ravan bin hussein ദുബായ്: കോടിക്കണക്കിന് ആരാധകരും ആഡംബര ജീവിതവുമുള്ള ഗ്ലാമർ ലോകം പലപ്പോഴും ഒരു മറ മാത്രമായിരുന്നുവെന്ന് തുറന്നുപറഞ്ഞ് പ്രമുഖ കുവൈത്തി ഇൻഫ്ലുവൻസറും നടിയുമായ റവാൻ ബിൻ ഹുസൈൻ. കടുത്ത മാനസിക സമ്മർദ്ദത്തിലൂടെയും ആത്മഹത്യാശ്രമത്തിലൂടെയും കടന്നുപോയ തന്റെ ജീവിതകഥ സോഷ്യൽ മീഡിയയിലൂടെ പങ്കുവെച്ച താരം, ജയിൽവാസം തന്നെ എങ്ങനെ മാറ്റിയെന്നും വെളിപ്പെടുത്തി. 2024 നവംബറിൽ താൻ ഐസിയുവിലായിരുന്നുവെന്ന് റവാൻ പറയുന്നു. വിവാഹമോചനവും അമ്മയുടെ മരണവും സൃഷ്ടിച്ച ശൂന്യത മറയ്ക്കാൻ ലഹരിമരുന്നുകളെ ആശ്രയിച്ചതും തെറ്റായ സൗഹൃദങ്ങളിൽ പെട്ടതും ജീവിതം തകർത്തു. പൊതുരംഗത്തെ പെരുമാറ്റവുമായി ബന്ധപ്പെട്ട കേസിൽ യുഎഇയിൽ ആറുമാസത്തെ ജയിൽശിക്ഷ അനുഭവിച്ച് ഈ മാസമാദ്യമാണ് താരം പുറത്തിറങ്ങിയത്. “ആ ജയിൽവാസം എന്നെ രക്ഷിച്ചു, ഇല്ലായിരുന്നെങ്കിൽ എന്റെ അന്ത്യം ദുരന്തമാകുമായിരുന്നു” എന്നാണ് അവർ കുറിച്ചത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT മുൻകാലങ്ങളിൽ ആഡംബര വസ്ത്രങ്ങളും വിരുന്നുകളും ആഘോഷമാക്കിയിരുന്ന റവാൻ, ഇത്തവണത്തെ റമസാൻ പൂർണ്ണമായും സ്രഷ്ടാവിനായി സമർപ്പിക്കുകയാണെന്നും വസ്ത്രങ്ങളോ ഇഫ്താർ കാഴ്ചകളോ പങ്കുവെക്കില്ലെന്നും വ്യക്തമാക്കി. 1996 ഡിസംബർ 30-ന് കുവൈത്തിൽ ആണ് റവാന്‍ ബിന്‍ ഹുസൈന്‍റെ ജനനം. ലണ്ടനിൽ നിന്ന് നിയമബിരുദം പൂർത്തിയാക്കി. ഹോളിവുഡ് നടി ബ്രൂക്ക് ഷീൽഡ്‌സുമായുള്ള രൂപസാദൃശ്യം കാരണം ‘കുവൈത്തിലെ ബ്രൂക്ക് ഷീൽഡ്സ്’ എന്ന് അറിയപ്പെടുന്നു. ഇൻസ്റ്റഗ്രാമിൽ 70 ലക്ഷത്തിലേറെ ആരാധകർ. ഗായിക, മോഡൽ, നടി, സംരംഭക എന്നീ നിലകളിൽ പ്രശസ്ത. 2021-ൽ പുറത്തിറങ്ങിയ ‘കാൻ യാ മകാൻ’ എന്ന ആദ്യ ഗാനം സ്ത്രീ ശാക്തീകരണത്തെക്കുറിച്ചുള്ളതായിരുന്നു.

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

യുവതിയോട് അസഭ്യവര്‍ഷവും വധഭീഷണിയും; യുഎഇയിൽ മദ്യലഹരിയിൽ അക്രമം, പ്രവാസി അറസ്റ്റിൽ

Arab arrested drunken assault ഷാർജ: മദ്യലഹരിയിൽ യുവതിയെ പരസ്യമായി അധിക്ഷേപിക്കുകയും ജീവന് ഭീഷണിയുയർത്തുകയും ചെയ്ത അറബ് സ്വദേശിയെ ഷാർജ പോലീസ് പിടികൂടി. വർഷങ്ങളായി മദ്യപാന ശീലമുള്ള പ്രതി, സംഭവദിവസം യുവതിയുമായി ഉണ്ടായ വാക്കുതർക്കത്തെത്തുടർന്ന് നിയന്ത്രണം വിട്ട് ആക്രമിക്കാൻ മുതിരുകയായിരുന്നു. പ്രതി തന്നെ മോശം വാക്കുകളാൽ അധിക്ഷേപിച്ചെന്നും കൊല്ലുമെന്ന് ഭീഷണിപ്പെടുത്തിയെന്നും കാണിച്ച് യുവതി പോലീസിൽ പരാതി നൽകുകയായിരുന്നു. ഭയന്നുപോയ യുവതിയുടെ മൊഴിയുടെ അടിസ്ഥാനത്തിൽ സ്ഥലത്തെത്തിയ പോലീസ് പ്രതിയെ കസ്റ്റഡിയിലെടുത്തു.  കോടതിയിൽ ഹാജരാക്കിയപ്പോൾ പ്രതി കുറ്റം സമ്മതിച്ചു. എന്നാൽ, കനത്ത ലഹരിയിലായിരുന്നതിനാൽ തന്റെ പെരുമാറ്റത്തെക്കുറിച്ച് ബോധ്യമുണ്ടായിരുന്നില്ലെന്നാണ് ഇയാൾ കോടതിയിൽ നൽകിയ മൊഴി. മദ്യപാനം, അസഭ്യം പറയൽ, ക്രിമിനൽ ഭീഷണി എന്നീ കുറ്റങ്ങളാണ് പ്രതിക്കെതിരെ ഷാർജ പ്രോസിക്യൂഷൻ ചുമത്തിയിരിക്കുന്നത്. ഷാർജ മിസ്ഡമീനർ കോടതിയിൽ വിചാരണ ആരംഭിച്ച കേസിൽ ഇരുഭാഗത്തിന്റെയും വാദങ്ങൾ കേട്ട ശേഷം വിധി പ്രസ്താവിക്കുന്നത് മാർച്ച് ഒൻപതിലേക്ക് മാറ്റിയിരിക്കുകയാണ്.

