Missle Attack അബുദാബി: ഇറാൻ നടത്തിയ മിസൈൽ-ഡ്രോൺ ആക്രമണ നീക്കങ്ങളെ വിജയകരമായി തടഞ്ഞ് യുഎഇ വ്യോമപ്രതിരോധ സേന. ഖലീഫ ഇക്കണോമിക് സോൺസ് അബുദാബിക്ക് (കിസാദ്) സമീപം മിസൈൽ അവശിഷ്ടങ്ങൾ വീണ് നേരിയ നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്.

വ്യാഴാഴ്ച്ച പുലർച്ചെ 4.30 നാണ് രാജ്യത്തിന്റെ വിവിധ ഭാഗങ്ങളിൽ വലിയ ശബ്ദത്തോടെ മിസൈൽ വേധ സംവിധാനങ്ങൾ പ്രവർത്തിച്ചു തുടങ്ങിയത്. കെട്ടിടത്തിന് കേടുപാടുകൾ സംഭവിച്ചെങ്കിലും ആർക്കും പരിക്കേറ്റിട്ടില്ലെന്ന് അബുദാബി മീഡിയ ഓഫിസ് അറിയിച്ചു. രാജ്യത്തിന്റെ വിവിധ ഭാഗങ്ങളിൽ കേട്ട സ്‌ഫോടന ശബ്ദങ്ങൾ മിസൈലുകളും ഡ്രോണുകളും തടയുന്നതിന്റെ ഭാഗമായി ഉണ്ടായതാണെന്ന് പ്രതിരോധ മന്ത്രാലയം സ്ഥിരീകരിച്ചു.

ആക്രമണ ഭീഷണിയെത്തുടർന്ന് താമസക്കാർക്ക് മന്ത്രാലയം അടിയന്തര ജാഗ്രതാ നിർദേശം നൽകുകയും സുരക്ഷിത സ്ഥാനങ്ങളിലേക്ക് മാറാൻ ആവശ്യപ്പെടുകയും ചെയ്തു. നിലവിൽ സ്ഥിതിഗതികൾ നിയന്ത്രണവിധേയമാണ്. അടിയന്തര സാഹചര്യങ്ങളിൽ ജാഗ്രത പാലിക്കണമെന്നും, ദൃശ്യങ്ങൾ പകർത്തി സമൂഹമാധ്യമത്തിലൂടെ പ്രചരിപ്പിക്കരുതെന്നും അധികൃതർ ജനങ്ങളോട് നിർദ്ദേശിച്ചു.

LATEST JOB IN UAE-DAILY UPDATING…	APPLY NOW
HOSPITAL JOBS IN UAE-DAILY UPDATING…	APPLY NOW
AIRPORT AND AIRLINE JOB IN UAE -DAILY UPDATING…	APPLY NOW
TEACHING JOB IN UAE -DAILY UPDATING…	APPLY NOW
LOGISTICS JOB IN UAE-DAILY UPDATING…	APPLY NOW
ACCOUNTING JOB IN UAE-DAILY UPDATING…	APPLY NOW

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

Rain UAE യുഎഇയിൽ മഴയ്ക്കും മൂടൽമഞ്ഞിനും സാധ്യത; മുന്നറിയിപ്പുമായി കാലാവസ്ഥാ വിദഗ്ധർ

Rain UAE അബുദാബി: യുഎഇയിൽ മഴയ്ക്കും മൂടൽമഞ്ഞിനും സാധ്യതയുണ്ടെന്ന് മുന്നറിയിപ്പ് നൽകി കാലാവസ്ഥാ നിരീക്ഷണ കേന്ദ്രം. വരും ദിവസങ്ങളിൽ യുഎഇയിൽ കാലാവസ്ഥയിൽ വ്യതിയാനങ്ങൾ ഉണ്ടാകുമെന്ന് നാഷണൽ സെന്റർ ഓഫ് മെറ്റീരിയോളജി (എൻസിഎം) അറിയിച്ചു. വെള്ളിയാഴ്ച രാവിലെ വരെ രാത്രിയിൽ ഈർപ്പം വർദ്ധിക്കുന്നത് ആന്തരിക പ്രദേശങ്ങളിൽ മൂടൽമഞ്ഞിന് കാരണമാകും. നേരിയതോ മിതമായതോ ആയ കാറ്റ് വീശുകയും ചിലപ്പോൾ പൊടിപടലങ്ങൾ ഉയരുകയും ചെയ്‌തേക്കാം. അറേബ്യൻ ഗൾഫിൽ കടൽ പ്രക്ഷുബ്ധമാകുമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.

വെള്ളിയാഴ്ച മുതൽ ഞായറാഴ്ച വരെ, കാലാവസ്ഥ ഭാഗികമായി മേഘാവൃതമായി തുടരും. അതിരാവിലെ മൂടൽമഞ്ഞ് അനുഭവപ്പെടാനുള്ള സാധ്യതയുണ്ട്. തീരദേശ, വടക്കൻ പ്രദേശങ്ങളിൽ നേരിയ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. തിങ്കളാഴ്ചയോടെ, തീരദേശ, വടക്കൻ, കിഴക്കൻ പ്രദേശങ്ങളിൽ നേരിയതോ മിതമായതോ ആയ മഴ പെയ്യാൻ സാധ്യതയുണ്ട്. ചില നേരങ്ങളിൽ കാറ്റ് വീശാനും കടൽ പ്രക്ഷുബ്ധമാകാനും സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം കൂട്ടിച്ചേർത്തു.

