New Timing കുവൈത്ത് സിറ്റി: റമദാൻ മാസം ട്രക്കുകൾക്ക് പുതിയ സമയക്രമം പ്രഖ്യാപിച്ച് കുവൈത്ത്. രാവിലെ 8.30 മുതൽ 10.30 വരെയും ഉച്ചയ്ക്ക് 12.30 മുതൽ 3.00 മണി വരെയുമുള്ള സമയങ്ങളിലെ ഗതാഗതം നിരോധിച്ചു. റമദാൻ മാസത്തിലെ തിരക്കേറിയ സമയങ്ങളിൽ ഗതാഗത സുതാര്യത ഉറപ്പാക്കുന്നതിനും റോഡ് സുരക്ഷ ശക്തിപ്പെടുത്തുന്നതിനും വേണ്ടിയാണ് നടപടിയെന്ന് അധികൃതർ വ്യക്തമാക്കി. ഈ സമയങ്ങളിൽ ഹൈവേകളിലോ പ്രധാന ഉൾറോഡുകളിലോ ട്രക്കുകൾ ഓടിക്കുന്നത് ശ്രദ്ധയിൽപ്പെട്ടാൽ കർശനമായ പിഴ ശിക്ഷ ലഭിക്കും. വാഹനം കണ്ടുകെട്ടുന്നത് ഉൾപ്പെടെയുള്ള നടപടികളും ഇത്തരക്കാർക്കെതിരെ സ്വീകരിക്കുമെന്ന് അധികൃതർ മുന്നറിയിപ്പ് നൽകി.

കുവൈത്തിലെ പുതിയ ജോലി അവസരങ്ങൾ ഇതാ

Maintenance Work കുവൈത്ത് നിവാസികളുടെ ശ്രദ്ധയ്ക്ക്, എക്‌സ്‌ചേഞ്ചിൽ അറ്റകുറ്റപ്പണി; ആശയവിനിമയത്തിന് തടസമുണ്ടാകാൻ സാധ്യത

Maintenance Work കുവൈത്ത് സിറ്റി: കുവൈത്തിലെ ജലീബ് അൽ ശുയൂഖ് മേഖലയിലെ ടെലിഫോൺ എക്‌സ്‌ചേഞ്ചിൽ അടിയന്തര അറ്റകുറ്റപ്പണികൾ നടത്തുന്നതിനാൽ പ്രദേശത്തെ ആശയവിനിമയ സേവനങ്ങളിൽ തടസ്സം നേരിടാൻ സാധ്യതയുണ്ടെന്ന് മുന്നറിയിപ്പ്. വാർത്താവിനിമയ മന്ത്രാലയമാണ് ഇക്കാര്യം അറിയിച്ചത്. സേവനങ്ങളുടെ ഗുണനിലവാരം വർദ്ധിപ്പിക്കുന്നതിനും സാങ്കേതിക തകരാറുകൾ പരിഹരിക്കുന്നതിനും വേണ്ടിയാണ് അറ്റകുറ്റപ്പണികൾ നടത്തുന്നത്.

ജലീബ് അൽ ശുയൂഖിലും പരിസര പ്രദേശങ്ങളിലുമുള്ള ഉപഭോക്താക്കൾക്ക് ലാൻഡ് ലൈൻ ഫോൺ സേവനങ്ങളിലും ഇന്റർനെറ്റ് കണക്റ്റിവിറ്റിയിലും ഈ സമയത്ത് കുറഞ്ഞ തോതിലോ പൂർണ്ണമായോ തടസ്സം അനുഭവപ്പെട്ടേക്കാം. എക്‌സ്‌ചേഞ്ചിലെ കാലപ്പഴക്കം ചെന്ന യന്ത്രസാമഗ്രികൾ മാറ്റുന്നതിനും നവീകരിക്കുന്നതിനുമാണ് അറ്റകുറ്റപ്പണികൾ.

അറ്റകുറ്റപ്പണികൾ നടക്കുന്ന കാലയളവിൽ പൊതുജനങ്ങൾക്കുണ്ടാകുന്ന ബുദ്ധിമുട്ടുകൾക്ക് അധികൃതർ ഖേദം പ്രകടിപ്പിച്ചു. ജലീബ് മേഖലയിലെ താമസക്കാരും സ്ഥാപനങ്ങളും ഈ വിവരം കണക്കിലെടുത്ത് ആവശ്യമായ മുൻകരുതലുകൾ സ്വീകരിക്കണമെന്നും അധികൃതർ കൂട്ടിച്ചേർത്തു.

