Delivery Riders ദുബായ്: വേനൽച്ചൂട് കനക്കുന്ന സാഹചര്യത്തിൽ ഡെലിവറി റൈഡർമാർക്ക് ആശ്വാസ നടപടികളുമായി യുഎഇയിലെ ഡെലിവറി പ്ലാറ്റ്ഫോമുകൾ. കരീം, തലബാത്ത് തുടങ്ങിയ മുൻനിര ഡെലിവറി പ്ലാറ്റ്ഫോമുകൾ ഡെലിവറി റൈഡർമാർക്കായി കൂടുതൽ സംരക്ഷണ നടപടികൾ ആവിഷ്‌ക്കരിച്ചു. സെപ്തംബർ 15 വരെ ഉച്ചയ്ക്ക് 12.30 മുതൽ വൈകിട്ട് 3 വരെയുള്ള നിയന്ത്രിത സമയങ്ങളിൽ റൈഡർമാരുടെ സുരക്ഷ ഉറപ്പാക്കുന്നതിനായുള്ള പ്രത്യേക ക്രമീകരണങ്ങളാണ് ഏർപ്പെടുത്തിയിരിക്കുന്നത്.

ഈ സമയങ്ങളിൽ ഒരു റൈഡർക്ക് പരമാവധി മൂന്ന് ഓർഡറുകൾ മാത്രമേ നൽകാവൂവെന്നും വിതരണ സമയം 60 മിനിറ്റിൽ കൂടരുതെന്നും നിർദ്ദേശമുണ്ട്. നിയന്ത്രിത സമയങ്ങളിൽ സിസ്റ്റം വഴി തന്നെ ഓർഡറുകൾ ക്രമീകരിക്കാൻ കരീം മാറ്റങ്ങൾ വരുത്തിയിട്ടുണ്ട്. റൈഡർമാരുടെ സുരക്ഷ മുൻനിർത്തി ഉപഭോക്താക്കൾക്ക് സാധനങ്ങൾ എത്തിയേക്കാവുന്ന സമയം കൂടുതൽ ദീർഘിപ്പിച്ചു നൽകുകയും ഇതിന്റെ കാരണം ആപ്പിലൂടെ വ്യക്തമാക്കുകയും ചെയ്യുന്നുണ്ട്. മന്ത്രാലയത്തിന്റെയും സ്വകാര്യ സ്ഥാപനങ്ങളുടെയും സഹകരണത്തോടെ രാജ്യത്തുടനീളം 12,000-ത്തിലേറെ എയർ കണ്ടീഷൻ ചെയ്ത വിശ്രമകേന്ദ്രങ്ങളാണ് ഒരുക്കിയിട്ടുള്ളത്. റൈഡർമാർക്ക് തങ്ങൾ നിൽക്കുന്ന സ്ഥലത്തിന് തൊട്ടടുത്തുള്ള വിശ്രമകേന്ദ്രം കണ്ടെത്താൻ സഹായിക്കുന്ന ഇൻററാക്ടീവ് മാപ്പുകൾ തലബാത്ത്, കരീം ആപ്പുകളിൽ ലഭ്യമാക്കിയിട്ടുണ്ട്.

കമ്പനികൾ റൈഡർമാർക്ക് ഇലക്ട്രോലൈറ്റുകൾ, വെറ്റ് വൈപ്പുകൾ, മറ്റ് ശുചിത്വ സാമഗ്രികൾ തുടങ്ങിയവ അടങ്ങിയ കിറ്റുകൾ നൽകുന്നുണ്ട്. പ്രതിവാര ആരോഗ്യ പരിശോധനകൾക്ക് പുറമെ, സൂര്യാഘാത ലക്ഷണങ്ങൾ തിരിച്ചറിയാനുള്ള പരിശീലനവും അടിയന്തര വൈദ്യസഹായത്തിനുള്ള സൗകര്യങ്ങളും ലഭ്യമാക്കിയിട്ടുണ്ട്.

