Flight Issue ദുബായ്: ആറായിരത്തിലേറെ വിമാനങ്ങളിലെ സുരക്ഷാ പ്രതിസന്ധി ഒട്ടേറെ പ്രവാസികളെ ആശങ്കയിലാക്കിയിരിക്കുകയാണ്. ലോകത്തിലെ ഏറ്റവും വലിയ വിമാന നിർമാതാക്കളായ എയർ ബസിന്റെ എ-320 വിമാനങ്ങളിലെ സുരക്ഷാ പ്രതിസന്ധിയാണ് വിമാനയാത്രികരെ ആശങ്കയിലാക്കിയിരിക്കുന്നത്. എയർബസ് എ320 ജെറ്റുകളിലെ ഫ്‌ലൈറ്റ്-കൺട്രോൾ ഡേറ്റ ഉയർന്ന തോതിലുള്ള സൗരോർജ്ജ വികിരണത്തിന് ഇരയാകുമെന്ന് കണ്ടെത്തിയതിനെത്തുടർന്ന് യൂറോപ്യൻ സുരക്ഷാ സമിതി അടിയന്തര നിർദേശം പുറപ്പെടുവിച്ചിട്ടുണ്ട്.

ഫ്‌ലൈറ്റ് നിയന്ത്രണങ്ങളുടെ പ്രവർത്തനത്തിന് നിർണായകമായ ഡേറ്റയെ തീവ്രമായ ‘സൗരോർജ്ജ വികിരണം’ പ്രതികൂലമായി ബാധിച്ചേക്കാമെന്നാണ് സാഹചര്യം വിശകലനം ചെയ്ത് എയർബസ് വ്യക്തമാക്കിയിട്ടുള്ളത്. A320, A320neo കുടുംബങ്ങളിലെ ഏകദേശം 6,000 വിമാനങ്ങൾക്ക് അറ്റുകറ്റപണി ആവശ്യമായി വന്നേക്കാം എന്നാണ് വിലയിരുത്തൽ. അതേസമയം, ഇവയിൽ 85 ശതമാനവും തങ്ങളുടെ പഴയ സോഫ്റ്റ് വെയർ പതിപ്പിലേക്ക് മടങ്ങുന്നതിലൂടെ പ്രശ്‌നം പരിഹരിക്കാനാകും. ബാക്കിയുള്ളവയുടെ ഹാർഡ് വെയർ അപ്ഡേറ്റ് ചെയ്യേണ്ടി വരും. പഴയ സോഫ്റ്റ് വെയർ വേർഷനിലേക്ക് മടങ്ങുന്നതാണ് ഇതിനുള്ള പരിഹാരം. സാങ്കേതികമായി ലളിതമാണെങ്കിലും വിമാനം സർവീസിന് ഉപയോഗിക്കാൻ ഇത് പൂർത്തിയാക്കേണ്ടത് അത്യാവശ്യമാണ്. ലോകമെങ്ങും നിരവധി സർവീസുകളെ ഇത് പ്രതികൂലമായി ബാധിക്കുമെന്നാണ് റിപ്പോർട്ടുകൾ. അടുത്തിടെ വിദേശത്ത് ഒരു എ320 വിമാനത്തിനുണ്ടായ അപകടത്തെത്തുടർന്ന് നടത്തിയ പരിശോധനയിൽ എലിവേറ്റർ എയ്ലറോൺ കമ്പ്യൂട്ടർ സംവിധാനത്തിലെ തകരാറാണ് വിമാനം പെട്ടെന്ന് താഴേക്ക് കുത്തനെ പോകാൻ കാരണമായതെന്ന് കണ്ടെത്തിയിരുന്നു. ഇതിന് പിന്നാലെയാണ് മറ്റ് വിമാനങ്ങളിലും പരിശോധന നടത്താൻ തീരുമാനിച്ചത്.

APPLY NOW FOR THE LATEST VACANCIES

Compensation വാഹനാപകടത്തിൽ 14 കാരിയുടെ കിഡ്‌നി തകരാറിലായി; 350,000 ദിർഹം നഷ്ടപരിഹാരം നൽകണമെന്ന് ഉത്തരവിട്ട് യുഎഇ കോടതി

Compensation അബുദാബി: വാഹനാപകടത്തെ തുടർന്ന് 14 കാരിയുടെ കിഡ്‌നി തകരാറിലായ സംഭവത്തിൽ 350,000 ദിർഹം നഷ്ടപരിഹാരം നൽകണമെന്ന് ഉത്തരവിട്ട് യുഎഇ കോടതി. അബുദാബി സിവിൽ ഫാമിലി കോടതിയാണ് ഇതുസംബന്ധിച്ച ഉത്തരവിട്ടത്. പെൺകുട്ടിയുടെ രക്ഷിതാവിനാണ് നഷ്ടപരിഹാരം നൽകേണ്ടത്. ഇലക്ട്രിക് സ്‌കൂട്ടറിൽ റോഡ് ക്രോസ് ചെയ്യുന്നതിനിടെയാണ് വാഹനാപകടം ഉണ്ടായത്. ഒരു സ്ത്രീ ഓടിച്ച വാഹനമാണ് പെൺകുട്ടിയെ ഇടിച്ചത്.

അപകടത്തിൽ പരിക്കേറ്റ പെൺകുട്ടിയ്ക്ക് വലത് കിഡ്‌നി പൂർണ്ണമായും നീക്കം ചെയ്യേണ്ടി വന്നു. വലത് അഡ്രിനൽ ഗ്രന്ഥിയും നീക്കം ചെയ്തു. പെൺകുട്ടിയുടെ അച്ഛനാണ് നഷ്ടപരിഹാരം ആവശ്യപ്പെട്ട് കേസ് ഫയൽ ചെയ്തത്. അശ്രദ്ധമായി വാഹനമോടിച്ചതാണ് അപകട കാരണമെന്നായിരുന്നു കോടതിയിൽ പെൺകുട്ടിയുടെ പിതാവ് വാദിച്ചത്. എന്നാൽ പെൺകുട്ടിയുടെ ഭാഗത്ത് നിന്നുണ്ടായ വീഴ്ച്ചയാണ് അപകടത്തിന് കാരണമായതെന്നായിരുന്നു പ്രതിഭാഗത്തിന്റെ വാദം. എന്നാൽ, കോടതി ഈ വാദങ്ങളെല്ലാം തള്ളിക്കളഞ്ഞു.

