Khamenei ടെഹ്‌റാൻ: പരമോന്നത നേതാവ് ആയത്തുല്ല അലി ഖമനയി കൊല്ലപ്പെട്ടതിന് പിന്നാലെ ഇസ്രയേലിനും അമേരിക്കയ്ക്കും എതിരെ യുദ്ധം പ്രഖ്യാപിച്ച് ഇറാൻ. ഖമനയിയുടെ മരണത്തിന് നിമിഷങ്ങൾക്കകം തിരിച്ചടി തുടങ്ങുമെന്നും ശത്രുക്കൾ കടുത്ത ശിക്ഷ അനുഭവിക്കേണ്ടി വരുമെന്നും ഇറാൻ വിപ്ലവസേന (IRGC) മുന്നറിയിപ്പ് നൽകി. ‘ഓപ്പറേഷൻ എപിക് ഫ്യൂരി’ എന്ന് പേരിട്ട സംയുക്ത സൈനിക നീക്കത്തിലൂടെയാണ് ഖമനയിയെ വധിച്ചതെന്ന് അമേരിക്കയും ഇസ്രയേലും സ്ഥിരീകരിച്ചു. ഇതിന് പിന്നാലെ മേഖലയിലാകെ സംഘർഷം പടരുകയാണ്. ഖമനയിയുടെ മരണത്തിന് പിന്നാലെ ഗൾഫ് രാജ്യങ്ങളിലെ വിവിധ കേന്ദ്രങ്ങളിൽ ഇറാൻ ആക്രമണം നടത്തി. ജബൽ അലി തുറമുഖത്തിന് നേരെ ഉണ്ടായ ആക്രമണത്തിൽ കനത്ത തീപിടിത്തം റിപ്പോർട്ട് ചെയ്തു. ദുബായ് വിമാനത്താവളത്തിന് നേരെയും ആക്രമണമുണ്ടായി. ഒരു ടെർമിനലിന് കേടുപാടുകൾ സംഭവിക്കുകയും നാല് പേർക്ക് പരുക്കേൽക്കുകയും ചെയ്തു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT കുവൈത്ത്, ബഹ്‌റൈൻ വിമാനത്താവളങ്ങൾക്ക് നേരെയും ആക്രമണങ്ങൾ നടന്നതായാണ് വിവരം. രാജ്യത്ത് അടിയന്തര സാഹചര്യം കണക്കിലെടുത്ത് പ്രസിഡന്റും ജുഡീഷ്യറി മേധാവിയും ഉൾപ്പെടുന്ന മൂന്നംഗ സമിതി താൽക്കാലികമായി അധികാരം ഏറ്റെടുത്തു. ഇറാന്റെ ചരിത്രത്തിലെ ഏറ്റവും വിനാശകരമായ ആക്രമണം തുടങ്ങിക്കഴിഞ്ഞുവെന്ന് വിപ്ലവസേന അറിയിച്ചു. മേഖലയിലെ യുഎസ്, ഇസ്രയേൽ സൈനിക കേന്ദ്രങ്ങളാണ് പ്രധാന ലക്ഷ്യം. ഇറാനിൽ ഇനി പുതിയ യുഗമാണെന്നും ഖമനയിയെ ചരിത്രത്തിൽ നിന്ന് തുടച്ചുനീക്കിയതായും സ്ഥാനഭ്രഷ്ടനാക്കപ്പെട്ട രാജകുടുംബ പ്രതിനിധി റെസ പെഹ്‌ലവി പ്രതികരിച്ചു. പടിഞ്ഞാറൻ, മധ്യ ഇറാനിലെ മുപ്പതോളം സൈനിക കേന്ദ്രങ്ങളിലാണ് അമേരിക്കയും ഇസ്രയേലും കനത്ത വ്യോമാക്രമണം നടത്തിയത്. ശനിയാഴ്ച പുലർച്ചെ വീട്ടിലെ ഓഫീസിൽ ചുമതലകൾ നിർവഹിക്കുന്നതിനിടെയാണ് ഖമനയി കൊല്ലപ്പെട്ടത്. ആക്രമണത്തിൽ അദ്ദേഹത്തിന്റെ മകൾ, പേരക്കുട്ടി, മരുമകൻ എന്നിവർക്കൊപ്പം പ്രതിരോധമന്ത്രി അമീർ നാസിർസാദെയും കൊല്ലപ്പെട്ടതായി സ്ഥിരീകരിച്ചിട്ടുണ്ട്.

