Middle East conflict ദുബായ്: പശ്ചിമേഷ്യയിലെ സംഘർഷഭരിതമായ സാഹചര്യങ്ങൾക്കിടയിലും യുഎഇയിലെ ജനജീവിതം സാധാരണ നിലയിൽ. ഭരണകൂടത്തിലും സൈന്യത്തിലും അർപ്പിച്ച ഉറച്ച വിശ്വാസമാണ് സ്വദേശികൾക്കും വിദേശികൾക്കും വിനോദസഞ്ചാരികൾക്കും ഒരുപോലെ ആശ്വാസമാകുന്നത്. യുഎഇ തങ്ങളുടെ സുരക്ഷിതമായ വീടാണെന്ന് ഒരേസ്വരത്തിൽ വ്യക്തമാക്കുകയാണ് ഇവിടുത്തെ താമസക്കാർ. സാമൂഹിക മാധ്യമങ്ങളിലെ വ്യാജവാർത്തകളെ തള്ളിക്കളഞ്ഞ് ഔദ്യോഗിക അറിയിപ്പുകളെ മാത്രം വിശ്വസിക്കാനാണ് ജനങ്ങൾ നൽകുന്ന ആഹ്വാനം. ഗൾഫ് ന്യൂസ് ശേഖരിച്ച വിവിധ പ്രവാസികളുടെ പ്രതികരണങ്ങൾ യുഎഇയിലെ നിലവിലെ ശാന്തമായ അന്തരീക്ഷം വെളിപ്പെടുത്തുന്നു. റമദാൻ മാസത്തിലെ ഔദാര്യവും പരസ്പര സഹായവുമാണ് യുഎഇയുടെ യഥാർത്ഥ മുഖമെന്ന് ഇവാൻ കോർഡെറോ പറയുന്നു. ലോകം വാർത്തകളിൽ എരിയുമ്പോഴും യുഎഇ നിശബ്ദമായി കാരുണ്യം പകരുകയാണെന്ന് അദ്ദേഹം ഓർമ്മിപ്പിച്ചു. യുഎഇ തങ്ങൾക്ക് പുതിയൊരു ജീവിതവും വലിയ സ്വപ്നങ്ങളും നൽകിയ രാജ്യമാണെന്ന് റോൺ ഗ്വിനോ പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT അനിശ്ചിതത്വത്തിന്റെ നിമിഷങ്ങളിലും ഭയമല്ല, മറിച്ച് നന്ദിയും വിശ്വാസവുമാണ് തങ്ങളെ നയിക്കുന്നതെന്ന് അദ്ദേഹം കൂട്ടിച്ചേർത്തു. വ്യൂസിനായി പ്രചരിപ്പിക്കുന്ന എല്ലാ കാര്യങ്ങളും വിശ്വസിക്കരുതെന്ന് സ്വർണ്ണകമൽ നയ്യ അഭ്യർത്ഥിച്ചു. രാജ്യത്തിന്റെ പ്രതിരോധ സംവിധാനം സജീവമാണെന്നും നാം സുരക്ഷിതരാണെന്നും അദ്ദേഹം ഉറപ്പിച്ചു പറഞ്ഞു. അബ്ദുൽ കരീമും ഇതേ വികാരം പങ്കുവെച്ചു. യുദ്ധസാഹചര്യങ്ങളിലും ആളുകൾ സാധാരണ പോലെ സ്വിമ്മിംഗ് പൂളുകളിലും ബീച്ചുകളിലും സമയം ചെലവഴിക്കുന്നുണ്ടെന്ന് ജാനറ്റ് പെർസില ഇമ്മാനുവൽ ചൂണ്ടിക്കാട്ടി. കുറ്റകൃത്യങ്ങൾ കുറഞ്ഞ, ലോകത്തിലെ ഏറ്റവും സുരക്ഷിതമായ രാജ്യങ്ങളിലൊന്നാണ് യുഎഇ എന്ന് അവർ അടിവരയിട്ടു. ചില മാധ്യമങ്ങൾ വാർത്തകൾ പർവ്വതീകരിച്ച് കാണിക്കുകയാണെന്നും എന്നാൽ യാഥാർത്ഥ്യം അതല്ലെന്നും ജോർദാൻ ആഡെ വ്യക്തമാക്കി. സർക്കാർ നിർദ്ദേശങ്ങൾ പാലിച്ചും ഔദ്യോഗിക സ്രോതസ്സുകളെ ആശ്രയിച്ചും യുഎഇയിലെ ജനങ്ങൾ തങ്ങളുടെ ദൈനംദിന ജീവിതം മുൻപോട്ട് കൊണ്ടുപോവുകയാണ്.

