Electricity Restored കുവൈത്ത് സിറ്റി: കുവൈത്തിലെ അബ്ദുല്ല അൽ സലേമിൽ വൈദ്യുതി പുന:സ്ഥാപിച്ചു. അബ്ദുല്ല ഇൽ- സലേം പ്രാന്ത പ്രദേശത്തിന്റെ ഒരു ഭാഗത്ത് വൈദ്യുതി പുന:സ്ഥാപിച്ചതായി വൈദ്യുതി, ജലം, പുനരുപയോഗ ഊർജ മന്ത്രാലയം അറിയിച്ചു. വൈദ്യുതി പൂർണ്ണമായും പുന:സ്ഥാപിക്കാനുള്ള ശ്രമങ്ങൾ തുടരുകയാണ്.

അബ്ദുല്ല അൽ സലേം സബ്‌സ്റ്റേഷനിലെ ഒരു പ്രധാന ട്രാൻസ്‌ഫോമർ സാങ്കേതിക തകരാർ കാരണം പ്രവർത്തന രഹിതമായതായും ഇതിന്റെ ഫലമായി ബ്ലോക്ക് 1, 2 എന്നിവയുടെ പരിമിതമായ പ്രദേശങ്ങളിൽ വൈദ്യുതി തടസമുണ്ടായതായും മന്ത്രാലയം അറിയിച്ചിരുന്നു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

ഗതാഗത നിയമലംഘനം; കുവൈത്തിൽ 40 കാരിയ്ക്ക് വൻതുക പിഴ, ഞെട്ടൽ!

Traffic Violations കുവൈത്ത് സിറ്റി: കുവൈത്തിൽ ഗതാഗത നിയമലംഘനത്തെ തുടർന്ന് 40 കാരിയ്ക്ക് വൻ തുക പിഴ. തന്റെ പേരിൽ രജിസ്റ്റർ ചെയ്ത ട്രാഫിക് പിഴകളിൽ ആയിരക്കണക്കിന് കുവൈത്തി ദിനാർ കുടിശികയുണ്ടെന്നറിഞ്ഞ ഞെട്ടലിലാണ് ഇവർ. അമിത വേഗത, ചുവപ്പ് സിഗ്നൽ മറികടക്കൽ, മറ്റ് ഗതാഗത നിയമ ലംഘനങ്ങൾ എന്നിങ്ങനെ ഡസൻ കണക്കിന് നിയമ ലംഘനങ്ങൾ ഇവരുടെ പേരിൽ രജിസ്റ്റർ ചെയ്തിട്ടുണ്ടെന്നാണ് ട്രാഫിക് ഉദ്യോഗസ്ഥർ പറയുന്നത്.

നിയമലംഘനങ്ങളുടെ വൻസംഖ്യ ഉദ്യോഗസ്ഥരെ അത്ഭുതപ്പെടുത്തിയെന്നാണ് പുറത്തുവരുന്ന റിപ്പോർട്ടുകൾ. എന്നാൽ, എല്ലാ നിയമലംഘനങ്ങളും ഒരു വാഹനത്തിന് എതിരെയാണോ അതോ ഈ സ്ത്രീയുടെ പേരിൽ രജിസ്റ്റർ ചെയ്തിരിക്കുന്ന ഒന്നിലധികം വാഹനങ്ങൾക്കെതിരെയാണോയെന്ന കാര്യ വ്യക്തമല്ല. ഇത്രയും വലിയ ഗതാഗത നിയമ ലംഘനങ്ങളുമായി ബന്ധപ്പെട്ട വിശദാംശങ്ങളും സാഹചര്യങ്ങളും പണം നൽകാത്തതിന്റെ കാരണവും ബന്ധപ്പെട്ട അധികാരികൾ അന്വേഷിക്കും എന്നാണ് പുറത്ത് വരുന്ന വിവരം.

