Russian President റഷ്യയിൽ സന്ദർശനം നടത്തി ഇറാൻ വിദേശകാര്യമന്ത്രി അബ്ബാസ് അരഗ്ചി. റഷ്യൻ പ്രസിഡന്റ് പുട്ടിനുമായി അരഗ്ചി കൂടിക്കാഴ്ച നടത്തും. ഇക്കാര്യം റഷ്യ സ്ഥിരീകരിക്കുകയും ചെയ്തു.

ഇറാന്റെ വിദേശകാര്യ മന്ത്രി അബ്ബാസ് അരഗ്ചി വീണ്ടും പാക്കിസ്ഥാനിൽ വന്നെങ്കിലും യുഎസുമായി ചർച്ചയ്ക്കില്ലെന്ന് വ്യക്തമാക്കിയിരുന്നു. പാക്കിസ്ഥാനി പ്രതിനിധികളെ മാത്രം കണ്ട ശേഷം അരഗ്ചി റഷ്യയിലേക്ക് പോകുകയായിരുന്നു.

അതേസമയം, ഹോർമുസ് തുറക്കുന്നതിനെ കുറിച്ച് മാത്രം ചർച്ചയ്ക്ക് തയാറാണെന്ന് പാക്കിസ്ഥാൻ മുഖേന യുഎസിനെ ഇറാൻ അറിയിച്ചുവെന്ന റിപ്പോർട്ടുകളും പുറത്തുവന്നിരുന്നു.

ഇറാന് മുന്നറിയിപ്പുമായി അമേരിക്കൻ പ്രസിഡന്റ് ഡൊണാൾഡ് ട്രംപ് കഴിഞ്ഞ ദിവസം രംഗത്തെത്തിയിരുന്നു. 3 ദിവസത്തിനുള്ളിൽ യുഎസുമായി ഡീലിന് തയ്യാറാകണമെന്നും അനുസരിച്ചില്ലെങ്കിൽ ഇറാനിലെ എണ്ണ പൈപ്പ് ലൈനുകൾ തകർത്തുതരിപ്പണമാക്കുമെന്നും ട്രംപ് മുന്നറിയിപ്പ് നൽകി. ഇറാനെ ചർച്ചയ്ക്ക് നിർബന്ധിതരാക്കാനുള്ള സമ്മർദ തന്ത്രമാണിതെന്നാണ് വിലയിരുത്തപ്പെടുന്നത്. ഇനി ചർച്ച ടെലഫോൺ വഴിയാകാമെന്ന നിലപാടിലാണ് ട്രംപ് ഇപ്പോഴുള്ളത്.

LATEST JOB IN UAE-DAILY UPDATING…	APPLY NOW
HOSPITAL JOBS IN UAE-DAILY UPDATING…	APPLY NOW
AIRPORT AND AIRLINE JOB IN UAE -DAILY UPDATING…	APPLY NOW
TEACHING JOB IN UAE -DAILY UPDATING…	APPLY NOW
LOGISTICS JOB IN UAE-DAILY UPDATING…	APPLY NOW
ACCOUNTING JOB IN UAE-DAILY UPDATING…	APPLY NOW

Online Scam ഡെലിവറി സേവനങ്ങളെന്ന പേരിൽ ഓൺലൈൻ തട്ടിപ്പ്; യുഎഇയിൽ നാലംഗ സംഘം അറസ്റ്റിൽ, തട്ടിയെടുത്തത് ലക്ഷങ്ങൾ

Online Scam ഷാർജ: ഡെലിവറി സേവനങ്ങളെന്ന പേരിൽ ഓൺലൈൻ തട്ടിപ്പ് നടത്തുന്ന നാലംഗ സംഘം യുഎഇയിൽ അറസ്റ്റിൽ. വ്യാജ ഡെലിവറി സന്ദേശങ്ങളിലൂടെയും പ്രണയ തട്ടിപ്പിലൂടെയും 30 ലക്ഷം ദിർഹത്തിലധികം തട്ടിയെടുത്ത അന്താരാഷ്ട്ര ഓൺലൈൻ തട്ടിപ്പ് സംഘത്തെയാണ് ഷാർജ പോലീസ് അറസ്റ്റ് ചെയ്തത്. യുഎഇയ്ക്കകത്തും പുറത്തുമുള്ള ആളുകളെ ലക്ഷ്യമിട്ടായിരുന്നു നാലംഗ സംഘം പ്രവർത്തിച്ചിരുന്നത്.