RTA Advisory യുഎഇ ദേശീയ ദിനം; യാത്രക്കാർക്ക് നിർദ്ദേശവുമായി ആർടിഎ

RTA Advisory ദുബായ്: യുഎഇ ദേശീയ ദിനാഘോഷ അവധിയോടനുബന്ധിച്ച് വിമാനയാത്രികർക്ക് നിർദ്ദേശവുമായി ആർടിഎ. വിമാനത്താവള യാത്രക്കാർ മുൻകൂട്ടി യാത്രകൾ ആസൂത്രണം ചെയ്യണമെന്നും ഗതാഗത തടസ്സങ്ങൾ ഒഴിവാക്കണമെന്നും റോഡ്‌സ് ആൻഡ് ട്രാൻസ്‌പോർട്ട് അതോറിറ്റി ( ആർടിഎ ) അഭ്യർത്ഥിച്ചു. ആഘോഷങ്ങൾക്കായി നഗരത്തിലേക്ക് വരികയാണെങ്കിലും ദുബായ് അന്താരാഷ്ട്ര വിമാനത്താവളം വഴി യാത്ര ചെയ്യുകയാണെങ്കിലും, ദുബായ് മെട്രോ ടെർമിനലുകൾ 1, 3 എന്നിവയിലേക്ക് എളുപ്പത്തിൽ എത്തിച്ചേരാവുന്ന വേഗതയേറിയതും സൗകര്യപ്രദവുമായ ഓപ്ഷൻ വാഗ്ദാനം ചെയ്യുന്നുണ്ട്. തിരക്കേറിയ സമയങ്ങളിൽ നേരത്തെയിറങ്ങാൻ ശ്രദ്ധിക്കണം. മെട്രോ സർവ്വീസുകൾ ഉപയോഗിക്കുന്നത് ഗതാഗത തിരക്ക് കുറയ്ക്കും. സുഖകരമായ യാത്രയ്ക്കും ഇത് സഹായിക്കും.

യാത്രക്കാർ തങ്ങളുടെ നോൾ കാർഡുകളിൽ മതിയായ ബാലൻസ് ഉണ്ടെന്ന് ഉറപ്പാക്കണം. മെട്രോ ജീവനക്കാരുടെ നിർദ്ദേശങ്ങൾ പാലിക്കണം, തിരക്കേറിയ സമയങ്ങളിൽ വ്യക്തിഗത ഇടം നിലനിർത്തി സുരക്ഷിതവും സുഗമവുമായ യാത്ര ഉറപ്പാക്കണം.

ലഗേജ് നിയമങ്ങളെ കുറിച്ചും ആർടിഎ വിശദീകരിച്ചു. ഓരോ യാത്രക്കാരനും രണ്ട് ലഗേജുകളാണ് അനുവദിച്ചിരിക്കുന്നത്.

*വലിയ സ്യൂട്ട്‌കേസ്: പരമാവധി 81 × 58 × 30 സെ.മീ.
*ചെറിയ സ്യൂട്ട്‌കേസ്: പരമാവധി 55 × 38 × 20 സെ.മീ.

സുരക്ഷയ്ക്കും സൗകര്യത്തിനുമായി എല്ലാ ലഗേജുകളും ഓരോ ക്യാബിനിനുള്ളിലും നിയുക്ത സ്ഥലങ്ങളിൽ സൂക്ഷിക്കണം.

Traffic Guidelines യുഎഇ ദേശീയദിനം; ട്രാഫിക് നിർദ്ദേശങ്ങൾ പുറപ്പെടുവിച്ച് ദുബായ് പോലീസ്

Traffic Guidelines ദുബായ്: യുഎഇ ദേശീയ ദിനാഘോഷങ്ങളോടനുബന്ധിച്ച് ട്രാഫിക് നിർദ്ദേശങ്ങൾ പുറപ്പെടുവിച്ച് ദുബായ് പോലീസ്. ജനങ്ങളുടെ സുരക്ഷയും സമാധാനവും ഉറപ്പു വരുത്തുന്നതിന്റെ ഭാഗമായാണ് നടപടി. ഗതാഗത തടസങ്ങളും അപകടങ്ങളും പരമാവധി കുറയ്ക്കുന്നതിന്റെ ഭാഗമായാണ് ദുബായ് പോലീസ് ജനങ്ങൾക്കായി ഗതാഗത മാർഗനിർദ്ദേശങ്ങൾ പുറപ്പെടുവിച്ചിരിക്കുന്നത്.

ജനങ്ങൾ ട്രാഫിക് നിയമങ്ങൾ പാലിക്കണമെന്ന് ജനറൽ ഡിപ്പാർട്ട്‌മെന്റ് ഓഫ് ട്രാഫിക് ഡയറക്ടർ ബ്രിഗേഡിയർ ജുമാ സലിം ബിൻ സുവൈദാൻ വ്യക്തമാക്കി. ദേശീയ അവധി ദിനങ്ങൾ സുരക്ഷിതമാക്കാനും ഗതാഗതം സുഗമമാക്കാനും അനുചിതമായ ഡ്രൈവിംഗ് രീതികൾ കുറയ്ക്കുന്നതിനും ആഘോഷവേളകളിലെ പെരുമാറ്റങ്ങൾ പാലിക്കേണ്ടതിന്റെ പ്രാധാന്യത്തെക്കുറിച്ച് അദ്ദേഹം ചൂണ്ടിക്കാട്ടി.

വാഹനങ്ങളുടെ മുന്നിലും പിന്നിലുമുള്ള നമ്പർ പ്ലേറ്റുകൾ മറച്ചുവയ്ക്കുന്ന രീതിയിൽ അലങ്കരിക്കരുതെന്നാണ് ദുബായ് പോലീസ് നൽകിയിരിക്കുന്ന നിർദേശം. വാഹനങ്ങളുടെ നിറങ്ങൾ, വിൻഡോ ടിന്റിന്റെ നിറം എന്നിവയിൽ മാറ്റം വരുത്താൻ പാടില്ല. വാഹനങ്ങളിൽ ഔദ്യോഗിക ഈദുൽ ഇത്തിഹാദ് ലോഗോ ഒഴികെ മറ്റ് സ്റ്റിക്കറുകൾ ഒട്ടിക്കരുതെന്നും നിർദ്ദേശമുണ്ട്.

റോഡുകളിൽ ഗതാഗതം തടസ്സം ഉണ്ടാക്കാനോ വാഹനങ്ങളിൽ അഭ്യാസങ്ങൾ കാണിക്കാനോ പാടില്ല. വാഹനങ്ങളിൽ കയറ്റേണ്ട യാത്രക്കാരുടെ പരിധികൾ പാലിക്കണം. സൺറൂഫിലൂടെയും വിൻഡോയിലൂടെയും അഭ്യാസങ്ങൾ കാണിക്കരുത്. അമിതമായ ശബ്ദത്തിന് ഇടയാക്കുന്ന രീതിയിൽ വാഹനങ്ങളിൽ മാറ്റങ്ങൾ വരുത്താൻ അനുവദിക്കില്ല. നിയമലംഘനങ്ങൾ ശ്രദ്ധയിൽപ്പെട്ടാൽ പോലീസ് ഐ സർവീസിലോ 901 എന്നാൽ നമ്പറിലോ റിപ്പോർട്ട് ചെയ്യണം.