യുഎഇയിൽ മരുന്ന് വിപണിയിലെ കുത്തക അവസാനിക്കുന്നു; പുതിയ നിയമങ്ങൾ പ്രഖ്യാപിച്ചു

UAE medicine monopolies അബുദാബി: യുഎഇയിലെ മെഡിക്കൽ ഉൽപ്പന്നങ്ങളുടെയും മരുന്നുകളുടെയും വിതരണത്തിലുള്ള കുത്തക അവസാനിപ്പിക്കാൻ ലക്ഷ്യമിട്ടുള്ള നിർണ്ണായക നടപടികളുമായി എമിറേറ്റ്‌സ് ഡ്രഗ് എസ്റ്റാബ്ലിഷ്‌മെന്റ്. മരുന്ന് സുരക്ഷ ഉറപ്പാക്കുന്നതിനായി ആരോഗ്യമേഖലയിൽ ആദ്യമായാണ് ഇത്തരമൊരു പരിഷ്കാരം നടപ്പിലാക്കുന്നത്. പുതിയ നിയമപ്രകാരം ഓരോ മെഡിക്കൽ ഉൽപ്പന്നത്തിനും ഒന്നിലധികം വിതരണ ഏജന്റുമാരെ നിയമിക്കാൻ ഫാർമസ്യൂട്ടിക്കൽ കമ്പനികൾ ബാധ്യസ്ഥരാണ്. മുൻപ് ഓരോ മരുന്നിനും നിശ്ചിത ഏജന്റുമാർ മാത്രമാണുണ്ടായിരുന്നത്. വിപണിയിലെ കുത്തക രീതികൾ അവസാനിപ്പിക്കാനും രാജ്യത്ത് മരുന്നുകളുടെയും ചികിത്സാ ഉൽപ്പന്നങ്ങളുടെയും വിതരണം തടസ്സമില്ലാതെ തുടരുന്നുവെന്ന് ഉറപ്പാക്കാനും ഈ നീക്കം സഹായിക്കും. പ്രതിസന്ധികളോ അടിയന്തര സാഹചര്യങ്ങളോ ഉണ്ടാകുമ്പോൾ മരുന്ന് വിതരണത്തിലുണ്ടാകുന്ന തടസ്സങ്ങൾ ഒഴിവാക്കാൻ ഒന്നിലധികം ഏജന്റുമാർ ഉള്ളത് സഹായകരമാകും. ഫാർമസ്യൂട്ടിക്കൽ മേഖലയിലെ നിക്ഷേപങ്ങളെ പിന്തുണയ്ക്കാനും ആഗോളതലത്തിൽ യുഎഇയുടെ മത്സരശേഷി വർദ്ധിപ്പിക്കാനുമാണ് ഈ നടപടിയിലൂടെ ലക്ഷ്യമിടുന്നത്. ഈ മാറ്റം വിപണിയിൽ ആരോഗ്യകരമായ മത്സരം കൊണ്ടുവരുമെന്നും മരുന്ന് വില നിയന്ത്രിക്കാൻ സഹായിക്കുമെന്നും കരുതപ്പെടുന്നു. 

എയർ ഇന്ത്യയിൽ സുരക്ഷാ പ്രതിസന്ധി; സാങ്കേതിക തകരാറുകൾ കുത്തനെ കൂടി, കടുത്ത ആശങ്കയിൽ വ്യോമയാന മേഖല