പ്രമുഖ ഷിപ്പിംഗ്, ഇൻഷുറൻസ് കമ്പനികളുടെ പേരിൽ ആൾമാറാട്ടം നടത്തിയാണ് ഇവർ പണം തട്ടിയത്. ഇരകളുടെ പേരിൽ പാഴ്സലുകൾ വന്നിട്ടുണ്ടെന്നും അത് കൈപ്പറ്റാൻ കസ്റ്റംസ് ഫീസും ഇൻഷുറൻസ് തുകയും നൽകണമെന്നും വിശ്വസിപ്പിച്ചായിരുന്നു സംഘം ഇരകളെ വലയിൽ വീഴ്ത്തിയിരുന്നത്.

സോഷ്യൽ മീഡിയയിൽ സ്ത്രീകളുടെ പേരിൽ വ്യാജ പ്രൊഫൈലുകൾ സൃഷ്ടിച്ചും സംഘം തട്ടിപ്പ് നടത്തിയതായി അന്വേഷണത്തിൽ തെളിഞ്ഞു. ഇരകളുമായി ബന്ധം സ്ഥാപിച്ച ശേഷം യുഎഇയിലേക്ക് വരാനുള്ള യാത്രാ ചെലവ് എന്ന വ്യാജേനയോ മറ്റ് അടിയന്തര സാഹചര്യങ്ങൾ പറഞ്ഞോ പണം ആവശ്യപ്പെടുന്നതായിരുന്നു ഇവരുടെ രീതി.

എണ്ണ ഉൽപാദന സൗകര്യങ്ങൾ തകർത്താൽ കത്തിക്കും ; മുന്നറിയിപ്പുമായി ഇറാൻ

ടെഹ്റാൻ: എണ്ണ ഉത്പാദന സൗകര്യങ്ങൾ തകർത്താൽ ശക്തമായി തിരിച്ചടിക്കുമെന്ന് മുന്നറിയിപ്പ് നൽകി ഇറാൻ വൈസ് പ്രസിഡന്റ് ഇസ്മായിൽ സഗാബ് എസ്‌ഫഹാനി. എണ്ണക്കിണറുകൾ ഉൾപ്പെടെയുള്ള തങ്ങളുടെ പശ്ചാത്തല സൗകര്യങ്ങളിൽ ഏതെങ്കിലും ഒന്നിന് യുഎസ് ഉപരോധം മൂലം നാശനഷ്ടം സംഭവിച്ചാൽ അതിന് കൂട്ടുനിൽക്കുന്ന രാജ്യങ്ങളിലെ സമാനമായ സൗകര്യങ്ങളിൽ നാലരട്ടി നാശനഷ്ടങ്ങൾ വരുത്തും എന്നാണ് സഗാബ് വ്യക്തമാക്കുന്നത്. എക്സ് പ്ലാറ്റ്ഫോമിലൂടെ ആയിരുന്നു സഗാബിന്റെ പ്രതികരണം.ഇറാന്റെ കണക്കുകൾ വ്യത്യസ്തമാണെന്നും ഒരു എണ്ണക്കിണറിന് പകരം നാല് എണ്ണ കിണറുകൾ എന്നതാണ് തങ്ങളുടെ രീതിയെന്നും സഗാബ് പറയുന്നു.അതേസമയം, ഇറാനിയൻ തുറമുഖങ്ങളിൽ യുഎസ് ഉപരോധം തുടരുന്നുണ്ട്. തിരിച്ചുപോകാനോ അല്ലെങ്കിൽ തുറമുഖങ്ങളിൽ നിന്ന് മടങ്ങാനോ 38 കപ്പലുകൾക്ക് അമേരിക്കൻ സേന നിർദേശം നൽകുകയും ചെയ്തിട്ടുണ്ട്.

