Drug-Soaked Sheets Kuwait Airport കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിലെ ടെർമിനൽ 4-ൽ കസ്റ്റംസ് ഉദ്യോഗസ്ഥർ നടത്തിയ പരിശോധനയിൽ വൻ മയക്കുമരുന്ന് ശേഖരം പിടികൂടി. ‘കെമിക്കൽ’ എന്നറിയപ്പെടുന്ന 13.154 കിലോഗ്രാം മാരക ലഹരിമരുന്ന് രാജ്യത്തേക്ക് കടത്താനുള്ള ശ്രമമാണ് കസ്റ്റംസ് പരാജയപ്പെടുത്തിയത്. ലണ്ടനിൽ നിന്ന് സന്ദർശക വിസയിൽ കുവൈത്തിലെത്തിയ ഫ്രഞ്ച് പൗരനാണ് പിടിയിലായത്. ഇയാളുടെ ലഗേജുകളിൽ സംശയം തോന്നിയ കസ്റ്റംസ് ഉദ്യോഗസ്ഥർ വിശദമായ പരിശോധന നടത്തുകയായിരുന്നു. ഇതേത്തുടർന്ന് ലഹരിമരുന്ന് ലായനിയിൽ മുക്കിയ 1,603 എ4 (A4) സൈസ് പേപ്പറുകൾ ഉദ്യോഗസ്ഥർ കണ്ടെടുത്തു. ഈ പേപ്പറുകൾക്ക് ആകെ 13.154 കിലോഗ്രാം ഭാരമുണ്ടായിരുന്നു. കസ്റ്റംസ് പോർട്ട്‌സ് ആന്റ് ഇൻവെസ്റ്റിഗേഷൻ വിഭാഗം ഡെപ്യൂട്ടി ഹെഡിന്റെ നേരിട്ടുള്ള മേൽനോട്ടത്തിലായിരുന്നു പരിശോധന. പിടിച്ചെടുത്ത ലഹരിമരുന്നും പ്രതിയെയും തുടർനടപടികൾക്കായി ജനറൽ അഡ്മിനിസ്ട്രേഷൻ ഫോർ കോംബാറ്റിംഗ് ഡ്രഗ്‌സ് ആൻഡ് ആൽക്കഹോളിന് കൈമാറി. വിദേശത്ത് നിന്ന് എത്തുന്നവരുടെ ലഗേജുകളിൽ കർശന പരിശോധന തുടരുമെന്ന് അധികൃതർ വ്യക്തമാക്കി.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിലെ പ്രമുഖ തീരദേശമേഖല വളഞ്ഞു; പിടികിട്ടാപ്പുള്ളിയും മദ്യപാനികളും കുടുങ്ങി

Kuwait Coast Guard Campaign കുവൈത്ത് സിറ്റി: കുവൈത്തിലെ തീരദേശ മേഖലകളിൽ സുരക്ഷയും സമാധാനവും ഉറപ്പാക്കുന്നതിന്റെ ഭാഗമായി നഖ്അത്ത് ഷംലാനിൽ വിപുലമായ സുരക്ഷാ പരിശോധന നടത്തി. കുവൈറ്റ് ജനറൽ ഡയറക്ടറേറ്റ് ഓഫ് കോസ്റ്റ് ഗാർഡിന്റെ നേതൃത്വത്തിൽ വിവിധ സർക്കാർ വകുപ്പുകളെ ഏകോപിപ്പിച്ചായിരുന്നു ഈ മിന്നൽ പരിശോധന. പബ്ലിക് സെക്യൂരിറ്റി ഡയറക്ടറേറ്റ്, ജനറൽ ഫയർ ഫോഴ്‌സ്, എൻവയോൺമെന്റൽ പോലീസ്, എൻവയോൺമെന്റ് പബ്ലിക് അതോറിറ്റി, കാർഷിക-മത്സ്യവിഭവ അതോറിറ്റി എന്നിവയുടെ സംയുക്ത സഹകരണത്തോടെയാണ് നടപടികൾ പൂർത്തിയാക്കിയത്. സമുദ്രമേഖലയിലെ നിയമലംഘനങ്ങൾ കണ്ടെത്തുക എന്നതായിരുന്നു പരിശോധനയുടെ പ്രധാന ലക്ഷ്യം. 152 പേരെ തടഞ്ഞുനിർത്തി പരിശോധിക്കുകയും രേഖകൾ ഉറപ്പുവരുത്തുകയും ചെയ്തു. വിവിധയിടങ്ങളിൽ ഉപേക്ഷിക്കപ്പെട്ട നിലയിൽ കണ്ടെത്തിയ 32 ബോട്ടുകൾ തിരിച്ചറിഞ്ഞു. ഇവയ്‌ക്കെതിരെ തുടർനടപടികൾ സ്വീകരിക്കും. ജനറൽ ഫയർ ഫോഴ്‌സ് 3 നിയമലംഘനങ്ങൾ രേഖപ്പെടുത്തി. മദ്യപിച്ച നിലയിൽ കണ്ടെത്തിയ രണ്ട് പേരെ കസ്റ്റഡിയിലെടുത്തു. വിവിധ കേസുകളിൽ തിരയുന്ന ഒരു പിടികിട്ടാപ്പുള്ളിയെയും പരിശോധനയ്ക്കിടെ അറസ്റ്റ് ചെയ്തു. പിടികൂടിയവർക്കെതിരെ അതത് വകുപ്പുകൾ നിയമപരമായ നടപടികൾ സ്വീകരിച്ചുവരികയാണെന്ന് അധികൃതർ അറിയിച്ചു. കുവൈറ്റിന്റെ തീരദേശത്തും കടൽ മേഖലയിലും നിയമവാഴ്ച ഉറപ്പാക്കാനും സുരക്ഷ വർദ്ധിപ്പിക്കാനും വരും ദിവസങ്ങളിലും ഇത്തരം പരിശോധനകൾ തുടരുമെന്ന് കോസ്റ്റ് ഗാർഡ് വ്യക്തമാക്കി.