Air India technical incidents ന്യൂഡൽഹി: ടാറ്റ ഗ്രൂപ്പിന്റെ ഉടമസ്ഥതയിലുള്ള എയർ ഇന്ത്യയിൽ സാങ്കേതിക തകരാറുകൾ വർദ്ധിക്കുന്നത് വിമാനക്കമ്പനിയുടെ പ്രവർത്തനങ്ങളെ പ്രതിസന്ധിയിലാക്കുന്നു. കഴിഞ്ഞ ജനുവരി മാസത്തിൽ വിമാനങ്ങളുടെ എൻജിൻ ഓയിൽ, ഇന്ധന ചോർച്ച തുടങ്ങിയ സാങ്കേതിക പ്രശ്നങ്ങളുടെ നിരക്ക് കഴിഞ്ഞ 14 മാസത്തിനിടയിലെ ഏറ്റവും ഉയർന്ന നിലയിലെത്തിയതായി കമ്പനി രേഖകൾ വ്യക്തമാക്കുന്നു. 2024 ഡിസംബറിൽ ഓരോ 1,000 വിമാന സർവീസുകളിലും 0.26 എന്ന നിലയിലായിരുന്ന സാങ്കേതിക തകരാറുകൾ ജനുവരിയിൽ 1.09 ആയി കുത്തനെ ഉയർന്നു. നാല് മടങ്ങിലധികം വർദ്ധനവാണ് രേഖപ്പെടുത്തിയിരിക്കുന്നത്. എയർ ഇന്ത്യയുടെ 82.5 ശതമാനം വിമാനങ്ങളിലും ആവർത്തിച്ചുള്ള സാങ്കേതിക തകരാറുകൾ ഉള്ളതായി സിവിൽ ഏവിയേഷൻ മന്ത്രാലയം പാർലമെന്റിനെ അറിയിച്ചു. വിപണിയിലെ മുൻനിരക്കാരായ ഇൻഡിഗോയിൽ ഇത് 36.5 ശതമാനം മാത്രമാണ്. ജനുവരിയിൽ ആകെ 23 സാങ്കേതിക തകരാറുകൾ റിപ്പോർട്ട് ചെയ്യപ്പെട്ടു. എൻജിൻ സ്റ്റാൾ വാർണിംഗുകൾ, ഫ്ലൈറ്റ് കൺട്രോൾ പ്രശ്നങ്ങൾ, അഞ്ച് തവണയുണ്ടായ ഇന്ധന-ഓയിൽ ചോർച്ചകൾ എന്നിവ ഇതിൽ ഉൾപ്പെടുന്നു.  ജനുവരി 12-ന് ഡൽഹി-ദുബായ് വിമാനം ടേക്ക് ഓഫിന് ശേഷം തിരിച്ചിറക്കേണ്ടി വന്നത് വിമാനത്തിലെ ശുചിമുറികളിലും ഗാലറിയിലും വെള്ളമില്ലാത്തതിനാലാണെന്നും റിപ്പോർട്ട് സൂചിപ്പിക്കുന്നു. കഴിഞ്ഞ വർഷം 260 പേരുടെ മരണത്തിനിടയാക്കിയ വിമാനാപകടത്തിന് ശേഷം എയർ ഇന്ത്യ കർശനമായ സുരക്ഷാ നിരീക്ഷണത്തിലാണ്. പഴയ വിമാനങ്ങൾ മാറ്റുന്നതിലെ കാലതാമസവും വിതരണ ശൃംഖലയിലെ പ്രശ്നങ്ങളും എയർ ഇന്ത്യയുടെ നവീകരണ പ്രവർത്തനങ്ങളെ ബാധിച്ചിട്ടുണ്ട്. സുരക്ഷാ മാനദണ്ഡങ്ങൾ മെച്ചപ്പെടുത്താൻ അടിയന്തര നടപടികൾ ആവശ്യമാണെന്ന് ഡിസംബറിൽ കമ്പനി തന്നെ സമ്മതിച്ചിരുന്നു. പരിശീലനം, എഞ്ചിനീയറിംഗ് ക്വാളിറ്റി, നടപടിക്രമങ്ങളുടെ മേൽനോട്ടം എന്നിവയിൽ വ്യവസ്ഥാപിതമായ മാറ്റങ്ങൾ വരുത്തിക്കൊണ്ടിരിക്കുകയാണെന്ന് എയർ ഇന്ത്യ അറിയിച്ചു.

റമദാനിൽ ഭിക്ഷാടനം ശ്രദ്ധിക്കണം; യുഎഇയിൽ പിടിയിലായത് ആയിരങ്ങൾ, കൃത്രിമ മുറിവുകളും വ്യാജ ചികിത്സാ രേഖകളും കാട്ടി തട്ടിപ്പ്