Licensing Exemptions നഴ്‌സുമാർക്കും ആരോഗ്യ പ്രവർത്തകർക്കും ആശ്വാസ വാർത്ത; യുഎഇയിൽ പുതിയ ലൈസൻസിംഗ് ഇളവുകൾ

Licensing Exemptions ദുബായ്: യുഎഇയിൽ ആരോഗ്യ മേഖലയിലെ ജോലി ആഗ്രഹിക്കുന്ന നഴ്സുമാർക്കും മറ്റ് ആരോഗ്യപ്രവർത്തകർക്കും ആശ്വാസ വാർത്ത. മേഖലയിൽ പുതിയ ലൈസൻസിങ് പരിഷ്‌കാരം നടപ്പിലാക്കാനൊരുങ്ങുകയാണ് യുഎഇ. ചില പ്രത്യേക വിഭാഗങ്ങളിൽ പെട്ട നഴ്സിങ്, അനുബന്ധ ആരോഗ്യ ബിരുദധാരികൾക്ക് ലൈസൻസ് ലഭിക്കുന്നതിന് ഇനി ആറു മാസത്തെ പ്രവൃത്തിപരിചയം നിർബന്ധമല്ല. ആരോഗ്യ-പ്രതിരോധ മന്ത്രാലയമാണ് ഇതുസംബന്ധിച്ച സുപ്രധാന പ്രഖ്യാപനം നടത്തിയത്.

ഈ ഇളവ് ബാധകമാകുക റജിസ്റ്റേഡ് നഴ്സുമാർ, അസിസ്റ്റന്റ് നഴ്സുമാർ, മെഡിക്കൽ ലബോറട്ടറി ടെക്‌നീഷ്യൻമാർ, റെസ്പിറേറ്ററി കെയർ ടെക്‌നീഷ്യൻമാർ, ഹെൽത്ത് കെയർ അസിസ്റ്റന്റുമാർ തുടങ്ങിയവർക്കാണ്. യുഎഇയിൽ നിന്ന് പഠിച്ചിറങ്ങിയവർക്കും വിദേശത്തുനിന്ന് ബിരുദം നേടിയവർക്കും ഈ ആനുകൂല്യം ലഭിക്കും.

മെഡിക്കൽ ഫാക്കൽറ്റി അംഗങ്ങൾക്ക് ഇനി ആരോഗ്യ കേന്ദ്രങ്ങളിൽ നേരിട്ട് ചികിത്സാ പ്രാക്ടീസ് നടത്താനും അനുമതി നൽകി. ഇവരുടെ അധ്യാപന സമയം പ്രഫഷനൽ ഡെവലപ്മെന്റ് ക്രെഡിറ്റായി കണക്കാക്കും. അക്കാദമിക് രംഗത്തെ വൈദഗ്ധ്യം ചികിത്സാ രംഗത്തും പ്രയോജനപ്പെടുത്താൻ വേണ്ടിയാണ് പുതിയ നടപടി.

മേഖലയിലെ സംഘർഷസാഹചര്യങ്ങൾക്കിടയിലും ആരോഗ്യ മേഖലയിൽ കൂടുതൽ കരുത്തുറ്റ സേവനം ഉറപ്പാക്കുകയാണ് ലക്ഷ്യം. ഉന്നതവിദ്യാഭ്യാസ മന്ത്രാലയം, മനുഷ്യവിഭവശേഷി-സ്വദേശിവൽക്കരണ മന്ത്രാലയം എന്നിവയുമായി ചേർന്നാണ് പുതിയ പരിഷ്‌കാരം നടപ്പിലാക്കുന്നത്. രോഗികളുടെ സുരക്ഷയിൽ വിട്ടുവീഴ്ച ചെയ്യാതെ തന്നെ ലൈസൻസിങ് നടപടികൾ കൂടുതൽ ലളിതവും വേഗത്തിലുമാക്കാൻ പുതിയ തീരുമാനം സഹായിക്കുമെന്നും അധികൃതർ കൂട്ടിച്ചേർത്തു.

Heart Attack ജോലിസ്ഥലത്ത് വെച്ച് ഹൃദയാഘാതം; യുഎഇയിൽ പ്രവാസി മലയാളി അന്തരിച്ചു

Heart Attack ദുബായ്: യുഎഇയിൽ പ്രവാസി മലയാളി അന്തരിച്ചു. ചേലക്കടവ് ലഡാക്ക് മുക്കിൽ കിഴക്കേതിൽ മൊയ്തുവിന്റെയും ആയിഷയുടെയും മകൻ നൗഷാദ് ആണ് മരിച്ചത്. 47 വയസായിരുന്നു. ജോലിസ്ഥലത്ത് വെച്ച് ഹൃദയാഘാതം ഉണ്ടായതിനെ തുടർന്നാണ് മരണം സംഭവിച്ചത്്. നാലു മാസമായി നാട്ടിലുണ്ടായിരുന്ന നൗഷാദ് പുതിയ കമ്പനിയിൽ ജോലിക്കായി ഒരാഴ്ച്ച മുൻപാണ് ദുബായിലേക്ക് മടങ്ങിയത്.