അതേസമയം അവധി ദിനങ്ങളിൽ നഗരത്തിലെ പ്രധാന റോഡുകളിൽ പോലീസ് പെട്രോളിൽ ശക്തമാക്കുമെന്നാണ് അധികൃതർ വ്യക്തമാക്കുന്നത്. ആഘോഷ പരിപാടികൾ നടക്കുന്ന സ്ഥലങ്ങൾ സുരക്ഷിതമാക്കുകയും ദുരിത പ്രതികരണ സേനകളുടെ സാന്നിധ്യം ശക്തിപ്പെടുത്തുകയും ചെയ്യും. ബർദുബായിൽ സെക്കൻഡ് ഡിസംബർ സ്ട്രീറ്റ്, ജുമൈറ, അൽ റാഷിദിയ, അൽ ഖലീജ് സ്ട്രീറ്റ്, അൽ ഇത്തിഹാദ് സ്ട്രീറ്റ്, അമ്മാൻ സ്ട്രീറ്റ്, യൂണിവേഴ്‌സിറ്റി സിറ്റി എന്നിവിടങ്ങളിലാണ് പെട്രോളിങ് സംഘങ്ങളെ നിയോഗിക്കുന്നത്. എല്ലാ ഡ്രൈവർമാരും ട്രാഫിക് നിയമങ്ങൾ പാലിക്കുന്നുണ്ടെന്ന് ഈ സംഘം ഉറപ്പുവരുത്തും.

Free Parking ദേശീയദിന അവധി: മൂന്ന് ദിവസം സൗജന്യ പാർക്കിംഗ് പ്രഖ്യാപിച്ച് യുഎഇയിലെ ഈ എമിറേറ്റ്…

Free Parking ദുബായ്: ദുബായിൽ മൂന്ന് ദിവസം സൗജന്യ പൊതു പാർക്കിംഗ് പ്രഖ്യാപിച്ചു. യുഎഇ ദേശീയ ദിന അവധിയോട് അനുബന്ധിച്ചാണ് നടപടി. നവംബർ 30 ഞായറാഴ്ച്ചയും ഈദ് അൽ ഇത്തിഹാദ് അവധിയായ ഡിസംബർ 1 തിങ്കളാഴ്ച്ചയും ഡിസംബർ 2 ചൊവ്വാഴ്ച്ചയും പൊതു പാർക്കിംഗ് സൗജന്യമായിരിക്കും. ഡിസംബർ 3 ബുധനാഴ്ച മുതൽ പാർക്കിംഗ് ഫീസ് വീണ്ടും ഈടാക്കി തുടങ്ങുമെന്നാണ് അറിയിപ്പ്. ദുബായ് റോഡ് ആൻഡ് ട്രാൻസ്‌പോർട്ട് അതോറിറ്റിയാണ് ഇക്കാര്യം അറിയിച്ചത്.

മൾട്ടി-സ്റ്റോറി കാർ പാർക്കുകളിലും അൽ ഖൈൽ ഗേറ്റ് N-365ലും സൗജന്യ പാർക്കിംഗ് ബാധകമായിരിക്കില്ലെന്നും അധികൃതർ വ്യക്തമാക്കി. അതേസമയം, ദേശീയദിനാഘോഷങ്ങളോടനുബന്ധിച്ച് ദുബായ് മെട്രോയുടെ പ്രവർത്തന സമയത്തിലും മാറ്റം വരുത്തി. നവംബർ 29 ശനിയാഴ്ച്ച രാവിലെ അഞ്ച് മണി മുതൽ രാത്രി 1 മണി വരെയായിരിക്കും ദുബായ് മെട്രോയുടെ പ്രവർത്തന സമയം. നവംബർ 30 ഞായറാഴ്ച്ച രാവിലെ 8 മണി മുതൽ രാത്രി 1 മണി വരെയായിരിക്കും ദുബായ് മെട്രോ പ്രവർത്തിക്കുക. ഡിസംബർ 1, 2 തീയതികളിൽ 5 am മുതൽ 1 am വരെയായിരിക്കും മെട്രോ പ്രവർത്തിക്കുകയെന്നും ആർടിഎ അറിയിച്ചു.

നവംബർ 29 ന് 6 am മുതൽ 1 am വരെയായിരിക്കും ദുബായ് ട്രാം സമയക്രമം. നവംബർ 30ന് 9 am മുതൽ 1 am വരെയും ഡിസംബർ 1, 2 തീയതികളിൽ 6 am മുതൽ 1 am വരെയുമായിരിക്കും ദുബായ് ട്രാം പ്രവർത്തിക്കുന്നത്.

യുഎഇ ദേശീയദിനത്തിന് ഏതാനും ദിവസങ്ങള്‍ മാത്രം; മാര്‍ഗനിര്‍ദേശങ്ങളും നിരോധിക്കപ്പെട്ട കാര്യങ്ങളും അറിയാം

UAE National Day അബുദാബി: 54-ാമത് ദേശീയ ദിനം ആഘോഷിക്കാൻ യുഎഇ ഒരുങ്ങിക്കഴിഞ്ഞു. രാജ്യത്തെ താമസക്കാർക്ക് നാല് ദിവസം ശമ്പളത്തോടു കൂടിയ അവധി ലഭിക്കും. ദേശീയ ദിനാഘോഷങ്ങൾക്കായുള്ള അന്തിമ തയ്യാറെടുപ്പുകൾ നടക്കുന്നതിനിടെ, അവധിക്കാലം സുരക്ഷിതവും ആസ്വാദ്യകരവുമാക്കാൻ ആഭ്യന്തര മന്ത്രാലയം കർശനമായ മാർഗ്ഗനിർദ്ദേശങ്ങൾ പുറത്തിറക്കി. ആഘോഷങ്ങൾ റോഡ് സുരക്ഷയ്ക്ക് ഭീഷണിയാവരുത് എന്ന് അധികൃതർ മുന്നറിയിപ്പ് നൽകി. 

പാലിക്കേണ്ട മാർഗ്ഗനിർദ്ദേശങ്ങൾ:

വാഹനങ്ങളിൽ ഔദ്യോഗിക ‘ഈദ് അൽ ഇത്തിഹാദ്’ സ്റ്റിക്കറുകൾ ഉപയോഗിക്കുക.

ദേശീയ ദിനം പ്രമാണിച്ച് യു.എ.ഇ. പതാക ഉയർത്തുക.

ജീവന് അപകടമുണ്ടാക്കുകയോ ട്രാഫിക് തടസ്സപ്പെടുത്തുകയോ ചെയ്യുന്ന പ്രവർത്തനങ്ങൾക്കെതിരെ കർശന മുന്നറിയിപ്പ് നൽകിയിട്ടുണ്ട്.