begging Ramadan ദുബായ്: വിശുദ്ധ റമദാൻ മാസത്തിൽ ജനങ്ങളുടെ ദാനശീലത്തെ ചൂഷണം ചെയ്യുന്ന സംഘടിത ഭിക്ഷാടന സംഘങ്ങൾക്കെതിരെ യുഎഇയിൽ നിരീക്ഷണം ശക്തം. സന്ദർശക വിസയിൽ എത്തി വ്യാജ കാരണങ്ങൾ നിരത്തി പണം തട്ടുന്ന സംഘങ്ങളെ പിടികൂടാൻ ദുബായ് പോലീസ് പ്രത്യേക ക്യാമ്പയിൻ ആരംഭിച്ചു. പാർക്കിംഗ് ഏരിയകളിൽ ആഡംബര വാഹനങ്ങൾ തടഞ്ഞുനിർത്തി പണം ചോദിച്ചിരുന്ന ഒരാളെ 20,000 ദിർഹവുമായി ദുബായ് പോലീസ് പിടികൂടി. കഴിഞ്ഞ വർഷങ്ങളിൽ 3 ലക്ഷം ദിർഹം വരെ കൃത്രിമ അവയവത്തിനുള്ളിൽ ഒളിപ്പിച്ച നിലയിൽ കണ്ടെത്തിയിട്ടുണ്ട്. സന്ദർശക വിസയിൽ എത്തിയ 41 അറബ് വംശജരെ ഒരു ഹോട്ടലിൽ നിന്ന് പോലീസ് അറസ്റ്റ് ചെയ്തു. ഇവരുടെ പക്കൽ നിന്ന് 60,000 ദിർഹത്തോളം കണ്ടുകെട്ടി. കൈകളിൽ കെട്ടുകൾ ഇടുക, വ്യാജ മരുന്ന് കുറിപ്പുകൾ കാണിക്കുക, ശരീരത്തിൽ വ്യാജമായി ഐവി ട്യൂബുകൾ ഘടിപ്പിക്കുക തുടങ്ങിയ മാർഗ്ഗങ്ങളിലൂടെയാണ് ഇവർ സഹതാപം പിടിച്ചുപറ്റുന്നത്. കഴിഞ്ഞ അഞ്ച് വർഷത്തിനിടയിൽ ദുബായ് പോലീസ് 1,801 ഭിക്ഷാടകരെയാണ് അറസ്റ്റ് ചെയ്തത്. 2021: 458 പേർ, 2023: 499 പേർ, 2025: 206 പേർ (മറ്റ് വർഷങ്ങളെ അപേക്ഷിച്ച് ഭിക്ഷാടനത്തിൽ 70 ശതമാനം കുറവ് രേഖപ്പെടുത്തി). 2025-ലെ റമദാൻ കാലയളവിൽ മാത്രം അബുദാബിയിൽ 237 പേരും ഷാർജയിൽ 144 പേരും അറസ്റ്റിലായി. ഭിക്ഷാടകരെ പ്രോത്സാഹിപ്പിക്കരുതെന്നും ദാനധർമ്മങ്ങൾ സർക്കാർ അംഗീകാരമുള്ള ചാരിറ്റി സ്ഥാപനങ്ങൾ വഴി മാത്രം നൽകണമെന്നും പോലീസ് ആവശ്യപ്പെട്ടു. സംശയാസ്പദമായ സാഹചര്യങ്ങൾ കണ്ടാൽ 901 എന്ന നമ്പറിലോ ‘Police Eye’ ആപ്പ് വഴിയോ റിപ്പോർട്ട് ചെയ്യാവുന്നതാണ്. ഭിക്ഷാടനം യുഎഇയിൽ നിയമവിരുദ്ധമായതിനാൽ കഠിനമായ ശിക്ഷയും നാടുകടത്തലും ഇതിന് ലഭിക്കും.

സ്വർണം വാങ്ങാൻ ദുബായോ ഇന്ത്യയോ ലാഭം? നികുതിയിലെ വ്യത്യാസവും പുതിയ നിയമങ്ങളും അറിയാം

ദുബായിൽ 5 ശതമാനം വാറ്റും നിർമ്മാണ കൂലിയും ഉൾപ്പെടെ ഏകദേശം 1,300 – 1,450 ദിർഹം. ഇന്ത്യയിൽ ജിഎസ്ടിയും മറ്റ് നികുതികളും ഉൾപ്പെടെ ഏകദേശം 33,000 – 36,000 രൂപ (ഏകദേശം 1,333 – 1,454 ദിർഹം). ഇന്ത്യയുടെ പുതിയ ബജറ്റിലെ പരിഷ്കാരം അനുസരിച്ച്, പ്രവാസികൾക്ക് നാട്ടിലേക്ക് സ്വർണം കൊണ്ടുപോകുന്നതിലെ നിബന്ധനകളിൽ ഇളവ് വരുത്തിയിട്ടുണ്ട്. സ്വർണ്ണത്തിന്റെ മൂല്യത്തിന് പകരം തൂക്കത്തിന്റെ അടിസ്ഥാനത്തിലുള്ള പരിധി നിശ്ചയിച്ചത് പ്രവാസികൾക്ക് കൂടുതൽ ഗുണകരമാകും. ചുരുക്കത്തിൽ, ആഗോള വിപണിയിലെ മാറ്റങ്ങൾ അനുസരിച്ച് വിലയിൽ നേരിയ വ്യത്യാസങ്ങൾ ഉണ്ടാകാമെങ്കിലും, കുറഞ്ഞ നികുതിയും സുതാര്യമായ ഇടപാടുകളും കാരണം ഇപ്പോഴും ദുബായ് തന്നെ സ്വർണ്ണ വിപണിയിൽ മുൻതൂക്കം നിലനിർത്തുന്നു.

