Accident Sheikh Zayed Road ദുബായ്: ഷെയ്ഖ് സായിദ് റോഡിൽ അബുദാബിയിലേക്കുള്ള ദിശയിലുണ്ടായ വാഹനാപകടത്തെ തുടർന്ന് ജൂൺ 16 ചൊവ്വാഴ്ച ദുബായ് പോലീസ് ട്രാഫിക് മുന്നറിയിപ്പ് പുറപ്പെടുവിച്ചു. അപകടസ്ഥലത്ത് അടിയന്തര രക്ഷാപ്രവർത്തക സംഘങ്ങൾ തങ്ങളുടെ ചുമതലകൾ നിർവഹിച്ചുവരികയാണെന്നും, ഈ റൂട്ടിലൂടെ സഞ്ചരിക്കുന്ന വാഹനമോടിക്കുന്നവർ അതീവ ജാഗ്രത പാലിക്കണമെന്നും എക്സ് പ്ലാറ്റ്‌ഫോമിലൂടെ പോലീസ് നിർദ്ദേശിച്ചു. ഷെയ്ഖ് സായിദ് റോഡിൽ മറീന മാളിന് എതിർവശത്തായി അബുദാബി ഭാഗത്തേക്കുള്ള റോഡിലാണ് അപകടത്തെ തുടർന്ന് ഗതാഗതം തടസ്സപ്പെട്ടിരിക്കുന്നത്. അബുദാബി ഭാഗത്തേക്ക് പോകുന്ന വാഹനങ്ങളുടെ വേഗത കുറയാൻ സാധ്യതയുള്ളതിനാൽ, ഈ മേഖലയിലുള്ളവർ വേഗത കുറയ്ക്കാനും, സുരക്ഷിതമായ അകലം പാലിക്കാനും, സ്ഥലത്തുള്ള ഉദ്യോഗസ്ഥരുടെ നിർദ്ദേശങ്ങൾ കർശനമായി പാലിക്കാനും പോലീസ് ആവശ്യപ്പെട്ടിട്ടുണ്ട്. റോഡിലെ തടസ്സങ്ങൾ നീങ്ങുന്നത് വരെ യാത്രാ സമയത്തിലുണ്ടായേക്കാവുന്ന താമസം മുൻകൂട്ടി കാണണമെന്നും, സാധ്യമെങ്കിൽ മറ്റ് ബദൽ റോഡുകൾ തിരഞ്ഞെടുക്കാൻ ശ്രദ്ധിക്കണമെന്നും വാഹനമോടിക്കുന്നവർക്ക് നിർദ്ദേശം നൽകിയിട്ടുണ്ട്.

LATEST JOB IN UAE-DAILY UPDATING…	APPLY NOW
HOSPITAL JOBS IN UAE-DAILY UPDATING…	APPLY NOW
AIRPORT AND AIRLINE JOB IN UAE -DAILY UPDATING…	APPLY NOW
TEACHING JOB IN UAE -DAILY UPDATING…	APPLY NOW
LOGISTICS JOB IN UAE-DAILY UPDATING…	APPLY NOW
ACCOUNTING JOB IN UAE-DAILY UPDATING…	APPLY NOW

പ്രവാസികള്‍ക്കും ഉദ്യോഗസ്ഥർക്കും ‘ഇരട്ടി മധുരം’; നിക്ഷേപകരെ ലക്ഷ്യമിട്ട് ഗൾഫ് രാജ്യങ്ങൾ

