dubai RTA app ദുബായ്: ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയുടെ (RTA) വെബ്‌സൈറ്റിലും മൊബൈൽ ആപ്പിലും നേരിട്ട സാങ്കേതിക തടസ്സം മൂലം വാഹന സംബന്ധമായ സേവനങ്ങൾ തടസ്സപ്പെട്ടു. വാഹന രജിസ്‌ട്രേഷൻ പുതുക്കൽ, ഫൈൻ അടയ്ക്കൽ തുടങ്ങിയ സേവനങ്ങൾ ലഭ്യമാകാത്തതിനെത്തുടർന്ന് നിരവധി പേർ സമൂഹമാധ്യമങ്ങളിലൂടെ പരാതിയുമായി രംഗത്തെത്തി. സാങ്കേതിക തകരാർ മൂലം ദുരിതത്തിലായ ഉപഭോക്താക്കളോട് കൂടുതൽ വിവരങ്ങൾ പങ്കുവെക്കാൻ ആർടിഎ നിർദ്ദേശിച്ചു. പ്രശ്നം പരിഹരിക്കാനുള്ള ശ്രമങ്ങൾ ദ്രുതഗതിയിൽ നടന്നു വരികയാണെന്ന് അധികൃതർ വ്യക്തമാക്കി. വാഹന രജിസ്‌ട്രേഷൻ പുതുക്കൽ, ഇൻസ്പെക്ഷൻ അപ്പോയിന്റ്‌മെന്റ് ബുക്ക് ചെയ്യുക, പിഴകൾ അടയ്ക്കുക തുടങ്ങിയ ദൈനംദിന സേവനങ്ങളാണ് തടസ്സപ്പെട്ടത്. വെബ്‌സൈറ്റിലും ആപ്പിലും വിവരങ്ങൾ ലോഡ് ആകാത്തതും എറർ മെസേജുകൾ കാണിക്കുന്നതുമാണ് പ്രധാന പ്രശ്നം. വാഹന രജിസ്‌ട്രേഷൻ കാലാവധി കഴിഞ്ഞിട്ടും അത് പുതുക്കാൻ സാധിക്കുന്നില്ലെന്ന് പലരും പരാതിപ്പെട്ടു. അഞ്ച് ദിവസമായി താൻ ഇതിനായി ശ്രമിക്കുകയാണെന്നും പിഴ ലഭിക്കുമോ എന്ന് ആശങ്കയുണ്ടെന്നും ഒരു ഉപഭോക്താവ് പ്രതികരിച്ചു. ഡ്രൈവിംഗ് ലൈസൻസ് പുതുക്കാൻ ശ്രമിക്കുന്നവർക്കും ഇതേ തടസ്സം നേരിടുന്നുണ്ട്. പരാതിയുള്ളവർ തങ്ങളുടെ പേരും മൊബൈൽ നമ്പറും ആവശ്യമായ സേവനത്തിന്റെ വിശദാംശങ്ങളും സഹിതം നേരിട്ട് സന്ദേശം അയക്കാൻ ആർടിഎ നിർദ്ദേശിച്ചു. സാങ്കേതിക തകരാർ താൽക്കാലികമാണെന്നും വിദഗ്ധ സംഘം ഇത് പരിഹരിക്കാൻ പ്രവർത്തിച്ചുവരികയാണെന്നും അതോറിറ്റി അറിയിച്ചു. ആർടിഎ ആപ്പിലേക്ക് യുഎഇ പാസ് വഴി ലോഗിൻ ചെയ്യാൻ ശ്രമിക്കുമ്പോഴും ഉപഭോക്താക്കൾക്ക് തടസ്സം നേരിടുന്നുണ്ട്.

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

യുഎഇയിൽ നേരിട്ടുള്ള അധ്യയനം പുനരാരംഭിക്കുന്നു; സുരക്ഷാ ക്രമീകരണങ്ങൾ പൂർത്തിയായി

UAE to Resume In-Person Classes അബുദാബി: യുഎഇയിലെ എല്ലാ പൊതു-സ്വകാര്യ നഴ്സറികൾ, കിന്റർഗാർട്ടനുകൾ, സ്കൂളുകൾ എന്നിവിടങ്ങളിൽ നേരിട്ടുള്ള അധ്യയനം പുനരാരംഭിക്കാൻ വിദ്യാഭ്യാസ മന്ത്രാലയം തീരുമാനിച്ചു. ഏപ്രിൽ 20 തിങ്കളാഴ്ച മുതൽ വിദ്യാർത്ഥികൾക്കും അധ്യാപകർക്കും ഭരണവിഭാഗം ജീവനക്കാർക്കും വിദ്യാലയങ്ങളിലേക്ക് നേരിട്ട് എത്തിച്ചേരാമെന്ന് മന്ത്രാലയം അറിയിച്ചു. സ്കൂളുകളിലെ അറ്റകുറ്റപ്പണികൾ പൂർത്തിയാക്കുകയും ജീവനക്കാർക്ക് ആവശ്യമായ പരിശീലനം നൽകുകയും ചെയ്ത സാഹചര്യത്തിലാണ് ഈ തീരുമാനം. സുരക്ഷിതമായ പഠനാന്തരീക്ഷം ഉറപ്പാക്കാൻ പരിഷ്കരിച്ച സുരക്ഷാ പ്രോട്ടോക്കോളുകളും വിദ്യാലയങ്ങളിൽ നടപ്പിലാക്കിയിട്ടുണ്ട്. സ്കൂളുകളിലെ സൗകര്യങ്ങൾ ഒരുക്കുന്നതിനും സുരക്ഷാ മാനദണ്ഡങ്ങൾ പരിഷ്കരിക്കുന്നതിനും ആവശ്യമായ നടപടികൾ പൂർത്തിയായതായി അധികൃതർ അറിയിച്ചു. പ്രാദേശിക വിദ്യാഭ്യാസ അധികൃതരുടെ മേൽനോട്ടത്തിൽ, അംഗീകൃത നിയന്ത്രണങ്ങൾക്ക് വിധേയമായി ആവശ്യമായ സന്ദർഭങ്ങളിൽ ‘ഹൈബ്രിഡ് റൊട്ടേഷണൽ മോഡൽ’ (നേരിട്ടും അല്ലാതെയും ഉള്ള പഠനരീതി) സ്വീകരിക്കാൻ സ്വകാര്യ സ്കൂളുകൾക്ക് അനുവാദമുണ്ട്. വിദ്യാർത്ഥികളുടെയും ജീവനക്കാരുടെയും സുരക്ഷ ഉറപ്പാക്കുന്നതിനായി വിദ്യാലയങ്ങളിൽ കർശനമായ നിരീക്ഷണം തുടരും.