്കുമുള്ള സോഷ്യൽ അലവൻസുകൾ നിർത്തലാക്കാനുള്ള അഭ്യർഥനകൾ, ഭാര്യമാർക്കുള്ള സോഷ്യൽ അലവൻസുകൾ വിതരണം ചെയ്യുന്നതിനുള്ള അഭ്യർഥനകൾ, മകന്റെ അലവൻസിനുള്ള അപേക്ഷകൾ, കുട്ടികളുടെ ആരോഗ്യനിലയും അലവൻസുകളും ഭേദഗതി ചെയ്യുന്നതിനുള്ള അഭ്യർഥനകൾ എന്നിവ പുതിയ സേവനങ്ങളിൽ ഉൾപ്പെടുന്നെന്ന് സിഎസ്സി വ്യക്തമാക്കി. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/EeM9kQDbfi48HR9CEHANYT നേരിട്ടുള്ള സന്ദർശനങ്ങളുടെ ആവശ്യകത ഇല്ലാതാക്കുകയും സമയവും പരിശ്രമവും ലാഭിക്കുകയും ചെയ്യുന്നതിലൂടെ ഉപയോക്താക്കൾക്ക് സർക്കാർ സേവനങ്ങളിലേക്ക് തടസമില്ലാത്ത ആക്‌സസ് നൽകുക എന്നതാണ് ഈ സംരംഭത്തിന്റെ ലക്ഷ്യം. സർക്കാർ സ്ഥാപനങ്ങളിലുടനീളം ഡിജിറ്റൽ പരിവർത്തനം വർധിപ്പിക്കുന്നതിനും പൗരന്മാർക്ക് പൊതുസേവനങ്ങളുടെ കാര്യക്ഷമതയും പ്രവേശനക്ഷമതയും മെച്ചപ്പെടുത്തുന്നതിനുമുള്ള സിഎസ്‌സിയുടെ തന്ത്രത്തിന് അനുസൃതമായാണ് ഈ നീക്കം.
Comments (0)