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

അതിർത്തിയിൽ കുടുങ്ങിയവർക്ക് ആശ്വാസമായി ഇത്തിഹാദ് റെയിൽ; ചരിത്രപരമായ ‘സ്പെഷ്യൽ റണ്ണിലൂടെ’ 350 യാത്രക്കാരെ യുഎഇയിലെത്തിച്ചു

Etihad Rail അബുദാബി: മേഖലയിലെ സംഘർഷങ്ങളെത്തുടർന്ന് വിമാന സർവീസുകൾ മുടങ്ങിയതോടെ സൗദി അതിർത്തിയിൽ കുടുങ്ങിയ പ്രവാസികൾക്കും യാത്രക്കാർക്കും തണലായി യുഎഇയുടെ ‘ഇത്തിഹാദ് റെയിൽ’. ഔദ്യോഗിക ഉദ്ഘാടനത്തിന് മുൻപ് തന്നെ അടിയന്തര സാഹചര്യത്തിൽ പ്രത്യേക പാസഞ്ചർ സർവീസ് നടത്തിയാണ് റെയിൽവേ കരുത്തുകാട്ടിയത്. സൗദി അതിർത്തിയിലെ അൽ ഗുൈഫാത്ത് സ്റ്റേഷനിൽ നിന്ന് അബുദാബി അൽ ഫായ സ്റ്റേഷനിലേക്ക് നടത്തിയ ഈ പ്രത്യേക സർവീസ് ഇത്തിഹാദ് റെയിലിന്റെ ചരിത്രത്തിലെ തന്നെ സുപ്രധാന നാഴികക്കല്ലായി മാറി. ജിദ്ദയിൽ നിന്ന് മടങ്ങാൻ കഴിയാതെ സൗദി-യുഎഇ അതിർത്തിയിൽ കുടുങ്ങിയ 350-ഓളം യാത്രക്കാരെയാണ് റെയിൽവേ സുരക്ഷിതമായി നാട്ടിലെത്തിച്ചത്. അബുദാബി എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌മെന്റ് സെന്ററിന്റെ നേരിട്ടുള്ള മേൽനോട്ടത്തിലായിരുന്നു ഈ രക്ഷാദൗത്യം. അൽ ഫായ സ്റ്റേഷനിലെത്തിയ യാത്രക്കാരെ ഉദ്യോഗസ്ഥർ പൂച്ചെണ്ടുകൾ നൽകി സ്വീകരിച്ചു. പ്രതിസന്ധി ഘട്ടത്തിൽ തുണയായ സർക്കാരിനും റെയിൽവേയ്ക്കും യാത്രക്കാർ നന്ദി രേഖപ്പെടുത്തി. വിമാന സർവീസുകൾ പുനഃസ്ഥാപിക്കുന്നത് വരെ ആവശ്യാനുസരണം കൂടുതൽ സ്പെഷ്യൽ സർവീസുകൾ നടത്താൻ തയ്യാറാണെന്ന് ഇത്തിഹാദ് റെയിൽ ചീഫ് പ്രോജക്ട് ഓഫിസർ മുഹമ്മദ് അൽ ഷെഹി അറിയിച്ചു. 900 കിലോമീറ്റർ നീളുന്ന ഇത്തിഹാദ് റെയിൽ ശൃംഖല ഈ വർഷം അവസാനത്തോടെ പാസഞ്ചർ സർവീസുകൾ പൂർണ്ണമായി ആരംഭിക്കാനുള്ള തയ്യാറെടുപ്പിലായിരുന്നു. എന്നാൽ ഔദ്യോഗിക ലോഞ്ചിന് മുൻപേ ഇത്തരമൊരു ദൗത്യം വിജയകരമായി പൂർത്തിയാക്കിയത് യുഎഇയുടെ ആസൂത്രണ മികവിനും അടിയന്തര സാഹചര്യങ്ങൾ നേരിടാനുള്ള കഴിവിനും തെളിവായി.

രൂപയ്ക്ക് റെക്കോർഡ് തകർച്ച; ഒരു ദിർഹത്തിന് 25 രൂപ കടന്നു, പ്രവാസികൾക്ക് പണം അയക്കാൻ മികച്ച സമയം