kuwait 15 year investor residency ദുബായ്: കുവൈത്തിന്റെ സാമ്പത്തിക ചരിത്രത്തിൽ സുപ്രധാനമായൊരു വഴിത്തിരിവിനാണ് ഭരണകൂടം ഇപ്പോൾ തുടക്കമിട്ടിരിക്കുന്നത്. വിദേശ നിക്ഷേപകർക്കായി 15 വർഷത്തെ ദീർഘകാല വീസ (റെസിഡൻസി പെർമിറ്റ്) പ്രഖ്യാപിച്ച നടപടി, രാജ്യത്തെ ഇന്ത്യൻ ബിസിനസ് സമൂഹത്തിന് വലിയ തോതിലുള്ള ആത്മവിശ്വാസവും പുതിയ വികസന സാധ്യതകളുമാണ് തുറന്നുനൽകുന്നത്. പതിറ്റാണ്ടുകളായി കുവൈത്തിന്റെ വാണിജ്യ മേഖലയിൽ സജീവ സാന്നിധ്യമായ ഇന്ത്യൻ വ്യാപാരികൾക്കും വൻകിട നിക്ഷേപകർക്കും ഈ തീരുമാനം നൽകുന്ന സുരക്ഷിതത്വബോധം ചെറുതല്ല. ഓരോ വർഷവും അല്ലെങ്കിൽ ചുരുങ്ങിയ കാലയളവിലും വീസ പുതുക്കേണ്ടി വരുന്നതിലെ പ്രായോഗിക ബുദ്ധിമുട്ടുകൾക്ക് ഇതോടെ ശാശ്വത പരിഹാരമാവുകയാണ്. ബിസിനസ് അന്തരീക്ഷത്തിൽ ദീർഘകാലാടിസ്ഥാനത്തിലുള്ള ആസൂത്രണങ്ങൾക്കും പദ്ധതികൾക്കും ഇത് വഴിയൊരുക്കും. കുവൈത്ത് ഡയറക്ട് ഇൻവെസ്റ്റ്‌മെന്റ് പ്രമോഷൻ അതോറിറ്റിയുടെ നിർദ്ദിഷ്ട മാനദണ്ഡങ്ങൾ പാലിക്കുന്ന നിക്ഷേപകർക്ക് തങ്ങളുടെ ബിസിനസ് സാമ്രാജ്യം കൂടുതൽ വിപുലീകരിക്കാൻ ഈ പുതിയ നിയമം ധൈര്യം നൽകുന്നു. ചുരുങ്ങിയത് 10 ലക്ഷം കുവൈത്ത് ദിനാർ മൂലധന നിക്ഷേപമുള്ള സ്ഥാപനങ്ങൾക്ക് വീസ ലഭിക്കുമെന്നത് വൻകിട ഇന്ത്യൻ കമ്പനികൾക്ക് ഏറെ പ്രയോജനകരമാണ്. സ്പോൺസർഷിപ്പ് വ്യവസ്ഥകളിലെ സങ്കീർണതകൾ ലഘൂകരിക്കപ്പെടുന്നതോടെ, കൂടുതൽ സ്വതന്ത്രമായും സുരക്ഷിതമായും കോർപറേറ്റ് തീരുമാനങ്ങളുമായി മുന്നോട്ടുപോകാൻ ബിസിനസുകാർക്ക് സാധിക്കും. ഇത് കേവലം വ്യക്തിപരമായ നേട്ടത്തിനപ്പുറം, കമ്പനികളുടെ വളർച്ചയെയും അത് വഴി കുവൈത്ത് സമ്പദ്‌വ്യവസ്ഥയിൽ പ്രവാസി വ്യവസായികളുടെ സ്വാധീനത്തെയും കൂടുതൽ ശക്തിപ്പെടുത്തും. ബിസിനസ് ഉടമകൾക്ക് മാത്രമല്ല, അവരുടെ ഉറ്റബന്ധുക്കൾക്കും കമ്പനികളിലെ ഉന്നത ഉദ്യോഗസ്ഥർക്കും പങ്കാളികൾക്കും ഈ ദീർഘകാല റസിഡൻസിക്ക് അർഹതയുണ്ട്. പ്രതിഭകളായ മാനേജീരിയൽ ഉദ്യോഗസ്ഥരെയും എക്സിക്യൂട്ടീവുകളെയും ദീർഘകാലത്തേക്ക് കമ്പനികളിൽ നിലനിർത്താൻ ഇത് ബിസിനസ് ഗ്രൂപ്പുകളെ സഹായിക്കും. കുടുംബാംഗങ്ങൾക്ക് രാജ്യത്ത് തടസ്സമില്ലാതെ തുടരാൻ സാധിക്കുന്നത് പ്രവാസി വ്യവസായികളുടെ മാനസികമായ ആശങ്കകൾ അകറ്റുകയും ബിസിനസിൽ കൂടുതൽ ശ്രദ്ധ കേന്ദ്രീകരിക്കാൻ അവരെ പ്രാപ്തരാക്കുകയും ചെയ്യും. ബിസിനസ് നടത്തിപ്പിൽ പങ്കാളികളാകുന്നവർക്ക് സ്ഥിരത ഉറപ്പാകുന്നതോടെ കൂടുതൽ വിദേശ മൂലധനം കുവൈത്തിലേക്ക് ഒഴുക്കാൻ ഇന്ത്യൻ നിക്ഷേപകർക്ക് സാധിക്കും. 15 വർഷത്തെ ദീർഘകാല വീസ ലഭിക്കുന്നതിനായി വിദേശ നിക്ഷേപകർ കൃത്യമായ ചില നിബന്ധനകൾ പാലിക്കേണ്ടതുണ്ട്. കുവൈത്ത് ഡയറക്ട് ഇൻവെസ്റ്റ്‌മെന്റ് പ്രമോഷൻ അതോറിറ്റിയുടെ (KDIPA) ലൈസൻസുള്ള സ്ഥാപനങ്ങളുടെ ഉടമകളായിരിക്കണം അപേക്ഷകർ. കുവൈത്ത് പൗരന്മാർക്ക് ജോലി നൽകണം എന്നതുൾപ്പെടെയുള്ള നിർദേശങ്ങൾ പാലിച്ച് രാജ്യത്ത് സജീവമായ ബിസിനസ് പ്രവർത്തനങ്ങൾ ഇവർക്ക് ഉണ്ടായിരിക്കണം. ചുരുങ്ങിയത് 10 ലക്ഷം കുവൈത്ത് ദിനാർ മൂലധനമുള്ള നിശ്ചിത മേഖലകളിലെ നിക്ഷേപങ്ങൾക്കായിരിക്കും വീസ അനുവദിക്കുക. അതോറിറ്റിയുടെ ലൈസൻസുള്ള ഇത്തരം സ്ഥാപനങ്ങളുടെ മൊത്തം നിക്ഷേപ മൂല്യം 50 ലക്ഷം കുവൈത്ത് ദിനാറിൽ കുറയരുത് എന്നും വ്യവസ്ഥയുണ്ട്. 2026-ലെ 651-ാം നമ്പർ മന്ത്രിസഭാ പ്രമേയത്തിലൂടെയാണ് പുതിയ नियമാവലിക്ക് കുവൈത്ത് കാബിനറ്റ് അംഗീകാരം നൽകിയത്. ആഭ്യന്തര മന്ത്രാലയത്തിന് കീഴിലുള്ള ജനറൽ ഡിപ്പാർട്ട്‌മെന്റ് ഓഫ് റെസിഡൻസി അഫയേഴ്സും കുവൈത്ത് ഡയറക്ട് ഇൻവെസ്റ്റ്‌മെന്റ് പ്രമോഷൻ അതോറിറ്റിയും സംയുക്തമായാണ് ഈ പദ്ധതിക്ക് രൂപം നൽകിയത്. വിദേശ നിക്ഷേപം പ്രോത്സാഹിപ്പക്കുന്നതിനുള്ള 2013-ലെ 116-ാം നമ്പർ നിയമത്തിന്റെ ലക്ഷ്യങ്ങളെ മുൻനിർത്തിയാണ് ഈ നടപടി. ആഗോളതലത്തിലുള്ള പ്രതിഭകളെയും വൻകിട നിക്ഷേപകരെയും ആകർഷിക്കുന്നതിനായി ദീർഘകാല വീസകൾ അനുവദിക്കുന്ന മറ്റ് ഗൾഫ് രാജ്യങ്ങളുടെ നിരയിലേക്കാണ് ഈ പരിഷ്കാരത്തിലൂടെ കുവൈത്തും എത്തിച്ചേരുന്നത്. യുഎഇയിലെ 10 വർഷത്തെ ഗോൾഡൻ വീസയ്ക്ക് സമാനമായ പദ്ധതികൾ വൻ വിജയമായ പശ്ചാത്തലത്തിലാണ് കുവൈത്തിന്റെ ഈ പുതിയ ചുവടുവെയ്പ്.