Kuwait Holiday കുവൈത്ത് ദേശീയ ദിനം; അവധി ദിനങ്ങൾ പ്രഖ്യാപിച്ചു, വിശദാംശങ്ങൾ അറിയാം…

Kuwait Holiday കുവൈത്ത് സിറ്റി: കുവൈത്തിൽ ദേശീയ ദിന അവധി പ്രഖ്യാപിച്ചു. 2026-ലെ ദേശീയ ദിനവും വിമോചന ദിനവും അനുബന്ധിച്ചുള്ള സർക്കാർ അവധി സംബന്ധിച്ച് സർക്കുലർ സിവിൽ സർവീസ് ബ്യൂറോ പുറത്തിറക്കി. എല്ലാ മന്ത്രാലയങ്ങൾക്കും സർക്കാർ ഏജൻസികൾക്കും പൊതുസ്ഥാപനങ്ങൾക്കും ഫെബ്രുവരി 25 ബുധൻ, 26 വ്യാഴം ദിവസങ്ങളിൽ ഔദ്യോഗിക അവധി ആയിരിക്കുമെന്ന് സർക്കുലറിൽ വ്യക്തമാക്കിയിട്ടുണ്ട്.

സർക്കാർ ഓഫീസുകളിൽ സാധാരണ ജോലി സമയം മാർച്ച് 1 ഞായറാഴ്ച്ച മുതൽ പുനരാരംഭിക്കും. പ്രത്യേക സ്വഭാവമുള്ള സേവനങ്ങൾ നടത്തുന്ന സ്ഥാപനങ്ങൾ അവരുടെ പ്രവർത്തന ആവശ്യകതകൾ പരിഗണിച്ച് ബന്ധപ്പെട്ട അധികാരികളുമായി ഏകോപനം നടത്തി അവധി ക്രമീകരിക്കണമെന്ന് സർക്കുലറിൽ വ്യക്തമാക്കുന്നു.

Fraud And Scams വഞ്ചനയും ആൾമാറാട്ട തട്ടിപ്പുകളും; ജാഗ്രതാ നിർദ്ദേശവുമായി കുവൈത്ത് ഓഹരി വിപണി

Fraud And Scams കുവൈത്ത് സിറ്റി: വഞ്ചനയ്ക്കും ആൾമാറാട്ട തട്ടിപ്പിനുമെതിരെ മുന്നറിയിപ്പുമായി കുവൈത്ത് ഓഹരി വിപണിയായ ബൗർസ. ഇത്തരം തട്ടിപ്പുകൾക്കെതിരെ ജാഗ്രത പാലിക്കണമെന്ന് ബൗർസ എല്ലാ വ്യാപാരികളോടും പങ്കാളികളോടും അഭ്യർത്ഥിച്ചു. ബൗർസ എന്ന വ്യാജേനയും ലൈസൻസുള്ള ബ്രോക്കർ എന്ന പേരിലോ ആയിരിക്കും തട്ടിപ്പുസംഘങ്ങൾ വ്യാപാരികളെ സമീപിക്കുക. ഇത്തരം തട്ടിപ്പ് സംഘങ്ങൾക്കെതിരെ ജാഗ്രത വേണമെന്നും ഇവരുടെ വലയിൽ കുടുങ്ങരുതെന്നും അധികൃതർ നിർദ്ദേശിക്കുന്നു. ബൗർസ കുവൈത്ത് ചെയർമാൻ, സിഇഒ, ബോർഡ് ഓഫ് ഡയറക്ടേഴ്‌സ്, എക്‌സിക്യുട്ടീവ് മാനേജ്‌മെന്റ്, മറ്റ് ജീവനക്കാർ എന്നിവരുടെ പേരുകളിൽ ആൾമാറാട്ടം നടത്തി തട്ടിപ്പ് നടക്കുന്നുണ്ടെന്നും അധികൃതർ ചൂണ്ടിക്കാട്ടി.

Ramadan Inspection റമദാൻ; കുവൈത്തിലെ മാർക്കറ്റുകളിൽ ശക്തമായ നിരീക്ഷണം, 12 കടകൾക്കെതിരെ നിയമലംഘന റിപ്പോർട്ട്

Ramadan Inspection കുവൈത്ത് സിറ്റി: റമദാൻ മാസത്തോട് അനുബന്ധിച്ച് കുവൈത്തിലെ മാർക്കറ്റുകളിൽ ശക്തമായ നിരീക്ഷണം. വാണിജ്യ വ്യവസായ മന്ത്രാലയം നടത്തിയ പരിശോധനാ ക്യാമ്പെയ്‌നിൽ 12 കടകൾക്കെതിരെ നിയമലംഘന റിപ്പോർട്ട് ലഭിച്ചു. തൂക്ക കുറവിൽ ഉത്പന്നങ്ങൾ വിറ്റ കടകളിലാണ് പരിശോധന നടന്നത്. റമദാന് മുന്നോടിയായി വിപണി നിയന്ത്രണവും ഉപഭോക്തൃ സംരക്ഷണവും ശക്തിപ്പെടുത്തുന്നതിനുള്ള മുൻകരുതൽ പദ്ധതിയുടെ ഭാഗമായി മന്ത്രി ഒസാമ ബൂദായിയുടെ നിർദ്ദേശ പ്രകാരമാണ് ക്യാമ്പയിൻ
നടത്തിയത്.

അതേസമയം, വിലക്കയറ്റം നിയന്ത്രിക്കാൻ പുതിയ നടപടികൾ സ്വീകരിച്ചതായി ബന്ധപ്പെട്ട അധികൃതർ അറിയിച്ചു. ശുവൈഖ് ഹോൾസെയിൽ സ്ട്രീറ്റ് മാർക്കറ്റുകളിൽ വില നിരീക്ഷിക്കുന്നതിനായി പ്രത്യേക മേൽനോട്ട സംഘം രൂപീകരിച്ചു. അത്യാവശ്യ ഭക്ഷ്യവസ്തുക്കളുടെ വില സ്ഥിരപ്പെടുത്തുന്നതിനായി വ്യാപാരികളിൽ നിന്ന് ഉറപ്പ് സ്വീകരിച്ചിട്ടുണ്ട്. റമദാനിന് മുമ്പും, റമദാൻ കാലത്തും, അതിന് ശേഷവും വില വർധന ഉണ്ടാകാതിരിക്കാനാണ് ഈ നടപടി.

വിപണിയിൽ സാധനങ്ങളുടെ മതിയായ ലഭ്യത ഉറപ്പാക്കാനും കൃത്രിമ വിലക്കയറ്റം തടയാനും അധികൃതർ നിരന്തരം ഫീൽഡ് പരിശോധനകൾ നടത്തുമെന്നും അധികൃതർ കൂട്ടിച്ചേർത്തു.

Lunar Eclipse മാർച്ച് 3 ന് പൂർണ്ണചന്ദ്രഗ്രഹണം; കുവൈത്തിൽ കാണാനാകില്ലന്ന് അൽ-ഒജൈരി സയന്റിഫിക് സെന്റർ, കാരണമിത്..

Lunar Eclipse കുവൈത്ത് സിറ്റി: മാർച്ച് 3-ന് ഉണ്ടാകുന്ന പൂർണ ചന്ദ്രഗ്രഹണം കുവൈത്തിൽ കാണാനാകില്ല. കുവൈത്ത് ജ്യോതിശാസ്ത്ര കേന്ദ്രമായ അൽ-ഒജൈരി സയന്റിഫിക് സെന്റർ അൽ-ഒജൈരി ആണ് ഇക്കാര്യം അറിയിച്ചത്. ഈ സമയത്ത് ചന്ദ്രൻ ഇരുണ്ട ചുവപ്പ് നിറത്തിലേക്ക് മാറുന്ന പ്രതിഭാസം സാധാരണയായി കാണപ്പെടുന്നതാണെന്നും വിശദീകരിച്ചു. ജ്യോതിശാസ്ത്ര സംഭവങ്ങൾ ശാസ്ത്രീയ പ്രാധാന്യമുള്ളവയാണെന്നും, ഗ്രഹണങ്ങൾ നിരീക്ഷിക്കുമ്പോൾ സുരക്ഷാ മാർഗങ്ങൾ പാലിക്കണമെന്നും വിദഗ്ധർ ഓർമ്മിപ്പിച്ചു.

അതേസമയം, കഴിഞ്ഞ ദിവസം സംഭവിച്ച സൂര്യഗ്രഹണവും (Annular Solar Eclipse) കുവൈത്തിൽ ദൃശ്യമാകില്ലെന്ന് അൽ ഉജൈരി സയന്റിഫിക് സെന്റർ നേരത്തെ അറിയിച്ചിരുന്നു. ഈ ഗ്രഹണത്തിന്റെ പ്രധാന സവിശേഷതയായ ”റിംഗ് ഓഫ് ഫയർ” (Ring of Fire) എന്ന പ്രതിഭാസം കാണപ്പെടുക ദക്ഷിണ ധ്രുവം, ദക്ഷിണാഫ്രിക്ക, ചിലി തുടങ്ങിയ പ്രദേശങ്ങളിലായിരിക്കുമെന്നും അധികൃതർ വ്യക്തമാക്കിയിരുന്നു.