യുഎഇയിൽ മെയ് മാസത്തെ ഇന്ധനവില അടുത്തയാഴ്ച പ്രഖ്യാപിക്കും; നേരിയ വർധനവിന് സാധ്യത?

petrol prices in UAE ദുബായ്: ആഗോള വിപണിയിലെ എണ്ണവിലയിലുണ്ടായ വ്യതിയാനങ്ങൾക്ക് അനുസൃതമായി യുഎഇയിൽ മെയ് മാസത്തെ പെട്രോൾ, ഡീസൽ വിലകൾ അടുത്തയാഴ്ച പ്രഖ്യാപിക്കും. ഏപ്രിൽ 30-നാണ് ഇന്ധന വില നിർണ്ണയ സമിതി പുതുക്കിയ നിരക്കുകൾ അറിയിക്കുക. ഹോർമുസ് കടലിടുക്കിന്റെ അടച്ചുപൂട്ടലും അമേരിക്ക, ഇസ്രായേൽ, ഇറാൻ എന്നിവർ ഉൾപ്പെട്ട പ്രാദേശിക സംഘർഷങ്ങളും കാരണം ഏപ്രിൽ മാസത്തിൽ എണ്ണവില ബാരലിന് 100 ഡോളറിന് മുകളിലായിരുന്നു വ്യാപാരം നടന്നത്. ഏപ്രിൽ മാസത്തിൽ ബ്രെന്റ് ക്രൂഡ് ഓയിലിന്റെ ശരാശരി വില ബാരലിന് 99.16 ഡോളറായിരുന്നു. മാർച്ചിലിത് 96.96 ഡോളറായിരുന്നു. ഫെബ്രുവരി അവസാനം മുതൽ ഹോർമുസ് കടലിടുക്ക് അടഞ്ഞുകിടക്കുന്നത് ആഗോള എണ്ണ വിതരണത്തിൽ വലിയ കുറവുണ്ടാക്കിയിട്ടുണ്ട്. ഇത് 1970-കളിലെ എണ്ണ പ്രതിസന്ധിക്ക് ശേഷമുള്ള ഏറ്റവും വലിയ തടസ്സമായാണ് വിലയിരുത്തപ്പെടുന്നത്. ഏപ്രിൽ മാസത്തിൽ യുഎഇയിൽ ഇന്ധനവില ലിറ്ററിന് ഏകദേശം 0.80 ദിർഹം വരെ വർദ്ധിപ്പിച്ചിരുന്നു. നിലവിലെ നിരക്കുകൾ താഴെ പറയുന്നവയാണ്: സൂപ്പർ 98: 3.39 ദിർഹം, സ്പെഷ്യൽ 95: 3.28 ദിർഹം, ഇ-പ്ലസ് 91: 3.20 ദിർഹം. യുഎഇയിൽ ഇതുവരെയുള്ളതിൽ ഏറ്റവും ഉയർന്ന ഇന്ധനവില രേഖപ്പെടുത്തിയത് 2022 ജൂലൈ മാസത്തിലാണ്. അന്ന് റഷ്യ-ഉക്രെയ്ൻ യുദ്ധത്തെത്തുടർന്ന് പെട്രോൾ വില ലിറ്ററിന് 4 ദിർഹത്തിന് മുകളിൽ പോയിരുന്നു (സൂപ്പർ 98 – 4.63 ദിർഹം). നിലവിലെ സംഘർഷങ്ങളും ഹോർമുസ് കടലിടുക്കിലെ തടസ്സവും എണ്ണ ഉൽപ്പാദിപ്പിക്കുന്ന കൂടുതൽ രാജ്യങ്ങളെ ബാധിച്ചതിനാൽ, ആഗോള വിപണിയിലെ ആഘാതം മുൻ വർഷങ്ങളേക്കാൾ കടുപ്പമേറിയതാണെന്ന് വിദഗ്ധർ ചൂണ്ടിക്കാട്ടുന്നു. ഏപ്രിലിലെ ഉയർന്ന ശരാശരി വില പരിഗണിക്കുമ്പോൾ മെയ് മാസത്തിലും വിലയിൽ ചെറിയ വർദ്ധനവിന് സാധ്യതയുണ്ടെന്നാണ് സൂചന.