LATEST JOB IN UAE-DAILY UPDATING…	APPLY NOW
HOSPITAL JOBS IN UAE-DAILY UPDATING…	APPLY NOW
AIRPORT AND AIRLINE JOB IN UAE -DAILY UPDATING…	APPLY NOW
TEACHING JOB IN UAE -DAILY UPDATING…	APPLY NOW
LOGISTICS JOB IN UAE-DAILY UPDATING…	APPLY NOW
ACCOUNTING JOB IN UAE-DAILY UPDATING…	APPLY NOW

ഇന്ത്യൻ പ്രവാസികളുടെ ശ്രദ്ധയ്ക്ക്; യുഎഇയിൽ ഇനി പാസ്‌പോർട്ട് പുതുക്കാൻ വെറും 30 മിനിറ്റ് മതി, പുതിയ സേവനങ്ങൾ ലഭിക്കുന്നത് ഇപ്രകാരം

Passport Renewal ദുബായ്: യുഎഇയിലെ ഇന്ത്യൻ പ്രവാസികൾക്ക് ആശ്വാസ വാർത്ത. പാസ്പോർട്ട്, കോൺസുലാർ സേവനങ്ങൾക്കുള്ള പുതിയ ഔട്ട്സോഴ്സിങ് കേന്ദ്രങ്ങൾ പ്രവർത്തനം ആരംഭിച്ചു. പുതിയ കരാറേറ്റെടുത്ത അൽഹിന്ദ് വഴിയാണ് കേന്ദ്രത്തിന്റെ പ്രവർത്തനം.

സേവനങ്ങൾക്കായി consularsevainuae.com എന്ന വെബ്സൈറ്റ് വഴി മുൻകൂട്ടി അപ്പോയിന്റ്‌മെന്റ് എടുക്കണം. ദിവസവും രാവിലെ 9 നും രാത്രി 9 നും പുതിയ സ്ലോട്ടുകൾ ലഭ്യമാക്കും. നേരിട്ട് എത്താവുന്നവർ (വാക്ക് ഇൻ), തത്കാൽ അപേക്ഷകർ, നവജാതശിശുക്കളുടെ അപേക്ഷകൾ, എമർജൻസി സർട്ടിഫിക്കറ്റ് (ഇസി), 60 വയസ്സിന് മുകളിലുള്ള മുതിർന്ന പൗരന്മാർ എന്നിവർക്ക് മുൻകൂട്ടി അപ്പോയിന്റ്‌മെന്റ് ഇല്ലാതെ നേരിട്ടെത്താം.

രാവിലെ 8 മുതൽ വൈകീട്ട് 6 വരെയാണ് സേവന സമയം. അപ്പോയിന്റ്‌മെന്റ് സമയത്തിന് 15 മിനിറ്റ് മുൻപ് മാത്രം കേന്ദ്രത്തിനകത്തേക്ക് പ്രവേശനം നൽകും. ഫീസ് നിരക്കുകൾ: കേന്ദ്ര സർക്കാരിന്റെ പുതുക്കിയ നിരക്കുകൾക്കൊപ്പം 19 ദിർഹമാണ് അൽഹിന്ദ് സർവീസ് ചാർജായി ഈടാക്കുന്നത് ഫൊട്ടോ കോപ്പി, ഫൊട്ടോ സേവനങ്ങൾ ഉൾപ്പെടെയാണിത്. സാധാരണ 36 പേജ് പാസ്പോർട്ട് പുതുക്കുന്നതിന് ആകെ 477 ദിർഹവും, തത്കാൽ അപേക്ഷകൾക്ക് 927 ദിർഹവുമാണ് നിരക്ക്. ഇന്ത്യൻ സുപ്രീം കോടതി നിർദ്ദേശപ്രകാരം വിദേശകാര്യ മന്ത്രാലയം പുതിയ ടെൻഡർ നടപടികൾ പൂർത്തിയാക്കുന്നത് വരെയുള്ള താൽക്കാലിക ക്രമീകരണമായാണ് അൽഹിന്ദ് വഴി നിലവിൽ സേവനം നൽകുന്നത്. കൂടുതൽ വിവരങ്ങൾക്ക് 800248517 എന്ന ടോൾ ഫ്രീ നമ്പറിലോ support.ae@alhindglobal.com എന്ന ഇമെയിൽ വിലാസത്തിലോ ബന്ധപ്പെടാം.

