Malayli Family Accident UAE അബുദാബി: യുഎഇയിലെ അബുദാബിയിലുണ്ടായ ദാരുണമായ വാഹനാപകടത്തിൽ ഒരു കുടുംബത്തിലെ മൂന്ന് ആൺകുട്ടികളുൾപ്പെടെ നാലുപേർ മരിച്ചു. മലപ്പുറം തിരൂർ സ്വദേശി അബ്ദുൽ ലത്തീഫ് – വടകര കുന്നുമ്മക്കര സ്വദേശിനി റുക്സാന ദമ്പതികളുടെ മക്കളായ അഷസ് (14), അമ്മാർ (12), അയാഷ് (5) എന്നിവരും ഇവരുടെ വീട്ടുജോലിക്കാരി മലപ്പുറം ചമ്രവട്ടം സ്വദേശിനി ബുഷറയുമാണ് മരണപ്പെട്ടത്. അപകടം മടക്കയാത്രയ്ക്കിടെ: പ്രശസ്തമായ ലിവ ഫെസ്റ്റിവൽ കണ്ട് മടങ്ങുന്നതിനിടെയാണ് കുടുംബം സഞ്ചരിച്ചിരുന്ന വാഹനം അപകടത്തിൽപ്പെട്ടത്. വാഹനത്തിലുണ്ടായിരുന്ന മറ്റ് നാലുപേർക്ക് പരുക്കേറ്റിട്ടുണ്ട്. ഇവരെ അബുദാബിയിലെ വിവിധ ആശുപത്രികളിൽ പ്രവേശിപ്പിച്ച് ചികിത്സ നൽകിവരികയാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT പരിക്കേറ്റവരിൽ ചിലരുടെ നില ഗുരുതരമാണെന്നാണ് പ്രാഥമിക വിവരം. വർഷങ്ങളായി പ്രവാസികളായ അബ്ദുൽ ലത്തീഫും കുടുംബവും വാരാന്ത്യ അവധി ആഘോഷിക്കാൻ പോയി മടങ്ങുമ്പോഴാണ് വിധി ദുരന്തത്തിന്റെ രൂപത്തിലെത്തിയത്. മലപ്പുറം, കോഴിക്കോട് ജില്ലകളെ ഒരേപോലെ കണ്ണീരിലാഴ്ത്തിയ വാർത്തയാണിത്. മൃതദേഹങ്ങൾ നാട്ടിലെത്തിക്കുന്നതിനുള്ള നടപടിക്രമങ്ങൾ അബുദാബിയിലെ സാമൂഹിക പ്രവർത്തകരുടെ നേതൃത്വത്തിൽ പുരോഗമിക്കുന്നു.

യുഎഇയിലെ പുതിയ ജോലി അവസരങ്ങൾ ഇതാ

പിരിച്ചുവിടൽ കത്തിലെ പരാമർശം: മുൻ കമ്പനിക്കെതിരെ 1.2 ലക്ഷം ദിർഹം നഷ്ടപരിഹാരം ആവശ്യപ്പെട്ട് ജീവനക്കാരൻ കോടതിയിൽ

Employee sues ex employer അബുദാബി: ജോലിയിൽ നിന്ന് പിരിച്ചുവിട്ടപ്പോൾ നൽകിയ കത്തിലെ പരാമർശങ്ങൾ തന്റെ സൽപ്പേരിന് കളങ്കമുണ്ടാക്കിയെന്നും സാമ്പത്തിക നഷ്ടമുണ്ടാക്കിയെന്നും ആരോപിച്ച് മുൻ ജീവനക്കാരൻ നൽകിയ കേസ് അബുദാബി കോടതി തള്ളി. 1,20,000 ദിർഹം (ഏകദേശം 27 ലക്ഷത്തിലധികം രൂപ) നഷ്ടപരിഹാരം ആവശ്യപ്പെട്ട് നൽകിയ ഹർജിയാണ് അബുദാബി ഫാമിലി, സിവിൽ ആൻഡ് അഡ്മിനിസ്‌ട്രേറ്റീവ് ക്ലെയിംസ് കോടതി നിരസിച്ചത്. കമ്പനി നയങ്ങൾ ഗുരുതരമായി ലംഘിച്ചുവെന്നും മോശം പെരുമാറ്റം നടത്തിയെന്നും ആരോപിച്ചാണ് കമ്പനി ഇയാൾക്ക് പിരിച്ചുവിടൽ കത്ത് നൽകിയത്. എന്നാൽ ഇത് തെറ്റായ ആരോപണമാണെന്നും തന്റെ പ്രതിച്ഛായയെ ബാധിച്ചുവെന്നും ഇയാൾ കോടതിയിൽ വാദിച്ചു. തുടർന്ന് മാനവശേഷി മന്ത്രാലയത്തിൽ (MoHRE) പരാതി നൽകിയതിനെത്തുടർന്ന്, കമ്പനി കത്തിലെ ആരോപണങ്ങൾ ഒഴിവാക്കി “യജമാനന്റെ വിവേചനാധികാരം ഉപയോഗിച്ചുള്ള പിരിച്ചുവിടൽ” എന്ന് തിരുത്തി നൽകിയിരുന്നു. ഇത് തന്റെ നിരപരാധിത്വത്തിന് തെളിവാണെന്നായിരുന്നു പരാതിക്കാരന്റെ വാദം. കമ്പനി നടത്തിയ ആഭ്യന്തര അന്വേഷണ നടപടികളുമായി പരാതിക്കാരൻ സഹകരിച്ചിരുന്നുവെന്ന് കോടതി കണ്ടെത്തി. യുഎഇ സിവിൽ ട്രാൻസാക്ഷൻ നിയമപ്രകാരം മറ്റൊരാൾക്ക് ഉപദ്രവം വരുത്തുന്നവർ നഷ്ടപരിഹാരം നൽകാൻ ബാധ്യസ്ഥരാണെങ്കിലും, ഈ കേസിൽ കമ്പനി നിയമവിരുദ്ധമായി പ്രവർത്തിച്ചുവെന്ന് തെളിയിക്കാൻ പരാതിക്കാരന് സാധിച്ചിട്ടില്ലെന്ന് കോടതി നിരീക്ഷിച്ചു. തൊഴിലുടമയുടെ ഭാഗത്തുനിന്ന് നഷ്ടപരിഹാരം നൽകാൻ അർഹമായ വിധത്തിലുള്ള നിയമപരമായ പിഴവുകൾ ഉണ്ടായിട്ടില്ലെന്ന് വ്യക്തമാക്കിയ കോടതി, മതിയായ നിയമപരമായ അടിത്തറയില്ലാത്തതിനാൽ കേസ് പൂർണ്ണമായും തള്ളുകയായിരുന്നു. പരാതിക്കാരൻ തന്നെ കോടതി ചെലവുകൾ വഹിക്കണമെന്നും വിധിയിൽ പറയുന്നു.