നിരോധിക്കപ്പെട്ട കാര്യങ്ങൾ (കർശന നടപടി):

ദേശീയ ദിനാഘോഷങ്ങളുടെ മറവിൽ ചെയ്യാൻ പാടില്ലാത്ത കാര്യങ്ങൾ ഇവയാണ്:

അംഗീകാരമില്ലാത്ത പരേഡുകളിലോ കൂട്ടായ്മകളിലോ പങ്കെടുക്കുക.
ട്രാഫിക് തടസ്സപ്പെടുത്തുകയോ പൊതു റോഡുകൾ തടയുകയോ ചെയ്യുക.
സ്റ്റണ്ട് ഡ്രൈവിംഗ് നടത്തുക.
വാഹനത്തിന്‍ററെ വിൻഡോകളിലൂടെയോ സൺറൂഫുകളിലൂടെയോ പുറത്തേക്ക് തൂങ്ങിക്കിടക്കുക.
വാഹനങ്ങളിൽ അമിതമായി ആളുകളെ കയറ്റുക.
വിൻഡോകൾ മറയ്ക്കുകയോ ലൈസൻസ് പ്ലേറ്റുകൾ മറച്ചുവെക്കുകയോ ചെയ്യുക.
അംഗീകാരമില്ലാത്ത രൂപമാറ്റം വരുത്തുകയോ അമിതമായ ശബ്ദം ഉണ്ടാക്കുകയോ ചെയ്യുക.
ഈദ് അൽ ഇത്തിഹാദുമായി ബന്ധമില്ലാത്ത സ്കാർഫുകൾ ധരിക്കുക.
യുഎഇയുടെ പതാകയല്ലാതെ മറ്റേതെങ്കിലും പതാകകൾ ഉയർത്തുക.
വാഹനങ്ങളിൽ സ്പ്രേ പെയിന്‍റ് ഉപയോഗിക്കുക.
ഈദ് അൽ ഇത്തിഹാദുമായി ബന്ധപ്പെട്ട സംഗീതമൊഴികെ ഉച്ചത്തിൽ സംഗീതം വെക്കുക.
നിയമം പാലിക്കാത്ത വാഹനങ്ങൾക്കെതിരെ കനത്ത നടപടിയുണ്ടാകുമെന്നും വാഹനങ്ങൾ കണ്ടുകെട്ടുകയും പിഴ ചുമത്തുകയും ചെയ്യും

ദേശീയ ദിനാഘോഷങ്ങളിൽ പങ്കെടുക്കാൻ എല്ലാവരെയും പ്രോത്സാഹിപ്പിക്കുന്നുണ്ടെങ്കിലും, ഈ വേളയിൽ ട്രാഫിക്, സുരക്ഷാ നിയമങ്ങൾ പാലിക്കേണ്ടത് അത്യാവശ്യമാണ്. രാജ്യസ്നേഹം പ്രകടിപ്പിക്കാനുള്ള ഏറ്റവും നല്ല മാർഗ്ഗം യു.എ.ഇ.യുടെ പതാക ഉയർത്തുക എന്നതാണ്. എന്നാൽ, ഇത് കൃത്യമായും ആദരവോടെയും ചെയ്യണം. യുഎഇ പതാക പ്രദർശിപ്പിക്കേണ്ടതിനെക്കുറിച്ച് അധികൃതർ 15 കർശന നിയമങ്ങൾ പുറത്തിറക്കിയിട്ടുണ്ട്. പതാകയുടെ ശരിയായ നിറങ്ങളും അളവുകളും ഉപയോഗിക്കുന്നുണ്ടെന്ന് ഉറപ്പുവരുത്തുക. പതാക വൃത്തിയുള്ളതും നല്ല നിലയിലുള്ളതുമാണെന്ന് ഉറപ്പാക്കണം. കീറിയതോ, നിറം മങ്ങിയതോ, വൃത്തിയില്ലാത്തതോ ആയ പതാകകൾ ഉപയോഗിക്കരുത്. രാജ്യത്തിൻ്റെ ചിഹ്നത്തെ അനാദരിക്കുന്ന രീതിയിൽ ഒരിക്കലും പതാക സ്ഥാപിക്കുകയോ പ്രദർശിപ്പിക്കുകയോ ചെയ്യരുത്. പതാക നിലത്ത് സ്പർശിക്കരുത്. പതാക തലകീഴായി പ്രദർശിപ്പിക്കുന്നത് കർശനമായി നിരോധിച്ചിരിക്കുന്നു. ദേശീയ ചിഹ്നത്തോടുള്ള ആദരം നിലനിർത്തിക്കൊണ്ട് വേണം ഓരോ പൗരനും ദേശീയ ദിനാഘോഷത്തിൽ പങ്കെടുക്കേണ്ടത്.

‘മൃതദേഹം തിരിച്ചറിയാന്‍ സഹായിക്കണം’; പൊതുജനങ്ങളോട് അഭ്യര്‍ഥിച്ച് ദുബായ് പോലീസ്

Dubai Police ദുബായ്: അജ്ഞാതന്‍റെ മൃതദേഹം തിരിച്ചറിയാൻ ദുബായ് പോലീസ് പൊതുജനങ്ങളുടെ സഹായം അഭ്യർഥിച്ചു. അൽ ഖുസൈസ് പോലീസ് സ്റ്റേഷൻ പരിധിയിലാണ് മൃതദേഹം കണ്ടെത്തിയത്. യാതൊരു തിരിച്ചറിയൽ രേഖയും ഇല്ലാതെയാണ് ആ വ്യക്തിയെ കണ്ടെത്തിയത്. ആരും അദ്ദേഹത്തെ കാണാതായതായി റിപ്പോർട്ട് ചെയ്യാൻ മുന്നോട്ട് വന്നിട്ടില്ലെന്ന് അധികൃതർ പറഞ്ഞു. മരണകാരണം നിർണയിക്കുന്നതിനായി മൃതദേഹം ജനറൽ ഡിപ്പാർട്ട്‌മെന്റ് ഓഫ് ഫോറൻസിക് സയൻസ് ആൻഡ് ക്രിമിനോളജിയിലെ ഫോറൻസിക് വകുപ്പിലേക്ക് പരിശോധനയ്ക്കായി മാറ്റിയിരിക്കുന്നു. മരിച്ചയാളെ തിരിച്ചറിയാൻ കഴിയുന്നവർക്കോ പ്രസക്തമായ എന്തെങ്കിലും വിവരങ്ങൾ ഉള്ളവർക്കോ 901 എന്ന നമ്പറിൽ ദുബായ് പോലീസ് കോൾ സെന്ററുമായി ബന്ധപ്പെടാൻ അൽ ഖുസൈസ് പോലീസ് സ്റ്റേഷൻ അഭ്യർത്ഥിച്ചു. ദുബായിക്ക് പുറത്തുനിന്നുള്ളവർ 04 901 എന്ന നമ്പറിൽ വിളിക്കണം. 

പ്രതീക്ഷിക്കുന്നത് ഒരു കോടിയിലേറെ യാത്രക്കാരെ; വർഷാവസാന അവധിത്തിരക്ക് ഒഴിവാക്കാന്‍ യുഎഇ വിമാനത്താവളങ്ങള്‍