യുഎഇയിലുടനീളം 16 കേന്ദ്രങ്ങളാണ് അൽഹിന്ദ് തുറന്നിരിക്കുന്നത്. അബുദാബിയിൽ ആറും, ദുബായിൽ രണ്ടും (ബർ ദുബായ് യുഡബ്ല്യു മാൾ, ഡിഐപി), ഷാർജയിൽ രണ്ടും (അൽ മജാസ്, റോള) വടക്കൻ എമിറേറ്റുകളിൽ ആറും കേന്ദ്രങ്ങൾ പ്രവർത്തിക്കും.

അനിശ്ചിതത്വങ്ങൾക്ക് വിരാമം; യുഎഇയിൽ അൽഹിന്ദ് പാസ്‌പോർട്ട് സേവന പ്രവർത്തനം ആരംഭിച്ചു

Passport Service ദുബായ്: അനിശ്ചിതത്വങ്ങൾക്ക് വിരാമം. യുഎഇയിൽ അൽഹിന്ദിന്റെ പാസ്‌പോർട്ട് സേവന കേന്ദ്രങ്ങൾ പ്രവർത്തനം ആരംഭിച്ചു. ഇന്ന് രാവിലെ മുതലാണ് യുഎഇയിലെ 16 കേന്ദ്രങ്ങളിൽ അൽഹിന്ദ് സേവനം ആരംഭിച്ചത്. പാസ്‌പോർട്ട്, വിസ, അറ്റസ്‌റ്റേഷൻ സേവനങ്ങൾ ആണ് ആരംഭിച്ചത്. വിദേശകാര്യമന്ത്രാലയത്തിന്റെയും ഇന്ത്യൻ എംബസിയുടെയും അനുമതിയോടെയാണ് പ്രവർത്തനം തുടങ്ങിയത്.

അബുദാബിയിലെ ഇന്ത്യൻ എംബസിയിലും ദുബായിലെ ഇന്ത്യൻ കോൺസുലേറ്റിലും നേരിട്ട് ഈ സേവനങ്ങൾ ലഭ്യമാകില്ല. പാസ്പോർട്ട്, വിസ, അറ്റസ്റ്റേഷൻ എന്നിവയുമായി ബന്ധപ്പെട്ട അപേക്ഷകൾ ഇനി അൽഹിന്ദിന്റെ അംഗീകൃത കേന്ദ്രങ്ങൾ വഴിയാണ് സ്വീകരിക്കുക. consularsevainuae.com എന്ന വെബ്സൈറ്റിൽ ഓൺലൈനായി അപ്പോയിന്റ്മെന്റുകൾ ബുക്ക് ചെയ്യാമെന്ന് എംബസി പുറത്തിറക്കിയ സർക്കുലറിൽ പറയുന്നു. എല്ലാദിവസവും രാവിലെ 9 മണിക്കും രാത്രി 9 മണിക്കും പുതിയ സ്ലോട്ടുകൾ ലഭ്യമാക്കും. അപേക്ഷകൻ ഇഷ്ടമുള്ള കേന്ദ്രവും തീയതിയും സമയവും തിരഞ്ഞെടുക്കാം.

തുടർന്ന് ആവശ്യമായ എല്ലാ ഒറിജിനൽ രേഖകളും ഫോട്ടോയും അനുബന്ധ രേഖകളും തയ്യാറാക്കി നിശ്ചിത സമയത്തിന് 15 മിനിറ്റ് മുമ്പ് കേന്ദ്രത്തിൽ എത്തണം. അപേക്ഷ സമർപ്പിച്ചതിന് ശേഷം ലഭിക്കുന്ന രസീത് സൂക്ഷിച്ചാൽ അപേക്ഷയുടെ പുരോഗതി ഓൺലൈനായി പരിശോധിക്കാം. പാസ്പോർട്ട് തയ്യാറായാൽ ബന്ധപ്പെട്ട കേന്ദ്രത്തിൽ നിന്ന് നേരിട്ട് വാങ്ങുകയോ കൂറിയർ സേവനം തെരഞ്ഞെടുത്തവർക്ക് വീട്ടിലെ വിലാസത്തിൽ ലഭിക്കുകയോ ചെയ്യും.