യുഎഇ വിപണിയിൽ ചുവടുറപ്പിക്കാൻ ജിഎസി മോട്ടോഴ്സ്; സ്മാർട്ട് എസ്‌യുവികളും ഇലക്ട്രിക് വാഹനങ്ങളും ഉടൻ

GAC ബെയ്ജിങ്: യുഎഇ ഉൾപ്പെടെയുള്ള ജിസിസി രാജ്യങ്ങളിൽ തങ്ങളുടെ സാന്നിധ്യം ശക്തമാക്കാൻ പ്രമുഖ ചൈനീസ് വാഹന നിർമ്മാതാക്കളായ ജിഎസി (GAC) ഒരുങ്ങുന്നു. സ്മാർട്ട് എസ്‌യുവികൾ, ഇലക്ട്രിക് വാഹനങ്ങൾ, ഹൈബ്രിഡ് മോഡലുകൾ എന്നിവയിലൂടെ മിഡിൽ ഈസ്റ്റിലെ ഉപഭോക്താക്കളുടെ വിശ്വാസം നേടിയെടുക്കാനാണ് കമ്പനി ലക്ഷ്യമിടുന്നത്. ബെയ്ജിങ് ഓട്ടോ ഷോ 2026-ൽ സംസാരിക്കവെ, ജിഎസി ഇന്റർനാഷണൽ വൈസ് പ്രസിഡന്റ് ജെയിംസ് വാങ് കമ്പനിയുടെ പുതിയ തന്ത്രങ്ങൾ വിശദീകരിച്ചു. മറ്റ് വിപണികൾക്കായി നിർമ്മിച്ച മോഡലുകൾ വെറുതെ കയറ്റുമതി ചെയ്യുന്നതിന് പകരം, മിഡിൽ ഈസ്റ്റിലെ കാലാവസ്ഥ, ഡ്രൈവിംഗ് രീതികൾ, അടിസ്ഥാന സൗകര്യങ്ങൾ എന്നിവയ്ക്ക് അനുയോജ്യമായ വാഹനങ്ങളാണ് ജിഎസി അവതരിപ്പിക്കുന്നത്. “വെറുമൊരു വിപണിയിൽ പ്രവേശിക്കുക എന്നതല്ല, മറിച്ച് വിപണിയിൽ ആഴത്തിൽ വേരോട്ടം നടത്തുകയും ഉപഭോക്താക്കളുടെ മനസ്സ് കീഴടക്കുകയുമാണ് ജിഎസിയുടെ ലക്ഷ്യം,” വാങ് പറഞ്ഞു. ഗൾഫ് മേഖലയിലെ പ്രധാന ടെസ്റ്റ് മാർക്കറ്റുകളായി യുഎഇയെയും സൗദി അറേബ്യയെയും ജിഎസി കാണുന്നു. പെട്രോൾ കാറുകൾക്ക് പുറമെ റേഞ്ച് എക്സ്റ്റൻഡഡ് മോഡലുകൾ, ഡിജിറ്റൽ സേവനങ്ങൾ എന്നിവയ്ക്കും കമ്പനി മുൻഗണന നൽകുന്നുണ്ട്. യുഎഇയിൽ ഗാർഗാഷ് മോട്ടോഴ്സുമായി സഹകരിച്ചാണ് ജിഎസി പ്രവർത്തിക്കുന്നത്. ഇതിന്റെ ഭാഗമായി ഈ വർഷം ജനുവരിയിൽ ദുബായിലെ ദേരയിൽ ജിഎസി മോട്ടോഴ്സിന്റെ യുഎഇയിലെ ഏറ്റവും വലിയ ഷോറൂം ഗാർഗാഷ് മോട്ടോഴ്സ് തുറന്നിരുന്നു. ഇത് ദുബായ് പോലുള്ള തിരക്കേറിയ നഗരങ്ങളിൽ ബ്രാൻഡിന് ശക്തമായ അടിത്തറ നൽകുന്നു.