uae airport travel surge അബുദാബി/ ദുബായ്/ഷാർജ ദുബായ്: വർഷാവസാനം ഉണ്ടാകാനിടയുള്ള യാത്രക്കാരുടെ വൻ തിരക്ക് നിയന്ത്രിക്കാൻ യു.എ.ഇ.യിലെ വിമാനത്താവളങ്ങൾ വിപുലമായ ക്രമീകരണങ്ങൾ ഏർപ്പെടുത്തി. ഡിസംബർ 31 വരെയാണ് തിരക്കേറിയ കാലമായി കണക്കാക്കുന്നത്. ദുബായ് രാജ്യാന്തര വിമാനത്താവളത്തിൽ (DXB) മാത്രം ഒരു മാസത്തിനകം ഒരു കോടിയിലധികം യാത്രക്കാരെയാണ് പ്രതീക്ഷിക്കുന്നത്. ദേശീയ ദിനം, ശൈത്യകാല അവധി, ക്രിസ്മസ്, പുതുവത്സരം തുടങ്ങിയ ആഘോഷങ്ങൾ ചേർന്ന് ഒരു മാസത്തിലേറെ അവധിക്ക് വിദേശത്തേക്ക് പോകുന്ന സ്വദേശികളുടെയും വിദേശികളുടെയും എണ്ണം കൂടുന്നതാണ് പ്രധാന കാരണം. കൂടാതെ, ഡി.എസ്.എഫ്. (ദുബായ് ഷോപ്പിംഗ് ഫെസ്റ്റിവൽ) ആഘോഷങ്ങൾക്കായി യു.എ.ഇയിലേക്ക് എത്തുന്ന ടൂറിസ്റ്റുകളുടെ ഒഴുക്കും വർദ്ധിക്കും. യാത്രക്കാരുടെ സൗകര്യാർഥം എയർപോർട്ട് അധികൃതരും വിമാനക്കമ്പനികളും വിപുലമായ തയ്യാറെടുപ്പുകളാണ് നടത്തുന്നത്. ബയോമെട്രിക് സംവിധാനങ്ങൾ ഉൾപ്പെടെയുള്ള ആധുനിക സാങ്കേതികവിദ്യകൾ ഉപയോഗിച്ച് നടപടിക്രമങ്ങൾ വേഗത്തിലാക്കുന്നു. ചെക്ക്-ഇൻ കൗണ്ടറുകൾ, സെക്യൂരിറ്റി, ഇമിഗ്രേഷൻ എന്നിവിടങ്ങളിൽ കൂടുതൽ ജീവനക്കാരെ നിയമിച്ചു. ഇത്തിഹാദ് എയർവേയ്‌സ്, എമിറേറ്റ്‌സ്, ഫ്ലൈ ദുബായ്, എയർ അറേബ്യ തുടങ്ങി ദേശീയ എയർലൈനുകൾ തിരക്കേറിയ സെക്ടറുകളിലേക്ക് അധിക സർവീസുകൾ നടത്താനും കൂടുതൽ ജീവനക്കാരെ വിന്യസിക്കാനും ആലോചിക്കുന്നുണ്ട്. അബുദാബി, ദുബായ്, ഷാർജ, റാസൽഖൈമ, ഫുജൈറ, അൽഐൻ രാജ്യാന്തര വിമാനത്താവളങ്ങളിൽ സുഗമമായ യാത്ര ഉറപ്പാക്കാൻ വിപുലമായ ക്രമീകരണങ്ങൾ ഏർപ്പെടുത്തിയിട്ടുണ്ട്. യാത്രക്കാർ തിരക്ക് ഒഴിവാക്കാൻ ചില മുൻകരുതലുകൾ എടുക്കണം. വിമാനം പുറപ്പെടുന്നതിന് മുക്കാൽ മണിക്കൂർ മുൻപെങ്കിലും വിമാനത്താവളത്തിൽ എത്തി നടപടിക്രമങ്ങൾ പൂർത്തിയാക്കണം. മെട്രോ, ബസ്, ടാക്സി തുടങ്ങിയ പൊതുഗതാഗത സംവിധാനങ്ങൾ ഉപയോഗിക്കാൻ നിർദ്ദേശമുണ്ട്. സ്വന്തം വാഹനങ്ങളിൽ വരുന്നവർ നേരത്തെ പുറപ്പെടണം. തിരക്ക് ഒഴിവാക്കാനായുള്ള നൂതന സേവനങ്ങൾ പ്രയോജനപ്പെടുത്തണം. ചെക്ക്-ഇൻ കൗണ്ടറുകളിൽലെ നീണ്ട കാത്തിരിപ്പ് ഒഴിവാക്കാൻ അതത് വിമാനക്കമ്പനികളുടെ വെബ്സൈറ്റോ മൊബൈൽ ആപ്പോ ഉപയോഗിച്ച് ഓൺലൈനായി ചെക്ക്-ഇൻ ചെയ്യാം. നഗരത്തിന്റെ വിവിധ ഭാഗങ്ങളിൽ പ്രവർത്തിക്കുന്ന റിമോട്ട് ചെക്ക്-ഇൻ സെന്ററുകളുടെ സേവനം പ്രയോജനപ്പെടുത്താം. ഇവിടെ യാത്ര പുറപ്പെടുന്നതിന് 24 മുതൽ 4 മണിക്കൂർ മുൻപു വരെ ബാഗേജ് കൈമാറി ബോർഡിങ് പാസ് വാങ്ങിയാൽ വിമാനത്താവളത്തിലെ തിരക്കിൽനിന്ന് രക്ഷപ്പെടാം. അബുദാബിയിൽ മുറൂർ റോഡിലെ ഇത്തിഹാദ് എയർവേയ്‌സ് ടിക്കറ്റിങ് ഓഫിസ്, മിനാ ക്രൂസ് ടെർമിനൽ, മുസഫ ഷാബിയ-11, യാസ് ഐലൻഡിലെ ക്രൗൺ പ്ലാസ എന്നിവിടങ്ങളിൽ ചെക്ക്-ഇൻ സംവിധാനങ്ങളുണ്ട്. ബയോമെട്രിക് വിവരങ്ങൾ നേരത്തെ റജിസ്റ്റർ ചെയ്താൽ സ്മാർട് ഗേറ്റുകൾ ഉപയോഗിച്ച് എളുപ്പം നടപടിക്രമങ്ങൾ പൂർത്തിയാക്കാം. അബുദാബി, ദുബായ് രാജ്യാന്തര വിമാനത്താവളങ്ങളിൽ യാത്ര ചെയ്യുന്നവർക്ക് ഈ സംവിധാനം ഗുണകരമാകും. യാത്രക്കാർ വിമാനം പുറപ്പെടുന്ന സമയം ഒന്നുകൂടി ഉറപ്പുവരുത്തണം. വിമാനക്കമ്പനിയുടെ വെബ്സൈറ്റിലൂടെയോ മൊബൈൽ ആപ്പിലൂടെയോ ട്രാവൽ ഏജൻസികളിലൂടെയോ അന്വേഷിച്ച് ഇത് ഉറപ്പാക്കാം.