പുതിയ പോർട്ടലിലൂടെ അപ്പോയിന്റ്മെന്റ് ബുക്കിങ്, അപേക്ഷയുടെ നിലവാരം പരിശോധിക്കൽ, ഫീസ് വിവരങ്ങൾ, ആവശ്യമായ രേഖകളെക്കുറിച്ചുള്ള മാർഗനിർദേശങ്ങൾ, ഇന്ത്യൻ എംബസിയുടെയും കോൺസുലേറ്റിന്റെയും അറിയിപ്പുകൾ എന്നിവ ഒരിടത്ത് ലഭ്യമാകും. കൂടുതൽ എളുപ്പത്തിൽ സേവനങ്ങൾ ലഭ്യമാക്കുന്നതിനായി ആധുനിക സംവിധാനങ്ങളോടെയാണ് പോർട്ടൽ ഒരുക്കിയിരിക്കുന്നത്.

സേവന സമയം

രാജ്യത്താകമാനമുള്ള 16 ഐസിഎസി കേന്ദ്രങ്ങളും എല്ലാ ദിവസവും രാവിലെ 8 മുതൽ വൈകീട്ട് 6 വരെ പ്രവർത്തിക്കും. നിശ്ചയിച്ച അപ്പോയിന്റ്മെന്റിന് 15 മിനിറ്റ് മുമ്പ് മാത്രമേ പ്രവേശനം അനുവദിക്കൂ.

പാസ്പോർട്ട് ഫീസ് എത്രയാണ്?

• സാധാരണ പാസ്പോർട്ട് അപേക്ഷ: 450 ദിർഹം (11,800 രൂപ)
• തത്കാൽ പാസ്പോർട്ട് അപേക്ഷ: 900 ദിർഹം (23,600 രൂപ)

ഇതിനുപുറമെ 19 ദിർഹം (വാറ്റ് ഉൾപ്പെടെ) സേവന നിരക്ക് ഈടാക്കും. അപേക്ഷാ ഫോം പൂരിപ്പിക്കൽ, ഫോട്ടോ എടുക്കൽ, രേഖകൾ ടൈപ്പ് ചെയ്യൽ, ഫോട്ടോകോപ്പി, പ്രിന്റ്, ആഭ്യന്തര കൂറിയർ തുടങ്ങിയ അനുബന്ധ സേവനങ്ങൾ ഈ തുകയിലുൾപ്പെടും.

അതേസമയം, ചില വിഭാഗങ്ങൾക്ക് അപ്പോയിന്റ്മെന്റ് ആവശ്യമില്ല. തത്കാൽ പാസ്പോർട്ട് അപേക്ഷകർ, നവജാത ശിശുക്കളുടെ പാസ്പോർട്ട് അപേക്ഷ, എമർജൻസി സർട്ടിഫിക്കറ്റ് (ഇ.സി), 60 വയസും അതിൽ കൂടുതലുമുള്ള മുതിർന്ന പൗരന്മാർ തുടങ്ങിയ വിഭാഗക്കാർക്ക് മുൻകൂട്ടി അപ്പോയിന്റ്മെന്റ് എടുക്കാതെ നേരിട്ട് കേന്ദ്രങ്ങളിൽ എത്തി സേവനം ലഭിക്കും.

പുതിയ കേന്ദ്രങ്ങൾ:

യുഎഇയിലെ എല്ലാ എമിറേറ്റുകളിലുമായി 16 കേന്ദ്രങ്ങളാണ് പ്രവർത്തിക്കുന്നത്.

• അബുദാബി: അൽ ദനാഹ്, മുസഫ, അൽ റീം, അൽ ഐൻ, മദീനത് സായിദ്, ഗയാത്തി.
• ദുബൈ: ബുർ ദുബൈ, ദുബൈ ഇൻവെസ്റ്റ്മെന്റ് പാർക്ക് (ഡി.ഐ.പി)
• ഷാർജ: അൽ മജാസ്, ഇന്ത്യൻ അസോസിയേഷൻ (റോള പ്രദേശം), കൂടാതെ കൽബ, ഖോർഫക്കാൻ.
• വടക്കൻ എമിറേറ്റുകൾ: അജ്മാൻ, ഉമ്മുൽ ഖുവൈൻ, റാസൽ ഖൈമ, ഫുജൈറ.