മറ്റ് ജി.സി.സി രാജ്യങ്ങളിലെ നിലവിലെ സംവിധാനങ്ങൾ താഴെ പറയുന്നവയാണ്:

1. സൗദി അറേബ്യ (പ്രീമിയം റെസിഡൻസി)
   സൗദി അറേബ്യയുടെ ‘വിഷൻ 2030’ പദ്ധതികളുടെ ഭാഗമായി വലിയ ജനപ്രീതി നേടിയ ഒന്നാണിത്. സ്പോൺസർ (കഫീൽ) ഇല്ലാതെ തന്നെ വിദേശികൾക്ക് രാജ്യത്ത് ജീവിക്കാനും ബിസിനസ് നടത്താനും വസ്തുവകകൾ സ്വന്തമാക്കാനും ഇത് അനുവാദം നൽകുന്നു.

രണ്ട് രീതിയിലുള്ള വീസകൾ: നിശ്ചിത തുക ഒറ്റത്തവണയായി അടച്ച് നേടാവുന്ന ആജീവനാന്ത റെസിഡൻസിയും, വർഷാവർഷം പുതുക്കാവുന്ന വാർഷിക റെസിഡൻസിയും ഇതിലുണ്ട്.

പ്രത്യേക ആനുകൂല്യം: നിക്ഷേപകർ, റിയൽ എസ്റ്റേറ്റ് ഉടമകൾ, ബിസിനസ് സംരംഭകർ, വിവിധ മേഖലകളിലെ പ്രതിഭകൾ എന്നിവർക്കായി പ്രത്യേക യോഗ്യതകൾ നിശ്ചയിച്ചാണ് ഇത് അനുവദിക്കുന്നത്.

2. ഒമാൻ (ഇൻവെസ്റ്റർ റെസിഡൻസി പ്രോഗ്രാം)
   വിദേശ നിക്ഷേപകരെയും കമ്പനികളെയും ലക്ഷ്യമിട്ട് ഒമാൻ ഭരണകൂടം നടപ്പിലാക്കിയ പദ്ധതിയാണിത്.

കാലാവധി: നിക്ഷേപത്തിന്റെ മൂല്യവും സ്വഭാവവും അനുസരിച്ച് 10 വർഷത്തെയും 5 വർഷത്തെയും ദീർഘകാല വീസകളാണ് ഒമാൻ നൽകുന്നത്.

യോഗ്യത: ഒമാനി കമ്പനികളിൽ നിശ്ചിത തുകയുടെ ഓഹരി പങ്കാളിത്തമുള്ളവർക്കോ, വലിയ തുകയുടെ ബോണ്ടുകൾ വാങ്ങുന്നവർക്കോ, രാജ്യത്ത് റിയൽ എസ്റ്റേറ്റ് നിക്ഷേപം നടത്തുന്നവർക്കോ ഈ വീസയ്ക്ക് അർഹതയുണ്ട്.

3. ഖത്തർ (പെർമനന്റ് റെസിഡൻസി)
   റിയൽ എസ്റ്റേറ്റ് നിക്ഷേപം: ഖത്തറിൽ നിശ്ചിത തുകയ്ക്ക് മുകളിൽ വസ്തുവകകൾ (റിയൽ എസ്റ്റേറ്റ്) വാങ്ങുന്ന വിദേശികൾക്ക് സ്പോൺസർ ഇല്ലാതെ ദീർഘകാലം താമസിക്കാനുള്ള വീസയും മറ്റ് പ്രത്യേക ആനുകൂല്യങ്ങളും ലഭിക്കും.

പെർമനന്റ് റെസിഡൻസി: രാജ്യത്തിന് വലിയ സംഭാവനകൾ നൽകിയ നിക്ഷേപകർക്കും വിദഗ്ധർക്കും പ്രത്യേക മാനദണ്ഡങ്ങൾ വഴി ഖത്തർ സ്ഥിരതാമസത്തിനുള്ള അനുമതിയും നൽകി വരുന്നുണ്ട്.

4. ബഹ്‌റൈൻ (ഗോൾഡൻ പെർമനന്റ് റെസിഡൻസി വീസ)
   കാലാവധി: നിശ്ചിത യോഗ്യതകൾ നിലനിർത്തുന്നിടത്തോളം കാലം ഈ വീസ അനിശ്ചിതകാലത്തേക്ക് (ആജീവനാന്തം) പുതുക്കാവുന്നതാണ്.

യോഗ്യത: ബഹ്‌റൈനിൽ നിശ്ചിത മൂല്യമുള്ള പ്രോപ്പർട്ടികൾ സ്വന്തമായുള്ളവർക്കും, വലിയ നിക്ഷേപം നടത്തുന്ന വ്യാപാരികൾക്കും ഉയർന്ന വരുമാനമുള്ള പ്രവാസികൾക്കും ഈ ദീർഘകാല വീസയ്ക്ക് അപേക്ഷിക്കാം.