Rupee record low ദുബായ്: ആഗോളവിപണിയിലെ മാറ്റങ്ങളെത്തുടർന്ന് യുഎഇ ദിർഹമിനെതിരെ ഇന്ത്യൻ രൂപയുടെ മൂല്യം റെക്കോർഡ് തകർച്ചയിലേക്ക്. ചരിത്രത്തിലാദ്യമായി ഒരു ദിർഹത്തിന് 25 രൂപ എന്ന നിരക്ക് പിന്നിട്ടത് പ്രവാസികൾക്ക് നാട്ടിലേക്ക് പണം അയക്കാൻ സുവർണ്ണാവസരമൊരുക്കിയിരിക്കുകയാണ്. ബുധനാഴ്ച രാവിലെ ഒരു ദിർഹത്തിന് 25.05 രൂപ വരെ വിനിമയ നിരക്ക് എത്തിയിരുന്നു. കഴിഞ്ഞ ദിവസത്തെ 24.85 രൂപയിൽ നിന്നാണ് പെട്ടെന്നുള്ള ഈ വർധനവ് ഉണ്ടായത്. ഗൾഫ് രാജ്യങ്ങളിൽ നിന്ന് നാട്ടിലേക്ക് പണം അയക്കുന്നവർക്ക് ഇത് വലിയ സാമ്പത്തിക നേട്ടമാണ് നൽകുന്നത്. ആഗോള വിപണിയിൽ ക്രൂഡ് ഓയിൽ വില ബാരലിന് 82 ഡോളറിന് മുകളിലേക്ക് ഉയർന്നത് ഇന്ത്യയുടെ ഇറക്കുമതി ചെലവ് വർധിപ്പിച്ചു. ഇത് രൂപയുടെ മൂല്യത്തെ പ്രതികൂലമായി ബാധിച്ചു. യുഎസ് ഡോളറിനെതിരെ രൂപ ദുർബലമാകുന്നതും ദിർഹവുമായുള്ള വിനിമയ നിരക്ക് ഉയരാൻ കാരണമായി. നിലവിലെ രാഷ്ട്രീയ സാഹചര്യങ്ങളും ഇറക്കുമതി സമ്മർദ്ദവും മൂലം രൂപയുടെ മൂല്യം ഇനിയും ഇടിയാൻ സാധ്യതയുണ്ടെന്നാണ് സാമ്പത്തിക വിദഗ്ധരുടെ നിഗമനം. പുതിയ നിരക്ക് അനുസരിച്ച് 1000 ദിർഹം അയക്കുമ്പോൾ 25,050 രൂപയോളം നാട്ടിൽ ലഭിക്കും. ഫെബ്രുവരി ആദ്യവാരത്തിൽ ഇത് 24,500 രൂപ മാത്രമായിരുന്നു. പെരുന്നാൾ ചെലവുകൾക്കായി പണം അയക്കാൻ കാത്തിരിക്കുന്ന സാധാരണക്കാരായ പ്രവാസികൾക്ക് വിനിമയ നിരക്കിലെ ഈ വർധനവ് വലിയ ആശ്വാസമാണ്. രൂപയുടെ മൂല്യം ഇനിയും കുറഞ്ഞേക്കാം എന്ന പ്രതീക്ഷയുള്ളതിനാൽ, കൈവശമുള്ള തുകയുടെ ഒരു ഭാഗം മാത്രം ഇപ്പോൾ അയച്ച് ബാക്കി തുക നിരക്ക് ഇനിയും ഉയരുന്നതിനായി മാറ്റിവെക്കുന്ന രീതിയും പലരും സ്വീകരിക്കുന്നുണ്ട്.

യുഎഇ വിടാൻ പൗരന്മാർക്ക് അമേരിക്കയുടെ നിർദേശം; വിമാനങ്ങൾ കുറവ്, അതിർത്തികളിൽ വൻ തിരക്ക്