റിസർവ് ബാങ്ക് ഇളവ് ഏറ്റെടുത്ത് പ്രവാസികൾ; 42 ദിവസത്തിൽ 1.67 ലക്ഷം കോടിയിലധികം നിക്ഷേപം

Reserve Bank റിസർവ് ബാങ്ക് പ്രഖ്യാപിച്ച പ്രത്യേക എഫ്സിഎൻആർ ആനുകൂല്യ പദ്ധതി ഏറ്റെടുത്ത് പ്രവാസികൾ. ഡോളറിന്റെ മൂല്യവർധനയും അന്താരാഷ്ട്ര അനിശ്ചിതത്വങ്ങളും മൂലം രൂപ നേരിടുന്ന സമ്മർദ്ദം കുറയ്ക്കുന്നതിനായാണ് ആർബിഐ പ്രത്യേക ആനുകൂല്യ പദ്ധതി പ്രഖ്യാപിച്ചത്. ജൂൺ 8 നാണ് പദ്ധതി ആരംഭിച്ചത്. ജൂലൈ 17 വരെയുള്ള ചുരുങ്ങിയ കാലയളവിനുള്ളിൽ 17.41 ബില്യൺ ഡോളറിന്റെ (ഏകദേശം 1.67 ലക്ഷം കോടിയിലധികം രൂപ) എഫ്സിഎൻആർ നിക്ഷേപമാണ് പ്രവാസികൾ വഴി ഇന്ത്യൻ ബാങ്കുകളിലെത്തിയത്.

ഡോളർ സ്വാപ്പ് വിൻഡോ വഴി ആകെ ലഭിച്ച 20.72 ബില്യൺ ഡോളറിന്റെ (1.99 ലക്ഷം കോടിയിലധികം) സിംഹഭാഗവും പ്രവാസി നിക്ഷേപങ്ങളാണ്. ഇതിനുപുറമെ, വിദേശ ഫോറിൻ കറൻസി വായ്പകൾ വഴി 1.97 ബില്യൺ ഡോളറും (19,000 കോടി രൂപ) എക്സ്റ്റേണൽ കൊമേഴ്സ്യൽ ബോറോയിംഗ്സ് വഴി 1.34 ബില്യൺ ഡോളറും ബാങ്കിംഗ് വ്യവസ്ഥയിലെത്തിയിട്ടുണ്ട്. ഉയർന്ന പലിശയും ഹെഡ്ജിംഗ് ചെലവ് (വിനിമയ നിരക്കിലെ വ്യതിയാന സാധ്യതകൾ) പൂർണമായും ആർബിഐ വഹിക്കുന്നതുമാണ് പ്രവാസികളെ ഈ പദ്ധതിയിലേക്ക് വൻതോതിൽ ആകർഷിച്ചത്. 14 ശതമാനം വരെ റിട്ടേൺ നേടാൻ പ്രവാസികൾക്ക് ഇതിലൂടെ കഴിയും. എഫ്സിഎൻആർ ആനുകൂല്യ പദ്ധതിയുടെ കാലാവധി സെപ്തംബർ 30 വരെയാണ്.

പ്രവാസി നിക്ഷേപങ്ങളെ ശക്തമായി ആശ്രയിക്കുന്ന കേരളം ആസ്ഥാനമായുള്ള ബാങ്കുകൾക്കും ആർബിഐയുടെ ഈ നീക്കം വലിയ ആശ്വാസം നൽകുന്നുണ്ട്. പ്രമുഖ സ്വകാര്യ ബാങ്കായ സൗത്ത് ഇന്ത്യൻ ബാങ്ക് മാത്രം ഈ പദ്ധതി വഴി ഏകദേശം ഏകദേശം 480 കോടിയോളം രൂപ (50 മില്യൺ ഡോളർ) എഫ്സിഎൻആർ നിക്ഷേപം ഇക്കാലയളവിൽ സമാഹരിച്ചിട്ടുണ്ട്. തൃശൂർ ആസ്ഥാനമായ മറ്റൊരു സ്വകാര്യ ബാങ്കായ ധനലക്ഷ്മി ബാങ്ക് കഴിഞ്ഞ 42 ദിവസത്തിനുള്ളിൽ 23 ശതമാനം വർധനയാണ് എഫ്സിഎൻആർ നിക്ഷേപങ്ങളിൽ നേടിയത്.

യുഎഇ വിപണിയിൽ സ്വർണ്ണവില കുതിക്കുന്നു; നിരക്കുകൾ അറിയാം….