യുഎഇയിൽ കനത്ത മൂടൽമഞ്ഞ്: ദുബായ്, ഷാർജ വിമാനത്താവളങ്ങളിൽ വിമാനങ്ങൾ വൈകി

UAE flights delayed ദുബായ്: യുഎഇയുടെ വിവിധ ഭാഗങ്ങളിൽ ചൊവ്വാഴ്ച (ഫെബ്രുവരി 24) രാവിലെ അനുഭവപ്പെട്ട കനത്ത മൂടൽമഞ്ഞ് വ്യോമഗതാഗതത്തെ സാരമായി ബാധിച്ചു. ദുബായ് അന്താരാഷ്ട്ര വിമാനത്താവളത്തിലും ഷാർജ വിമാനത്താവളത്തിലും നിരവധി സർവീസുകൾ വൈകുകയും ചില വിമാനങ്ങൾ വഴിതിരിച്ചുവിടുകയും ചെയ്തു. കനത്ത മൂടൽമഞ്ഞ് കാരണം ദുബായിൽ നിന്നുള്ളതും ദുബായിലേക്ക് വരുന്നതുമായ ചില വിമാനങ്ങൾ വൈകിയതായി എമിറേറ്റ്‌സ് വക്താവ് അറിയിച്ചു. യാത്രക്കാർ വിമാനങ്ങളുടെ നിലവിലെ സ്ഥിതി വെബ്സൈറ്റിലൂടെ പരിശോധിക്കണമെന്ന് അധികൃതർ നിർദ്ദേശിച്ചു. യാത്രക്കാരുടെയും ക്രൂവിന്റെയും സുരക്ഷയ്ക്കാണ് മുൻഗണനയെന്നും അവർ വ്യക്തമാക്കി. മൂടൽമഞ്ഞ് കാരണം ഏതാനും ഫ്ലൈ ദുബായിയുടെ വിമാനങ്ങൾ വൈകുകയോ മറ്റ് വിമാനത്താവളങ്ങളിലേക്ക് വഴിതിരിച്ചുവിടുകയോ ചെയ്തിട്ടുണ്ട്. തടസ്സങ്ങൾ കുറയ്ക്കാൻ ആവശ്യമായ നടപടികൾ സ്വീകരിച്ചുവരികയാണെന്ന് കമ്പനി അറിയിച്ചു. ഷാർജയിൽ നിന്നുള്ള 28-ഓളം വിമാനങ്ങൾ മൂടൽമഞ്ഞ് കാരണം വൈകിയതായാണ് റിപ്പോർട്ടുകൾ. ഇതിൽ ഭൂരിഭാഗവും എയർ അറേബ്യ സർവീസുകളാണ്. ഇൻഡിഗോ, എയർ ഇന്ത്യ എക്സ്പ്രസ് തുടങ്ങിയ വിദേശ വിമാനക്കമ്പനികളും സമയക്രമത്തിൽ മാറ്റം വരുത്തിയിട്ടുണ്ട്. കാഴ്ചപരിധി ഏതാനും മീറ്ററുകൾ മാത്രമായി ചുരുങ്ങിയത് വിമാനത്താവളത്തിലേക്കുള്ള റോഡ് യാത്രയെയും ബാധിച്ചു. ദുബായ്, ഷാർജ മേഖലകളിൽ പുലർച്ചെ മുതൽ അനുഭവപ്പെട്ട കനത്ത മൂടൽമഞ്ഞ് കാരണം വാഹനങ്ങൾ വളരെ സാവധാനത്തിലാണ് സഞ്ചരിച്ചത്. കാലാവസ്ഥാ വ്യതിയാനം കാരണം യാത്രക്കാർക്കുണ്ടായ ബുദ്ധിമുട്ടിൽ വിമാനക്കമ്പനികൾ ഖേദം പ്രകടിപ്പിച്ചു. വരും മണിക്കൂറുകളിൽ കാലാവസ്ഥ മെച്ചപ്പെടുന്നതോടെ സർവീസുകൾ സാധാരണ നിലയിലാകുമെന്നാണ് പ്രതീക്ഷിക്കുന്നത്.

യുഎഇയിൽ കനത്ത മൂടൽമഞ്ഞ്; ഷാർജയിലും ദുബായിലും ഗതാഗതം തടസപ്പെട്ടു, അതീവ ജാഗ്രതാ നിർദ്ദേശം

UAE Fog ദുബായ്: ചൊവ്വാഴ്ച രാവിലെ ഷാർജയുടെയും ദുബായിന്റെയും വിവിധ ഭാഗങ്ങളിൽ അനുഭവപ്പെട്ട കനത്ത മൂടൽമഞ്ഞിൽ ജനജീവിതം മന്ദഗതിയിലായി. കാഴ്ചപരിധി ഏതാനും മീറ്ററുകളായി കുറഞ്ഞതോടെ റോഡുകളിൽ വാഹനങ്ങൾ അതീവ ജാഗ്രതയോടെയാണ് നീങ്ങിയത്. ഷാർജ ഇൻഡസ്ട്രിയൽ ഏരിയ, അൽ ഖുസൈസ് എന്നിവിടങ്ങളിൽ കാഴ്ചപരിധി 200 മീറ്ററിൽ താഴെയായി കുറഞ്ഞു. ഇതേത്തുടർന്ന് രാവിലെ മുതൽ തന്നെ പ്രധാന റോഡുകളിൽ വലിയ ഗതാഗതക്കുരുക്ക് അനുഭവപ്പെട്ടു. റോഡുകളിലെ മന്ദഗതിയിലുള്ള ഗതാഗതം കാരണം പലയിടങ്ങളിലും സ്കൂൾ ബസുകൾ വിദ്യാർത്ഥികളെ പിക്ക് ചെയ്യാൻ വൈകിയതായി രക്ഷിതാക്കൾ അറിയിച്ചു. ഷെയ്ഖ് മുഹമ്മദ് ബിൻ സായിദ് റോഡ് (E311) ഉൾപ്പെടെയുള്ള പ്രധാന ഹൈവേകളിൽ പോലീസ് സാന്നിധ്യം ശക്തമാക്കി. അപകടങ്ങൾ ഒഴിവാക്കാൻ വലിയ വാഹനങ്ങൾ റോഡരികിൽ നിർത്തിയിട്ടു. റോഡുകളിലെ ഇലക്ട്രോണിക് ബോർഡുകൾ വഴി ആർടിഎ (RTA) ഡ്രൈവർമാർക്ക് നിർദ്ദേശങ്ങൾ നൽകി. വേഗത കുറയ്ക്കുക, സുരക്ഷിതമായ അകലം പാലിക്കുക, ഫോഗ് ലൈറ്റുകൾ ഉപയോഗിക്കുക എന്നിവയായിരുന്നു പ്രധാന നിർദ്ദേശങ്ങൾ. ദേശീയ കാലാവസ്ഥാ നിരീക്ഷണ കേന്ദ്രം (NCM) രാജ്യത്തിന്റെ വിവിധ ഭാഗങ്ങളിൽ റെഡ്, യെല്ലോ അലർട്ടുകൾ പ്രഖ്യാപിച്ചു. ഇന്ന് രാവിലെ 10 മണി വരെ കാഴ്ചപരിധി കുറയാൻ സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകിയിരുന്നു. പെട്ടെന്നുണ്ടായ ഈ കാലാവസ്ഥാ മാറ്റം മൂലം പലർക്കും ഓഫീസുകളിൽ എത്താൻ വൈകിയെങ്കിലും അപകടങ്ങൾ ഒഴിവാക്കാൻ ഡ്രൈവർമാർ സ്വയം ജാഗ്രത കാട്ടിയത് ആശ്വാസമായി.

