Iran’s missile strike on Israel ജെറൂസലേം/ടെഹ്റാൻ: ഇറാന്റെ എണ്ണ, വാതകപ്പാടങ്ങൾ ആക്രമിച്ചത് താനാണെന്ന ഇസ്രയേൽ പ്രധാനമന്ത്രി ബെന്യാമിൻ നെതന്യാഹുവിന്റെ പ്രസ്താവനയ്ക്ക് പിന്നാലെ ഇസ്രയേലിലെ തന്ത്രപ്രധാനമായ ഹൈഫ എണ്ണ സംസ്കരണ കേന്ദ്രത്തിന് നേരെ ഇറാന്റെ മിസൈൽ ആക്രമണം. ഇസ്രയേലിലെ ഗാർഹിക ഇന്ധന വിതരണത്തിന്റെ പകുതിയും കൈകാര്യം ചെയ്യുന്ന പ്ലാന്റിലാണ് മിസൈൽ പതിച്ചത്. ഹൈഫയിലെ എണ്ണ സംസ്കരണ കേന്ദ്രങ്ങൾക്ക് നേരെ ഇനിയും ആക്രമണം തുടരുമെന്ന് ഇറാൻ റവല്യൂഷനറി ഗാർഡ് മുന്നറിയിപ്പ് നൽകി. കൃത്യതയാർന്ന മിസൈലുകളാണ് ഇതിനായി ഉപയോഗിച്ചതെന്നും സൈനിക കേന്ദ്രങ്ങൾക്കൊപ്പം സാമ്പത്തിക സ്രോതസ്സുകളെയും ലക്ഷ്യം വെക്കുമെന്നും ഇറാൻ വ്യക്തമാക്കി. ഹൈഫ റിഫൈനറിയില്‍ മിസൈൽ പതിച്ചതിനെത്തുടർന്ന് പ്ലാന്റിന് നാശനഷ്ടങ്ങൾ സംഭവിച്ചതായി ഇസ്രയേൽ സൈന്യം സ്ഥിരീകരിച്ചു. ആക്രമണത്തിന് പിന്നാലെ 45 മിനിറ്റോളം വൈദ്യുതി തടസ്സപ്പെട്ടു. കഴിഞ്ഞ ജൂണിലും ഇവിടെ ഇറാൻ ആക്രമണം നടത്തിയിരുന്നു. രണ്ട് മണിക്കൂറിനിടെ മൂന്ന് ബാലിസ്റ്റിക് മിസൈലുകളാണ് ജെറൂസലേം ലക്ഷ്യമിട്ടെത്തിയത്. നഗരത്തിലുടനീളം ഉഗ്രസ്ഫോടന ശബ്ദങ്ങൾ കേട്ടതായി ബിബിസി റിപ്പോർട്ട് ചെയ്തു. ചെറിയ പെരുന്നാൾ ആഘോഷങ്ങൾക്കായി കിഴക്കൻ ജെറൂസലേമിൽ ജനങ്ങൾ കൂട്ടത്തോടെ തെരുവിലിറങ്ങിയ സമയത്താണ് അപായ സൈറണുകൾ മുഴങ്ങിയത്. ഇത് മണിക്കൂറുകളോളം പരിഭ്രാന്തി പരത്തി. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/DPuSoSQtxNu92poSVeu3KQ ഇറാന്റെ ഗാർഹിക വാതക ഉപഭോഗത്തിന്റെ 70 ശതമാനവും നൽകുന്ന സൗത്ത് പാഴ്സ് വാതകപ്പാടത്തിന് നേരെ കഴിഞ്ഞ ദിവസം രൂക്ഷമായ ആക്രമണം ഉണ്ടായിരുന്നു. ഇതിൽ അമേരിക്കയ്ക്കും പങ്കുണ്ടെന്ന് പ്രസിഡന്റ് ട്രംപ് അവകാശപ്പെട്ടിരുന്നു. സൗത്ത് പാഴ്സ് ആക്രമണത്തിന് മറുപടിയായി ഖത്തറിലെ റാസ് ലഫാൻ ഇറാൻ ആക്രമിച്ചിരുന്നു. ഇവിടെ നികത്താനാവാത്ത നാശനഷ്ടങ്ങൾ ഉണ്ടായതായി ഖത്തർ വെളിപ്പെടുത്തിയിട്ടുണ്ട്. ഇറാന്റെ മിസൈൽ ശേഖരം തകർത്തുവെന്നും അവർക്ക് ഇനി ആക്രമിക്കാൻ ശേഷിയില്ലെന്നും നെതന്യാഹു അവകാശപ്പെട്ട് മണിക്കൂറുകൾക്കകമാണ് ജെറൂസലേമിലേക്ക് ഇറാന്റെ ബാലിസ്റ്റിക് മിസൈലുകൾ എത്തിയത്. ഇസ്രയേലിലെ പ്രധാന നഗരങ്ങളിലെല്ലാം അതീവ ജാഗ്രതാ നിർദ്ദേശം നൽകിയിട്ടുണ്ട്. ജനങ്ങൾ ബങ്കറുകളിലേക്ക് മാറണമെന്നും സുരക്ഷാ സന്ദേശങ്ങൾ പാലിക്കണമെന്നും സൈന്യം അറിയിച്ചു. ഇറാന്റെ ആക്രമണങ്ങൾ തടയാൻ മിസൈൽ പ്രതിരോധ സംവിധാനങ്ങൾ പരമാവധി ശ്രമിക്കുന്നുണ്ടെങ്കിലും ചില മിസൈലുകൾ ലക്ഷ്യസ്ഥാനത്ത് പതിക്കുന്നത് ആശങ്ക വർധിപ്പിക്കുന്നു.