Gold Rate ദുബായ്: യുഎഇ വിപണിയിൽ സ്വർണ്ണവില കുതിക്കുന്നു. ഇന്ന് ഒരു ഗ്രാം സ്വർണ്ണത്തിന് 5 ദിർഹത്തിന്റെ വർധനവാണുണ്ടായത്. അമേരിക്കൻ പലിശനിരക്ക് ഉയർന്നേക്കാമെന്ന സൂചനകളും പണപ്പെരുപ്പ ആശങ്കകളും നിലനിൽക്കുമ്പോഴും സ്വർണവില ഉയരുകയായിരുന്നു. 24 കാരറ്റ് സ്വർണത്തിന് ഗ്രാമിന് 488 ദിർഹമാണ് ഇന്ന് രാവിലത്തെ നിരക്ക്.

ഇന്നലെ വിപണി വ്യാപാരം അവസാനിക്കുമ്പോൾ ഇത് 483 ദിർഹമായിരുന്നു. ദുബായ് ജ്വല്ലറി ഗ്രൂപ്പിന്റെ കണക്കുകൾ പ്രകാരം 22 കാരറ്റ് സ്വർണത്തിന് 451 ദിർഹവും 21 കാരറ്റ് സ്വർണത്തിന് 431 ദിർഹവുമാണ് നിരക്ക്. 18 കാരറ്റ് സ്വർണത്തിന് 369 ദിർഹവും 14 കാരറ്റിന് 317.5 ദിർഹവുമാണ് വിപണിയിലെ നിരക്ക്.

ആഗോള വിപണിയിൽ സ്‌പോട്ട് ഗോൾഡ് നിരക്കിൽ 0.93 ശതമാനത്തിന്റെ വർധനവുണ്ടായി. ഔൺസിന് 4,050 ഡോളർ എന്ന നിലയിലാണ് വ്യാപാരം പുരോഗമിക്കുന്നത്. വെള്ളി വിലയിലും 1.84 ശതമാനത്തിന്റെ വർധനവുണ്ടായി (ഔൺസിന് 57.87 ഡോളർ).

ഡോളർ മൂല്യം സ്ഥിരത പുലർത്തുന്നത് സ്വർണത്തിന് ഭാഗികമായി തുണയാകുന്നുണ്ടെങ്കിലും, ക്രൂഡ് ഓയിൽ വില വർധിക്കുന്നത് പണപ്പെരുപ്പ ഭീതി ഉയർത്തുന്നുണ്ടെന്ന് വിപണി വിദഗ്ധർ ചൂണ്ടിക്കാണിക്കുന്നു.

യുഎഇയിൽ നിന്നെത്തിയ മലയാളി യുവാവിന്റെ വസ്ത്രമഴിപ്പിച്ച് പരിശോധിച്ച് വനിത ഉദ്യോഗസ്ഥ; സംഭവം ഇങ്ങനെ

search കാസർകോട്: യുഎഇയിൽ നിന്നെത്തിയ മലയാളിയുടെ വസ്ത്രമഴിപ്പിച്ച് പരിശോധിച്ച് വനിത കസ്റ്റംസ് ഉദ്യോഗസ്ഥ. കണ്ണൂർ രാജ്യാന്തര വിമാനത്താവളത്തിലാണ് സംഭവം. കസ്റ്റംസ് ഉദ്യോഗസ്ഥരിൽ നിന്ന് മാനസിക പീഡനവും അപമാനകരമായ ദേഹപരിശോധനയും നേരിടേണ്ടിവന്നെന്ന് ആരോപിച്ച് മലയാളി യുവാവ് മുഖ്യമന്ത്രിക്കും കസ്റ്റംസ് കമ്മിഷണർക്കും പരാതി നൽകി. കാസർകോട് എരിയാൽ സ്വദേശി ഹുസൈനാർ മഹ്ഷാദാണ് പരാതി നൽകിയത്. ഷർട്ട് ഒഴികെ എല്ലാ വസ്ത്രങ്ങളും വനിതാ ഉദ്യോഗസ്ഥ അഴിപ്പിച്ചുവെന്നാണ് പരാതിയിൽ വ്യക്തമാക്കുന്നത്.