മൃതദേഹം നാട്ടിലെത്തിക്കുമെന്ന് ബന്ധപ്പെട്ട വൃത്തങ്ങൾ വ്യക്തമാക്കി. ഭാര്യ ജസീന. മക്കൾ: ഷിനാസ്, ഷഫ്‌റാസ്.

ദുബായ് റിയൽ എസ്റ്റേറ്റിൽ വൻ കുതിപ്പ്; പാം ജുമൈറയിലെ പ്ലോട്ട് വിറ്റുപോയത്…

Palm Jumeirah ദുബായ്: പശ്ചിമേഷ്യൻ സംഘർഷങ്ങൾക്കിടയിലും ദുബായ് റിയൽ എസ്റ്റേറ്റ് മേഖലയിൽ റെക്കോർഡ് ഇടപാട്. പാം ജുമൈറയിലെ റോയൽ അംവാജ് പദ്ധതിയിലുള്ള ഒരു പ്ലോട്ട് 100 കോടിയിലധികം ദിര്‍ഹത്തിന് (Dh 1 billion) വിറ്റഴിച്ചതായി ഔദ്യോഗിക കണക്കുകൾ വ്യക്തമാക്കുന്നു. ദുബായ് ലാൻഡ് ഡിപ്പാർട്ട്‌മെന്റിന്റെ ‘ദുബായ് റെസ്റ്റ്’ ആപ്പിൽ നിന്നുള്ള വിവരങ്ങൾ പ്രകാരം, 8,58,645 ചതുരശ്ര അടി വിസ്തീർണ്ണമുള്ള വാണിജ്യ പ്ലോട്ടാണ് വിറ്റഴിച്ചത്. ചതുരശ്ര അടിക്ക് 1,166 ദിർഹം എന്ന നിരക്കിലാണ് ഈ വമ്പൻ ഇടപാട് നടന്നത്. യുഎഇ സമയം ഉച്ചയ്ക്ക് 1:45 വരെയുള്ള കണക്കുകൾ പ്രകാരം ദുബായിൽ ആകെ 3.18 ബില്യൺ ദിര്‍ഹത്തിന്‍റെ റിയൽ എസ്റ്റേറ്റ് ഇടപാടുകൾ നടന്നു. ഇതിന്റെ വിശദാംശങ്ങൾ താഴെ പറയുന്നവയാണ്: വിൽപ്പന (Sales): 1.73 ബില്യൺ ദിർഹം (ആകെ ഇടപാടുകളുടെ 54.49%). മോർട്ട്ഗേജ്: 280.98 മില്യൺ ദിർഹം, സമ്മാനങ്ങൾ (Gifts): 1.17 ബില്യൺ ദിർഹം. 2026-ന്റെ ആദ്യ മൂന്ന് മാസങ്ങളിൽ ദുബായ് പ്രോപ്പർട്ടി മേഖല മികച്ച നേട്ടമാണ് കൈവരിച്ചത്. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് വിൽപ്പനയിൽ 23.85 ശതമാനം വർദ്ധനവുണ്ടായി. മേഖലയിലെ രാഷ്ട്രീയ-സൈനിക സംഘർഷങ്ങൾ നിലനിൽക്കുന്നുണ്ടെങ്കിലും, ദുബായിലെ റിയൽ എസ്റ്റേറ്റ് വിപണി സുരക്ഷിതമാണെന്ന നിക്ഷേപകരുടെ വിശ്വാസമാണ് ഈ കണക്കുകൾ സൂചിപ്പിക്കുന്നത്.

