UAE weather update അബുദാബി: യുഎഇയുടെ ചില ഭാഗങ്ങളിൽ ഞായറാഴ്ച ഉച്ചതിരിഞ്ഞ് മഴയുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. രാജ്യത്തിന്റെ കിഴക്കൻ മേഖലകളിലാണ് മഴയ്ക്ക് സാധ്യത കൂടുതൽ. കാറ്റും മഴയും കൂടിച്ചേർന്നാണ് വരുന്നത്. കാറ്റിന്റെ വേഗത മണിക്കൂറിൽ 45 കിലോമീറ്റർ വരെ ഉയരുമെന്നും അധികൃതർ അറിയിച്ചു. ശക്തമായ കാറ്റ് മണൽക്കാറ്റിനും കാഴ്ച കുറയാനും കാരണമാകുമെന്ന് മുന്നറിയിപ്പുണ്ട്. കിഴക്കൻ പ്രദേശങ്ങളിലാണ് മഴ കൂടുതൽ ശക്തമാകാൻ സാധ്യതയുള്ളത്. കഴിഞ്ഞ കുറച്ചു ആഴ്ചകളായി രാജ്യത്തിന്റെ കിഴക്കൻ മേഖലയിലും പർവതപ്രദേശങ്ങളിലും ഇത്തരത്തിലുള്ള മഴ ലഭിച്ചിരുന്നു. ഇത് യുഎഇയിലെ വേനൽക്കാല കാലാവസ്ഥയുടെ പ്രത്യേകതയാണെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.