air india pilots drug test result ന്യൂഡൽഹി: എയർ ഇന്ത്യയിലെ രണ്ട് പൈലറ്റുമാർ കൂടി നടത്തിയ ലഹരി പരിശോധനയിൽ പ്രാഥമികമായി പോസിറ്റീവ് ഫലം ലഭിച്ചതായി റിപ്പോർട്ട്. ഫലം സ്ഥിരീകരിക്കുന്നതിനായി ഇവർക്ക് കൂടുതൽ പരിശോധന നടത്തും. ഫുക്കറ്റ്–ഡൽഹി വിമാനത്തിലെ പൈലറ്റ് ലഹരി ഉപയോഗിച്ചതായി കണ്ടെത്തിയതിന് പിന്നാലെയാണ് എയർ ഇന്ത്യ പൈലറ്റുമാരുടെ ഡ്രഗ് ടെസ്റ്റുകൾ കർശനമാക്കിയത്. പരിശോധനയിൽ പൈലറ്റ് കഞ്ചാവ് ഉപയോഗിച്ചതായാണ് കണ്ടെത്തിയത്. പുതിയ പെരുമാറ്റച്ചട്ടത്തിന്റെ ഭാഗമായി എയർ ഇന്ത്യയിലെ എല്ലാ പൈലറ്റുമാരും നിർബന്ധമായും ഡ്രഗ് ടെസ്റ്റ് നടത്തണമെന്ന് നിർദേശം നൽകിയിരുന്നു. ഇതിന്റെ ഭാഗമായി ഇതുവരെ 300 പൈലറ്റുമാർ പരിശോധന പൂർത്തിയാക്കി. ഇവരുടെ അന്തിമ പരിശോധനാഫലം 48 മണിക്കൂറിനകം ലഭിക്കുമെന്നാണ് വിവരം. ആഗസ്റ്റ് നാലിന് ഫുക്കറ്റിൽ നിന്ന് ഡൽഹിയിലേക്ക് പറന്ന എയർ ഇന്ത്യ വിമാനം യാത്രയ്ക്കിടെ ഏകദേശം 300 അടി താഴേക്ക് പതിച്ചിരുന്നു. ബ്ലാക്ക് ബോക്സ് പരിശോധനയിൽ ഏകദേശം നാല് സെക്കൻഡ് വിമാനം നിയന്ത്രണങ്ങളില്ലാതെ സഞ്ചരിച്ചതായി കണ്ടെത്തി. ഈ സമയത്ത് വിമാനത്തിലെ എലിവേറ്ററുകളും എയിലറോണുകളും പ്രവർത്തിച്ചിരുന്നില്ലെന്നും പരിശോധനയിൽ വ്യക്തമായിരുന്നു. സംഭവത്തെക്കുറിച്ചുള്ള അന്വേഷണം തുടരുന്നതിനിടെയാണ് എയർ ഇന്ത്യ പൈലറ്റുമാരുടെ ലഹരി പരിശോധന കൂടുതൽ ശക്തമാക്കിയത്.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

ചീഞ്ഞതും ദുര്‍ഗന്ധമുള്ളതുമായ ഇറച്ചി, പാക്കിങ് തീയതിയില്‍ കൃത്രിമം; കുവൈത്തില്‍ പിടികൂടിയത്…

Seize Rotten Meat in kuwait കുവൈത്ത് സിറ്റി: കുവൈത്തിലെ ജനറൽ ഫുഡ് ആൻഡ് ന്യൂട്രീഷൻ അതോറിറ്റിയുടെ ക്യാപിറ്റൽ ഗവർണറേറ്റ് പരിശോധന വിഭാഗം നടത്തിയ പരിശോധനയിൽ മനുഷ്യ ഉപഭോഗത്തിന് യോഗ്യമല്ലാത്ത ഏകദേശം 180 കിലോഗ്രാം ബീഫ്, മട്ടൺ പിടികൂടി. പശുവിന്റെയും ആടിന്റെയും കാലുകളും പിടിച്ചെടുത്ത ഇറച്ചിയിൽ ഉൾപ്പെടുന്നു. പരിശോധനയിൽ ഇറച്ചി ചീഞ്ഞ നിലയിലായിരുന്നുവെന്നും സ്വാഭാവിക നിറത്തിലും രൂപത്തിലും ഗന്ധത്തിലും പ്രകടമായ മാറ്റങ്ങൾ സംഭവിച്ചിരുന്നുവെന്നും കണ്ടെത്തി. അസാധാരണവും ദുർഗന്ധമുള്ളതുമായ ഗന്ധവും ഇറച്ചിയിൽ നിന്ന് കണ്ടെത്തി. ഇറച്ചിയിൽ അറുക്കിയ തീയതി വ്യക്തമാക്കുന്ന മുദ്രകളിൽ കൃത്രിമം നടത്തിയതായും പരിശോധനയിൽ കണ്ടെത്തി. ഉൽപന്നങ്ങളുടെ വിവരങ്ങൾ മറച്ചുവയ്ക്കാനും ഉപഭോക്താക്കളെ തെറ്റിദ്ധരിപ്പിക്കാനുമാണ് ഇത്തരത്തിൽ മുദ്രകളിൽ ഇടപെടൽ നടത്തിയതെന്നാണ് അധികൃതരുടെ വിലയിരുത്തൽ. പിടിച്ചെടുത്ത ഇറച്ചിക്കായി നശിപ്പിക്കൽ റിപ്പോർട്ടുകളും, ഉത്തരവാദികൾക്കെതിരെ പിടിച്ചെടുക്കൽ റിപ്പോർട്ടുകളും തയ്യാറാക്കി. നിയമലംഘനം നടത്തിയവർക്കെതിരെ നിയമനടപടികളും ആരംഭിച്ചതായി അധികൃതർ അറിയിച്ചു.