tour destination; രാജ്യത്ത് ശക്തമായ ചൂട് കൂടുന്ന സാഹചര്യത്ത്യൽ കുവൈറ്റികൾ യാത്ര പുതിയ ലക്ഷ്യ സ്ഥാനത്തേക്ക് ഒഴുകുകയാണ്. ലണ്ടൻ, ലെബനൻ, ബെർലിൻ, ന്യൂയോർക്ക്, ഏഷ്യൻ രാജ്യങ്ങൾ തുടങ്ങിയ പുതിയ രാജ്യങ്ങളെ അവരുടെ പ്രിയപ്പെട്ട സ്ഥലങ്ങളുടെ പട്ടികയിൽ ചേർക്കുകയാണ്. ഓരോ പുതിയ സീസണിൻ്റെ തുടക്കത്തിലും ചില സൂക്ഷ്മമായ മാറ്റങ്ങൾ പ്രകടമാണ്. ചെക്ക് റിപ്പബ്ലിക്, അസർബൈജാൻ, ബോസ്നിയ, ഹെർസഗോവിന തുടങ്ങിയ പുതിയ രാജ്യങ്ങൾ കുവൈറ്റ് വിനോദസഞ്ചാരികളുടെ യാത്ര ലിസ്ര്രിൽ വന്നു ചേർന്നിട്ടുണ്ട്. പച്ചപ്പ് നിറഞ്ഞ പ്രകൃതിയും കുറഞ്ഞ ചെലവും ഉള്ള സ്ഥലങ്ങളാണ് ഈ വർഷത്തെ സീസണിന്റെ സവിശേഷതയെന്ന് ടൂറിസം വിദഗ്ധർ പറയുന്നു. ചൂടിൽ നിന്ന് രക്ഷപ്പെടാൻ കുവൈറ്റികൾ വേനൽക്കാലത്ത് യാത്ര ചെയ്യാൻ ഇഷ്ടപ്പെടുന്നുവെന്ന് ടൂറിസം വിദഗ്ധനും ട്രാവൽ കമ്പനി ഉടമയുമായ മുഹമ്മദ് അൽ-ഒമർ പറഞ്ഞു. ഇംഗ്ലണ്ട് മുതൽ ജർമ്മനിയും കൂടാതെ, മറ്റ് യൂറോപ്യൻ രാജ്യങ്ങളിലേക്കും പോകുന്നവരുണ്ട്. ഇവിടേക്ക് യാത്ര പോകുന്നവർ സമ്പന്ന വിഭാഗത്തിൽ നിന്നുള്ളവരാണ്, ഈ രാജ്യങ്ങളിൽ റിയൽ എസ്റ്റേറ്റും സ്വന്തമാക്കിയിട്ടുണ്ട്. അതേസമയം, മധ്യവർഗത്തിൽപ്പെട്ടവർ കിഴക്കൻ ഏഷ്യൻ രാജ്യങ്ങളിലേക്കും തുർക്കിയിലേക്കും അറബ് രാജ്യങ്ങളിലേക്കും പോകാനാണഅ താത്പര്യം കാണിക്കാറുള്ളത്. രാജ്യത്തെ മിക്ക പൗരന്മാരും എല്ലാ വർഷവും മെയ് മാസത്തിൽ യാത്രകൾക്കായി ടിക്കറ്റ് ബുക്ക് ചെയ്യുന്നു, ഇത്തരത്തിൽ കുടുംബവുമായി വിദേശ യാത്ര ചെയ്യുന്നത് 85 ശതമാനത്തിലധികം പേരാണ്. അതേസമയം കുടുംബങ്ങളില്ലാതെ യാത്ര ചെയ്യുന്നവർ ഏകദേശം 15 ശതമാനമാണ്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/G1Hh6T2GWp9Kg4JJmtL9kW  തായ്‌ലൻഡ്, ചില തീരദേശ ടൂറിസ്റ്റ് നഗരങ്ങൾ പോലുള്ള നിരവധി കുവൈറ്റികൾ ഇഷ്ടപ്പെടുന്ന മറ്റ് ചിലവി കുറഞ്ഞ രാജ്യങ്ങളുണ്ട്. ഒരു ടൂറിസം, യാത്രാ കമ്പനിയുടെ സിഇഒ വാലിദ് അബു ഷാരൂദ് പറയുന്നത്, കുവൈറ്റ് യാത്രാ ലക്ഷ്യസ്ഥാനങ്ങളെ രണ്ട് വിഭാഗങ്ങളായി തിരിക്കാം എന്നാണ് – ഒന്ന്, ഇസ്താംബുൾ, ബാക്കു, അസർബൈജാൻ, ജോർജിയ, ബോസ്നിയ, ഹെർസഗോവിന, ലണ്ടൻ, ഈജിപ്ത് എന്നിവിടങ്ങളിലേക്ക് യാത്ര ചെയ്യാൻ ഇഷ്ടപ്പെടുന്ന ഒരു വലിയ വിഭാഗം ഉണ്ട്; കഴിഞ്ഞ മൂന്ന് വർഷമായി മോസ്കോ, അബുദാബി, റിയാദ്, പോളണ്ട് എന്നിവിടങ്ങളിൽ ഒരു പുതിയ വിഭാഗം സജീവമാണ്. 2025 ലെ യാത്രാ സൂചകങ്ങൾ സോച്ചി, റഷ്യ, ചെക്ക് റിപ്പബ്ലിക് എന്നിവിടങ്ങളിലേക്ക് യാത്ര ചെയ്യാൻ ഇഷ്ടപ്പെടുന്ന കുവൈറ്റികളുടെ ഒരു വിഭാഗത്തെ കാണിക്കുന്നുണ്ടെന്നും അദ്ദേഹം കൂട്ടിച്ചേർത്തു.