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

അമേരിക്കയുടെ എഫ്-35 യുദ്ധവിമാനം ഇറാൻ തകർത്തു; പൈലറ്റ് രക്ഷപ്പെട്ടത് അത്ഭുതകരമായി; ഇറാന്റെ എണ്ണ ഉപരോധം നീക്കാൻ യുഎസ് നീക്കം

Iran shoots down US F-35 fighter jet വാഷിംഗ്ടൺ/ടെഹ്റാൻ: പശ്ചിമേഷ്യയിൽ യുദ്ധം കടുക്കുന്നതിനിടെ അമേരിക്കയുടെ കരുത്തുറ്റ യുദ്ധവിമാനമായ എഫ്-35 (F-35) ഇറാന്റെ ആക്രമണത്തിൽ തകർന്നു. വിമാനത്തിന് സാരമായ നാശനഷ്ടങ്ങൾ സംഭവിച്ചതായും തീപിടിച്ചതിനെത്തുടർന്ന് അടിയന്തരമായി ലാൻഡ് ചെയ്തതായും അന്താരാഷ്ട്ര വാർത്താ ഏജൻസികൾ റിപ്പോർട്ട് ചെയ്തു. ലോകത്തിലെ ഏറ്റവും അത്യാധുനികമായ യുദ്ധവിമാനങ്ങളിലൊന്നായ എഫ്-35-ന് നേരെ ഇത്രയും വലിയൊരു ആഘാതം ഉണ്ടാകുന്നത് ഇതാദ്യമായാണ്. ഏകദേശം 100 മില്യൺ ഡോളറിലധികം വിലമതിക്കുന്ന വിമാനമാണിത്. വിമാനം അടിയന്തരമായി ലാൻഡ് ചെയ്യേണ്ടി വന്ന കാര്യം യുഎസ് സെൻട്രൽ കമാൻഡ് സ്ഥിരീകരിച്ചിട്ടുണ്ട്. മധ്യ ഇറാനിൽ വെച്ചാണ് എഫ്-35 വിമാനത്തെ ആക്രമിച്ചതെന്ന് ഇറാൻ റവല്യൂഷനറി ഗാർഡ് അറിയിച്ചു. ആക്രമണത്തിന്റെ ദൃശ്യങ്ങളും അവർ പുറത്തുവിട്ടു. വ്യാഴാഴ്ച പുലർച്ചെ നടന്ന പോരാട്ടത്തിൽ അമേരിക്കയുടെയും ഇസ്രായേലിന്റെയും നൂറിലധികം ഡ്രോണുകളെ പ്രതിരോധിച്ചതായും ഇറാൻ അവകാശപ്പെട്ടു. യുദ്ധം ആരംഭിച്ചതിന് ശേഷം ഇതുവരെ 16 യുദ്ധവിമാനങ്ങൾ അമേരിക്കയ്ക്ക് നഷ്ടമായെന്നാണ് കണക്കുകൾ. ഇതിൽ 10 എണ്ണം ഡ്രോൺ ആക്രമണത്തിലാണ് തകർന്നത്. വിമാനത്തിന് നേരെ ആക്രമണം ഉണ്ടായെങ്കിലും തങ്ങൾ നിശ്ചയിച്ച ലക്ഷ്യങ്ങൾ കൈവരിച്ചതായി യുഎസ് പ്രതിരോധ സെക്രട്ടറി പീറ്റ് ഹെഗ്‌സെത് പറഞ്ഞു. ‘എപിക് ഫ്യൂറി’ എന്ന് പേരിട്ട സൈനിക നീക്കം വിജയകരമായിരുന്നുവെന്നും അദ്ദേഹം അവകാശപ്പെട്ടു. യുദ്ധം തുടരുന്നതിനിടെ ഇറാന് മേൽ ഏർപ്പെടുത്തിയിരുന്ന