10 Day Pause on Iran Energy Plant വാഷിംഗ്ടൺ: ഇറാനിലെ ഊർജ്ജ കേന്ദ്രങ്ങൾക്ക് നേരെ നടത്തിവന്നിരുന്ന ആക്രമണങ്ങൾ താൽക്കാലികമായി നിർത്തിവെച്ചതായി അമേരിക്കൻ പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. ഇറാൻ സർക്കാരിന്റെ അഭ്യർത്ഥന മാനിച്ചാണ് ഈ തീരുമാനമെന്നും ഇരുരാജ്യങ്ങളും തമ്മിലുള്ള ചർച്ചകൾ പുരോഗമിക്കുകയാണെന്നും അദ്ദേഹം വ്യക്തമാക്കി. തന്റെ ഔദ്യോഗിക സോഷ്യൽ മീഡിയ അക്കൗണ്ടിലൂടെയാണ് ട്രംപ് ഈ നിർണ്ണായക വിവരം പുറത്തുവിട്ടത്. ഏപ്രിൽ 6-ന് ഈസ്റ്റേൺ ടൈം രാത്രി 8 മണി വരെ (10 ദിവസം) ആക്രമണങ്ങൾ ഉണ്ടാകില്ലെന്നാണ് പ്രഖ്യാപനം. ഇറാനുമായുള്ള ചർച്ചകൾ വളരെ പോസിറ്റീവായ രീതിയിലാണ് മുന്നോട്ട് പോകുന്നതെന്നും അദ്ദേഹം കൂട്ടിച്ചേർത്തു. ആക്രമണങ്ങൾ താൽക്കാലികമായി നിർത്തിവെക്കുന്നത് ഏപ്രിൽ 6 രാത്രി 8 മണി വരെയാണ്. “ചർച്ചകൾ തുടരുകയാണ്… അവ വളരെ നന്നായി നടക്കുന്നു,” എന്ന് ട്രംപ് പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/DPuSoSQtxNu92poSVeu3KQ ചർച്ചകൾ പരാജയമാണെന്ന രീതിയിൽ വരുന്ന വാർത്തകൾ അദ്ദേഹം തള്ളിക്കളഞ്ഞു. നയതന്ത്രപരമായ നീക്കങ്ങളിലൂടെ പ്രശ്നപരിഹാരത്തിനുള്ള ഒരു അവസരമായാണ് ഈ പത്ത് ദിവസത്തെ ഇടവേളയെ ലോകം നോക്കിക്കാണുന്നത്. മേഖലയിലെ സംഘർഷം കുറയ്ക്കുന്നതിനുള്ള ആദ്യപടിയായി ഈ വെടിനിർത്തലിനെ വിലയിരുത്തുന്നു. ചർച്ചകളെക്കുറിച്ചോ വെടിനിർത്തൽ അഭ്യർത്ഥനയെക്കുറിച്ചോ ഇറാൻ ഔദ്യോഗികമായി ഇതുവരെ പ്രതികരിച്ചിട്ടില്ല. കഴിഞ്ഞ കുറച്ചു കാലമായി ഇരുരാജ്യങ്ങളും തമ്മിലുള്ള സൈനിക നീക്കങ്ങളും പ്രധാന അടിസ്ഥാന സൗകര്യങ്ങൾക്ക് നേരെയുള്ള ആക്രമണങ്ങളും മേഖലയിൽ വലിയ ആശങ്കയുണ്ടാക്കിയിരുന്നു.