ഇന്ത്യയുടെ ഇന്റർനെറ്റ് സുരക്ഷ ഭീഷണിയിൽ; തകരാറിലായാൽ രാജ്യം ഡിജിറ്റൽ ഇരുട്ടിലാകും

India’s internet at risk ന്യൂഡൽഹി: പശ്ചിമേഷ്യൻ യുദ്ധം കൊടുമ്പിരിക്കൊള്ളുന്നതിനിടെ കടലിനടിയിലുള്ള ഇന്റർനെറ്റ് കേബിളുകളുടെ ശതമാനവും മുംബൈയിൽ നിന്ന് ഹോർമുസ് കടലിടുക്കും ചെങ്കടലും വഴി യൂറോപ്പിലേക്ക് പോകുന്ന ഈ കേബിൾ ശൃംഖലയെയാണ് ആശ്രയിക്കുന്നത്. ഈ കേബിളുകൾക്ക് എന്തെങ്കിലും തകരാർ സംഭവിച്ചാൽ രാജ്യത്തെ ഇന്റർനെറ്റ് വേഗതയെയും ഡിജിറ്റൽ ശൃംഖലകളെയും ക്ലൗഡ് സേവനങ്ങളെയും അത് ഗുരുതരമായി ബാധിക്കും. ചെങ്കടൽ വഴി കടന്നുപോകുന്ന 17 ഓളം അന്തർവാഹിനി കേബിളുകളാണ് ഏഷ്യയെയും യൂറോപ്പിനെയും ആഫ്രിക്കയെയും തമ്മിൽ ബന്ധിപ്പിക്കുന്നത്. ഇന്ത്യയെ ലോകത്തിന്റെ വിവിധ ഭാഗങ്ങളുമായി ബന്ധിപ്പിക്കുന്ന അഞ്ച് പ്രധാന കേബിൾ ശൃംഖലകളാണ് പടിഞ്ഞാറൻ മേഖലയിലുള്ളത്: AAE 1 (ഏഷ്യ-ആഫ്രിക്ക-യൂറോപ്പ് 1), ഫാൽക്കൺ നെറ്റ്‌വർക്ക് (Falcon network), ടാറ്റ TGN-ഗൾഫ്, SEA-ME-WE 4 (തെക്കുകിഴക്കൻ ഏഷ്യ-മിഡിൽ ഈസ്റ്റ്-പശ്ചിമ യൂറോപ്പ്), IMEWE (ഇന്ത്യ-മിഡിൽ ഈസ്റ്റ്-പശ്ചിമ യൂറോപ്പ്). റിലയൻസ് ജിയോ, ഭാരതി എയർടെൽ, ടാറ്റ കമ്മ്യൂണിക്കേഷൻസ്, വോഡഫോൺ ഐഡിയ തുടങ്ങിയ പ്രമുഖ ടെലികോം കമ്പനികളെല്ലാം ഈ ശൃംഖലയെ ആശ്രയിക്കുന്നവരാണ്. യുദ്ധം തുടരുന്ന സാഹചര്യത്തിൽ കടലിനടിയിലെ കേബിളുകൾക്കുണ്ടാകുന്ന തകരാറുകൾ കണ്ടെത്താനോ പരിഹരിക്കാനോ സാധിക്കാത്തത് വലിയ വെല്ലുവിളിയാണ്. കഴിഞ്ഞ വർഷം ഇന്ത്യയെ ആഗോള ശൃംഖലയുമായി ബന്ധിപ്പിക്കുന്ന മൂന്ന് കേബിളുകൾ ആക്രമിക്കപ്പെട്ടതിനെത്തുടർന്ന് യൂറോപ്പുമായുള്ള ഡാറ്റാ ട്രാഫിക്കിന്റെ 25 ശതമാനം തടസ്സപ്പെട്ടിരുന്നു. ലോകത്തിലെ അന്തർവാഹിനി കേബിൾ ലാൻഡിംഗ് സ്റ്റേഷനുകളുടെ ഒരു ശതമാനം മാത്രമാണ് ഇന്ത്യയിലുള്ളതെന്ന് ട്രായ് (TRAI) ചെയർമാൻ അനിൽ കുമാർ ലഹോട്ടി മുന്നറിയിപ്പ് നൽകി. ഇത് പത്തിരട്ടിയെങ്കിലും വർദ്ധിപ്പിക്കണമെന്നാണ് അദ്ദേഹത്തിന്റെ നിർദ്ദേശം. യുദ്ധബാധിത പ്രദേശങ്ങളിലൂടെ കടന്നുപോകുന്ന ഡാറ്റാ പൈപ്പ്‌ലൈനുകളുടെ സുരക്ഷാ ഭീഷണി വിലയിരുത്താൻ ടെലികോം കമ്പനികൾക്ക് സർക്കാർ നിർദ്ദേശം നൽകി. ഹോർമുസ് കടലിടുക്കിലെയും ചെങ്കടലിലെയും കേബിൾ ശൃംഖലകൾക്ക് നേരെയുള്ള ഭീഷണി ഒഴിവാക്കാൻ ഇറാനുമായി ചർച്ച നടത്തണമെന്ന് ടെലികോം മേഖലയിലുള്ളവർ സർക്കാരിനോട് ആവശ്യപ്പെട്ടിട്ടുണ്ട്.

പശ്ചിമേഷ്യയിൽ ഇറാൻ്റെ മിസൈൽ – ഡ്രോൺ വർഷം; ഗൾഫിലെ യുഎസ് കമ്പനികൾക്ക് നേരെ ആക്രമണ ഭീഷണി

