Heart Attack Warning ദുബായിൽ ദീപാവലി ആഘോഷത്തിനിടെ കുഴഞ്ഞുവീണ് മരിച്ച 18കാരനായ ഇന്ത്യൻ വിദ്യാർഥി വൈഷ്ണവ് കൃഷ്ണകുമാറിൻ്റെ ആകസ്മിക വിയോഗം കൗമാരക്കാരിലെ മറഞ്ഞിരിക്കുന്ന ഹൃദയ രോഗങ്ങളെക്കുറിച്ച് രക്ഷിതാക്കൾക്കിടയിൽ അടിയന്തര ചോദ്യങ്ങൾ ഉയർത്തിയിരിക്കുകയാണ്. കൗമാരക്കാരിൽ പെട്ടെന്നുള്ള ഹൃദയസ്തംഭനംഅപൂർവമാണെങ്കിലും അടിസ്ഥാനപരമായ പ്രശ്‌നങ്ങൾ കണ്ടുപിടിക്കാതെ പോയാൽ മുന്നറിയിപ്പില്ലാതെ സംഭവിക്കാമെന്ന് ഡോക്ടർമാർ പറയുന്നു. വൈഷ്ണവ് ആരോഗ്യവാനും സജീവവുമായിരുന്നുവെന്നും അറിയപ്പെടുന്ന ആരോഗ്യപ്രശ്‌നങ്ങളൊന്നും ഉണ്ടായിരുന്നില്ലെന്നും കുടുംബം അറിയിച്ചു. സുഹൃത്തുക്കളോടൊപ്പം നൃത്തം ചെയ്ത ശേഷം ക്ഷീണിതനായി ഇരുന്ന ഉടൻ കുഴഞ്ഞുവീഴുകയായിരുന്നുവെന്ന് ഫോറൻസിക് കണ്ടെത്തലുകൾ സൂചിപ്പിക്കുന്നു. ഉടൻ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HuesNH995JB1pzMH2WOjXy ഇത്തരം കേസുകൾ അസാധാരണമാണെങ്കിലും (ഓരോ വർഷവും ഒരു ലക്ഷം കുട്ടികളിൽ 1-2 പേരെയാണ് ബാധിക്കുന്നത്), രോഗനിർണയം നടത്താത്ത ഹൃദയത്തിലെ അപാകതകളുമായി ഇവ ബന്ധപ്പെട്ടിരിക്കുന്നതായി ഡോക്ടർമാർ ‘ഗൾഫ് ന്യൂസി’നോട് പറഞ്ഞു. “യുവജനങ്ങളിൽ പെട്ടെന്നുള്ള ഹൃദയസംഭവങ്ങൾ അപൂർവമാണ്, പക്ഷേ അവ സംഭവിക്കുമ്പോൾ, കുടുംബങ്ങൾ ഉത്തരങ്ങൾക്കായി പരക്കം പായേണ്ടിവരും,” എൽഎൽഎച്ച് മുസഫയിലെ കൺസൾട്ടൻ്റ് കാർഡിയോളജിസ്റ്റ് ഡോ. ജമുന ദേവി പറഞ്ഞു. “ഈ ദുരന്തങ്ങളിൽ പലതും വൈകി മാത്രം ശ്രദ്ധിക്കപ്പെടുന്ന നിശ്ശബ്ദമായ ഹൃദയ രോഗങ്ങളുമായി ബന്ധപ്പെട്ടിരിക്കുന്നു. എന്താണ് ശ്രദ്ധിക്കേണ്ടതെന്നും ഒരു അടിയന്തിര സാഹചര്യത്തിൽ എങ്ങനെ പ്രവർത്തിക്കണമെന്നും അറിയുന്നത് വലിയ മാറ്റമുണ്ടാക്കും.”
