Traffic closure King Fahd Road കുവൈത്ത് സിറ്റി: കിംഗ് ഫഹദ് റോഡിൽ ഗതാഗത നിയന്ത്രണം. കിംഗ് ഫഹദ് ബിൻ അബ്ദുൽ അസീസ് അൽ സൗദ് റോഡിലെ വലതുവശത്തെ രണ്ട് ലെയിനുകളും ബയാൻ മേഖലയ്ക്ക് എതിർവശത്തുള്ള ഷെയ്ഖ് സായിദ് ബിൻ സുൽത്താൻ അൽ നഹ്യാൻ റോഡിലേക്കുള്ള (ഫിഫ്ത് റിങ് റോഡ്) ഉപപ്രവേശന പാതയും അടച്ചിടുമെന്ന് ജനറൽ ഡയറക്ടറേറ്റ് ഓഫ് ട്രാഫിക് അറിയിച്ചു. ഓഗസ്റ്റ് 8 ശനിയാഴ്ച മുതൽ ആരംഭിക്കുന്ന ഗതാഗത നിയന്ത്രണം ഒരാഴ്ച തുടരും. നിയന്ത്രണം നിലവിലുള്ള കാലയളവിൽ വാഹനമോടിക്കുന്നവർ ജാഗ്രത പാലിക്കണമെന്നും ഗതാഗത സൂചനകൾ കൃത്യമായി പിന്തുടരണമെന്നും അധികൃതർ നിർദേശിച്ചു. സാധ്യമാകുന്നിടത്ത് ബദൽ റോഡുകൾ ഉപയോഗിക്കണമെന്നും ജനറൽ ഡയറക്ടറേറ്റ് ഓഫ് ട്രാഫിക് അഭ്യർഥിച്ചു.