എണ്ണ ഉപരോധം നീക്കാൻ യുഎസ് ട്രഷറി നീക്കം ആരംഭിച്ചു എന്നത് ശ്രദ്ധേയമാണ്. ഇറാൻ കപ്പലുകളിലുള്ള 140 മില്യൺ ബാരൽ ക്രൂഡ് ഓയിൽ അന്താരാഷ്ട്ര വിപണിയിൽ എത്തുന്നതോടെ ആഗോള ഇന്ധന പ്രതിസന്ധിക്ക് പരിഹാരമാകും. നിലവിൽ ബാരലിന് 100 ഡോളറിന് മുകളിലുള്ള ക്രൂഡ് ഓയിൽ വില കുറയ്ക്കാൻ ഈ തീരുമാനം സഹായിക്കും. ഉപരോധം നിരുപാധികം നീക്കാനുള്ള തീരുമാനം അമേരിക്ക വലിയ സാമ്പത്തിക-സൈനിക സമ്മർദ്ദത്തിലാണെന്നതിന്റെ സൂചനയായാണ് അന്താരാഷ്ട്ര മാധ്യമങ്ങൾ വിലയിരുത്തുന്നത്.

ലോകമെമ്പാടുമുള്ള വിശ്വാസികൾക്ക് പെരുന്നാൾ ആശംസകളുമായി യുഎഇ പ്രസിഡന്‍റ്; ഐക്യവും സമാധാനവും മുൻനിർത്തിയുള്ള സന്ദേശം

UAE President Eid Wishes അബുദാബി: ചെറിയ പെരുന്നാൾ പ്രമാണിച്ച് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ലോകമെമ്പാടുമുള്ള മുസ്ലിംങ്ങൾക്കും യുഎഇ പൗരന്മാർക്കും ഭരണാധികാരികൾക്കും ആശംസകൾ നേർന്നു. മേഖലയിലെ നിലവിലെ വെല്ലുവിളികളെ അതിജീവിക്കാനുള്ള യുഎഇയുടെ കരുത്തിൽ അദ്ദേഹം ആത്മവിശ്വാസം പ്രകടിപ്പിച്ചു. യുഎഇയിലെ എമിറേറ്റ്സ് ഭരണാധികാരികൾക്കും ജനങ്ങൾക്കും ലോകത്തെമ്പാടുമുള്ള മുസ്ലിം സഹോദരങ്ങൾക്കും തന്റെ ഹൃദയം നിറഞ്ഞ ഈദ് ആശംസകൾ നേരുന്നതായി അദ്ദേഹം സന്ദേശത്തിൽ പറഞ്ഞു. നിലവിലെ പ്രതിസന്ധികളെയും തടസങ്ങളെയും മറികടക്കാൻ മേഖലയ്ക്ക് സാധിക്കുമെന്ന് അദ്ദേഹം പ്രത്യാശ പ്രകടിപ്പിച്ചു. യുഎഇയുടെ കരുത്തിലും പ്രതിരോധശേഷിയിലുമുള്ള വിശ്വാസം അദ്ദേഹം ആവർത്തിച്ചു. ജനങ്ങളുടെ കൂറിലും ഐക്യത്തിലുമാണ് രാജ്യത്തിന്റെ ശക്തിയെന്നും സമാധാനപരവും ഐശ്വര്യപൂർണ്ണവുമായ ഭാവിയിലേക്ക് യുഎഇ മുന്നേറുമെന്നും അദ്ദേഹം കൂട്ടിച്ചേർത്തു. മേഖലയിൽ സമാധാനം പുലരുന്നതിനായുള്ള പ്രവർത്തനങ്ങൾ തുടരുമെന്ന് അദ്ദേഹം വ്യക്തമാക്കി. 