യുഎഇ ട്രാഫിക് മുന്നറിയിപ്പ്: ഈ റൂട്ടുകളിൽ ഗതാഗതക്കുരുക്ക്, പ്രധാന റോഡുകൾ ഒഴിവാക്കുക

UAE traffic alert ദുബായ്/ഷാർജ: യുഎഇയിലെ പ്രധാന പാതകളിൽ ഇന്ന് (വെള്ളിയാഴ്ച) രാവിലെ തിരക്കേറിയ സമയത്ത് കനത്ത ഗതാഗതക്കുരുക്ക് അനുഭവപ്പെട്ടു. ഷാർജയെയും ദുബായിയെയും ബന്ധിപ്പിക്കുന്ന പ്രധാന ഹൈവേകളിലുൾപ്പെടെ വലിയ ഗതാഗത തടസമാണ് അനുഭവപ്പെടുന്നതെന്ന് ഗൂഗിൾ മാപ്‌സ് ഡാറ്റ സൂചിപ്പിക്കുന്നു. ദുബായ് പോലീസ് സാമൂഹിക മാധ്യമങ്ങളിലൂടെ ഡ്രൈവർമാർക്ക് മുന്നറിയിപ്പ് നൽകി. ഡ്രൈവർമാർ ജാഗ്രതയോടെയും ശ്രദ്ധയോടെയും വാഹനം ഓടിക്കണമെന്നും കാൽനട യാത്രക്കാർ, സൈക്കിൾ യാത്രികർ, മറ്റ് റോഡ് ഉപയോക്താക്കൾ എന്നിവരെ ശ്രദ്ധിക്കണമെന്നും ശ്രദ്ധ വ്യതിചലിക്കുന്നത് ഒഴിവാക്കണമെന്നും പോലീസ് ഓർമ്മിപ്പിച്ചു. ഷാർജയിൽ E311, അൽ ഖാൻ, ഇൻഡസ്ട്രിയൽ ഏരിയ 13, അൽ ഖാലിദിയ ഡിസ്ട്രിക്റ്റ് എന്നിവിടങ്ങളിലാണ് ഏറ്റവും വലിയ ഗതാഗത തടസ്സങ്ങൾ അനുഭവപ്പെടുന്നത്. ഇൻഡസ്ട്രിയൽ ഏരിയ 13, അൽ ഖവാനീജ് 2, അൽ റിഖൈബ 2 എന്നിവിടങ്ങളിൽ ഉൾപ്പെടെ നിരവധി അപകടങ്ങളും റിപ്പോർട്ട് ചെയ്തിട്ടുണ്ട്. ഇത് ഗതാഗത തടസ്സം വർധിപ്പിച്ചു. യാത്രക്കാർ കൂടുതൽ യാത്രാ സമയം കണക്കിലെടുക്കാനും, ജാഗ്രതയോടെ വാഹനമോടിക്കാനും, സാധ്യമെങ്കിൽ ഇതര വഴികൾ പരിഗണിക്കാനും അധികൃതർ നിർദ്ദേശിച്ചു.

അറിയിപ്പ്; ഈ വാരാന്ത്യത്തിൽ യുഎഇയിൽ ഉടനീളം തണുത്ത കാറ്റ്, മഴയ്ക്ക് സാധ്യത

Rain in UAE അബുദാബി: യുഎഇയിൽ ഇന്ന് (വെള്ളിയാഴ്ച) ഭാഗികമായി മേഘാവൃതമായതോ അല്ലെങ്കിൽ മേഘാവൃതമായതോ ആയ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. തീരദേശ, വടക്കൻ, കിഴക്കൻ പ്രദേശങ്ങളിൽ നേരിയ മഴയ്ക്ക് സാധ്യതയുണ്ട്. ഭാഗികമായി മേഘാവൃതമായിരിക്കും, തീരദേശ, വടക്കൻ, കിഴക്കൻ പ്രദേശങ്ങളിൽ നേരിയ മഴയ്ക്ക് സാധ്യത. നേരിയതോ മിതമായതോ ആയ കാറ്റ് ഇടയ്ക്കിടെ ശക്തമാവാം. രാത്രിയിലും ശനിയാഴ്ച രാവിലെയോടെയും ഉൾപ്രദേശങ്ങളിൽ ഈർപ്പം (Humid) വർധിക്കാൻ സാധ്യതയുണ്ട്. അറബിക്കടലിലും ഒമാൻ കടലിലും കടൽ ശാന്തമായിരിക്കും. സമാനമായ രീതി തുടരും തീരദേശങ്ങളിലും വടക്കൻ പ്രദേശങ്ങളിലും മേഘാവൃതമായിരിക്കാനും മഴയ്ക്കും സാധ്യതയുണ്ട്. തെക്കുകിഴക്കൻ കാറ്റ് വടക്കുപടിഞ്ഞാറൻ ദിശയിലേക്ക് മാറി ചില സമയങ്ങളിൽ ശക്തമായേക്കാം. കാറ്റിന്റെ വേഗത മണിക്കൂറിൽ 40 കിലോമീറ്റർ വരെ എത്താനും തുറന്ന പ്രദേശങ്ങളിൽ പൊടി ഉയർത്താനും സാധ്യതയുണ്ട്.  രാത്രിയിലെ ഈർപ്പം കാരണം ചില ഉൾപ്രദേശങ്ങളിൽ നേരിയ മൂടൽമഞ്ഞ് രൂപപ്പെടാം. അറബിക്കടൽ നേരിയതോ മിതമായതോ ആയിരിക്കും, ഒമാൻ കടൽ ശാന്തമായിരിക്കും. തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും. പടിഞ്ഞാറൻ ഭാഗങ്ങളിൽ താഴ്ന്ന മേഘങ്ങൾ രൂപപ്പെടാൻ സാധ്യതയുണ്ട്. രാത്രിയിലെ ഈർപ്പം തീരദേശങ്ങളിലും ഉൾപ്രദേശങ്ങളിലും നേരിയ മൂടൽമഞ്ഞിന് സാധ്യതയുണ്ട്. നേരിയതോ മിതമായതോ ആയ കാറ്റ്, ഇടയ്ക്കിടെ ശക്തി പ്രാപിക്കാം. അറബിക്കടലിൽ കടൽ ശാന്തമായിരിക്കും, എന്നാൽ നേരിയതോ മിതമായതോ ആയ അവസ്ഥയിൽ തുടരും. തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥ തുടരും, പടിഞ്ഞാറൻ പ്രദേശങ്ങളിൽ താഴ്ന്ന മേഘങ്ങൾ കാണാം. രാത്രിയിൽ ഈർപ്പം വർധിക്കുന്നതിനാൽ രാവിലെ മൂടൽമഞ്ഞിന് സാധ്യതയുണ്ട്. നേരിയതോ മിതമായതോ ആയ തെക്കുകിഴക്കൻ കാറ്റ് പിന്നീട് വടക്കുപടിഞ്ഞാറൻ ദിശയിലേക്ക് മാറും. രണ്ട് കടൽ ഭാഗങ്ങളിലും കടൽ ശാന്തമായിരിക്കും. ഭാഗികമായി മേഘാവൃതമായ ആകാശം അനുഭവപ്പെടും. ഉൾപ്രദേശങ്ങളിലും തീരദേശങ്ങളിലും താഴ്ന്ന മേഘങ്ങൾ രൂപപ്പെടാം. രാത്രിയിൽ, പ്രത്യേകിച്ചും ബുധനാഴ്ച രാവിലെ വരെ ഈർപ്പം തുടരും. നേരിയതോ മിതമായതോ ആയ കാറ്റ്, ഇടയ്ക്കിടെ ശക്തമാവാം. അറബിക്കടലിലും ഒമാൻ കടലിലും കടൽ ശാന്തമായി തുടരും.