യുഎഇയിലെ പുതിയ ജോലി ഒഴിവുകൾ അറിയുവാൻ ഇവിടെ ക്ലിക്ക് ചെയ്യുക
ചെലവ് 300 കോടി; യുഎഇ – ഒമാന്‍ റൂട്ടില്‍ ആഴ്ചയില്‍ ഏഴ് ട്രെയിനുകള്‍
UAE OMAN cargo rail അബുദാബി/മസ്കത്ത്:യുഎഇയും ഒമാനും സംയുക്തമായി ആരംഭിക്കുന്ന ചരക്ക് ട്രെയിൻ സർവീസ് പ്രഖ്യാപിച്ചു. ഇരു രാജ്യങ്ങളുടെയും സംയുക്ത സംരംഭമായ ‘ഹഫീത് റെയിലി’ലാണ് അബുദാബി-സോഹാർ റൂട്ടിൽ ആഴ്ചയിൽ 7 ട്രെയിനുകൾ സർവീസ് നടത്തുക. ഈ കാർഗോ ട്രെയിൻ സർവീസ് ആരംഭിക്കുന്ന തീയതി ഇതുവരെ പ്രഖ്യാപിച്ചിട്ടില്ലെങ്കിലും, ഇത് ഇരുരാജ്യങ്ങൾക്കുമിടയിലെ ചരക്കുനീക്കത്തിൻ്റെ ചെലവ് ഗണ്യമായി കുറയ്ക്കും. ഇത് സംബന്ധിച്ച് എ.ഡി. പോർട്സ് ഗ്രൂപ്പിൻ്റെ നോതം ലോജിസ്റ്റിക്സ് കമ്പനി ഹഫീത് റെയിലുമായി കരാറിൽ ഒപ്പുവെച്ചു. ഇരുരാജ്യങ്ങൾക്കുമിടയിലെ ചരക്ക് ഗതാഗതം ശക്തിപ്പെടുത്തുകയാണ് ഈ സംരംഭത്തിൻ്റെ പ്രധാന ലക്ഷ്യം. ഒരു ട്രെയിനിന് 276 ടി.ഇ.യു (20 അടി നീളമുള്ള കണ്ടെയ്‌നർ) ചരക്ക് കൈകാര്യം ചെയ്യാൻ ശേഷിയുണ്ടാകും. ഇതുവഴി പ്രതിവർഷം 193,200 ടി.ഇ.യു ചരക്ക് നീക്കം ചെയ്യാൻ സാധിക്കും. 238 കിലോമീറ്റർ ദൈർഘ്യമുള്ള ഹഫീത് റെയിൽ പദ്ധതി 300 കോടി ഡോളർ ചെലവിലാണ് നിർമ്മിക്കുന്നത്. തുടക്കത്തിൽ ചരക്ക് നീക്കത്തിനാണ് മുൻഗണനയെങ്കിലും, പിന്നീട് പാസഞ്ചർ ട്രെയിൻ സർവീസുകൾ ആരംഭിക്കാനും പദ്ധതിയുണ്ട്.
കടല്‍ മുത്തിന്‍റെ ആകൃതി, അഞ്ച് നിലകള്‍, ദുബായിലെ മ്യൂസിയം സന്ദർശകർക്കായി തുറക്കുന്നു
Dubai Museum Of Art സന്ദര്‍ശകര്‍ക്കായി തുറന്ന് ദുബായ് മ്യൂസിയം ഓഫ് ആർട്ട് (ദുബായ് കലാ മ്യൂസിയം). യുഎഇ വൈസ് പ്രസിഡൻ്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം പ്രഖ്യാപിച്ച ഈ മ്യൂസിയം, ദുബായിയുടെ സാംസ്കാരികവും കലാപരവുമായ തനിമ വിളിച്ചോതുന്നതാണ്. ബുർജ് ഖലീഫ, മ്യൂസിയം ഓഫ് ദി ഫ്യൂച്ചർ എന്നിവ പോലെ ദുബായിയുടെ വാസ്തുവിദ്യാ വിസ്മയങ്ങളുടെ പട്ടികയിലേക്ക് ഇതും ഇടം നേടി. ലോകപ്രശസ്ത ജാപ്പനീസ് ആർക്കിടെക്റ്റായ തഡാവോ ആൻഡോയാണ് അഞ്ച് നിലകളുള്ള ഈ മ്യൂസിയം രൂപകൽപ്പന ചെയ്തിരിക്കുന്നത്. കടലിലെ മുത്തിൽ നിന്ന് പ്രചോദനം ഉൾക്കൊണ്ടാണ് ഇതിൻ്റെ ഘടന. മധ്യഭാഗത്തെ വൃത്താകൃതിയിലുള്ള ജാലകം വഴി സൂര്യപ്രകാശം അകത്തേക്ക് പ്രവേശിക്കുമ്പോൾ, മ്യൂസിയം ഒരു തിളക്കമുള്ള മുത്തുപോലെ ദൃശ്യമാകും. ആധുനികവും സമകാലികവുമായ കലാരൂപങ്ങൾ പ്രദർശിപ്പിക്കുന്ന ഗാലറികളാണ് ഇവിടെയുള്ള പ്രധാന ആകർഷണം. ഒരു ലൈബ്രറി, പഠനയിടം, കഫേ എന്നിവ കൂടാതെ, ദുബായ് ക്രീക്കിൻ്റെ മനോഹാരിത ആസ്വദിക്കാൻ പ്രത്യേക വ്യൂ പോയിൻ്റുകളും മ്യൂസിയത്തിലുണ്ട്. സർക്കാർ-സ്വകാര്യ പങ്കാളിത്തത്തോടെയാണ് ഈ പദ്ധതി നടപ്പിലാക്കിയത്. കലയ്ക്കും സംസ്കാരത്തിനുമായി ലോകത്തെ ഒരുമിപ്പിക്കുന്ന ഒരു വേദി ഒരുക്കുക എന്നതാണ് ഈ സംരംഭത്തിൻ്റെ ലക്ഷ്യം.