Truck Restriction റമദാൻ; ട്രക്കുകളുടെ ഗതാഗതത്തിന് നിയന്ത്രണവുമായി കുവൈത്ത്

Truck Restriction കുവൈത്ത് സിറ്റി: ട്രക്കുകളുടെ ഗതാഗതത്തിന് നിയന്ത്രണവുമായി കുവൈത്ത്. റമദാൻ മാസത്തോട് അനുബന്ധിച്ചാണ് കുവൈത്തിലെ എല്ലാ റോഡുകളിലും ട്രക്കുകളുടെ ഗതാഗതത്തിന് നിരോധന സമയം പ്രഖ്യാപിച്ചത്. ട്രാഫിക് ആൻഡ് ഓപ്പറേഷൻസ് സെക്ടറാണ് ഇക്കാര്യം അറിയിച്ചത്.

പുതിയ അറിയിപ്പനുസരിച്ച് രാവിലെ 8:30 മുതൽ 10:30 വരെ ട്രക്കുകൾക്ക് മെയിൻ റോഡുകളിൽ പ്രവേശനം അനുവദിക്കില്ല. ഉച്ചയ്ക്ക് 12:30 മുതൽ വൈകിട്ട് 3:00 വരെയും ട്രക്കുകൾക്ക് ഗതാഗത നിരോധനം ഉണ്ടായിരിക്കും. റമദാൻ മാസത്തിലെ തിരക്കേറിയ സമയങ്ങളിൽ ഗതാഗത സുതാര്യത ഉറപ്പാക്കുന്നതിനും റോഡ് സുരക്ഷ ശക്തിപ്പെടുത്തുന്നതിനും വേണ്ടിയാണ് ഇത്തരമൊരു നടപടി സ്വീകരിച്ചതെന്ന് അധികൃതർ കൂട്ടിച്ചേർത്തു.

Begging റമദാൻ; ഭിക്ഷാടനത്തിനെതിരെ കർശനമായ നിരീക്ഷണം തുടരുമെന്ന് കുവൈത്ത്, പരിശോധനയ്ക്കായി പ്രത്യേക സംഘങ്ങൾ

Begging കുവൈത്ത് സിറ്റി: റമദാൻ മാസത്തിൽ നിയമലംഘനങ്ങൾക്കെതിരെ കർശന നടപടി സ്വീകരിക്കുമെന്ന് മുന്നറിയിപ്പ് നൽകി കുവൈത്ത്. ആഭ്യന്തര മന്ത്രാലയമാണ് ഇതുസംബന്ധിച്ച മുന്നറിയിപ്പ് നൽകിയത്. പുണ്യമാസത്തിന്റെ ആത്മീയ അന്തരീക്ഷം ദുരുപയോഗം ചെയ്ത് വ്യാപാര കേന്ദ്രങ്ങളിലും പള്ളികൾക്ക് സമീപവും ഭിക്ഷാടനം നടത്തുന്ന പ്രവണതകൾ കർശനമായി നിരീക്ഷിക്കുമെന്ന് അധികൃതർ ഓർമ്മിപ്പിച്ചു. ഇതിനായി പ്രത്യേക സുരക്ഷാ സംഘങ്ങളെ നിയോഗിച്ചിട്ടുണ്ടെന്നും ഇവർ നിരീക്ഷണം ശക്തമാക്കി നടപടികൾ സ്വീകരിക്കുമെന്നും അധികൃതർ ചൂണ്ടിക്കാട്ടി.

കുടുംബ, സന്ദർശന വിസകളിൽ രാജ്യത്തെത്തി ഭിക്ഷാടനം നടത്തുന്ന പ്രവാസികളെ കണ്ടെത്തിയാൽ അവരുടെ സ്‌പോൺസർമാരോടൊപ്പം നാടുകടത്തും. അതേസമയം, റമദാനിൽ പകൽ സമയങ്ങളിൽ പൊതു ഇടങ്ങളിൽ ഭക്ഷണം കഴിക്കുന്നവർക്കെതിരെയും നിയമനടപടിയുണ്ടാകും. ഇത്തരക്കാർക്ക് ഒരു മാസം തടവുശിക്ഷയോ 100 ദിനാർ പിഴയോ ശിക്ഷയായി ലഭിക്കും.