നോർക്ക കെയര്‍: പ്രവാസികള്‍ക്ക് രജിസ്റ്റര്‍ ചെയ്യാം; അവസാനിക്കാൻ ദിവസങ്ങൾ മാത്രം

Norka Care പ്രവാസി കേരളീയർക്കായി സംസ്ഥാന സർക്കാർ നോർക്ക റൂട്ട്‌സ് വഴി നടപ്പിലാക്കുന്ന സമഗ്ര ആരോഗ്യ-അപകട ഇൻഷുറൻസ് പദ്ധതിയായ നോർക്ക കെയറിൽ എൻറോൾ ചെയ്യാനുള്ള അവസാന തീയതി 2025 നവംബർ 30 ആണ്. സാധുവായ നോർക്ക പ്രവാസി ഐ.ഡി., സ്റ്റുഡൻ്റ് ഐ.ഡി., എൻ.ആർ.കെ. ഐ.ഡി. കാർഡുകൾ ഉള്ള പ്രവാസി കേരളീയർക്ക് പദ്ധതിയിൽ ചേരാവുന്നതാണ്. നോർക്ക റൂട്ട്‌സിൻ്റെ ഔദ്യോഗിക വെബ്‌സൈറ്റ് സന്ദർശിക്കുക. നോർക്ക കെയർ മൊബൈൽ ആപ്പുകൾ മുഖേനയും രജിസ്റ്റർ ചെയ്യാം. നോർക്ക കെയർ പദ്ധതി പ്രകാരം ലഭിക്കുന്ന ഇൻഷുറൻസ് പരിരക്ഷയും പ്രീമിയം വിവരങ്ങളും: ഒരു കുടുംബത്തിന് (ഭര്‍ത്താവ്, ഭാര്യ, 25 വയസ്സില്‍ താഴെയുളള രണ്ടു കുട്ടികള്‍) ₹13,411 പ്രീമിയത്തിൽ (അധികമായി ഒരു കുട്ടി (25 വയസ്സിൽ താഴെ): ₹4,130) അഞ്ച് ലക്ഷം രൂപയുടെ ആരോഗ്യ ഇന്‍ഷുറന്‍സും 10 ലക്ഷം രൂപയുടെ ഗ്രൂപ്പ് പേഴ്സണല്‍ അപകട ഇന്‍ഷുറന്‍സ് പരിരക്ഷയും ഉറപ്പാക്കുന്നതാണ് നോര്‍ക്ക കെയര്‍ പദ്ധതി.  വ്യക്തിഗത ഇന്‍ഷുറന്‍സിന് (18–70 വയസ്സ്) 8,101 രൂപയുമാണ്. നിലവില്‍ കേരളത്തിലെ 500 ലധികം ആശുപത്രികള്‍ ഉള്‍പ്പെടെ രാജ്യത്തെ 18000 ത്തോളം ആശുപത്രികള്‍ വഴി പ്രവാസികേരളീയര്‍ക്ക് ക്യാഷ്ലെസ്സ് ചികിത്സ ഉറപ്പാക്കുന്നതാണ് പദ്ധതി. പദ്ധതിയിൽ ചേരാൻ ആഗ്രഹിക്കുന്നവർക്കായി നോർക്ക ആസ്ഥാനത്തു സഹായ കേന്ദ്രം സേവനം ലഭ്യമാണ്. ഓൺലൈനായി വീഡിയോ കോൺഫെറെൻസിങ്ങ് സംവിധാനത്തിലൂടെയാണ് സഹായം ലഭ്യമാക്കുക. നോര്‍ക്ക കെയര്‍ എന്‍റോള്‍മെന്റിനുളള അവസാന തീയ തി 2025 നവംബര്‍ 30 വരെ എല്ലാ പ്രവൃത്തി ദിവസവും ഉച്ചയ്ക്ക് മൂന്ന് മണി മുതൽ 3 .45 വരെ ഈ സംവിധാനം പ്രവർത്തിക്കും. നോർക്ക റൂട്സ് വെബ്സൈറ്റ് വഴി വീഡിയോ കാൾ മുഖാന്തിരമാണ്‌ പ്രവേശിക്കേണ്ടത് എന്നും അധികൃതർ വ്യക്തമാക്കി.

അറിഞ്ഞോ! യുഎഇയിലെ ഈ എമിറേറ്റില്‍ ട്രാഫിക് നിയമലംഘനങ്ങള്‍ക്ക് വന്‍ ഇളവുകള്‍

Traffic Fine Sharjah ഷാർജ: യുഎഇ ദേശീയ ദിനത്തോടനുബന്ധിച്ച് ഷാർജയിൽ ട്രാഫിക് നിയമലംഘനങ്ങൾക്ക് വലിയ ഇളവുകൾ പ്രഖ്യാപിച്ചു. സാമ്പത്തിക പിഴയിൽ 40 ശതമാനം ഇളവ് ലഭിക്കുന്നതിനൊപ്പം, ലൈസൻസിലെ ബ്ലാക്ക് പോയിന്റുകൾ കുറയ്ക്കാനും ഇതോടെ അവസരമൊരുങ്ങും. അൽ ഖത്ത് അൽ മുബഷിർ റേഡിയോ പ്രോഗ്രാമിലൂടെ ഷാർജ പോലീസ് ട്രാഫിക് ആൻഡ് പെട്രോൾസ് ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജനറൽ ഖാലിദ് മുഹമ്മദ് അൽ കെ ആണ് ഇത് സംബന്ധിച്ച പ്രഖ്യാപനം നടത്തിയത്. ഡിസംബർ ഒന്ന് മുതൽ അടുത്ത വർഷം ജനുവരി 10 വരെയാണ് ഈ ഇളവുകൾ ലഭ്യമാകുക. ഡിസംബർ ഒന്നിന് മുന്‍പുള്ള നിയമലംഘനങ്ങൾക്ക് മാത്രമാണ് ഇളവ് ലഭിക്കുക. സാമ്പത്തിക പിഴ, വാഹന കണ്ടുകെട്ടൽ കാലയളവ്, പിടിച്ചെടുക്കൽ എന്നിവയ്ക്ക് പിഴ 40 ശതമാനം ഇളവ് ലഭിക്കും. നിയമലംഘനം നടന്ന് രണ്ട് മാസത്തിനുള്ളിൽ പിഴ അടച്ചാൽ 35 ശതമാനം ഇളവ് ലഭിക്കുന്ന നിലവിലെ വ്യവസ്ഥ തുടരും. നിയമലംഘനം നടന്ന് രണ്ട് മാസത്തിന് ശേഷമോ ഒരു വർഷത്തിന് മുമ്പുമോ പിഴ അടച്ചാൽ സാമ്പത്തിക പിഴയിൽ മാത്രം 25 ശതമാനം ഡിസ്കൗണ്ട് ലഭിക്കും. ഗുരുതരമായ കുറ്റകൃത്യങ്ങളിൽ ഏർപ്പെട്ടവർക്ക് ഈ ഇളവുകൾ ബാധകമായിരിക്കില്ലെന്ന് ഷാർജ പോലീസ് വ്യക്തമാക്കി.