attack US companies in Gulf ദുബായ്: പശ്ചിമേഷ്യൻ യുദ്ധം അതീവ ഗുരുതരമായ ഘട്ടത്തിലേക്ക് നീങ്ങുന്നു. യുഎഇക്കും സൗദി അറേബ്യയ്ക്കും നേരെ ഇറാൻ വ്യോമാക്രമണം കടുപ്പിച്ചതോടെ മേഖലയിൽ വലിയ തോതിലുള്ള നാശനഷ്ടങ്ങളും പരിക്കും റിപ്പോർട്ട് ചെയ്തു. യുഎഇയിൽ പരിക്കേറ്റവരിൽ രണ്ട് ഇന്ത്യക്കാരും ഉൾപ്പെടുന്നു. യുഎഇക്ക് നേരെ ഇന്നലെ എട്ട് ബാലിസ്റ്റിക് മിസൈലുകളും നാല് ക്രൂയിസ് മിസൈലുകളും 36 ഡ്രോണുകളുമാണ് ഇറാൻ തൊടുത്തുവിട്ടത്. പരിക്കേറ്റവരുടെ ആകെ എണ്ണം 188 ആയി ഉയർന്നു. മരിച്ചവരുടെ എണ്ണം 11 ആയി. ദുബായ് തീരത്ത് നങ്കൂരമിട്ടിരുന്ന കുവൈത്തിൻ്റെ ‘അൽ സൽമി’ എണ്ണക്കപ്പലിന് ഇറാന്റെ ഡ്രോൺ ആക്രമണത്തിൽ തീപിടിച്ചു. 20 ലക്ഷം ബാരൽ ക്രൂഡ് ഓയിൽ കപ്പലിലുണ്ടായിരുന്നെങ്കിലും എണ്ണച്ചോർച്ചയുണ്ടായിട്ടില്ല. 24 ജീവനക്കാരെയും സുരക്ഷിതമായി രക്ഷപ്പെടുത്തി. സൗത്ത് ദുബായിലെ അൽ ബദ മേഖലയിൽ മിസൈൽ അവശിഷ്ടങ്ങൾ വീണ് വീടുകൾക്ക് തീപിടിച്ചു. ഇവിടെയുണ്ടായിരുന്ന രണ്ട് ഇന്ത്യക്കാർക്കും ഒരു ബംഗ്ലാദേശിനും ഒരു ശ്രീലങ്കൻ പൗരനുമാണ് പരിക്കേറ്റത്. അൽ ഖർജ് ഗവർണറേറ്റിൽ ഡ്രോൺ അവശിഷ്ടങ്ങൾ വീണ് ഒമ്പതോളം വീടുകൾക്കും നിരവധി വാഹനങ്ങൾക്കും കേടുപാടുകൾ സംഭവിച്ചു. ഇവിടെ രണ്ട് പേർക്ക് പരിക്കേറ്റു. മധ്യ ഇറാനിലെ ഇഷ്ഫഹാൻ പ്രവിശ്യയിലുള്ള ഇറാന്റെ പ്രധാന സൈനിക കേന്ദ്രത്തിന് നേരെ അമേരിക്ക ശക്തമായ ബോംബാക്രമണം നടത്തി. ഇറാന്റെ യുറേനിയം ശേഖരം സൂക്ഷിച്ചിരിക്കുന്ന ആണവനിലയത്തിന് വെറും 20 കിലോമീറ്റർ അകലെയാണ് ഈ ആക്രമണം നടന്നത്. മെറ്റ, ഗൂഗിൾ, ആപ്പിൾ തുടങ്ങി 18 യുഎസ് കമ്പനികൾക്ക് നേരെ ഇന്ന് മുതൽ ആക്രമണം നടത്തുമെന്ന് ഇറാൻ ഭീഷണിപ്പെടുത്തി. ജീവനക്കാർ ഉടൻ ഒഴിഞ്ഞുപോകണമെന്നാണ് നിർദ്ദേശം. പാക്കിസ്ഥാൻ പൗരന്മാർക്ക് ഖത്തർ ‘വീസ ഓൺ അറൈവൽ’ സൗകര്യം താൽക്കാലികമായി നിർത്തിവെച്ചു. യുദ്ധസാഹചര്യത്തിൽ യുഎഇയിലും ഖത്തറിലും പെട്രോൾ വില വർദ്ധിപ്പിച്ചു. ആഗോള മാരിടൈം വിശകലന സ്ഥാപനമായ കെപ്ലർ, ഏഷ്യൻ രാജ്യങ്ങൾ കടുത്ത ഊർജ്ജ പ്രതിസന്ധി നേരിടുമെന്ന് മുന്നറിയിപ്പ് നൽകി. ചൈന, ഇന്തോനേഷ്യ, ഫിലിപ്പീൻസ് തുടങ്ങിയ രാജ്യങ്ങളുടെ ഇന്ധന ആവശ്യങ്ങൾ നിറവേറ്റാൻ നിലവിലെ സ്രോതസ്സുകൾ മതിയാകാതെ വരും. ഇതോടൊപ്പം ഇറാനിലെ പ്രധാന കുടിവെള്ള ശുചീകരണശാലയായ ഗെഷം ഡിസാലിനേഷൻ പ്ലാന്റ് ആക്രമണത്തിൽ തകർന്നതോടെ അവിടെ കുടിവെള്ള വിതരണവും മുടങ്ങി.

