Yemen shoot down Houthi drone യെമൻ: സൗദി അറേബ്യൻ അതിർത്തിക്ക് സമീപം ഹൂതികളുടെ ഡ്രോൺ വെടിവെച്ചിട്ടതായും തന്ത്രപ്രധാനമായ ബാബ് അൽ മന്ദബ് കടലിടുക്കിൽ സ്ഫോടകവസ്തുക്കൾ നിറച്ച ഹൂതി ബോട്ട് തകർത്തതായും യെമൻ സർക്കാരിനെ പിന്തുണയ്ക്കുന്ന സേന ശനിയാഴ്ച അറിയിച്ചു. കിഴക്കൻ ഹദ്രമൗത്ത് പ്രവിശ്യയിലെ അൽ വദിയ അതിർത്തി മേഖലയിലേക്ക് അടുക്കുന്നതിനിടെയാണ് യെമൻ എമർജൻസി ഫോഴ്‌സിന്റെ മൂന്നാം ഡിവിഷന്റെ വ്യോമ പ്രതിരോധ വിഭാഗം ഡ്രോൺ കണ്ടെത്തി തടഞ്ഞതെന്ന് എക്‌സിൽ പ്രസിദ്ധീകരിച്ച പ്രസ്താവനയിൽ പറഞ്ഞു. അജ്ഞാത സൈനിക വൃത്തത്തെ ഉദ്ധരിച്ചാണ് സേന ഇക്കാര്യം വ്യക്തമാക്കിയത്. താമസക്കാരും കുടിയൊഴിപ്പിക്കപ്പെട്ടവരും കഴിയുന്ന പ്രദേശങ്ങളിലേക്കാണ് ഡ്രോൺ നീങ്ങിയിരുന്നതെന്ന് കണ്ടെത്തിയതിനെ തുടർന്ന് വ്യോമ പ്രതിരോധ വിഭാഗം ഡ്രോണിനെ ലക്ഷ്യമിട്ട് നടപടി സ്വീകരിക്കുകയായിരുന്നു. ലക്ഷ്യസ്ഥാനത്ത് എത്തുന്നതിന് മുമ്പ് ഡ്രോൺ തകർത്തതായും സംഭവത്തിൽ ആളപായമോ വസ്തുവകകൾക്ക് നാശനഷ്ടമോ ഉണ്ടായിട്ടില്ലെന്നും സേന അറിയിച്ചു. യെമന്റെ അതിർത്തി പ്രദേശങ്ങളുടെ സുരക്ഷയും സ്ഥിരതയും ലക്ഷ്യമിട്ടുള്ള ഭീഷണികളെയും ശത്രുതാപരമായ നീക്കങ്ങളെയും നേരിടുന്നതിനായി നടപടികൾ തുടരുമെന്ന് എമർജൻസി ഫോഴ്‌സ് വ്യക്തമാക്കി. സൗദി അറേബ്യയുമായുള്ള യെമന്റെ പ്രധാന കര അതിർത്തി പ്രവേശനകവാടമാണ് അൽ വദിയ. ഇരു രാജ്യങ്ങൾക്കുമിടയിലെ പ്രധാന ഗതാഗത, വ്യാപാര കേന്ദ്രം കൂടിയാണിത്. മറ്റൊരു സംഭവത്തിൽ, ബാബ് അൽ മന്ദബ് കടലിടുക്കിൽ സ്ഫോടകവസ്തുക്കൾ നിറച്ച ഹൂതി ബോട്ട് നാവികസേനാ വിഭാഗങ്ങൾ തകർത്തതായി സർക്കാരിനെ പിന്തുണയ്ക്കുന്ന നാഷണൽ റെസിസ്റ്റൻസ് ഫോഴ്‌സ് അറിയിച്ചു. ‘2 December’ വാർത്താ പോർട്ടലാണ് ഇക്കാര്യം റിപ്പോർട്ട് ചെയ്തത്. എന്നാൽ ബോട്ട് എവിടെയാണ് കണ്ടെത്തിയതെന്നും സംഭവത്തിൽ ആളപായമുണ്ടായോ എന്നതടക്കമുള്ള കൂടുതൽ വിശദാംശങ്ങൾ സംഘത്തിന്റെ സൈനിക മാധ്യമ വിഭാഗം പുറത്തുവിട്ടിട്ടില്ല.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ പെട്രോൾ നിറയ്ക്കുന്നതിനിടെ കാറിന്‍റെ എൻജിനിൽ തീ; വൻ അപകടം ഒഴിവായി