ട്രാഫിക് പിഴകളിൽ ഇളവ്; പ്രത്യേകിച്ച് ഈ എമിറേറ്റിന്

Traffic Fine Discount ഉമ്മുൽ ഖുവൈൻ: യുഎഇ ദേശീയ ദിനത്തോടനുബന്ധിച്ച് ഉമ്മുൽ ഖുവൈനിൽ ട്രാഫിക് പിഴകളിൽ 40 ശതമാനം ഇളവ് പ്രഖ്യാപിച്ചു. ഡ്രൈവർമാർക്ക് ഈ ആനുകൂല്യം നേടാൻ ഡിസംബർ ഒന്ന് മുതൽ 2026 ജനുവരി ഒന്‍പത് വരെ സമയമുണ്ട്. ഈ വർഷം ഡിസംബർ ഒന്നിന് മുമ്പുള്ള നിയമലംഘനങ്ങൾക്ക് മാത്രമാണ് പിഴത്തുകയിൽ ഇളവ് ലഭിക്കുക. ഗുരുതരമായ നിയമലംഘനങ്ങൾ നടത്തിയവർക്ക് ഈ ഇളവ് ലഭിക്കില്ലെന്ന് അധികൃതർ വ്യക്തമാക്കിയിട്ടുണ്ട്. മറ്റ് എമിറേറ്റുകളും വരും ദിവസങ്ങളിൽ സമാനമായ രീതിയിൽ ട്രാഫിക് പിഴയിളവ് പ്രഖ്യാപിക്കുമെന്നാണ് പ്രതീക്ഷിക്കുന്നത്. 

‘സ്ത്രീകളെ സംരക്ഷിക്കുക എന്നത് സമൂഹത്തിലെ എല്ലാ അംഗങ്ങളുടെയും ഉത്തരവാദിത്തം’: ഷാർജ വനിതാ സംരക്ഷണ കേന്ദ്രം ഡയറക്ടർ

Global Anti Violence Day ഷാർജ: ‘സ്ത്രീകൾക്കെതിരായ അതിക്രമങ്ങൾ ഇല്ലാതാക്കുന്നതിനുള്ള അന്താരാഷ്ട്ര ദിനം’ ആചരിക്കുന്നതിൻ്റെ ഭാഗമായി, ഷാർജ വനിതാ സംരക്ഷണ കേന്ദ്രം ഡയറക്ടർ മറിയം ഇസ്മായിൽ ഒരു സുപ്രധാന പ്രസ്താവന നടത്തി. സ്ത്രീകളെ സംരക്ഷിക്കുക എന്നത് സമൂഹത്തിലെ എല്ലാ അംഗങ്ങളും പങ്കുവെക്കേണ്ട ദേശീയ ഉത്തരവാദിത്തമാണ് എന്ന് അവർ ഊന്നിപ്പറഞ്ഞു. “‘സ്ത്രീ ശാക്തീകരണം, അവരുടെ സംരക്ഷണത്തിൽ നിന്ന് ആരംഭിക്കുന്നു’ എന്ന പ്രമേയത്തിൽ ‘ഹൗസ് ഓഫ് വിസ്ഡം’ എന്ന സ്ഥാപനത്തിൽ നടന്ന ചടങ്ങിലാണ് അവർ ഇക്കാര്യം വ്യക്തമാക്കിയത്. അതിക്രമങ്ങളെ അതിജീവിച്ചവരെ സാമൂഹിക, മാനസിക, നിയമപരവും സാമ്പത്തികവുമായ സേവനങ്ങളുടെ വിശാലമായ ശൃംഖലയിലൂടെ പിന്തുണയ്ക്കുന്നതിനുള്ള എമിറേറ്റിന്റെ പ്രതിബദ്ധത മറിയം ഇസ്മായിൽ ആവർത്തിച്ചുറപ്പിച്ചു. “സ്ത്രീകൾക്കെതിരായ അതിക്രമം ഒരു വിധിയല്ല, അതിനെക്കുറിച്ച് നമുക്ക് നിശബ്ദത പാലിക്കാനും കഴിയില്ല. അതിനെ മാറ്റാൻ വ്യക്തവും ഏകീകൃതവുമായ ഒരു നിലപാട് ആവശ്യമാണ്,” അവർ പറഞ്ഞു. എല്ലാ തരത്തിലുള്ള അതിക്രമങ്ങളെയും ചെറുക്കുന്നതിനും അക്രമം നേരിട്ട സ്ത്രീകളെ ശാക്തീകരിക്കുന്നതിനും അവരുടെ ജീവിതം പുനർനിർമ്മിക്കാനും സമൂഹത്തിൽ പുനഃസംയോജിപ്പിക്കാനും സഹായിക്കുന്നതിലുമുള്ള തങ്ങളുടെ കേന്ദ്രത്തിൻ്റെ ദൗത്യവും അവർ എടുത്തു കാണിച്ചു.  “സമൂഹത്തിൻ്റെ പകുതി സ്ത്രീകളാണ്, തലമുറകളെ വളർത്തുന്ന അടിത്തറ അവരാണ്. ഒരു സ്ത്രീ അതിക്രമിക്കപ്പെടുകയും പിന്തുണയില്ലാതെ അവശേഷിക്കുകയും ചെയ്താൽ, ഭാവി തലമുറകൾ ജീവിതത്തിലെ വെല്ലുവിളികളെ നേരിടാൻ പ്രയാസപ്പെടും,” അവർ കൂട്ടിച്ചേർത്തു. ഈ ചടങ്ങിൽ വെച്ച്, വാക്കാലുള്ളതോ ശാരീരികമോ സാമ്പത്തികമോ ലൈംഗികമോ ആയ അതിക്രമങ്ങൾ നേരിടുന്ന സ്ത്രീകൾക്ക് വനിതാ സംരക്ഷണ കേന്ദ്രം നൽകുന്ന സേവനങ്ങൾ മറിയം ഇസ്മായിൽ വിശദീകരിച്ചു. സാക്ഷി സംരക്ഷണം ഉൾപ്പെടെയുള്ള സഹായങ്ങളും ഇവിടെ നൽകുന്നുണ്ട്. അഭയം, നിയമോപദേശം, മാനസികവും സാമൂഹികവുമായ കൗൺസിലിംഗ്, സ്വാതന്ത്ര്യവും അന്തസ്സും വീണ്ടെടുക്കാൻ ലക്ഷ്യമിട്ടുള്ള പുനരധിവാസ പരിപാടികൾ എന്നിവ കേന്ദ്രം നൽകുന്നു. ‘സംരക്ഷണത്തിൽ നിന്ന് ശാക്തീകരണത്തിലേക്ക്’ എന്ന കാഴ്ചപ്പാടിലാണ് കേന്ദ്രത്തിന്റെ സമീപനം നിർമ്മിച്ചിരിക്കുന്നതെന്നും, അക്രമത്തിൽ നിന്നും വിവേചനത്തിൽ നിന്നും മുക്തമായ ഒരു സമൂഹത്തിന് സംഭാവന നൽകാൻ കേന്ദ്രം ലക്ഷ്യമിടുന്നതായും അവർ വിശദീകരിച്ചു. ഈ ചടങ്ങിൽ അജ്മാൻ സിറ്റി യൂണിവേഴ്സിറ്റി, ഷാർജ സിറ്റി ഫോർ ഹ്യൂമാനിറ്റേറിയൻ സർവീസസ്, വിവിധ മേഖലകളിലെ വിദഗ്ധർ, സാമൂഹ്യ പ്രവർത്തകർ എന്നിവർ പങ്കെടുത്തു.