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

ആയത്തുള്ള അലി ഖമനെയി കൊല്ലപ്പെട്ടു; ഇറാനിൽ കനത്ത വ്യോമാക്രമണം, 40 ദിവസത്തെ ദുഃഖാചരണം

Ali Hosseini Khamenei ടെഹ്‌റാൻ: ഇറാൻ ഭരണകൂടത്തെയും ലോകത്തെയും ഞെട്ടിച്ചുകൊണ്ട് ഇസ്രയേൽ-അമേരിക്കൻ സംയുക്ത സൈനിക നീക്കത്തിൽ ഇറാന്റെ പരമോന്നത നേതാവ് ആയത്തുള്ള അലി ഖമനെയി കൊല്ലപ്പെട്ടു. അമേരിക്കയുടെയും ഇസ്രയേലിന്റെയും പ്രഖ്യാപനങ്ങൾക്ക് പിന്നാലെ ഇറാന്റെ ഔദ്യോഗിക വാർത്താ ഏജൻസികളും ഈ വാർത്ത സ്ഥിരീകരിച്ചു. ഇറാനിലെ തസ്‌നീം, ഫാർ തുടങ്ങിയ വാർത്താ ഏജൻസികളാണ് ഖമനെയിയുടെ മരണം സ്ഥിരീകരിച്ചത്. അദ്ദേഹത്തോടൊപ്പം മകളും മരുമകനും പേരക്കുട്ടിയും വ്യോമാക്രമണത്തിൽ കൊല്ലപ്പെട്ടതായാണ് റിപ്പോർട്ടുകൾ. അമേരിക്കൻ പ്രസിഡന്റും ഇസ്രയേലും വിവരം പുറത്തുവിട്ട് മണിക്കൂറുകൾക്ക് ശേഷം ഇറാൻ ടെലിവിഷനും മരണം സ്ഥിരീകരിച്ചു. ഖമനെയിയുടെ നിര്യാണത്തെത്തുടർന്ന് ഇറാനിൽ 40 ദിവസത്തെ ഔദ്യോഗിക ദുഃഖാചരണവും 7 ദിവസത്തെ പൊതുഅവധിയും പ്രഖ്യാപിച്ചു. ഇറാനെതിരെയുള്ള വ്യോമാക്രമണങ്ങൾ ഇപ്പോഴും തുടരുകയാണെന്ന് യുഎസ് സെൻട്രൽ കമാൻഡ് അറിയിച്ചു. അതിവേഗത്തിലുള്ളതും കൃത്യവുമായ നീക്കങ്ങളാണ് നടക്കുന്നത്. ഖമനെയി കൊല്ലപ്പെട്ടെങ്കിലും മിഡിൽ ഈസ്റ്റിൽ പൂർണ്ണ സമാധാനം പുനഃസ്ഥാപിക്കുന്നത് വരെ സൈനിക നടപടി തുടരുമെന്ന് യുഎസ് പ്രസിഡന്റ് ഡോണൾഡ് ട്രംപ് വ്യക്തമാക്കി.

Residential Buildings ഗൾഫിൽ വ്യാപക സംഘർഷം; ബഹ്‌റൈനിൽ നിരവധി റെസിഡൻഷ്യൽ കെട്ടിടങ്ങളിൽ ആക്രമണം

Residential Buildings ഗൾഫിൽ സംഘർഷം രൂക്ഷമാകുന്നു. ബഹ്റൈനിൽ നിരവധി റെസിഡൻഷ്യൽ കെട്ടിടങ്ങളിലും ആക്രമണങ്ങൾ നടന്നുവെന്നാണ് പുറത്തുവരുന്ന റിപ്പോർട്ടുകൾ. ദുരന്തബാധിത പ്രദേശങ്ങളിൽ സിവിൽ ഡിഫൻസ് രക്ഷാ പ്രവർത്തനം നടത്തുന്നുണ്ട്. കൂടുതൽ വിവരങ്ങൾ പിന്നീട് പുറത്തുവിടുമെന്ന് ആഭ്യന്തര മന്ത്രാലയം അറിയിച്ചു.