Holiday Kuwait ദേശീയ ദിനം; അവധി ദിനങ്ങൾ പ്രഖ്യാപിച്ച് കുവൈത്ത് സർക്കാർ

Holiday Kuwait കുവൈത്ത് സിറ്റി: 2026-ലെ ദേശീയ ദിനവും വിമോചന ദിനവും അനുബന്ധിച്ചുള്ള സർക്കാർ അവധി സംബന്ധിച്ച് സർക്കുലർ പുറത്തിറക്കി കുവൈത്ത്. സർക്കുലർ പ്രകാരം, ഫെബ്രുവരി 25, 26 (ബുധൻ, വ്യാഴം) ദിവസങ്ങളിൽ എല്ലാ മന്ത്രാലയങ്ങൾക്കും സർക്കാർ ഏജൻസികൾക്കും പൊതുസ്ഥാപനങ്ങൾക്കും ഔദ്യോഗിക അവധി ആയിരിക്കും.

അവധി കഴിഞ്ഞ് മാർച്ച് 1 ഞായറാഴ്ച്ച മുതൽ സർക്കാർ ഓഫീസുകളിൽ സാധാരണ ജോലി സമയം പുനരാരംഭിക്കും. പ്രത്യേക സ്വഭാവമുള്ള സേവനങ്ങൾ നടത്തുന്ന സ്ഥാപനങ്ങൾ അവരുടെ പ്രവർത്തന ആവശ്യകതകൾ പരിഗണിച്ച് ബന്ധപ്പെട്ട അധികാരികളുമായി ഏകോപനം നടത്തി അവധി ക്രമീകരിക്കണമെന്ന് സർക്കുലറിൽ വ്യക്തമാക്കിയിട്ടുണ്ട്.

എല്ലാ സർക്കാർ മേഖലകൾക്കും അവധി ദിനങ്ങൾ ബാധകമാണെന്ന് സിവിൽ സർവീസ് ബ്യൂറോ വ്യക്തമാക്കി.

Special System റമദാൻ; യാചകരെയും പകൽ സമയങ്ങളിൽ പൊതുസ്ഥലങ്ങളിൽ ഭക്ഷണം കഴിക്കുന്നവരെയും നിരീക്ഷിക്കാൻ പ്രത്യേക സംവിധാനവുമായി കുവൈത്ത്

Special System കുവൈത്ത് സിറ്റി: റമദാൻ മാസത്തിൽ ഭിക്ഷാടനം നടത്തുന്നവർക്കും പകൽ സമയങ്ങളിൽ പൊതു സ്ഥലങ്ങളിൽ ഭക്ഷണം കഴിക്കുന്നവർക്കും എതിരെ കർശന നടപടികൾ സ്വീകരിക്കുമെന്ന് മുന്നറിയിപ്പ് നൽകി ആഭ്യന്തര മന്ത്രാലയം. റമദാൻ മാസത്തിലെ ആത്മീയ അന്തരീക്ഷം, ചൂഷണം ചെയ്ത് കൊണ്ട് വാണിജ്യ വിപണികളിലും പള്ളികൾക്ക് സമീപവും യാചന നടത്തുന്ന പ്രവണതകൾ നിരീക്ഷിക്കാനും പിന്തുടരുവാനും ഇവരെ പിടികൂടുവാനും ആഭ്യന്തര മന്ത്രാലയം പ്രത്യേക സുരക്ഷാ സംഘങ്ങൾ രൂപീകരിക്കുകയും ചെയ്തിട്ടുണ്ട്.

കുടുംബ, സന്ദർശന വിസകളിൽ എത്തി യാചന നടത്തുന്ന പ്രവാസികളെയും അവരുടെ സ്‌പോൺസർമാരെയും ഉടൻ തന്നെ നാട് കടത്തും. പകൽ സമയങ്ങളിൽ പൊതു ഇടങ്ങളിൽ ഭക്ഷണം കഴിക്കുന്നവർക്ക് എതിരെയും ശിക്ഷാ നടപടികൾ സ്വീകരിക്കുന്നതാണ്. ഒരു മാസത്തിൽ കൂടാത്ത കാലയളവിലേക്കുള്ള തടവോ 100 ദിനാറിൽ കൂടാത്ത പിഴയോ ശിക്ഷയായി ലഭിക്കും.

Bank Timings റമദാൻ; ബാങ്കുകളുടെ പ്രവർത്തന സമയം പ്രഖ്യാപിച്ച് കുവൈത്ത്

Bank Timings കുവൈത്ത് സിറ്റി: റമദാൻ മാസത്തിൽ ബാങ്കുകളുടെ പ്രവർത്തന സമയം പ്രഖ്യാപിച്ച് കുവൈത്ത്. റമദാൻ മാസത്തിൽ കുവൈത്തിലെ പ്രാദേശിക ബാങ്കുകളുടെ പ്രധാന ആസ്ഥാനങ്ങളിലും താമസ, വ്യാപാര മേഖലകളിലെ ശാഖകളിലും ഉപഭോക്താക്കൾക്ക് സേവനം ലഭ്യമാകുന്ന സമയം രാവിലെ 10:00 മുതൽ ഉച്ചയ്ക്ക് 1:30 വരെ ആയിരിക്കുമെന്ന് കുവൈത്ത് ബാങ്കേഴ്സ് അസോസിയേഷൻ അറിയിച്ചു.