Americans in UAE leave flights വാഷിംഗ്ടൺ: അമേരിക്ക-ഇസ്രായേൽ-ഇറാൻ സംഘർഷം രൂക്ഷമാകുന്ന പശ്ചാത്തലത്തിൽ യുഎഇയിലുള്ള തങ്ങളുടെ പൗരന്മാർക്കായി അമേരിക്കൻ സർക്കാർ പുതിയ യാത്രാ നിർദ്ദേശം പുറപ്പെടുവിച്ചു. മേഖലയിലെ സുരക്ഷാ സാഹചര്യം കണക്കിലെടുത്ത് പശ്ചിമേഷ്യ വിടാൻ ആഗ്രഹിക്കുന്നവർക്ക് ആവശ്യമായ സഹായം നൽകുമെന്ന് യുഎസ് അറിയിച്ചു. സുരക്ഷിതമായി മടങ്ങാൻ കഴിയുമെന്ന് വിശ്വസിക്കുന്നവർ യുഎഇ വിടുന്നത് പരിഗണിക്കണമെന്ന് യുഎസ് സ്റ്റേറ്റ് ഡിപ്പാർട്ട്‌മെന്റ് നിർദ്ദേശിച്ചു. ഇതിനായി പ്രധാനമായും രണ്ട് വഴികളാണ് പൗരന്മാർക്ക് മുന്നിൽ അധികൃതർ വെച്ചിരിക്കുന്നത്. യുഎഇയിലെ അന്താരാഷ്ട്ര വിമാനത്താവളങ്ങളിൽ നിന്ന് നിലവിൽ സർവീസ് നടത്തുന്ന ചുരുക്കം വിമാനങ്ങളെക്കുറിച്ച് അന്വേഷിക്കാൻ പൗരന്മാരോട് ആവശ്യപ്പെട്ടിട്ടുണ്ട്. ഇവർക്ക് ആവശ്യമായ സഹായങ്ങൾ സർക്കാർ വാഗ്ദാനം ചെയ്യുന്നു. ഒമാൻ, സൗദി അറേബ്യ അതിർത്തികൾ നിലവിൽ തുറന്നിട്ടുണ്ടെന്നും എന്നാൽ അവിടെ വലിയ തോതിൽ ഗതാഗതക്കുരുക്ക് അനുഭവപ്പെടുന്നുണ്ടെന്നും അധികൃതർ മുന്നറിയിപ്പ് നൽകി. മടങ്ങാൻ സാധിക്കാത്തവരോ അല്ലെങ്കിൽ യുഎഇയിൽ തന്നെ തുടരാൻ തീരുമാനിച്ചവരോ താഴെ പറയുന്ന സുരക്ഷാ മുൻകരുതലുകൾ സ്വീകരിക്കണമെന്ന് നിർദ്ദേശമുണ്ട്. താമസസ്ഥലത്തോ ഹോട്ടലുകളിലോ സുരക്ഷിതമായി കഴിയുക, ജനലുകളിൽ നിന്ന് അകലം പാലിക്കുക, ഭക്ഷണം, വെള്ളം, മരുന്ന് തുടങ്ങിയ അത്യാവശ്യ കാര്യങ്ങൾക്കായി മാത്രം പുറത്തിറങ്ങുക. ഗുരുതരമായ സുരക്ഷാ ഭീഷണിയുള്ളതിനാൽ ബഹ്‌റൈൻ, കുവൈത്ത്, ഈജിപ്ത്, ലെബനൻ, ഇറാൻ, ഒമാൻ, ഇറാഖ്, ഖത്തർ, ഇസ്രായേൽ, സൗദി അറേബ്യ, സിറിയ, ജോർദാൻ, യെമൻ തുടങ്ങിയ രാജ്യങ്ങളിൽ കഴിയുന്നവരോടും ഉടൻ മടങ്ങാൻ യുഎസ് ആവശ്യപ്പെട്ടിട്ടുണ്ട്. അമേരിക്കൻ പൗരന്മാർക്ക് ഏറ്റവും പുതിയ വിവരങ്ങൾ അറിയാൻ step.state.gov എന്ന വെബ്‌സൈറ്റിൽ രജിസ്റ്റർ ചെയ്യാവുന്നതാണ്. കോൺസുലർ സഹായങ്ങൾക്കായി താഴെ പറയുന്ന നമ്പറുകളിൽ 24 മണിക്കൂറും ബന്ധപ്പെടാം: വിദേശത്തുള്ളവർക്ക്: +1-202-501-4444, അമേരിക്കയിലുള്ളവർക്ക്: +1-888-407-4747 ഈ നമ്പറുകളില്‍ ബന്ധപ്പെടാം.

യുഎഇയിൽ മരുന്ന് ശേഖരം സുരക്ഷിതമോ? വിശദീകരണവുമായി എമിറേറ്റ്‌സ് ഡ്രഗ് എസ്റ്റാബ്ലിഷ്‌മെന്റ്

UAE’s pharmaceutical stockpile അബുദാബി: യുഎഇയിലെ മരുന്നുകളുടെയും മെഡിക്കൽ സാമഗ്രികളുടെയും ശേഖരം സുരക്ഷിതമാണെന്നും പ്രാദേശിക വിപണിയിലെ ആവശ്യങ്ങൾ നിറവേറ്റാൻ ഇത് പര്യാപ്തമാണെന്നും എമിറേറ്റ്‌സ് ഡ്രഗ് എസ്റ്റാബ്ലിഷ്‌മെന്റ് ബുധനാഴ്ച അറിയിച്ചു. രാജ്യത്തെ ഫാർമസ്യൂട്ടിക്കൽ വിതരണ ശൃംഖലകൾ സാധാരണ നിലയിലാണ് പ്രവർത്തിക്കുന്നതെന്ന് അധികൃതർ താമസക്കാർക്ക് ഉറപ്പുനൽകി. പശ്ചിമേഷ്യൻ സംഘർഷങ്ങളുടെ പശ്ചാത്തലത്തിൽ വിതരണ തടസ്സമുണ്ടാകുമെന്ന ആശങ്കകൾക്കിടെയാണ് അതോറിറ്റിയുടെ ഈ വിശദീകരണം. രാജ്യത്തെ ഫാർമസ്യൂട്ടിക്കൽ മേഖല ഉയർന്ന സജ്ജീകരണത്തോടെ യും സ്ഥിരതയോടെയുമാണ് പ്രവർത്തിക്കുന്നതെന്ന് എമിറേറ്റ്‌സ് ഡ്രഗ് എസ്റ്റാബ്ലിഷ്‌മെന്റ് ബോർഡ് ചെയർമാനും സഹമന്ത്രിയുമായ സയീദ് ബിൻ മുബാറക് അൽ ഹജേരി വ്യക്തമാക്കി. പൗരന്മാർക്കും താമസക്കാർക്കും സന്ദർശകർക്കും ആവശ്യമായ അവശ്യ മരുന്നുകൾ ദീർഘകാലത്തേക്ക് ലഭ്യമാക്കാൻ തക്കവണ്ണമുള്ള തന്ത്രപരമായ കരുതല ശേഖരം യുഎഇ നിലനിർത്തുന്നുണ്ട്. മരുന്നുകളുടെ ഗുണനിലവാരവും സുരക്ഷയും എല്ലാ സാഹചര്യങ്ങളിലും ഉറപ്പാക്കുക എന്നത് രാജ്യത്തിന്റെ ദേശീയ മുൻഗണനയാണെന്ന് അൽ ഹജേരി പറഞ്ഞു. ഫാക്ടറികളിലും വെയർഹൗസുകളിലും സംഭരണ കേന്ദ്രങ്ങളിലും മരുന്നുകളുടെ സ്റ്റോക്ക് നില ദിവസേന ഫീൽഡ് മോണിറ്ററിംഗിലൂടെ നിരീക്ഷിക്കുന്നുണ്ടെന്ന് ഡയറക്ടർ ജനറൽ ഡോ. ഫാത്തിമ അൽ കാബി അറിയിച്ചു. ആരോഗ്യ പ്രതിരോധ മന്ത്രാലയം (MoHAP), മറ്റ് സ്വകാര്യ-പൊതുമേഖലാ സ്ഥാപനങ്ങൾ എന്നിവരുമായി ഏകോപിപ്പിച്ചാണ് വിതരണ ശൃംഖലയുടെ സുരക്ഷ ഉറപ്പാക്കുന്നത്. അടിയന്തര സാഹചര്യങ്ങൾ നേരിടാനുള്ള കൃത്യമായ പ്ലാനിംഗ് നിലവിലുണ്ടെന്നും നിലവിലെ സൂചകങ്ങൾ എല്ലാം തന്നെ ആശ്വാസകരമാണെന്നും അതോറിറ്റി വ്യക്തമാക്കി. മരുന്നുകൾക്ക് ക്ഷാമമുണ്ടാകില്ലെന്ന് ഉറപ്പാക്കാൻ എല്ലാവിധ മുൻകരുതലുകളും സ്വീകരിച്ചിട്ടുണ്ട്.