രൂപയുടെ മൂല്യം റെക്കോർഡ് തകർച്ചയിൽ; ചരിത്രത്തിലാദ്യമായി ഡോളറിനെതിരെ 95 കടന്നു

Rupee hits record low കൊച്ചി: ഇന്ത്യൻ രൂപയുടെ മൂല്യം ചരിത്രത്തിലാദ്യമായി യുഎസ് ഡോളറിനെതിരെ 95 കടന്നു. പശ്ചിമേഷ്യൻ സംഘർഷം രൂക്ഷമായതും ആഗോള വിപണിയിൽ ക്രൂഡ് ഓയിൽ വില കുതിച്ചുയരുന്നതുമാണ് രൂപയ്ക്ക് തിരിച്ചടിയായത്. വ്യാപാരത്തിനിടെ ഒരു ഘട്ടത്തിൽ 95.22 വരെ ഇടിഞ്ഞ രൂപ, പിന്നീട് 94.78 എന്ന നിലയിലാണ് വ്യാപാരം അവസാനിപ്പിച്ചത്. പശ്ചിമേഷ്യയിലെ യുദ്ധസാഹചര്യം ഇന്ധന ഇറക്കുമതി ചെലവ് വർദ്ധിപ്പിച്ചതാണ് രൂപയെ പ്രധാനമായും തളർത്തുന്നത്. ഇതിന് പുറമെ ഇന്ത്യൻ ഓഹരി വിപണികളിൽ നിന്ന് വിദേശ നിക്ഷേപകർ വൻതോതിൽ പണം പിൻവലിക്കുന്നതും രൂപയുടെ മൂല്യത്തകർച്ചയ്ക്ക് ആക്കം കൂട്ടി. രാജ്യാന്തര വിപണിയിൽ ക്രൂഡ് ഓയിൽ വില ബാരലിന് 115 ഡോളറിന് മുകളിലെത്തിയത് ഇന്ത്യയുടെ വ്യാപാരക്കമ്മിയേയും രൂപയുടെ കരുത്തിനേയും ബാധിച്ചു. വിദേശ നിക്ഷേപകർ വൻതോതിൽ ഓഹരികൾ വിറ്റൊഴിയുന്നതിനാൽ സെൻസെക്സും നിഫ്റ്റിയും ഇന്നലെ രണ്ട് ശതമാനത്തിലധികം ഇടിവ് രേഖപ്പെടുത്തി. ഇറാൻ-അമേരിക്കൻ താല്പര്യങ്ങൾ തമ്മിലുള്ള സംഘർഷം ആഗോള കറൻസി വിപണിയിൽ ഡോളറിനെ കൂടുതൽ കരുത്തനാക്കി. രൂപയുടെ മൂല്യം കുറയുന്നത് ഇലക്ട്രോണിക്സ് ഉപകരണങ്ങൾ, സ്വർണ്ണം, അസംസ്‌കൃത എണ്ണ എന്നിവയുടെ ഇറക്കുമതി ചെലവ് വർദ്ധിപ്പിക്കും. വിദേശ രാജ്യങ്ങളിൽ ജോലി ചെയ്യുന്നവർക്ക് നാട്ടിലേക്ക് പണം അയക്കുമ്പോൾ കൂടുതൽ തുക ലഭിക്കുമെങ്കിലും, നാട്ടിലെ വിലക്കയറ്റം ഇതിന്റെ ഗുണഫലങ്ങൾ കുറച്ചേക്കാം.

യുഎഇയിൽ മിസൈൽ അവശിഷ്ടങ്ങൾ പതിച്ചു; നാല് പ്രവാസികള്‍ക്ക് പരിക്ക്

Missile debris lands in UAE ദുബായ്: തെക്കൻ ദുബായിലെ ജനവാസ മേഖലയിൽ മിസൈൽ പ്രതിരോധ സംവിധാനത്തിന്റെ അവശിഷ്ടങ്ങൾ പതിച്ചു. സംഭവത്തിൽ നാല് ഏഷ്യൻ വംശജർക്ക് പരിക്കേറ്റതായും ഏതാനും വീടുകൾക്കും സ്വത്തുക്കൾക്കും നാശനഷ്ടങ്ങൾ സംഭവിച്ചതായും ദുബായ് മീഡിയ ഓഫീസ് സ്ഥിരീകരിച്ചു. രാജ്യത്തിന്റെ വ്യോമ പ്രതിരോധ സംവിധാനം മിസൈലിനെ വിജയകരമായി തടഞ്ഞതിനെത്തുടർന്നുണ്ടായ അവശിഷ്ടങ്ങളാണ് ജനവാസ മേഖലയിൽ വീണത്. പരിക്കേറ്റവരുടെ ആരോഗ്യനില തൃപ്തികരമാണെന്നും ആശങ്കപ്പെടേണ്ട സാഹചര്യമില്ലെന്നും അധികൃതർ വ്യക്തമാക്കി. പരിക്കേറ്റ നാല് പേരും ഏഷ്യൻ വംശജരാണ്. എന്നാൽ ഇവർ ഏത് രാജ്യക്കാരാണെന്ന വിവരം അധികൃതർ പുറത്തുവിട്ടിട്ടില്ല. ഇവർക്ക് ആവശ്യമായ പ്രഥമശുശ്രൂഷകൾ നൽകിക്കഴിഞ്ഞു. ജനവാസ മേഖലയിൽ അവശിഷ്ടങ്ങൾ പതിച്ചതിനെത്തുടർന്ന് ചില വീടുകൾക്കും വാഹനങ്ങൾക്കും കേടുപാടുകൾ സംഭവിച്ചിട്ടുണ്ട്. സുരക്ഷാ സേനയും സിവിൽ ഡിഫൻസും ഉടൻ തന്നെ സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി. റെസ്‌പോൺസ് ടീമുകൾ ഇപ്പോഴും പ്രദേശത്ത് പരിശോധന തുടരുകയാണ്. ഇത്തരം നീക്കങ്ങളെ ഫലപ്രദമായി നേരിടാൻ പ്രതിരോധ സംവിധാനം സജ്ജമാണെന്നും ജനങ്ങൾ ജാഗ്രത പാലിക്കണമെന്നും സർക്കാർ വൃത്തങ്ങൾ അറിയിച്ചു. സോഷ്യൽ മീഡിയയിലെ വ്യാജ വാർത്തകൾ വിശ്വസിക്കരുതെന്നും ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം പിന്തുടരണമെന്നും ദുബായ് മീഡിയ ഓഫീസ് ഓർമ്മിപ്പിച്ചു.