ബാങ്കുകളുടെ സമയക്രമം കുവൈത്ത് സെൻട്രൽ ബാങ്ക് പുറത്തിറക്കിയ സർക്കുലറിന്റെ അടിസ്ഥാനത്തിലാണെന്ന് അസോസിയേഷൻ വ്യക്തമാക്കി. റമദാൻ മാസത്തിലെ പ്രത്യേക സാഹചര്യങ്ങൾ പരിഗണിച്ചാണ് ബാങ്കുകളുടെ പ്രവർത്തന സമയത്തിൽ മാറ്റം വരുത്തിത്. റമദാൻ കാലയളവിൽ ബാങ്ക് സേവനങ്ങൾ ആവശ്യമായവർ നിർദ്ദേശിച്ച സമയപരിധിക്കുള്ളിൽ ശാഖകൾ സന്ദർശിക്കണമെന്ന് ബാങ്കുകൾ ഉപഭോക്താക്കൾക്ക് നിർദ്ദേശം നൽകി.

Freelance Visa ഫ്രീലാൻസ് വിസ; പുതിയ പരിഷ്‌ക്കാരങ്ങളുമായി കുവൈത്ത്

Freelance Visa കുവൈത്ത് സിറ്റി: തൊഴിൽ വിപണി ക്രമീകരിക്കുന്നതിനും നിയമലംഘനങ്ങൾ തടയുന്നതിനുമായി ശക്തമായ നടപടികളുമായി കുവൈത്ത്. ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ യൂസഫാണ് ഇതുസംബന്ധിച്ച പഖ്യാപനം നടത്തിയത്. സ്വകാര്യ മേഖലയിലെ പ്രതിനിധികളുമായി നടത്തിയ ചർച്ചയിലാണ് അദ്ദേഹം സുപ്രധാനമായ ഭരണപരിഷ്‌കാരങ്ങൾ വെളിപ്പെടുത്തിയത്. ‘ഫ്രീലാൻസ്’ വിഭാഗത്തിലുള്ള പുതിയ റസിഡൻസി പെർമിറ്റുകൾ അനുവദിക്കാനുള്ള തീരുമാനമാണ് ഇതിൽ പ്രധാനപ്പെട്ടത്. 750 മുതൽ 1,000 കുവൈത്ത് ദിനാർ വരെ സർക്കാർ ഫീസ് ഈടാക്കിക്കൊണ്ടായിരിക്കും ഈ വിസകൾ അനുവദിക്കുക.

പ്രൊഫഷണലുകൾക്കും വിദഗ്ധ തൊഴിലാളികൾക്കും നിയമവിധേയമായി സ്വതന്ത്രമായി ജോലി ചെയ്യാൻ ഈ സംവിധാനം അവസരമൊരുക്കും. കുവൈത്തിലെ തൊഴിൽ മേഖലയെ കൂടുതൽ കാര്യക്ഷമമാക്കാനും അനധികൃത വിസ കച്ചവടം തടയാനും ഈ നീക്കം സഹായിക്കുമെന്നാണ് കരുതപ്പെടുന്നത്. നിയമങ്ങൾ പാലിക്കുന്ന തൊഴിലുടമകൾക്ക് നടപടി ക്രമങ്ങൾ ലളിതമാക്കുകയും നിയമലംഘകർക്കെതിരെ കർശനമായ ശിക്ഷാനടപടികൾ സ്വീകരിക്കുകയും ചെയ്യുമെന്ന് അദ്ദേഹം അറിയിച്ചു.

തങ്ങളുടെ കീഴിൽ രജിസ്റ്റർ ചെയ്ത തൊഴിലാളികൾ മറ്റൊരിടത്ത് ജോലി ചെയ്യുന്നത് അനുവദിക്കില്ലെന്നും ഇക്കാര്യത്തിൽ കമ്പനി ഉടമകൾക്ക് പൂർണ്ണ ഉത്തരവാദിത്തമുണ്ടായിരിക്കുമെന്നും മന്ത്രി വ്യക്തമാക്കി. നിയമവിരുദ്ധമായി തൊഴിലാളികളെ ജോലിക്ക് നിയോഗിക്കുന്നവർ ക്രിമിനൽ നടപടികൾ നേരിടേണ്ടി വരും. അതേസമയം, തൊഴിലുടമകളുടെ സംശയങ്ങൾ ദൂരീകരിക്കുന്നതിനും ഇടപാടുകൾ വേഗത്തിലാക്കുന്നതിനുമായി പ്രത്യേക ആശയവിനിമയ സംവിധാനം ഏർപ്പെടുത്തണമെന്ന് അദ്ദേഹം നിർദ്ദേശിച്ചു.