യാത്രക്കാരുടെ ശ്രദ്ധയ്ക്ക്; ഗൾഫിലെ പല വിമാന സർവ്വീസുകളും റദ്ദാക്കി

Flights ദുബായ്: ഗൾഫ് മേഖലയിലെ യാത്രക്കാരുടെ ശ്രദ്ധയ്ക്ക്. മേഖലയിലെ വിമാനസർവീസുകൾ പലതും കമ്പനികൾ റദ്ദാക്കിയിരിക്കുകയാണ്. ഗൾഫ് മേഖലയിൽ സംഘർഷം വ്യാപിക്കുന്ന സാഹചര്യത്തിലാണ് വിമാന സർവ്വീസുകൾ റദ്ദാക്കിയിരിക്കുന്നത്. രാജ്യാന്തര, പ്രാദേശിക സർവീസുകളിൽ പലതും റദ്ദാക്കിയതായും യാത്രക്കാർ വിമാനക്കമ്പനികളുടെ അറിയിപ്പുകൾ ശ്രദ്ധിക്കണമെന്നും വിമാന കമ്പനികൾ യാത്രക്കാരോട് നിർദ്ദേശിച്ചു.

നാളെ വരെ ഇത്തിഹാദിന്റെ അബുദാബി- ബഹ്റൈൻ സെക്ടറിലെ 3 സർവീസുകൾ റദ്ദാക്കിയിരിക്കുകയാണ്. മറ്റു സർവീസുകൾക്ക് തടസ്സമില്ല. എമിറേറ്റ്‌സിന്റെ കുവൈത്ത്, ബഹ്‌റൈൻ സർവീസുകൾ പുനരാരംഭിച്ചിട്ടില്ല. എയർ അസ്താന ദുബായ്, ദോഹ സർവീസുകൾ ഏതാനും ആഴ്ചകളിലേക്ക് കൂടി റദ്ദാക്കി. എയർ ഫ്രാൻസിന്റെ പാരിസിൽ നിന്ന് ദുബായിലേക്കും റിയാദിലേക്കുമുള്ള വിമാനങ്ങളും 25 വരെ സർവ്വീസ് നടത്തില്ല. ബ്രിട്ടിഷ് എയർവേയ്സിന്റെ ദുബായ്, അബുദാബി, ബഹ്‌റൈൻ, ദോഹ, അമ്മാൻ, ടെൽ അവീവ്, റിയാദ് സർവീസുകൾ പുനസ്ഥാപിക്കുന്നത് സംബന്ധിച്ച വിവരങ്ങൾ ലഭ്യമല്ല.

അടുത്ത വർഷം ജനുവരി വരെ എയർ കാനഡയുടെ ദുബായ്, ടെൽ അവീവ് സർവീസുകൾ റദ്ദാക്കി. ഡച്ച് വിമാനക്കമ്പനിയായ കെഎൽഎം ദുബായ്, റിയാദ്, ദമാം സർവീസുകൾ ഒക്ടോബർ 24 വരെ റദ്ദാക്കിയിട്ടുണ്ട്. ഗൾഫ് മേഖലയിലെ സംഘർഷാവസ്ഥയെ തുടർന്ന് കേരളത്തിലെ വിവിധ വിമാനത്താവളങ്ങളിലേക്കും തിരിച്ചുമുള്ള ഏതാനും വിമാന സർവീസുകൾ കഴിഞ്ഞ ദിവസം വൈകിയിരുന്നു. കരിപ്പൂരിൽ നിന്ന് ദുബായിലേക്കുള്ള സ്‌പൈസ് ജെറ്റ് വിമാനം റദ്ദാക്കി. ദുബായിലേക്കുള്ള സ്‌പൈസ് ജെറ്റ് വിമാനം റദ്ദാക്കിയതിനത്തുടർന്ന് കോഴിക്കോട് വിമാനത്താവളത്തിൽ യാത്രക്കാർ പ്രതിഷേധവും നടത്തി.

അഭിമാന നേട്ടവുമായി കുവൈത്തിലെ ആശുപത്രി; പെൺകുട്ടിയുടെ കാലിലെ സങ്കീർണ്ണമായ മുഴ ശസ്ത്രക്രിയയിലൂടെ നീക്കം ചെയ്തു