ഗൾഫ് വിപണി അടഞ്ഞു; കേരളത്തിൽ പച്ചക്കറി വില കുറയും, പ്രതിസന്ധിയിലായി കര്‍ഷകരും കയറ്റുമതിക്കാരും

Vegetable prices Kerala കൊച്ചി/കോഴിക്കോട്: പശ്ചിമേഷ്യൻ സംഘർഷം രൂക്ഷമായതോടെ ഗൾഫ് രാജ്യങ്ങളിലേക്കുള്ള പഴം-പച്ചക്കറി കയറ്റുമതി സ്തംഭിച്ചു. ഇതോടെ കയറ്റുമതിക്കായി നെടുമ്പാശേരി, കോഴിക്കോട് വിമാനത്താവളങ്ങളിൽ എത്തിച്ച ടൺകണക്കിന് ഉൽപ്പന്നങ്ങൾ ആഭ്യന്തര വിപണിയിലേക്ക് തിരിച്ചെത്തുന്നു. വിമാന സർവീസുകൾ റദ്ദാക്കിയതും ചരക്ക് ഗതാഗതത്തിലെ അനിശ്ചിതത്വവുമാണ് കയറ്റുമതിക്കാരെ പ്രതിസന്ധിയിലാക്കിയത്. കെട്ടിക്കിടക്കുന്ന ചരക്കുകൾ നശിച്ചുപോകാതിരിക്കാൻ കുറഞ്ഞ വിലയ്ക്ക് പ്രാദേശിക മാർക്കറ്റുകളിൽ വിറ്റഴിക്കാനാണ് നിലവിലെ നീക്കം. വാഴപ്പഴം, പച്ചമുളക്, ചക്ക, ഇലക്കറികൾ തുടങ്ങിയവ വലിയ തോതിൽ പ്രാദേശിക വിപണിയിൽ എത്തുന്നതോടെ വരുംദിവസങ്ങളിൽ വില ഗണ്യമായി കുറയാൻ സാധ്യതയുണ്ട്. നിലവിൽ മൊത്ത വിതരണ കേന്ദ്രങ്ങളിൽ വിലയിൽ ഇടിവ് ദൃശ്യമായിത്തുടങ്ങി. കയറ്റുമതി വിപണിയിൽ ലഭിക്കുന്ന ഉയർന്ന വില ആഭ്യന്തര വിപണിയിൽ ലഭിക്കില്ല എന്നത് കർഷകരുടെ വരുമാനത്തെ ബാധിക്കും.  യുദ്ധം നീണ്ടുപോയാൽ വലിയ സാമ്പത്തിക നഷ്ടമുണ്ടാകുമെന്ന ഭീതിയിലാണ് ഉൽപാദകർ. വിമാനത്താവളങ്ങളിൽ കെട്ടിക്കിടക്കുന്ന ചരക്കുകൾക്ക് പുറമെ, വരും ദിവസങ്ങളിൽ കൊയ്തെടുക്കേണ്ട വിളകളും ഗൾഫിലേക്ക് അയക്കാൻ കഴിയാത്ത സാഹചര്യമാണുള്ളത്. കേരളത്തിലെയും തമിഴ്‌നാട്ടിലെയും കർഷകർക്ക് ഏറ്റവും കൂടുതൽ ലാഭം നൽകുന്ന വിപണിയാണ് ഗൾഫ് രാജ്യങ്ങൾ. പശ്ചിമേഷ്യയിലെ സംഘർഷം എത്ര കാലം നീണ്ടുനിൽക്കും എന്നതിനെ ആശ്രയിച്ചിരിക്കും കേരളത്തിലെ കാർഷിക വിപണിയുടെ ഭാവി.