പെരുന്നാൾ ആഘോഷിക്കാം; യുഎഇ പ്രവാസികൾക്ക് വിസയില്ലാതെയും ‘ഓൺ അറൈവൽ’ വിസയിലും സന്ദർശിക്കാവുന്ന 10 രാജ്യങ്ങൾ

UAE on arrival visa ദുബായ്: ഈദുൽ ഫിത്തർ അവധി ദിനങ്ങൾ പ്രഖ്യാപിച്ചതോടെ വിദേശയാത്രകൾ പ്ലാൻ ചെയ്യുന്ന തിരക്കിലാണ് യുഎഇയിലെ പ്രവാസികൾ. നീണ്ട വിസ നടപടികളില്ലാതെ യുഎഇ റസിഡന്റ്സ് വിസയുള്ളവർക്ക് എളുപ്പത്തിൽ പോകാവുന്ന മികച്ച പത്ത് ഇടങ്ങൾ പരിചയപ്പെടാം.

അസർബൈജാൻ- യുഎഇയിൽ നിന്ന് ഏകദേശം 3 മണിക്കൂർ മാത്രം വിമാനയാത്രയുള്ള അസർബൈജാൻ പ്രവാസികളുടെ പ്രിയപ്പെട്ട ഇടമാണ്. വിമാനത്താവളത്തിൽ എത്തിയ ശേഷം വീസ ലഭിക്കും (വീസ ഓൺ അറൈവൽ). യുഎഇ റസിഡൻസ് വീസയ്ക്ക് ചുരുങ്ങിയത് 3 മാസമെങ്കിലും കാലാവധി ഉണ്ടായിരിക്കണം. പാസ്‌പോർട്ടിന് 6 മാസത്തെ കാലാവധിയും വേണം. താമസപരിധി 30 ദിവസം.

മാലദ്വീപ്- മനോഹരമായ ദ്വീപുകളും നീലക്കടലും ആസ്വദിക്കാൻ ആഗ്രഹിക്കുന്നവർക്ക് പറ്റിയ ഇടം. എല്ലാ രാജ്യക്കാർക്കും വിമാനത്താവളത്തിൽ 30 ദിവസത്തെ സൗജന്യ ടൂറിസ്റ്റ് വീസ ലഭിക്കും. മടക്കയാത്രയ്ക്കുള്ള ടിക്കറ്റ്, ഹോട്ടൽ ബുക്കിങ് എന്നിവ നിർബന്ധം. യാത്രയ്ക്ക് 96 മണിക്കൂർ മുൻപ് ഓൺലൈനായി ‘ട്രാവലർ ഡിക്ലറേഷൻ ഫോം’ പൂരിപ്പിക്കണം.

സീഷെൽസ്- ആഫ്രിക്കൻ വൻകരയോട് ചേർന്നുള്ള ഈ ദ്വീപ് രാജ്യം പ്രകൃതിഭംഗിയാൽ സമ്പന്നമാണ്. വീസ രഹിത പ്രവേശനം. വിമാനത്താവളത്തിൽ നിന്ന് ‘എൻട്രി പെർമിറ്റ്’ ലഭിക്കും. താമസം, മടക്ക ടിക്കറ്റ് എന്നിവയ്ക്കൊപ്പം പ്രതിദിനം ചുരുങ്ങിയത് 150 ഡോളർ ചെലവാക്കാനുള്ള പണം കൈവശമുണ്ടെന്ന് ഉറപ്പാക്കണം.

ഉസ്‌ബെക്കിസ്ഥാന്‍- സാംസ്കാരിക വൈവിധ്യവും ചരിത്ര സ്മാരകങ്ങളും ഇഷ്ടപ്പെടുന്നവർക്കായുള്ള ഇടം. യുഎഇ റസിഡന്റ്സ് വീസയുള്ള ഏത് രാജ്യക്കാർക്കും 30 ദിവസം വരെ വീസയില്ലാതെ സന്ദർശിക്കാം. മൂന്ന് മാസമെങ്കിലും കാലാവധിയുള്ള എമിറേറ്റ്‌സ് ഐഡി കൈവശം കരുതണം.

കെനിയ- കാടിന്റെ വന്യതയും സഫാരികളും ഇഷ്ടപ്പെടുന്നവർക്ക് കെനിയ മികച്ച ഓപ്ഷനാണ്. ഇവിടെ വീസ സമ്പ്രദായം നിർത്തലാക്കി പകരം ഇലക്ട്രോണിക് ട്രാവൽ ഓതറൈസേഷൻ (ഇടിഎ) ഏർപ്പെടുത്തി. ഇത് വിമാനത്താവളത്തിൽ ലഭിക്കില്ല. യാത്രയ്ക്ക് മുൻപ് തന്നെ etakenya.go.ke എന്ന വെബ്സൈറ്റിലൂടെ അപേക്ഷിക്കണം. ഫീസ് ഏകദേശം 110 ദിർഹം.