Hospital കുവൈത്ത് സിറ്റി: കുവൈത്തിലെ ജാബർ അൽ അഹമ്മദ് ആശുപത്രിയ്ക്ക് അഭിമാന നേട്ടം. പെൺകുട്ടിയുടെ കാലിൽ ബാധിച്ച അർബുദ മുഴ ഡോക്ടർമാർ സങ്കീർണ്ണമായ ശസ്ത്രക്രിയ വഴി വിജയകരമായി നീക്കം ചെയ്തു. കാലിന്റെ മുൻഭാഗത്ത് മുഴുവനും വ്യാപിച്ചിരുന്ന മുഴയാണ് നീക്കം ചെയ്തത്. പ്ലാസ്റ്റിക് & റീകൺസ്ട്രക്ടീവ് സർജൻ ഡോ. തലാൽ ദഷ്തി, ഡോ. ഖാലിദ് അൽ തരാഹ് അനസ്തേഷ്യ വിഭാഗത്തിലെ ഡോ. അബ്ദുറഹ്‌മാൻ അൽ റിഫാഇ ബോൺ ട്യൂമർ സർജൻ ഡോ. നസീബ അൽ മുഹൈസിൻ, ഡോ. മജ്ദി അബ്ദുൽ മെതഅൽ, ഡോ. ഇസ്ലാം അൽ ദസൂഖി ഓർത്തോപീഡിക് സർജൻ എന്നിവർക്കൊപ്പം ഡോ. സലാമ അയ്യാദ്, ഡോ. തനിയാൻ അൽ ഉമൈരി തുടങ്ങിയവരുടെ നേതൃത്വത്തിലാണ് ശസ്ത്രക്രിയ നടത്തിയത്.

മുഴ സുരക്ഷിതമായി നീക്കം ചെയ്യുന്നതിനൊപ്പം തന്നെ കാലിന്റെ പ്രവർത്തനം പരമാവധി നിലനിർത്തുന്നതിനായി ആധുനിക പുനർനിർമാണ സാങ്കേതിക വിദ്യകൾ പ്രയോജനപ്പെടുത്തി. മസിലുകൾ, നാഡികൾ, മൃദുവായ ടിഷ്യൂകൾ എന്നിവ പുനർനിർമിക്കുന്ന സങ്കീർണമായ നടപടികളാണ് സ്വീകരിച്ചത്.

മുഴ ബാധിച്ച കാലിന്റെ മുൻഭാഗത്തെ മസിലുകളും ചലനത്തിന് സഹായിക്കുന്ന ടിഷ്യൂകളും നീക്കം ചെയ്യേണ്ടി വന്നിരുന്നു. ഇത് സാധാരണയായി കാൽ ഉയർത്താനുള്ള ശേഷി നഷ്ടപ്പെടുവാനും നടക്കാൻ ബുദ്ധിമുട്ടുണ്ടാക്കാനും സാധ്യതയുള്ള അവസ്ഥയായിരുന്നു. ട്യൂമർ നീക്കം ചെയ്തതിന് ശേഷം ശസ്ത്രക്രിയയ്ക്കിടയിൽ തന്നെ ഫ്രോസൺ സെക്ഷൻ എന്ന ത്വരിത ഹിസ്റ്റോളജി പരിശോധന നടത്തി. നീക്കം ചെയ്ത ഭാഗത്തിന്റെ അതിരുകളിൽ കാൻസർ കോശങ്ങൾ ഇല്ലെന്ന് ഉറപ്പാക്കിയ ശേഷം, കാലിന്റെ പ്രവർത്തനം പുനഃസ്ഥാപിക്കുന്ന ഘട്ടത്തിലേക്ക് ഡോക്ടമാർ കടക്കുകയായിരുന്നു. ശസ്ത്രക്രിയയിൽ Peroneus ലോങ്ങുസ് എന്ന മസിൽ കാലിന്റെ മുൻഭാഗത്തേക്ക് മാറ്റി സ്ഥാപിക്കുകയും, നാഡികൾ തമ്മിൽ വീണ്ടും ബന്ധിപ്പിക്കുന്ന ശസ്ത്രക്രിയ നടത്തുകയും ചെയ്തു. വലിയ തോതിൽ നഷ്ടപ്പെട്ട മൃദു ടിഷ്യൂകൾ രക്തക്കുഴലുകളുമായി ബന്ധമുള്ള പ്രത്യേക Flap സാങ്കേതിക വിദ്യ ഉപയോഗിച്ച് പുനർനിർമിക്കുകയും ചെയ്തു.