പ്രവാസികളെ എത്തിക്കാൻ കൂടുതല്‍ വിമാനക്കമ്പനികൾ; വിശദവിവരങ്ങള്‍

Flights ന്യൂഡൽഹി: പശ്ചിമേഷ്യൻ സംഘർഷത്തെത്തുടർന്ന് ഗൾഫ് രാജ്യങ്ങളിൽ കുടുങ്ങിക്കിടക്കുന്ന പ്രവാസികളെ നാട്ടിലെത്തിക്കുന്നതിനായി ഇന്ത്യൻ വിമാനക്കമ്പനികൾ സർവീസുകൾ വർദ്ധിപ്പിച്ചു. എയർ ഇന്ത്യയുടെ വലിയ വിമാനങ്ങൾ ഉൾപ്പെടെ പ്രത്യേക ദൗത്യത്തിനായി രംഗത്തിറങ്ങിയിട്ടുണ്ട്. ഇന്ത്യൻ കമ്പനികൾക്ക് പുറമേ എമിറേറ്റ്‌സ് ഉൾപ്പെടെയുള്ള വിദേശ വിമാനക്കമ്പനികളും യാത്രക്കാരെ നാട്ടിലെത്തിക്കാൻ സർവീസുകൾ നടത്തുന്നുണ്ട്. നിലവിൽ കുടുങ്ങിക്കിടക്കുന്നവർക്ക് മുൻഗണന നൽകിയാണ് പ്രവർത്തനങ്ങൾ ഏകോപിപ്പിക്കുന്നത്. എയർ ഇന്ത്യ കൂടുതൽ യാത്രക്കാരെ ഒരേസമയം നാട്ടിലെത്തിക്കാൻ ശേഷിയുള്ള 3 വലിയ വിമാനങ്ങൾ മുംബൈയിൽ നിന്നും ഡൽഹിയിൽ നിന്നും ദുബായ്, ജിദ്ദ എന്നിവിടങ്ങളിലേക്ക് അയച്ചു. ഇവ ഇന്ന് ഇന്ത്യയിലേക്ക് തിരിക്കും. ഇൻഡിഗോ ജിദ്ദയിൽ 4 വിമാനങ്ങളും മസ്കത്തിൽ ഒരു വിമാനവും ഇതിനായി മാത്രമായി ക്രമീകരിച്ചു. എയർ ഇന്ത്യ എക്സ്പ്രസ് മസ്കത്തിൽ നിന്ന് കൊച്ചി, ഡൽഹി, മുംബൈ എന്നിവിടങ്ങളിലേക്ക് അധിക സർവീസുകൾ തുടരുന്നു. സ്പൈസ്ജെറ്റ് ഫുജൈറയിൽ നിന്ന് മുംബൈ, ഡൽഹി എന്നിവിടങ്ങളിലേക്ക് ഇന്ന് പ്രത്യേക സർവീസുകൾ നടത്തും. ഇന്നലെ ഗൾഫിൽ നിന്നുള്ള 5 വിമാനങ്ങളിലായി എഴുനൂറോളം പേർ കൊച്ചിയിലെത്തി. കറാച്ചിയിൽ കുടുങ്ങിയ മലയാളി കുടുംബവും കൊച്ചി വഴി നാട്ടിലെത്തി. കരിപ്പൂരില്‍ ഇന്നലെ 10 രാജ്യാന്തര സർവീസുകൾ നടത്തിയെങ്കിലും, ഇന്നും നാളെയുമായി നടക്കേണ്ട 50-ഓളം സർവീസുകൾ (വരവും പോക്കും ഉൾപ്പെടെ) റദ്ദാക്കി. തിരുവനന്തപുരത്ത് ഇന്നലെ മാത്രം 30 സർവീസുകൾ റദ്ദാക്കി. തുടർച്ചയായ മൂന്നാം ദിവസവും കണ്ണൂരിൽ നിന്നുള്ള എല്ലാ രാജ്യാന്തര സർവീസുകളും റദ്ദാക്കിയ നിലയിലാണ്. നിലവിൽ വിമാനങ്ങൾ റദ്ദാക്കുന്നത് തുടരുന്നതിനാൽ യാത്രക്കാർ വിമാനത്താവളത്തിലേക്ക് തിരിക്കുന്നതിന് മുൻപ് അതത് എയർലൈനുകളുമായി ബന്ധപ്പെട്ട് സമയക്രമം ഉറപ്പാക്കേണ്ടതാണ്.