ഇന്തൊനീഷ്യ- ബാലിയിലെ ബീച്ചുകളും അഗ്നിപർവ്വതങ്ങളും വിനോദസഞ്ചാരികളെ ആകർഷിക്കുന്നവയാണ്. ഇന്ത്യക്കാർ ഉൾപ്പെടെയുള്ളവർക്ക് ഇലക്ട്രോണിക് വീസ ഓൺ അറൈവൽ ലഭിക്കും. വിമാനത്താവളത്തിലെ തിരക്ക് ഒഴിവാക്കാൻ യാത്രയ്ക്ക് മുൻപ് തന്നെ ഔദ്യോഗിക ഇമിഗ്രേഷൻ പോർട്ടൽ വഴി ഓൺലൈനായി അപേക്ഷിക്കാം.

അർമേനിയ- മലനിരകളും തടാകങ്ങളും കോട്ടകളും നിറഞ്ഞ ശാന്തമായ രാജ്യം. യുഎഇ അടക്കമുള്ള ജിസിസി രാജ്യങ്ങളിലെ പൗരന്മാർക്കും താമസക്കാർക്കും വീസ രഹിതമായി പ്രവേശിക്കാം. എമിറേറ്റ്‌സ് ഐഡി, മടക്ക ടിക്കറ്റ്, ഹോട്ടൽ ബുക്കിങ് രേഖകൾ എന്നിവ നിർബന്ധമായും കൈവശം വെക്കണം.

മൗറീഷ്യസ്- മനോഹരമായ വെള്ളച്ചാട്ടങ്ങളും ഹൈക്കിങ് പാതകളുമാണ് ഇവിടുത്തെ ആകർഷണം. മിക്ക രാജ്യക്കാർക്കും വിമാനത്താവളത്തിൽ വീസ ലഭിക്കും. 60 മുതൽ 90 ദിവസം വരെ. യാത്രയ്ക്ക് മുൻപ് നിങ്ങളുടെ രാജ്യം വീസ ഓൺ അറൈവൽ പട്ടികയിൽ ഉണ്ടോ എന്ന് passport.govmu.org വഴി ഉറപ്പാക്കുക.

തായ്‌ലൻഡ്- ഷോപ്പിങ്ങിനും നൈറ്റ് ലൈഫിനും ഭക്ഷണത്തിനും പേരുകേട്ട ഇടം. ഇന്ത്യ ഉൾപ്പെടെ 93 രാജ്യങ്ങളിൽ നിന്നുള്ളവർക്ക് 60 ദിവസത്തെ വീസ രഹിത പ്രവേശനം ലഭിക്കും. 6 മാസം കാലാവധിയുള്ള പാസ്‌പോർട്ടും മടക്ക ടിക്കറ്റും കരുതണം. തായ്‌ലൻഡിലെ വിമാനത്താവളത്തിൽ നിന്നും വീസ എടുക്കാം (ഫീസ് 2000 തായ് ഭട്ട്).

ഒമാൻ- ഏറ്റവും കുറഞ്ഞ ചെലവിൽ വേഗത്തിൽ പോയി വരാവുന്ന രാജ്യമാണിത്. യുഎഇ റസിഡൻസ് വീസയുള്ളവർക്ക് വിമാനത്താവളങ്ങളിലും കര അതിർത്തികളിലും വീസ ഓൺ അറൈവൽ ലഭിക്കും. നിങ്ങളുടെ എമിറേറ്റ്‌സ് ഐഡിയിലെ പ്രഫഷൻ ഒമാൻ അംഗീകരിച്ചിട്ടുള്ള പട്ടികയിൽ ഉണ്ടോ എന്ന് പരിശോധിക്കണം. ഏകദേശം 48 ദിർഹമാണ് വീസ ഫീസ്.

യാത്രക്കാർ ശ്രദ്ധിക്കാൻ:

കുറഞ്ഞത് 6 മാസം കാലാവധിയുള്ള പാസ്‌പോർട്ടും 3 മാസമെങ്കിലും കാലാവധിയുള്ള യുഎഇ റസിഡൻസ് വിസയും കൈവശം കരുതുക.

വിസ നിയമങ്ങൾ അടിക്കടി മാറാൻ സാധ്യതയുള്ളതിനാൽ ടിക്കറ്റ് ബുക്ക് ചെയ്യുന്നതിന് മുൻപ് അതത് രാജ്യങ്ങളുടെ ഔദ്യോഗിക പോർട്ടലുകളോ ട്രാവൽ ഏജന്റുമാരെയോ സമീപിച്ച് വിവരങ്ങൾ ഉറപ്പുവരുത്തുക. മിക്ക രാജ്യങ്ങളിലും മടക്കയാത്രയ്ക്കുള്ള ടിക്കറ്റും ഹോട്ടൽ ബുക്കിംഗ് രേഖകളും നിർബന്ധമാണ്. നാട്ടിലേക്ക് തിരിക്കാൻ നിമിഷങ്ങൾ ബാക്കി; ദുബായിൽ മലയാളി കുഴഞ്ഞുവീണു മരിച്ചു