2 വർഷം മുൻപത്തെ കാർ അപകടം; ബാക്കി വന്ന 700 ദിർഹം തിരികെ നൽകി വിദേശ വനിത ! ദുബായിൽ നിന്നൊരു അപൂർവ സത്യസന്ധതയുടെ കഥ

Dubai Story ദുബായ്: അന്യനാട്ടിൽ വച്ച് തനിക്ക് സംഭവിച്ച അബദ്ധത്തിന് പ്രായശ്ചിത്തം ചെയ്യാൻ മടിക്കാത്ത ഒരു ഇന്ത്യൻ യുവതിയും, വർഷങ്ങൾ കഴിഞ്ഞിട്ടും ആ തുകയിലെ കൃത്യത പാലിച്ച് ബാക്കി പണം തിരികെ നൽകിയ ഒരു വിദേശ വനിതയും- ദുബായിൽ നിന്നുള്ള ഈ അപൂർവമായ സത്യസന്ധതയുടെ കഥയാണ് ഇപ്പോൾ സമൂഹമാധ്യമങ്ങളിൽ വൻതോതിൽ വൈറലാകുന്നത്. ദുബായിൽ താമസിക്കുന്ന മല്ലിക ബൂബ്ന എന്ന ഇന്ത്യൻ പ്രവാസി യുവതി തനിക്കുണ്ടായ അനുഭവം ഇൻസ്റ്റഗ്രാമിലൂടെ പങ്കുവച്ചതോടെയാണ് സംഭവം പുറംലോകമറിഞ്ഞത്. താൻ നൽകിയ തുകയിൽ നിന്നും അധികമായി വന്ന 700 ദിർഹം (ഏകദേശം 18,000 രൂപ) രണ്ട് വർഷത്തിനു ശേഷം കാറുടമ തനിക്ക് മുൻകൈ എടുത്ത് തിരികെ നൽകിയെന്നാണ് മല്ലിക പറയുന്നത്. ‘ഇത് ദുബായിൽ മാത്രമേ സംഭവിക്കൂ’ എന്ന അടിക്കുറിപ്പോടെയാണ് മല്ലിക വിഡിയോ പങ്കുവച്ചത്. രണ്ട് വർഷം മുൻപ്, ദുബായിൽ ആദ്യമായി വണ്ടി ഓടിച്ച ദിവസമാണ് മല്ലികയ്ക്ക് ഈ അബദ്ധം സംഭവിക്കുന്നത്. പാർക്കിങ് ഏരിയയിൽ വാഹനം പാർക്ക് ചെയ്യാൻ ശ്രമിക്കുന്നതിനിടെ അടുത്തു കിടന്ന മറ്റൊരു കാറിൽ മല്ലികയുടെ വണ്ടി തട്ടി. അപകടത്തിൽ ആ കാറിന്റെ പെയിന്റ് ഇളകുകയും വലിയ രീതിയിൽ പോറലുകൾ വീഴുകയും ചെയ്തു. അപകടം നടന്നയുടൻ കാറിന്റെ ഉടമയെ ചുറ്റുവട്ടത്തൊന്നും കണ്ടെത്താൻ മല്ലികയ്ക്ക് കഴിഞ്ഞില്ല. എന്നാൽ അവിടെ നിന്നും വണ്ടി എടുത്ത് പോകുന്നതിന് പകരം, തന്റെ തെറ്റ് ഏറ്റുപറയാൻ മല്ലിക തയാറായി. “കാറുടമയെ അവിടെയൊന്നും കാണാത്തതിനാൽ, എന്റെ ഫോൺ നമ്പറും ക്ഷമാപണവും എഴുതിയ ഒരു ചെറിയ കുറിപ്പ് ഞാൻ ആ കാറിന്റെ വിൻഡ്ഷീൽഡിൽ വച്ചു. നഷ്ടപരിഹാരത്തെക്കുറിച്ച് സംസാരിക്കാൻ എന്നെ ബന്ധപ്പെടണം എന്നും അതിൽ എഴുതിയിരുന്നു,” മല്ലിക