തൊഴിലാളികളുടെ ശമ്പളം കൃത്യമായി ബാങ്ക് അക്കൗണ്ടുകൾ വഴി വിതരണം ചെയ്യുന്നുണ്ടെന്ന് ഉറപ്പുവരുത്തേണ്ടതാണ്. അവരുടെ അവകാശങ്ങൾ സംരക്ഷിക്കുന്നത് കുവൈത്തിന്റെ അന്താരാഷ്ട്ര പ്രതിച്ഛായയ്ക്ക് അത്യന്താപേക്ഷിതമാണെന്നും അദ്ദേഹം കൂട്ടിച്ചേർത്തു.

Murder Case പിതാവിനെ കൊലപ്പെടുത്തി; കുവൈത്തിൽ പ്രവാസി യുവാവിന് വധശിക്ഷ

Murder Case കുവൈത്ത് സിറ്റി: കുവൈത്തിൽ പിതാവിനെ കൊലപ്പെടുത്തിയ പ്രവാസി യുവാവിവ് വധശിക്ഷ. ഫർവാനിയ ഗവർണറേറ്റിലാണ് സംഭവം. പാകിസ്ഥാനി യുവാവിനാണ് ശിക്ഷ ലഭിച്ചത്. വീട്ടിലെ തർക്കത്തിനിടെയാണ് ഇയാൾ പിതാവിനെ മാരകമായി കുത്തിക്കൊലപ്പെടുത്തിയത്. മകൻ സിഗരറ്റ് വലിക്കുന്നത് ശ്രദ്ധയിൽപ്പെട്ടത് ചോദ്യം ചെയ്തതിനെ തുടർന്നുണ്ടായ തർക്കമാണ് കൊലപാതകത്തിൽ കലാശിച്ചത്.

സിഗരറ്റ് വലിച്ചതിന് പിതാവ് മകനെ ശാസിക്കുകയും സിഗരറ്റ് പായ്ക്കറ്റ് വലിച്ചുകീറാൻ ശ്രമിച്ചതുമാണ് കൊലപാതകത്തിന് കാരണം. കത്രിക കൊണ്ട് പിതാവിന്റെ നെഞ്ചിൽ ഇയാൾ പലതവണ കുത്തുകയായിരുന്നു. സംഭവസ്ഥലത്ത് വെച്ച് തന്നെ പിതാവ് മരണപ്പെട്ടു. തുടർന്ന് പ്രതിയെ പോലീസ് അറസ്റ്റ് ചെയ്യുകയായിരുന്നു.

Diesel Theft ഡീസൽ മോഷണം; കുവൈത്തിൽ ഏഴ് പ്രവാസികൾ പിടിയിൽ

Diesel Theft കുവൈത്ത് സിറ്റി: ഡീസൽ മോഷണവുമായി ബന്ധപ്പെട്ട് കുവൈത്തിൽ ഏഴ് പ്രവാസികൾ പിടിയിൽ. ഇന്ധനം മോഷ്ടിച്ച് കരിഞ്ചന്തയിൽ വിൽപ്പന നടത്തിയവരാണ് അറസ്റ്റിലായത്. റൗദാത്തൈൻ എണ്ണപ്പാടത്തിൽ നിന്നും ഡീസൽ മോഷ്ടിച്ച് അബ്ദാലി, സബ്രിയ പ്രദേശങ്ങളിലെ കരിഞ്ചന്ത വ്യാപാരികൾക്ക് വിൽപ്പന നടത്തിവന്ന സംഘമാണ് പിടിയിലായത്. രഹസ്യവിവരത്തെ തുടർന്ന് സുരക്ഷാ ഏജൻസികൾ നടത്തിയ അന്വേഷണത്തിലാണ് പ്രതികൾ വലയിലായത്.

മോഷണ വസ്തുക്കളുടെ വിൽപ്പനയിലൂടെ ലഭിച്ച പണവും പ്രതികളിൽ നിന്ന് പിടിച്ചെടുത്തിട്ടുണ്ട്. കേസുമായി ബന്ധപ്പെട്ട് മറ്റ് ആളുകൾക്കായുള്ള അന്വേഷണം തുടരുകയാണ്. അറസ്റ്റിലായവരെ ആവശ്യമായ നിയമനടപടികൾ സ്വീകരിക്കുന്നതിനായി ബന്ധപ്പെട്ട അധികാരികൾക്ക് കൈമാറി.

