Electricity Bill ദുബായ്: ഉയർന്ന വൈദ്യുതി, ജല ബില്ലുകൾ കാരണം പ്രയാസപ്പെടുയാണോ. ദുബായിലെ താമസക്കാർക്ക് തങ്ങളുടെ ഉപഭോഗം നിയന്ത്രിക്കാനും ലാഭിക്കാനും സഹായിക്കുന്ന സ്മാർട്ട് സംവിധാനങ്ങളുമായി എത്തിയിരിക്കുകയാണ് ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റി. ‘സ്മാർട്ട് ലിവിംഗ്’ എന്ന പദ്ധതിയിലൂടെ ഉപഭോക്താക്കൾക്ക് തങ്ങളുടെ ഉപയോഗം കൃത്യമായി നിരീക്ഷിക്കാൻ സാധിക്കും.

ഈ സംവിധാനത്തിലൂടെ ഓരോ ദിവസവും ആഴ്ചയിലും മാസത്തിലുമുള്ള വൈദ്യുതി-ജല ഉപഭോഗം താരതമ്യം ചെയ്യാനും, നിലവിലെ നിരക്കുകൾ മനസ്സിലാക്കാനും സാധിക്കും. സ്മാർട്ട് ലിവിംഗ് ഡാഷ്ബോർഡിൽ ലഭ്യമായ ‘കൺസപ്ഷൻ അസസ്മെന്റ് ടൂൾ’ ഉപയോഗിച്ച് ഉപഭോക്താക്കൾക്ക് തങ്ങളുടെ ഉപയോഗരീതി വിലയിരുത്താം.

വീട്ടിലെ താമസക്കാരുടെ എണ്ണം, ഉപയോഗിക്കുന്ന ഉപകരണങ്ങൾ, വീടിന്റെ സ്വഭാവം എന്നിവയെക്കുറിച്ചുള്ള ലളിതമായ ചോദ്യങ്ങൾക്ക് മറുപടി നൽകുന്നതിലൂടെ ഈ സേവനം പ്രയോജനപ്പെടുത്താം. നമ്മുടെ ദൈനംദിന ശീലങ്ങൾ എങ്ങനെ ബില്ലിനെ ബാധിക്കുന്നു എന്ന് മനസ്സിലാക്കാൻ ഈ സർവേ സഹായിക്കുന്നു. സർവേ പൂർത്തിയാക്കിയാൽ, ഓരോ വീടിനും അനുയോജ്യമായ രീതിയിൽ എങ്ങനെ വൈദ്യുതിയും വെള്ളവും ലാഭിക്കാം എന്നതിനെക്കുറിച്ചുള്ള നിർദ്ദേശങ്ങളും വിശദമായ റിപ്പോർട്ടും ഉപഭോക്താവിന് ലഭിക്കും.

പൈപ്പുകളിലെ ചോർച്ച മൂലമുണ്ടാകുന്ന ജലനഷ്ടം ഒഴിവാക്കാൻ ‘ഹൈ വാട്ടർ യൂസേജ് അലർട്ട്’ എന്ന സേവനവും ലഭ്യമാണ്. അസാധാരണമായ രീതിയിൽ ജല ഉപഭോഗം വർദ്ധിച്ചാൽ ഉടൻ തന്നെ ഉപഭോക്താവിന് അറിയിപ്പ് ലഭിക്കും. ഇത് വലിയ തോതിൽ വെള്ളം പാഴാകുന്നത് തടയാനും അറ്റകുറ്റപ്പണികൾ വേഗത്തിലാക്കാനും സഹായിക്കും. താമസക്കാർ വീടുപൂട്ടി ദൂരയാത്രകൾ പോകുമ്പോൾ ഉപയോഗിക്കാവുന്ന ഒന്നാണ് ‘എവേ മോഡ്’. ഈ ഫീച്ചർ ആക്ടിവേറ്റ് ചെയ്താൽ, വീട്ടിൽ അസാധാരണമായി വൈദ്യുതി ഉപയോഗിക്കപ്പെടുന്നുണ്ടോ എന്ന് ഇമെയിൽ വഴി ദിവസേനയോ ആഴ്ചതോറുമോ റിപ്പോർട്ടുകൾ ലഭിക്കും. വീട്ടിലില്ലാത്ത സമയത്ത് ഷോർട്ട് സർക്യൂട്ടോ മറ്റോ ഉണ്ടായാൽ തിരിച്ചറിയാൻ ഇത് സഹായിക്കും.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

യാത്രക്കാരുടെ ശ്രദ്ധയ്ക്ക്; യുഎഇയിലെ ഈ റോഡിൽ ഗതാഗത നിയന്ത്രണം

Traffic restrictions ഷാർജ: ഷാർജയിലെ അൽ ഹസാനയ്ക്ക് സമീപമുള്ള ഡ്യുവൽ കാരിയേജ് വേ ആറ് ദിവസത്തേക്ക് ഭാഗികമായി അടച്ചിടും. ഷാർജ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയാണ് ഇക്കാര്യം അറിയിച്ചത്. ഷാർജയിലെ വാഹന യാത്രക്കാർ അവരുടെ യാത്രകൾ മുൻകൂട്ടി ആസൂത്രണം ചെയ്യണമെന്നും യാത്രക്കായി ബദൽ പാതകൾ ഉപയോഗിക്കണമെന്നും അതോറിറ്റി നിർദ്ദേശിച്ചു.

റോഡ് അറ്റകുറ്റപ്പണികളും അടിസ്ഥാന സൗകര്യ വികസന പ്രവർത്തനങ്ങളുമായി ബന്ധപ്പെട്ടാണ് താൽക്കാലിക അടച്ചിടൽ. കാലതാമസം ഒഴിവാക്കാൻ ഡ്രൈവർമാർ അംഗീകൃത വഴിതിരിച്ചുവിടലുകൾ പിന്തുടരാനും ബദൽ റൂട്ടുകൾ ഉപയോഗിക്കാനും അഭ്യർത്ഥിക്കുന്നു. ഓഗസ്റ്റ് 23 ഞായറാഴ്ച മുതൽ ഓഗസ്റ്റ് 28 വെള്ളിയാഴ്ച്ച വരെയാണ് അടച്ചിടൽ. സയീദ് ബിൻ ഒബൈദ് അൽ ജർവാൻ സ്‌ക്വയറിൽ നിന്ന് ഷെയ്ഖ് മുഹമ്മദ് ബിൻ സുൽത്താൻ ബു അലിയൻ സ്‌ക്വയറിലേക്കുള്ള റോഡിനെ ഈ അടച്ചിടൽ ബാധിക്കും.