പരിശോധന കഴിഞ്ഞിറങ്ങിയപ്പോൾ കസ്റ്റംസ് ഉദ്യോഗസ്ഥരും വിമാനത്താവള ജീവനക്കാരും കൂട്ടംകൂടി നിന്ന് ചിരിച്ചെന്നും പരാതിയിൽ പറയുന്നു. പരിശോധന നടത്തിയതിലല്ല, നടത്തിയ രീതിയിലും ഒന്നും കണ്ടെത്താതിരുന്നിട്ടും അപമാനിക്കപ്പെട്ടതിലുമാണ് പരാതിയെന്ന് മഹ്ഷാദ് വ്യക്തമാക്കി. ജൂലൈ 19 നാണ് സംഭവം നടന്നത്. ഫുജൈറയിൽ നിന്നെത്തിയ ഹുസൈനാർ മഹ്ഷാദിനോട് അടുത്തുള്ള മംഗളൂരു ഒഴിവാക്കി കണ്ണൂരിൽ ഇറങ്ങിയതെന്തിനെന്ന് ചോദിച്ചായിരുന്നു സംഭവങ്ങളുടെ തുടക്കം. തുടർന്ന് ഫോൺ വാങ്ങിവച്ച് ലഗേജ് മുഴുവൻ സ്‌കാൻ ചെയ്തു. ഒന്നും കണ്ടെത്താതെ വന്നതോടെ വസ്ത്രമഴിപ്പിച്ച് പരിശോധന നടത്തുകയായിരുന്നു.

മിഡിൽ ഈസ്റ്റിലേക്കുള്ള യാത്ര പുന:പരിശോധിക്കണം; പൗരന്മാരോട് അഭ്യർത്ഥനയുമായി യുഎസ്

Travel മിഡിൽ ഈസ്റ്റിലേക്കുള്ള യാത്ര പുന:പരിശോധിക്കണമെന്ന് പൗരന്മാരോട് അഭ്യർത്ഥിച്ച് യുഎസ്. ഇറാൻ ആക്രമണത്തിന്റെ പശ്ചാത്തലത്തിലാണ് നടപടി. ലോകമെമ്പാടുമുള്ള അമേരിക്കൻ പൗരന്മാരോട് ‘കൂടുതൽ ജാഗ്രത പാലിക്കാൻ’ ആവശ്യപ്പെട്ടുകൊണ്ട് യുഎസ് സ്റ്റേറ്റ് ഡിപ്പാർട്ട്‌മെന്റ് മുന്നറിയിപ്പ് നൽകി. മിഡിൽ ഈസ്റ്റിലേക്കുള്ള യാത്ര പൗരന്മാർ പുന:പരിശോധിക്കണമെന്ന് മുന്നറിയിപ്പിൽ വ്യക്തമാക്കുന്നു.

‘നിലവിൽ മിഡിൽ ഈസ്റ്റിലുള്ള അമേരിക്കക്കാർ അതീവ ജാഗ്രത പാലിക്കണം. സാധ്യമായ വിമാന റദ്ദാക്കലുകൾ, ഇടയ്ക്കിടെ വ്യോമാതിർത്തി അടച്ചിടൽ, യാത്രാ തടസ്സങ്ങൾ എന്നിവയ്ക്ക് തയ്യാറായിരിക്കണമെന്നും അധികൃതർ നിർദ്ദേശം നൽകി. എംബസി, കോൺസുലാർ സുരക്ഷാ മുന്നറിയിപ്പുകൾ, പ്രാദേശിക അധികാരികൾ, പുതിയ സംഭവവികാസങ്ങൾ സംബന്ധിച്ച വാർത്തകൾ എന്നിവ നിരീക്ഷിക്കാൻ അതോറിറ്റി യാത്രക്കാരോട് അഭ്യർത്ഥിച്ചു. ഏറ്റവും പുതിയ സുരക്ഷാ അലേർട്ടുകൾ ലഭിക്കുന്നതിന് സ്റ്റേറ്റ് ഡിപ്പാർട്ട്മെന്റിന്റെ സൈറ്റിൽ ചേരാനും സുരക്ഷാ അപ്ഡേറ്റുകൾക്കായി വാട്ട്സ്ആപ്പിലെ അവരുടെ ചാനൽ പിന്തുടരാനും അമേരിക്കക്കാർക്ക് നിർദ്ദേശം നൽകിയിട്ടുണ്ട്.