ഓർക്കുന്നു. കുറച്ചു ദിവസങ്ങൾക്ക് ശേഷം ആ കാർ ഉപയോഗിച്ചിരുന്ന ‘ജൂലിയ’ എന്ന വനിത മല്ലികയെ ഫോണിൽ ബന്ധപ്പെട്ടു. താൻ ഉപയോഗിക്കുന്നത് ഒരു റെന്റൽ (വാടക) കാറാണെന്നും കമ്പനിയുടെ നിയമപ്രകാരം കേടുപാടുകൾക്ക് നഷ്ടപരിഹാരം നൽകേണ്ടതുണ്ടെന്നും ജൂലിയ മല്ലികയെ അറിയിച്ചു. മല്ലികയുടെ സാഹചര്യത്തോട് പൂർണമായും സഹതപിച്ചുകൊണ്ട് തന്നെയാണ് ജൂലിയ സംസാരിച്ചത്. റിപ്പയറിങ് ചാർജായി കമ്പനി ആവശ്യപ്പെട്ട 1,500 ദിർഹം (ഏകദേശം 38,000 ഇന്ത്യൻ രൂപ) ജൂലിയയ്ക്ക് കൈമാറാൻ മല്ലികയും സന്തോഷത്തോടെ തയാറായി. തുടർന്ന് ‘ജൂലിയ’ എന്ന പേരിൽ മല്ലിക ആ ഫോൺ നമ്പർ മൊബൈലിൽ സേവ് ചെയ്തു. പിന്നീട് ഇരുവരും തമ്മിൽ യാതൊരു സമ്പർക്കവും ഉണ്ടായിരുന്നില്ല. കഥയിൽ തികച്ചും അപ്രതീക്ഷിതമായ ഒരു വഴിത്തിരിവുണ്ടാകുന്നത് രണ്ട് വർഷത്തിന് ശേഷമാണ്. ദിവസങ്ങൾക്ക് മുൻപ് മല്ലികയുടെ ഫോണിലേക്ക് ജൂലിയയുടെ ഒരു മെസേജ് വന്നു: വാടകയ്ക്കെടുത്തിരുന്ന കാർ കമ്പനിയിലേക്ക് പൂർണമായി തിരികെ നൽകിയപ്പോൾ, കാറിന്റെ പോറലുകൾ പരിഹരിക്കാൻ യഥാർഥത്തിൽ 800 ദിർഹം (ഏകദേശം 20,000 രൂപ) മാത്രമേ ചെലവായിട്ടുള്ളൂ എന്ന് ജൂലിയ മല്ലികയെ അറിയിച്ചു. താൻ വാങ്ങിയ 1,500 ദിർഹത്തിൽ ബാക്കി വന്ന 700 ദിർഹം (ഏകദേശം 18,000 രൂപ) തിരികെ നൽകാനാണ് ജൂലിയ മെസേജ് അയച്ചത്! “ഞാൻ ഉടൻ തന്നെ എന്റെ ബാങ്ക് അക്കൗണ്ട് വിവരങ്ങൾ അവർക്ക് അയച്ചു കൊടുത്തു. നിമിഷങ്ങൾക്കകം പണം എന്റെ അക്കൗണ്ടിലെത്തുകയും ചെയ്തു,” – മല്ലിക വിഡിയോയിൽ പറയുന്നു. ഈ സംഭവത്തിന് ശേഷം ഇരുവരും ഒരുമിച്ച് കാപ്പി കുടിക്കാൻ കാണാമെന്ന് ഏറ്റിരിക്കുകയാണെന്നും മല്ലിക കൂട്ടിച്ചേർത്തു. ഇത്തരം നല്ല മനുഷ്യർ ഇപ്പോഴും ജീവിച്ചിരിപ്പുണ്ടെന്നത് വിശ്വസിക്കാൻ കഴിയുന്നില്ലെന്നും ഇത് ദുബായിൽ മാത്രമേ സാധ്യമാകൂ എന്നും മല്ലിക വികാരാധീനയായി പറയുന്നു.