പശ്ചിമേഷ്യയിൽ യുദ്ധം കടുക്കുന്നു; ഇറാനിൽ 2,000 ലക്ഷ്യസ്ഥാനങ്ങൾ തകർത്തെന്ന് അമേരിക്ക

US Israel iran conflict ദുബായ്: അമേരിക്ക-ഇസ്രയേൽ-ഇറാൻ സംഘർഷം അഞ്ചാം ദിവസത്തിലേക്ക് കടക്കുമ്പോൾ പശ്ചിമേഷ്യ അതീവ ഗുരുതരമായ സാഹചര്യത്തിലൂടെയാണ് കടന്നുപോകുന്നത്. ആഗോളതലത്തിൽ വിമാന സർവീസുകളെയും കപ്പൽ ഗതാഗതത്തെയും ബാധിച്ച ഈ യുദ്ധം എണ്ണ, പാചകവാതക വില വർധനവിനും കാരണമായിട്ടുണ്ട്. ഗൾഫ് രാജ്യങ്ങളെ ലക്ഷ്യമിട്ടുള്ള ആക്രമണങ്ങൾ തുടരുന്നതിനിടെ മേഖലയിലെ പ്രധാന സംഭവവികാസങ്ങൾ ഇവയാണ്. യുഎഇ ഉൾപ്പെടെയുള്ള ജിസിസി രാജ്യങ്ങൾ ഇറാൻ്റെ ആക്രമണ ഭീഷണിയിലാണ്. യുഎഇയെ ലക്ഷ്യമിട്ട് ഇതുവരെ ആയിരത്തിലധികം ഡ്രോൺ-മിസൈൽ ആക്രമണങ്ങൾ നടന്നതായാണ് റിപ്പോർട്ട്. സംഘർഷം മൂർച്ഛിക്കുന്നതിനിടെ വിവിധ രാജ്യങ്ങൾ തങ്ങളുടെ പൗരന്മാർക്ക് ജാഗ്രതാ നിർദ്ദേശം നൽകിയിട്ടുണ്ട്. ജനവാസ മേഖലയിൽ മിസൈൽ അവശിഷ്ടങ്ങൾ പതിച്ച് 11 വയസ്സുകാരി കൊല്ലപ്പെട്ടതായി കുവൈത്ത് ആരോഗ്യ മന്ത്രാലയം അറിയിച്ചു. അൽ ഖർജ് നഗരത്തിന് നേരെ വന്ന രണ്ട് ക്രൂയിസ് മിസൈലുകളും രാജ്യത്തിൻ്റെ വ്യോമപരിധിയിൽ പ്രവേശിച്ച ഒമ്പത് ഡ്രോണുകളും സൗദി തകർത്തു. ഇറാനിലെ 2,000 ലക്ഷ്യസ്ഥാനങ്ങളിൽ ഇതിനകം ആക്രമണം നടത്തിയതായി യുഎസ് സെൻട്രൽ കമാൻഡ് അറിയിച്ചു. 2003-ലെ ഇറാഖ് യുദ്ധത്തേക്കാൾ ഇരട്ടി പ്രഹരശേഷിയുള്ള ആക്രമണമാണ് ഇറാനിൽ നടത്തുന്നതെന്ന് അഡ്മിറൽ ബ്രാഡ് കൂപ്പർ വ്യക്തമാക്കി. വിമാന സർവീസുകൾ തടസ്സപ്പെട്ടതോടെ, സൗദി അതിർത്തിയിൽ നിന്ന് അബുദാബിയിലേക്ക് ഇതിഹാദ് റെയിൽ പ്രത്യേക പാസഞ്ചർ സർവീസ് നടത്തി 350-ലധികം ആളുകളെ സുരക്ഷിതമായി എത്തിച്ചു. അബുദാബിയിലെ പാകിസ്ഥാൻ എംബസി നേരിട്ടുള്ള കോൺസുലർ സേവനങ്ങൾ താത്കാലികമായി നിർത്തിവെച്ചു. അടിയന്തര സാഹചര്യങ്ങളിൽ +971 50 121 0260 എന്ന നമ്പറിൽ ബന്ധപ്പെടാം. യുഎഇയിലെ സ്വകാര്യ മേഖലയിൽ ‘വർക്ക് ഫ്രം ഹോം’ നിർദ്ദേശിച്ചിട്ടുണ്ട്. പശ്ചിമേഷ്യയിൽ നിന്ന് മടങ്ങാൻ ആഗ്രഹിക്കുന്നവർക്ക് എല്ലാ സഹായവും നൽകുമെന്ന് അമേരിക്ക അറിയിച്ചു. സൗദി, ഒമാൻ അതിർത്തികൾ നിലവിൽ തുറന്നിട്ടുണ്ടെങ്കിലും വലിയ തിരക്ക് അനുഭവപ്പെടുന്നുണ്ട്. പുറത്തിറങ്ങാൻ കഴിയാത്തവർ ജനലുകളിൽ നിന്ന് അകലം പാലിക്കാനും സുരക്ഷിതമായി വീടിനുള്ളിൽ ഇരിക്കാനും നിർദ്ദേശമുണ്ട്. കിഴക്കൻ ലബനനിലെ ബാൽബെക്കിൽ ഇസ്രയേൽ നടത്തിയ ആക്രമണത്തിൽ ഒരു നാലുനില കെട്ടിടം തകരുകയും നാല് പേർ കൊല്ലപ്പെടുകയും ചെയ്തു. ഇതിന് മറുപടിയായി ഇസ്രയേൽ സൈനിക കേന്ദ്രങ്ങൾക്ക് നേരെ ഹിസ്ബുള്ള റോക്കറ്റ് ആക്രമണം നടത്തി. ലബനനിൽ ഇതുവരെ 50 പേർ കൊല്ലപ്പെടുകയും 335 പേർക്ക് പരിക്കേൽക്കുകയും ചെയ്തതായാണ് കണക്കുകൾ.