പെരുന്നാൾ ദിനത്തിൽ യുഎഇയിൽ മഴ പെയ്യുമോ? ഇന്നത്തെ കാലാവസ്ഥ അറിയാം

UAE weather on eid day അബുദാബി: ചെറിയ പെരുന്നാൾ ദിനമായ മാർച്ച് 20 വെള്ളിയാഴ്ച യുഎഇയിൽ ഭാഗികമായി മേഘാവൃതമായ കാലാവസ്ഥയായിരിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. രാജ്യത്തിന്റെ വിവിധ ഭാഗങ്ങളിൽ നേരിയ മഴയ്ക്ക് സാധ്യതയുണ്ടെന്നും റിപ്പോർട്ടിൽ പറയുന്നു. കഴിഞ്ഞ രാത്രിയിൽ യുഎഇയുടെ പല ഭാഗങ്ങളിലും ശക്തമായ മഴ ലഭിച്ചിരുന്നു. നിലവിൽ രാജ്യത്ത് അനുഭവപ്പെടുന്ന ഉപരിതല ന്യൂനമർദ്ദവും അന്തരീക്ഷത്തിന്റെ മുകൾത്തട്ടിലുള്ള ദുർബലമായ ന്യൂനമർദ്ദവുമാണ് നിലവിലെ കാലാവസ്ഥാ മാറ്റത്തിന് കാരണം. ചിതറിക്കിടക്കുന്ന പ്രദേശങ്ങളിൽ നേരിയ മഴയ്ക്ക് സാധ്യതയുണ്ട്. ലഘുവായതോ മിതമായതോ ആയ കാറ്റ് വീശുമെങ്കിലും ചില സമയങ്ങളിൽ കാറ്റിന്റെ വേഗത വർധിക്കാൻ സാധ്യതയുണ്ട്. രാജ്യത്തുടനീളം താപനിലയിൽ വർധനവുണ്ടാകും. വിവിധ എമിറേറ്റുകളിൽ താപനില 13°C മുതൽ 36°C വരെയായിരിക്കും. അബുദാബിയിലും ദുബായിലും കുറഞ്ഞ താപനില 23°C-ഉം കൂടിയ താപനില 32°C-ഉം ആയിരിക്കും. അറേബ്യൻ ഗൾഫിൽ കടൽ നേരിയതോ മിതമായതോ ആയിരിക്കുമെങ്കിലും ചില സമയങ്ങളിൽ പ്രക്ഷുബ്ധമാകാൻ സാധ്യതയുണ്ട്. ഒമാൻ കടലിൽ കടൽ ശാന്തമായിരിക്കും. പെരുന്നാൾ ആഘോഷങ്ങൾക്കായി പുറത്തിറങ്ങുന്നവർ കാലാവസ്ഥാ വ്യതിയാനങ്ങൾ ശ്രദ്ധിക്കണമെന്ന് അധികൃതർ നിർദ്ദേശിച്ചു. മഴയുള്ളപ്പോൾ വാഹനമോടിക്കുന്നവർ വേഗത കുറയ്ക്കാനും സുരക്ഷാ അകലം പാലിക്കാനും പ്രത്യേകം ശ്രദ്ധിക്കണം.