Malayali Dies in Dubai ദുബായ്: അവധിക്ക് നാട്ടിലേക്ക് പോകാൻ തയാറെടുക്കുന്നതിനിടെ പ്രവാസി മലയാളി ദുബായിൽ കുഴഞ്ഞുവീണു മരിച്ചു. കണ്ണൂർ സിറ്റി നീർച്ചാൽ സ്വദേശി ഫവാസ് ചമ്പാൻ (39) ആണ് അന്തരിച്ചത്. ഞായറാഴ്ച രാത്രി വിമാനത്താവളത്തിലേക്ക് പുറപ്പെടാനിരിക്കെയാണ് മരണം സംഭവിച്ചത്. യാത്രയ്ക്കുള്ള ഒരുക്കങ്ങളെല്ലാം പൂർത്തിയാക്കി, താമസസ്ഥലത്ത് ഇരുന്ന് ഭക്ഷണം കഴിക്കുന്നതിനിടെ ഫവാസ് പെട്ടെന്ന് കുഴഞ്ഞുവീഴുകയായിരുന്നു. ഉടൻ തന്നെ ആംബുലൻസിൽ ദുബായ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഏറെക്കാലമായി ദുബായിൽ ജോലി ചെയ്തുവരികയായിരുന്നു ഇദ്ദേഹം. പ്രിയപ്പെട്ടവരെ കാണാൻ നാട്ടിലേക്ക് തിരിക്കാനിരിക്കെ ഉണ്ടായ ഈ വേർപാട് പ്രവാസി സമൂഹത്തെയും ബന്ധുക്കളെയും ഒരുപോലെ ദുഃഖത്തിലാഴ്ത്തി. ഇബ്രാഹിം-സുബൈദ ദമ്പതികളുടെ മകനാണ്. ഭാര്യ: ഫാത്തിമത്തുൽ സാദിയ. മകൻ: മുഹമ്മദ് ഫെസിൻ. സഹോദരങ്ങൾ: ഫൈസൽ, ഫായിസ. മൃതദേഹം നാട്ടിലെത്തിക്കുന്നതിനുള്ള നിയമനടപടികൾ ദുബായിൽ പുരോഗമിച്ചുവരികയാണ്. 

പെരുന്നാളിന് ഇനിയും ദിവസങ്ങൾ; യുഎഇയിലെ തയ്യൽ കടകളിൽ ‘നോ ഓർഡർ’ ബോർഡുകൾ, തിരക്കേറി വിപണി

UAE tailors overstretched ദുബായ്: ഈദുൽ ഫിത്തറിന് ഇനിയും ആഴ്ചകൾ ബാക്കിനിൽക്കെ, യുഎഇയിലെ പ്രമുഖ തയ്യൽ കടകളെല്ലാം പുതിയ ഓർഡറുകൾ സ്വീകരിക്കുന്നത് നിർത്തിവെച്ചു. റമദാൻ ആരംഭിക്കുന്നതിന് മുൻപേ തന്നെ പെരുന്നാൾ വസ്ത്രങ്ങൾക്കായുള്ള തിരക്ക് വർദ്ധിച്ചതാണ് ഇതിന് കാരണം. സാധാരണയായി പെരുന്നാളിന് 50 ദിവസത്തോളം ബാക്കിയുണ്ടെങ്കിലും സങ്കീർണ്ണമായ ഡിസൈനുകൾ പൂർത്തിയാക്കാൻ കൂടുതൽ സമയം ആവശ്യമായതിനാലാണ് കടകൾ ബുക്കിംഗ് നേരത്തെ അവസാനിപ്പിക്കുന്നത്. എംബ്രോയ്ഡറി, സ്റ്റോൺ വർക്ക്, ലെയർ വർക്കുകൾ എന്നിവയുള്ള സ്ത്രീകൾക്കായുള്ള പെരുന്നാൾ വസ്ത്രങ്ങൾ തുന്നാൻ ഒന്നിലധികം ദിവസങ്ങൾ ആവശ്യമാണ്. കൈകൊണ്ടുള്ള എംബ്രോയ്ഡറിക്ക് മാത്രം അഞ്ച് ദിവസത്തിലധികം വേണ്ടിവരും. തിരക്കിനിടയിൽ വസ്ത്രങ്ങൾ തുന്നുന്നത് ഗുണനിലവാരത്തെ ബാധിക്കുമെന്നതിനാൽ, ഉപഭോക്താക്കളെ നിരാശപ്പെടുത്താതിരിക്കാൻ പല തയ്യൽക്കാരും ജനുവരി പകുതിയോടെ തന്നെ ബുക്കിംഗ് അവസാനിപ്പിച്ചു.സാധാരണ അബായകളെ അപേക്ഷിച്ച് പെരുന്നാൾ വിപണിയിൽ എത്തുന്ന ഡിസൈനർ അബായകൾക്ക് ആവശ്യക്കാർ കൂടുതലാണ്. ലെയറുകളും പ്രത്യേക ഡിസൈനുകളുമുള്ള അബായകൾ തുന്നുന്നതിനും കാലതാമസം നേരിടാറുണ്ട്. അതിനാൽ തന്നെ പല മുൻനിര അബായ ഷോപ്പുകളും തങ്ങളുടെ സ്ഥിരം ഉപഭോക്താക്കളെ നേരിട്ട് സമീപിച്ച് നേരത്തെ തന്നെ ഓർഡറുകൾ ശേഖരിച്ചു കഴിഞ്ഞു. ഷാർജയിലെ റോള്ള, ദുബായിലെ നായിഫ്, മിർദിഫ് എന്നിവിടങ്ങളിലെല്ലാം സമാനമായ തിരക്കാണ് അനുഭവപ്പെടുന്നത്. വൈകി എത്തുന്ന ഉപഭോക്താക്കൾക്ക് പലപ്പോഴും നിരാശരായി മടങ്ങേണ്ടി വരുന്നു.