Smoke at Kuwait Gas Station കുവൈത്ത് സിറ്റി: കുവൈത്തിലെ സെവൻത് റിങ് റോഡിലെ പെട്രോൾ പമ്പിൽ ഇന്ധനം നിറയ്ക്കുന്നതിനിടെ 2026 മോഡൽ ഏഷ്യൻ വാഹനത്തിന്റെ എൻജിനിൽ നിന്ന് പുക ഉയർന്നത് പരിഭ്രാന്തി സൃഷ്ടിച്ചു. പെട്രോൾ നിറയ്ക്കുന്നതിനിടെ എൻജിനിൽ നിന്ന് പുക ഉയരുന്നത് ശ്രദ്ധയിൽപ്പെട്ടതോടെ ഡ്രൈവർ ഉടൻ വാഹനത്തിൽ നിന്ന് പുറത്തിറങ്ങി. പെട്രോൾ പമ്പ് ജീവനക്കാരുടെ സഹായത്തോടെ ഡ്രൈവർ ഫയർ എക്സ്റ്റിംഗ്വിഷർ ഉപയോഗിച്ച് തീ നിയന്ത്രിക്കാൻ ശ്രമിച്ചു. ഇവരുടെ സമയോചിതമായ ഇടപെടലിലൂടെ തീ പമ്പുകളിലേക്കും സമീപപ്രദേശങ്ങളിലേക്കും പടരുന്നത് തടയാനായി. ഇതുവഴി കൂടുതൽ ഗുരുതരമായ അപകടം ഒഴിവാക്കാനായതായാണ് വിലയിരുത്തൽ. സംഭവത്തെക്കുറിച്ച് കുവൈത്ത് ആഭ്യന്തര മന്ത്രാലയത്തിന്റെ ഓപ്പറേഷൻസ് റൂമിൽ വിവരം ലഭിച്ചതിനെ തുടർന്ന് ജനറൽ ഫയർ ഫോഴ്‌സ് സ്ഥലത്തെത്തി. അഗ്നിശമന സേന ആവശ്യമായ സാങ്കേതിക നടപടികൾ സ്വീകരിക്കുകയും വാഹനം വിശദമായി പരിശോധിക്കുകയും ചെയ്തു. തീപിടിത്തത്തിന്റെ കാരണം കണ്ടെത്തുന്നതിനായി വാഹനത്തിന്റെ ഡീലർഷിപ്പിനെ വിവരമറിയിക്കുകയും സാങ്കേതിക റിപ്പോർട്ട് തയ്യാറാക്കാൻ ആവശ്യപ്പെടുകയും ചെയ്തു. തീപിടിത്തത്തിന്റെ കൃത്യമായ കാരണം ഇതുവരെ കണ്ടെത്താനായിട്ടില്ല. അന്വേഷണം തുടരുന്നതിനിടെ അധികൃതർ കേസ് രജിസ്റ്റർ ചെയ്തിട്ടുണ്ട്. വാഹനം അടുത്തിടെയാണ് വാങ്ങിയതെന്നും സംഭവത്തിന് തൊട്ടുമുമ്പ് അറ്റകുറ്റപ്പണികൾ നടത്തിയിരുന്നുവെന്നും ഡ്രൈവർ അധികൃതരോട് പറഞ്ഞു. വാഹനത്തെ ‘ദുർനോട്ടം’ ബാധിച്ചതാകാമെന്ന സാധ്യതയും തള്ളിക്കളയാനാകില്ലെന്ന് ഡ്രൈവർ പറഞ്ഞതായി റിപ്പോർട്ടുണ്ട്. എന്നാൽ ഇക്കാര്യത്തിൽ യാതൊരു നിഗമനത്തിലും അധികൃതർ എത്തിയിട്ടില്ല. സാങ്കേതിക തകരാറിനുള്ള സാധ്യതയും അന്വേഷണത്തിന്റെ ഭാഗമായി പരിശോധിച്ചുവരികയാണ്. പെട്രോൾ പമ്പുകളിൽ സുരക്ഷാ നടപടികൾ കർശനമായി പാലിക്കണമെന്ന് അധികൃതർ വാഹനയാത്രക്കാരെ ഓർമിപ്പിച്ചു. പ്രത്യേകിച്ച് ഇന്ധനം നിറയ്ക്കുന്ന സമയത്ത് വാഹനത്തിന്റെ എൻജിൻ നിർബന്ധമായും ഓഫ് ചെയ്യണം. വാഹനത്തിലുണ്ടായ തീപിടിത്തം യാന്ത്രിക തകരാറോ വൈദ്യുത തകരാറോ മൂലമാണോ ഉണ്ടായതെന്ന് സാങ്കേതിക പരിശോധന പൂർത്തിയായ ശേഷമേ വ്യക്തമാകൂ.