യുഎഇയിൽ ബാങ്കിങ് സേവനങ്ങൾ തടസപ്പെട്ടു; വിവിധ ബാങ്കുകളുടെ പ്രവർത്തനത്തെ ബാധിച്ചു

UAE banks service disruptions യുഎഇ: സാങ്കേതിക തകരാറിനെത്തുടർന്ന് യുഎഇയിലെ പ്രമുഖ ബാങ്കിംഗ്, ധനകാര്യ സ്ഥാപനങ്ങളുടെ സേവനങ്ങൾ തടസ്സപ്പെട്ടു. പ്രമുഖ ബാങ്കുകളായ എഡിസിബി (ADCB), ഫസ്റ്റ് അബുദാബി ബാങ്ക് (FAB) എന്നിവയുടെ മൊബൈൽ ആപ്പ്, ഇന്റർനെറ്റ് ബാങ്കിംഗ് സേവനങ്ങളെയാണ് പ്രധാനമായും ബാധിച്ചത്. മേഖലയിലാകെ ഉണ്ടായ ഐടി തകരാറാണ് സേവനങ്ങളെ ബാധിച്ചതെന്ന് അബുദാബി കൊമേഴ്‌സ്യൽ ബാങ്ക് (ADCB) സ്ഥിരീകരിച്ചു. എന്നാൽ ഇതിന്റെ കൃത്യമായ കാരണം ബാങ്ക് വെളിപ്പെടുത്തിയിട്ടില്ല. എഡിസിബി (ADCB) ബാങ്കിന്റെ മൊബൈൽ ആപ്പും കോൺടാക്റ്റ് സെന്ററും താത്കാലികമായി പ്രവർത്തിക്കുന്നില്ല. എന്നാൽ ഉപഭോക്താക്കൾക്ക് ഇന്റർനെറ്റ് ബാങ്കിംഗ്, ശാഖകൾ, യു-ബാങ്ക് എടിഎമ്മുകൾ, വാട്‌സ്ആപ്പ് ബാങ്കിംഗ് എന്നിവ വഴി സേവനങ്ങൾ ലഭ്യമാകും. അന്താരാഷ്ട്ര-ആഭ്യന്തര പണമിടപാടുകൾ ഇന്റർനെറ്റ് ബാങ്കിംഗ് വഴി സാധ്യമാണ്. യുഎഇയിലെ ഏറ്റവും വലിയ ബാങ്കായ ഫസ്റ്റ് അബുദാബി ബാങ്കിന്റെ (എഫ്എബി (FAB)) ഇന്റർനെറ്റ്, മൊബൈൽ ബാങ്കിംഗ് സേവനങ്ങളിലും സാങ്കേതിക പ്രശ്നങ്ങളുണ്ടെന്ന് റിപ്പോർട്ട് ചെയ്തു.  അൽ ഫർദാൻ എക്‌സ്‌ചേഞ്ചില്‍ കാർഡ് ഇഷ്യൂവൻസ്, റീലോഡ്, ബാലൻസ് പരിശോധന തുടങ്ങിയ ചില ‘ട്രാവലസ്’ (Travelez) സേവനങ്ങൾ തടസ്സപ്പെട്ടതായി അൽ ഫർദാൻ എക്‌സ്‌ചേഞ്ച് അറിയിച്ചു. കഴിഞ്ഞ ഞായറാഴ്ച രാത്രി യുഎഇയിലെ ആമസോൺ വെബ് സർവീസസ് (AWS) ഡാറ്റാ സെന്ററിന് നേരെ ആക്രമണമുണ്ടായതും തുടർന്നുണ്ടായ തീപിടുത്തവുമാണ് ഈ സാങ്കേതിക തകരാറുകൾക്ക് പിന്നിലെന്നാണ് സൂചന. ചില വസ്തുക്കൾ ഡാറ്റാ സെന്ററിൽ വന്ന് പതിച്ചതിനെത്തുടർന്ന് നെറ്റ്‌വർക്കിംഗ് സേവനങ്ങൾ തടസ്സപ്പെട്ടതായി എഡബ്ല്യുഎസ് (AWS) അറിയിച്ചു.