യുഎഇയിൽ വ്യാപകമായ പിരിച്ചുവിടലുകളില്ല; നിലവിലെ പ്രതിസന്ധി താത്കാലികമെന്ന് കമ്പനികൾ

UAE jobs Firms mass layoffs ദുബായ്: പശ്ചിമേഷ്യയിലെ നിലവിലെ സൈനിക സംഘർഷങ്ങൾക്കിടയിലും യുഎഇയിലെ തൊഴിൽ വിപണിയിൽ ആശങ്കപ്പെടേണ്ട സാഹചര്യമില്ലെന്ന് റിക്രൂട്ട്‌മെന്റ് രംഗത്തെ വിദഗ്ധർ. കമ്പനികൾ താൽക്കാലികമായി ചില ചെലവ് ചുരുക്കൽ നടപടികൾ സ്വീകരിക്കുന്നുണ്ടെങ്കിലും വ്യാപകമായ പിരിച്ചുവിടലുകൾ രാജ്യത്ത് റിപ്പോർട്ട് ചെയ്തിട്ടില്ല. അമേരിക്ക-ഇസ്രായേൽ-ഇറാൻ സംഘർഷം ഏതാനും ആഴ്ചകളോ മാസങ്ങളോ നീണ്ടുനിൽക്കുന്ന താൽക്കാലിക പ്രതിസന്ധി മാത്രമായാണ് തൊഴിലുടമകൾ കാണുന്നത്. അതിനാൽ, പരിചയസമ്പന്നരായ ജീവനക്കാരെ നഷ്ടപ്പെടുത്തുന്നതിന് പകരം അവധി നൽകിയും മറ്റും നിലനിർത്താനാണ് കമ്പനികൾ ശ്രമിക്കുന്നത്. തങ്ങളുടെ 6,000-ത്തിലധികം വരുന്ന ജീവനക്കാരിൽ ഒരാളെപ്പോലും പിരിച്ചുവിടില്ലെന്ന് ഡാന്യൂബ് ഗ്രൂപ്പ് ചെയർമാൻ റിസ്‌വാൻ സാജൻ വ്യക്തമാക്കി. ശമ്പളം കൃത്യസമയത്ത് നൽകുമെന്നും ജീവനക്കാർ തങ്ങൾക്ക് കുടുംബാംഗങ്ങളെപ്പോലെയാണെന്നും അദ്ദേഹം കൂട്ടിച്ചേർത്തു. ജീവനക്കാരുടെ പക്കൽ ബാക്കിയുള്ള വാർഷിക അവധികൾ (Accrued leave) എടുത്തു തീർക്കാൻ കമ്പനികൾ നിർദ്ദേശിക്കുന്നുണ്ട്. ഇത് സ്ഥാപനത്തിന്റെ സാമ്പത്തിക ബാധ്യത കുറയ്ക്കാൻ സഹായിക്കും. ചില മേഖലകളിൽ ശമ്പളത്തിൽ 30 ശതമാനം വരെ താൽക്കാലിക കുറവ് വരുത്തിയിട്ടുണ്ട്. സാഹചര്യം മെച്ചപ്പെടുന്നതോടെ ഇത് പഴയപടിയാക്കും. ഏവിയേഷൻ, റീട്ടെയിൽ, ലോജിസ്റ്റിക്സ്, ഹോസ്പിറ്റാലിറ്റി എന്നീ മേഖലകളിലാണ് നിലവിലെ പ്രതിസന്ധി നേരിയ ചലനങ്ങളുണ്ടാക്കിയത്. ഇവിടെ ചില ജീവനക്കാരോട് ശമ്പളമില്ലാത്ത അവധിയിൽ പ്രവേശിക്കാൻ ആവശ്യപ്പെട്ടിട്ടുണ്ട്. സൗദി അറേബ്യയിലെ വെസ്റ്റേൺ പ്രവിശ്യയിലെ കമ്പനികളെയും ആഗോളതലത്തിൽ പ്രവർത്തിക്കുന്ന ടെക്നോളജി മേഖലയെയും യുദ്ധസാഹചര്യം കാര്യമായി ബാധിച്ചിട്ടില്ല. ഇവിടെ പ്രവർത്തനങ്ങൾ സാധാരണ നിലയിൽ തുടരുന്നു. ദുബായിൽ പല കമ്പനികളും വീട്ടിലിരുന്ന് ജോലി ചെയ്യാൻ അനുമതി നൽകുന്നുണ്ടെങ്കിലും, രാജ്യത്തിന് പുറത്തുപോയി ജോലി ചെയ്യുന്നതിനോട് കമ്പനികൾക്ക് യോജിപ്പില്ല. ഇന്റർനെറ്റ് കണക്റ്റിവിറ്റി, സമയക്രമത്തിലെ മാറ്റം എന്നിവയാണ് ഇതിന് കാരണമായി പറയുന്നത്. ബിസിനസ് യാത്രകൾ, വിനോദ പരിപാടികൾ, മാർക്കറ്റിംഗ്, പിആർ തുടങ്ങിയ അത്യാവശ്യമല്ലാത്ത ചെലവുകൾ കമ്പനികൾ വെട്ടിക്കുറച്ചിട്ടുണ്ട്.

