kuwait Highest Salary ജനീവ: ലോകത്ത് ഏറ്റവും ഉയർന്ന ശമ്പളം ലഭിക്കുന്ന രാജ്യങ്ങളുടെ പട്ടികയിൽ ഒന്നാമതെത്തി സ്വിറ്റ്സർലൻഡ്. സിഇഒ വേൾഡ് മാഗസിൻ പുറത്തുവിട്ട 2025-ലെ റിപ്പോർട്ട് അനുസരിച്ച്, സ്വിറ്റ്സർലൻഡിൽ ഒരു ജീവനക്കാരൻ്റെ ശരാശരി പ്രതിമാസ ശമ്പളം 8.218 ഡോളറാണ്. തൊട്ടുപിന്നാലെ, ലക്‌സംബർഗ് (6.740 ഡോളർ), അമേരിക്ക (6.562 ഡോളർ) എന്നീ രാജ്യങ്ങൾ ഉണ്ട്. ഈ പട്ടികയിൽ കുവൈത്ത് 36-ാം സ്ഥാനത്താണ്. പ്രതിമാസം 1.961 ഡോളറാണ് രാജ്യത്തെ ശരാശരി ശമ്പളം. ഗൾഫ് രാജ്യങ്ങളിൽ നാലാം സ്ഥാനത്താണ് കുവൈത്ത്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/Kj5eLfwUmGV7azbVxnhZas?mode=ac_t യു.എ.ഇ. (3.770 ഡോളർ), ഖത്തർ (3.275 ഡോളർ), സൗദി അറേബ്യ (1.995 ഡോളർ) എന്നിവയാണ് കുവൈത്തിന് മുന്നിലുള്ളത്. ഐസ്‌ലാൻഡ്, നോർവേ ഡെൻമാർക്ക് കാനഡ, അയർലൻഡ്, നെതർലാൻഡ്‌സ്, സിംഗപ്പൂർ എന്നീ രാജ്യങ്ങളും ഉയർന്ന ശമ്പളമുള്ള ആദ്യ പത്ത് രാജ്യങ്ങളുടെ പട്ടികയിലുണ്ട്. സാമ്പത്തിക വിദഗ്ദ്‌ധർ ആഗോള സാമ്പത്തിക മാന്ദ്യത്തെക്കുറിച്ച് മുന്നറിയിപ്പ് നൽകുന്ന സാഹചര്യത്തിലാണ് ഈ റിപ്പോർട്ട്.