യുഎസ് – ഇറാൻ സമാധാന കരാർ: അന്താരാഷ്ട്ര വിപണിയിൽ എണ്ണവില ഇടിഞ്ഞു; ദുബായിൽ സ്വർണവിലയിൽ വൻ മാറ്റം

gold prices surge in Dubai ദുബായ്: അമേരിക്കയും ഇറാനും തമ്മിൽ ചരിത്രപരമായ സമാധാന കരാറിലെത്തിയെന്ന വാർത്തകൾക്ക് പിന്നാലെ അന്താരാഷ്ട്ര വിപണിയിൽ വൻ ചലനം. രാജ്യാന്തര വിപണിയിൽ എണ്ണവില കുത്തനെ ഇടിഞ്ഞതോടെ, ദുബായിൽ സ്വർണവിലയിൽ വൻ കുതിച്ചുകയറ്റമാണ് രേഖപ്പെടുത്തിയത്. ഫെബ്രുവരി അവസാന വാരം ആരംഭിച്ച യുദ്ധത്തെ തുടർന്ന് കഴിഞ്ഞ ഏതാനും മാസങ്ങളായി കടുത്ത സമ്മർദത്തിലായിരുന്ന സ്വർണവിപണി, ഇന്ന് (തിങ്കൾ) രാവിലെ ഉണർന്നതോടെ അതിവേഗം ഉയരുകയായിരുന്നു. രാവിലെ വ്യാപാരം ആരംഭിച്ചപ്പോൾ ദുബായ് വിപണിയിലെ വിവിധ കാരറ്റുകളുടെ നിരക്കുകൾ 24 കാരറ്റ്: 13.75 ദിർഹം വർധിച്ച് 521.75 ദിർഹം, 22 കാരറ്റ്: 12.25 ദിർഹം ഉയർന്ന് 483 ദിർഹം, 22 കാരറ്റ്: 12.25 ദിർഹം ഉയർന്ന് 483 ദിർഹം, 21 കാരറ്റ്: 463 ദിർഹം, 18 കാരറ്റ്: 396.75 ദിർഹം, 14 കാരറ്റ്: 309.5 ദിർഹം എന്നീ രീതിയിലാണ്. അന്താരാഷ്ട്ര വിപണിയിൽ: രാജ്യാന്തര വിപണിയിൽ സ്പോട്ട് ഗോൾഡ് വില 1.24 ശതമാനം ഉയർന്ന് ഔൺസിന് 4,329 ഡോളറിലെത്തി. സ്വർണത്തിനൊപ്പം വെള്ളി വിലയും 1.88 ശതമാനം വർധിച്ച് ഔൺസിന് 70.49 ഡോളറായി മാറി. യുദ്ധം അവസാനിപ്പിക്കാനും ഉപരോധങ്ങൾ പിൻവലിക്കാനും, ഒപ്പം ആഗോള വ്യാപാരത്തിൽ നിർണായകമായ ഹോർമുസ് കടലിടുക്ക് വീണ്ടും തുറക്കാനുമുള്ള സമാധാന കരാറിന്റെ പ്രാഥമിക രൂപരേഖയിൽ ഇരുരാജ്യങ്ങളും ധാരണയിലെത്തിയതായി ഞായറാഴ്ചയാണ് ഉദ്യോഗസ്ഥർ വ്യക്തമാക്കിയത്. വരുന്ന വെള്ളിയാഴ്ച സ്വിറ്റ്സർലൻഡിൽ വെച്ച് കരാർ ഔദ്യോഗികമായി ഒപ്പുവയ്ക്കുമെന്ന് പാക്കിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് അറിയിച്ചു.

കളിക്കളത്തിൽ കുഴഞ്ഞുവീണ് മരിച്ച് ഇന്ത്യന്‍ യുവാവ്, കഴിഞ്ഞ 15 വർഷമായി യുഎഇയിൽ, കണ്ണീരോടെ വിടപറഞ്ഞ് നാട്