യുഎഇയിൽ പെരുന്നാൾ ദിനങ്ങളിൽ ജോലി ചെയ്യുന്നവർ ശ്രദ്ധിക്കുക; അധിക ശമ്പളം അല്ലെങ്കിൽ പകരമൊരു അവധി; നിയമം പറയുന്നത് ഇങ്ങനെ

Eid Working Day ദുബായ്: യുഎഇയിൽ ചെറിയ പെരുന്നാൾ (ഈദുൽ ഫിത്തർ) പൊതുഅവധി പ്രഖ്യാപിച്ച സാഹചര്യത്തിൽ, ഈ ദിവസങ്ങളിൽ ജോലി ചെയ്യുന്ന സ്വകാര്യ മേഖലയിലെ ജീവനക്കാർക്ക് അർഹമായ ആനുകൂല്യങ്ങളെക്കുറിച്ച് വിശദീകരണവുമായി അധികൃതർ. യുഎഇ തൊഴിൽ നിയമപ്രകാരം, അവധി ദിവസങ്ങളിൽ ജോലി ചെയ്യുന്നവർക്ക് അധിക ശമ്പളത്തിനോ അല്ലെങ്കിൽ പകരം അവധിക്കോ അർഹതയുണ്ട്. 2026 മാർച്ച് 20 വെള്ളിയാഴ്ചയാണ് യുഎഇയിൽ ചെറിയ പെരുന്നാൾ ആഘോഷിക്കുന്നത്. ഫെഡറൽ ഗവൺമെന്റ് ജീവനക്കാർക്ക് മാർച്ച് 19 വ്യാഴാഴ്ച മുതൽ മാർച്ച് 22 ഞായറാഴ്ച വരെയാണ് അവധി പ്രഖ്യാപിച്ചിരിക്കുന്നത്. തിങ്കളാഴ്ച ജോലി പുനരാരംഭിക്കും. 2021-ലെ 33-ാം നമ്പർ ഫെഡറൽ ഡിക്രി നിയമത്തിലെ (Federal Decree-Law No. 33 of 2021) ആർട്ടിക്കിൾ 28 പ്രകാരം, പൊതുഅവധി ദിവസങ്ങളിൽ ജോലി ചെയ്യുന്ന ജീവനക്കാർക്ക് താഴെ പറയുന്നവയിൽ ഒന്ന് നൽകാൻ തൊഴിലുടമ ബാധ്യസ്ഥനാണ്. ജോലി ചെയ്ത ഓരോ പൊതുഅവധി ദിവസത്തിനും പകരമായി മറ്റൊരു ദിവസം അവധി നൽകണം. ഇത് ജീവനക്കാരന്റെ വാർഷിക അവധിക്ക് പുറമെയായിരിക്കണം. അന്നത്തെ മുഴുവൻ ദിവസത്തെ ശമ്പളത്തിന് പുറമെ, അടിസ്ഥാന ശമ്പളത്തിന്റെ (Basic Salary) കുറഞ്ഞത് 50 ശതമാനമെങ്കിലും അധികമായി നൽകണം. കരാർ പ്രകാരം ഇതിൽ കൂടുതൽ നൽകാനും വ്യവസ്ഥയുണ്ടാകാം. അർഹമായ അധിക ശമ്പളമോ പകരം അവധിയോ ലഭിക്കുന്നില്ലെങ്കിൽ ജീവനക്കാർക്ക് ആദ്യം തൊഴിലുടമയുമായി സംസാരിക്കാം. പ്രശ്നം പരിഹരിക്കപ്പെട്ടില്ലെങ്കിൽ, യുഎഇ മനുഷ്യവിഭവശേഷി-സ്വദേശിവൽക്കരണ മന്ത്രാലയത്തിൽ (MoHRE) പരാതി നൽകാവുന്നതാണ്. മന്ത്രാലയം പരാതി പരിശോധിക്കുകയും തൊഴിലുടമയും ജീവനക്കാരനും തമ്മിൽ മധ്യസ്ഥത വഹിച്ച് പ്രശ്നം പരിഹരിക്കാൻ ശ്രമിക്കുകയും ചെയ്യും.