Family Visa ഭാര്യയ്ക്ക് ഭർത്താവിനെ സ്‌പോൺസർ ചെയ്യാൻ കഴിയുമോ? കുവൈത്തിൽ വിസിറ്റ് വിസ ഫാമിലി വിസയാക്കി മാറ്റുന്നതിലെ നിയമങ്ങൾ ഇങ്ങനെ

Family Visa കുവൈത്ത് സിറ്റി: രാജ്യത്ത് ജോലി ചെയ്യുന്ന പ്രവാസി വനിതകൾക്ക് തങ്ങളുടെ ഭർത്താവിനെ ഫാമിലി വിസയിലേക്ക് മാറ്റാൻ സാധിക്കുമോ എന്ന കാര്യത്തിൽ നിലവിലുള്ള നിയമപരമായ തടസ്സങ്ങൾ വ്യക്തമാക്കി കുവൈത്ത് അധികൃതർ. സന്ദർശക വിസയിൽ കുവൈത്തിലെത്തിയ ഭർത്താവിനെ ആർട്ടിക്കിൾ 22 വിസയിലേക്ക് മാറ്റാൻ നിലവിലെ നിയമപ്രകാരം അനുവാദമില്ലെന്നാണ് നിയമവിദഗ്ധർ വ്യക്തമാക്കുന്നത്. പ്രതിമാസം 800 ദിനാറിന് മുകളിൽ ശമ്പളമുള്ളവരും ആർട്ടിക്കിൾ 18 വിസയിൽ ജോലി ചെയ്യുന്നവരുമായ പ്രവാസി വനിതകൾക്ക് പോലും ഇത്തരത്തിൽ ഭർത്താവിനെ സ്‌പോൺസർ ചെയ്യാൻ കഴിയില്ല.

കുവൈത്ത് നിയമമനുസരിച്ച് കുടുംബനാഥനായ ഭർത്താവാണ് സാധാരണയായി മറ്റ് കുടുംബാംഗങ്ങളെ സ്‌പോൺസർ ചെയ്യേണ്ടത്. പ്രവാസി വനിതകൾക്ക് ഭർത്താവിനെ സ്‌പോൺസർ ചെയ്യാൻ പൊതുവെ അനുമതിയില്ലെങ്കിലും, ഭർത്താവിന്റെ മരണം അല്ലെങ്കിൽ വിവാഹമോചനം തുടങ്ങിയ പ്രത്യേക സാഹചര്യങ്ങളിൽ നിബന്ധനകൾക്ക് വിധേയമായി മക്കളെ സ്‌പോൺസർ ചെയ്യാം. അതേസമയം, കുടുംബം പുലർത്തുന്ന ഭർത്താവിന് പെട്ടെന്നുണ്ടാകുന്ന ഗുരുതരമായ ആരോഗ്യപ്രശ്‌നങ്ങൾ കാരണം ജോലി ചെയ്യാൻ കഴിയാത്ത സാഹചര്യം വരികയും, ഭാര്യ മാത്രം കുടുംബത്തിലെ ഏക വരുമാന സ്രോതസ്സാവുകയും ചെയ്താൽ മാനുഷിക പരിഗണന മുൻനിർത്തി പ്രത്യേക അനുമതി തേടാൻ കഴിയും. റെസിഡൻസി അധികൃതരുടെ പ്രത്യേക അനുമതിയോടെ ഇത്തരം സാഹചര്യങ്ങളിൽ കുട്ടികളുടെ പഠനം പൂർത്തിയാകുന്നത് വരെ ഭർത്താവിനെ സ്‌പോൺസർ ചെയ്യാൻ ചിലപ്പോൾ അനുവാദം ലഭിച്ചേക്കാം.

ഭാര്യയുടെ വിസയിലേക്ക് മാറാൻ സാധിക്കാത്തവർക്ക് മുന്നിലുള്ള പ്രധാന പോംവഴി സ്വന്തം നിലയിൽ ജോലി കണ്ടെത്തി ആർട്ടിക്കിൾ 18 വിസയിലേക്ക് മാറുക എന്നതാണ്. സന്ദർശക വിസയിൽ എത്തുന്നവർക്ക് നിശ്ചിത കാലയളവിൽ അവിടെ തുടരാമെങ്കിലും അത് താമസ വിസയാക്കി മാറ്റാൻ നിലവിലെ സാഹചര്യത്തിൽ കഴിയില്ലെന്നാണ് വിദഗ്ധർ ചൂണ്ടിക്കാട്ടുന്നത്.