indian dies in dubai ദുബായ്: പതിവുപോലെ ഞായറാഴ്ച രാവിലെ ക്രിക്കറ്റ് കളിക്കുന്നതിനിടെ കുഴഞ്ഞുവീണ് മരിച്ച 38 കാരനായ ദുബായ് പ്രവാസി മുഹമ്മദ് സഫ്‌വാൻ ഷാനുവിന് കണ്ണീരോടെ വിടപറഞ്ഞ് പ്രിയപ്പെട്ടവർ. തിങ്കളാഴ്ച അസർ നമസ്‌കാരത്തിന് ശേഷം അൽ ഖുസൈസ് ശ്മശാനത്തിൽ നടന്ന മയ്യത്ത് നമസ്‌കാരത്തിലും സംസ്‌കാര ചടങ്ങുകളിലും നൂറുകണക്കിന് കമ്മ്യൂണിറ്റി അംഗങ്ങളും ബന്ധുക്കളും സുഹൃത്തുക്കളും പങ്കെടുത്തു. മകന്റെ അവസാന ചടങ്ങുകളിൽ പങ്കെടുക്കാൻ സഫ്‌വാന്റെ മാതാപിതാക്കൾ ഇന്ത്യയിൽ നിന്ന് ദുബായിൽ എത്തിയിരുന്നു. ഇന്ത്യയിലെ കർണാടകയിലെ ഭട്കൽ സ്വദേശിയായ സഫ്‌വാൻ കഴിഞ്ഞ 15 വർഷമായി യുഎഇയിലാണ് താമസം. ഭാര്യയും മൂന്ന് ആൺകുട്ടികളും വെറും നാല് മാസം മാത്രം പ്രായമുള്ള ഒരു പെൺകുട്ടിയും അടങ്ങുന്നതാണ് സഫ്‌വാന്റെ കുടുംബം. ഇദ്ദേഹത്തിന്റെ മൂത്ത സഹോദരൻ ദുബായിലെ ഒരു സ്വകാര്യ കമ്പനിയിൽ ജോലി ചെയ്യുന്നുണ്ട്. ശനിയാഴ്ച വൈകുന്നേരം ദുബായിലെ വാട്ടർഫ്രണ്ട് മാർക്കറ്റിൽ പോയി മീനും പലചരക്ക് സാധനങ്ങളും വാങ്ങിയാണ് സഫ്‌വാൻ ഞായറാഴ്ച രാവിലെയുള്ള പ്രതിവാര ക്രിക്കറ്റ് മത്സരത്തിന് തയ്യാറെടുത്തിരുന്നതെന്ന് സുഹൃത്തുക്കൾ പറഞ്ഞു. വർഷങ്ങളായി സുഹൃത്തുക്കൾക്കൊപ്പം സഫ്‌വാൻ ഇത് പതിവാക്കിയിരുന്നു. എന്നാൽ ഞായറാഴ്ച രാവിലെ 7.10 ഓടെ മത്സരത്തിൽ ബാറ്റിംഗ് ചെയ്യുന്നതിനിടെ സഫ്‌വാൻ പിച്ചിൽ കുഴഞ്ഞുവീഴുകയായിരുന്നു. കൂടെയുണ്ടായിരുന്ന കളിക്കാർ ഉടൻ തന്നെ ഓടിയെത്തുകയും ആംബുലൻസ് വിളിക്കുകയും ചെയ്തു. “ഞങ്ങൾ എല്ലാ ഞായറാഴ്ചയും രാവിലെ ക്രിക്കറ്റ് കളിക്കാറുണ്ട്, വർഷങ്ങളായി ഇത് ഞങ്ങളുടെ പതിവാണ്,” കളിക്കളത്തിൽ സഫ്‌വാനൊപ്പമുണ്ടായിരുന്ന അടുത്ത സുഹൃത്ത് നബീൽ കാരിക്കൽ പറഞ്ഞു. “ശനിയാഴ്ച വൈകുന്നേരം ഞങ്ങൾ ഒരുമിച്ചാണ് വാട്ടർഫ്രണ്ട് മാർക്കറ്റിൽ പോയി മീനും സാധനങ്ങളും വാങ്ങിയത്. അവന് യാതൊരു ആരോഗ്യപ്രശ്നങ്ങളും ഉണ്ടായിരുന്നില്ല. പിറ്റേന്ന് രാവിലെ ഒരേ കാറിലാണ് ഞങ്ങൾ ഗ്രൗണ്ടിലേക്ക് പോയത്, എല്ലാം സാധാരണ നിലയിലായിരുന്നു.” — നബീൽ. നബീൽ പറയുന്നതനുസരിച്ച്, ബാറ്റിംഗിനിടെ സഫ്‌വാൻ പെട്ടെന്ന് ബോധരഹിതനായി വീഴുകയായിരുന്നു. “ഞങ്ങൾ ഉടൻ തന്നെ ആംബുലൻസ് വിളിച്ചു. സിപിആർ നൽകിയ ശേഷം ആശുപത്രിയിലേക്ക് എത്തിച്ചെങ്കിലും, ആശുപത്രിയിൽ എത്തിക്കുന്നതിന് മുൻപ് തന്നെ മരണം സംഭവിച്ചതായി ഡോക്ടർമാർ സ്ഥിരീകരിച്ചു,” അദ്ദേഹം പറഞ്ഞു. 15 വർഷം മുമ്പ് ദുബായിലെത്തിയ സഫ്‌വാൻ എട്ട് വർഷത്തോളം ഒരു സ്വകാര്യ സ്ഥാപനത്തിൽ ജോലി ചെയ്ത ശേഷമാണ് സ്വന്തമായി ബിസിനസ്സ് ആരംഭിച്ചത്. ജോലിക്ക് പുറമെ ക്രിക്കറ്റായിരുന്നു അദ്ദേഹത്തിന്റെ ഏറ്റവും വലിയ ആവേശം. സഫ്‌വാനെ കുട്ടിക്കാലം മുതൽ അറിയാവുന്ന ദുബായിലെ നവായത്ത് കമ്മ്യൂണിറ്റി നേതാവ് മുനീരി അതീഖുർ റഹ്മാൻ, സഫ്‌വാന്റെ ക്രിക്കറ്റ് നേട്ടങ്ങളെപ്പോലെ തന്നെ അദ്ദേഹത്തിന്റെ നല്ല സ്വഭാവവും എടുത്തുപറഞ്ഞു.