യുഎഇയിലെ ഇന്ത്യൻ സ്കൂളുകളിൽ പുതിയ അധ്യയന വർഷത്തിന് തുടക്കം; ക്ലാസുകൾ ഓൺലൈനായി ആരംഭിച്ചു

Indian schools in UAE അബുദാബി യുഎഇയിലെ ഇന്ത്യൻ കരിക്കുലം സ്കൂളുകളിൽ 2026-27 അധ്യയന വർഷം ഓൺലൈനായി ആരംഭിച്ചു. ചില വിദ്യാലയങ്ങളിൽ തിങ്കളാഴ്ച തന്നെ ക്ലാസുകൾ തുടങ്ങിയപ്പോൾ ഭൂരിഭാഗം സ്കൂളുകളും ഏപ്രിൽ 6-ന് അധ്യയനം ആരംഭിക്കാനാണ് തീരുമാനിച്ചിരിക്കുന്നത്. പ്രത്യേക സാഹചര്യത്തിൽ നേരിട്ടുള്ള ക്ലാസുകൾക്ക് പകരം ഓൺലൈൻ വഴിയാണ് പഠനം നടക്കുന്നത്. തത്സമയ ക്ലാസുകൾക്കൊപ്പം വിദ്യാർത്ഥികൾക്ക് സ്വയം പഠിക്കാനുള്ള സൗകര്യങ്ങളും ഉൾപ്പെടുത്തിയ ‘ബ്ലെൻഡഡ് ലേണിംഗ്’ രീതിയാണ് സ്കൂളുകൾ പിന്തുടരുന്നത്. ഡിജിറ്റൽ ടൂളുകളും മൾട്ടിമീഡിയ സംവിധാനങ്ങളും ഉപയോഗിച്ച് പാഠഭാഗങ്ങൾ കൂടുതൽ ലളിതവും ആകർഷകവുമാക്കാൻ അധ്യാപകർ ശ്രദ്ധിക്കുന്നുണ്ട്. മോണിംഗ് അസംബ്ലി, പുതിയ അധ്യാപകരെ പരിചയപ്പെടൽ, ഓറിയന്റേഷൻ ക്ലാസുകൾ, ലീഡർഷിപ്പ് ചടങ്ങുകൾ എന്നിവയെല്ലാം വെർച്വൽ പ്ലാറ്റ്‌ഫോമുകളിലൂടെയാണ് നടക്കുന്നത്. ഡിജിറ്റൽ അസൈൻമെന്റുകളിലൂടെയും ഓൺലൈൻ പരീക്ഷകളിലൂടെയും കുട്ടികളുടെ പുരോഗതി കൃത്യമായി വിലയിരുത്താൻ സംവിധാനമുണ്ട്. ജെംസ് ന്യൂ മില്ലേനിയം സ്കൂൾ ഓൺലൈനിലേക്ക് മാറിയെങ്കിലും സ്കൂളിന്റെ അക്കാദമിക് രീതികളിലോ പ്രവർത്തനങ്ങളിലോ മാറ്റമില്ലെന്ന് പ്രിൻസിപ്പൽ ഫാത്തിമ മാർട്ടിൻ പറഞ്ഞു. കുട്ടികൾക്കും രക്ഷിതാക്കൾക്കും ബുദ്ധിമുട്ടില്ലാത്ത രീതിയിൽ എല്ലാ ചടങ്ങുകളും വെർച്വലായി തുടരും. ദുബായിലെ ജെഎസ്എസ് പ്രൈവറ്റ് സ്കൂൾ പുതിയ ക്ലാസുകളിലേക്ക് മാറുന്ന കുട്ടികളുടെ ആശങ്കകൾ കുറയ്ക്കുന്നതിനായി പ്രത്യേക ‘മീറ്റ്-യുവർ-ടീച്ചർ’ സെഷനുകൾ സംഘടിപ്പിക്കുമെന്ന് പ്രിൻസിപ്പൽ ചിത്ര ശർമ്മ വ്യക്തമാക്കി. തുടക്കത്തിൽ കുട്ടികളുടെ നിലവാരം അളക്കുന്നതിനുള്ള ഡയഗ്നോസ്റ്റിക് ടെസ്റ്റുകൾ നടത്തും. വുഡ്ലം എഡ്യൂക്കേഷണൽ ഗ്രൂപ്പ് രക്ഷിതാക്കളെ സഹായിക്കുന്നതിനായി പ്രത്യേക സൂം ട്രെയിനിംഗ് സെഷനുകൾ നൽകുമെന്ന് മാനേജിംഗ് ഡയറക്ടർ നൗഫൽ അഹമ്മദ് അറിയിച്ചു. ടൈംടേബിളുകൾ ഹൈപ്പർലിങ്ക് വഴി നൽകുന്നതിലൂടെ ക്ലാസുകളിൽ പ്രവേശിക്കുന്നത് എളുപ്പമാക്കും. ഓൺലൈൻ ക്ലാസുകൾക്കിടയിൽ തടസ്സങ്ങൾ ഉണ്ടാകാതിരിക്കാൻ സ്കൂളുകൾ സാങ്കേതിക സംവിധാനങ്ങൾ ശക്തമാക്കിയിട്ടുണ്ട്. രക്ഷിതാക്കൾക്കും വിദ്യാർത്ഥികൾക്കും കൃത്യമായ വിവരങ്ങൾ നൽകുന്നതിനായി പ്രത്യേക പ്ലാറ്റ്‌ഫോമുകൾ ഒരുക്കിയിട്ടുണ്ട്.