കുവൈത്തിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

കുവൈത്ത്: സ്ഫോടനശബ്ദങ്ങളിൽ പരിഭ്രാന്തരാകരുത്; ജാഗ്രത പാലിക്കാൻ സൈന്യത്തിന്റെ നിർദേശം

Missile Drone Attacks Kuwait കുവൈത്ത് സിറ്റി: വെള്ളിയാഴ്ച പുലർച്ചെയുണ്ടായ ശത്രുരാജ്യങ്ങളുടെ മിസൈൽ, ഡ്രോൺ ആക്രമണങ്ങളെ കുവൈറ്റ് വ്യോമപ്രതിരോധ സംവിധാനം വിജയകരമായി പ്രതിരോധിച്ചതായി ആർമി ജനറൽ സ്റ്റാഫ് സ്ഥിരീകരിച്ചു. രാജ്യത്തിന്റെ വിവിധ ഭാഗങ്ങളിൽ കേട്ട സ്ഫോടനശബ്ദങ്ങൾ പ്രതിരോധ പ്രവർത്തനങ്ങളുടെ ഭാഗമാണെന്ന് സൈന്യം ഔദ്യോഗിക പ്രസ്താവനയിൽ അറിയിച്ചു. രാജ്യത്തിന്റെ സുരക്ഷയ്ക്കും സ്ഥിരതയ്ക്കും ഭീഷണിയായ ആകാശ മാർഗ്ഗമുള്ള നീക്കങ്ങളെ കുവൈത്ത് സേന ശക്തമായി നേരിടുകയാണ്. നിലവിലെ സാഹചര്യം സൈന്യം സൂക്ഷ്മമായി നിരീക്ഷിച്ചുവരികയാണ്. കുവൈത്ത് വ്യോമപ്രതിരോധ യൂണിറ്റുകൾ ശത്രു മിസൈലുകളെയും ഡ്രോണുകളെയും ലക്ഷ്യസ്ഥാനത്ത് എത്തുന്നതിന് മുൻപ് തന്നെ ആകാശത്തുവെച്ച് തകർത്തു. ഇതിന്റെ ഫലമായാണ് പലയിടങ്ങളിലും സ്ഫോടനശബ്ദങ്ങൾ അനുഭവപ്പെട്ടത്. പൗരന്മാരും പ്രവാസികളും പരിഭ്രാന്തരാകരുത്. ഔദ്യോഗിക ഏജൻസികൾ നൽകുന്ന സുരക്ഷാ നിർദ്ദേശങ്ങൾ കർശനമായി പാലിക്കണം. രാജ്യത്തിന്റെ സുരക്ഷ ഉറപ്പാക്കാൻ പ്രതിരോധ സേന സദാസജ്ജമാണ്. ഭീഷണികൾ നേരിടാൻ ആവശ്യമായ എല്ലാ നടപടികളും തുടരുമെന്ന് അധികൃതർ വ്യക്തമാക്കി. 

Oman Air കുവൈത്ത് ഉൾപ്പെടെയുള്ള പ്രധാന സ്ഥലങ്ങളിലേക്കുള്ള വിമാന സർവ്വീസുകൾ റദ്ദാക്കി ഒമാൻ എയർ

Oman Air കുവൈത്ത് സിറ്റി: കുവൈത്ത് ഉൾപ്പെടെയുള്ള പ്രധാന സ്ഥലങ്ങളിലേക്കുള്ള വിമാന സർവ്വീസുകൾ റദ്ദാക്കി ഒമാൻ എയർ. മേഖലയിലുടനീളം വ്യോമാതിർത്തി അടച്ചിടൽ തുടരുന്നതിനാൽ നിരവധി അന്താരാഷ്ട്ര, പ്രാദേശിക വിമാന സർവ്വീസുകൾ താത്ക്കാലികമായി നിർത്തിവെച്ചതായി ഒമാൻ എയർ അറിയിച്ചു. ദുബായ് അന്താരാഷ്ട്ര വിമാനത്താവളം, ബഹ്‌റൈൻ അന്താരാഷ്ട്ര വിമാനത്താവളം, ഹമദ് അന്താരാഷ്ട്ര വിമാനത്താവളം, കുവൈത്ത് അന്താരാഷ്ട്ര വിമാനത്താവളം, ഖസബ് വിമാനത്താവളം എന്നിവ ഉൾപ്പെടെ പ്രധാന സ്ഥലങ്ങളിലേക്കുള്ള സർവ്വീസുകൾ 2026 ഏപ്രിൽ 15 വരെ റദ്ദാക്കുമെന്ന് ഒമാൻ എയർ വ്യക്തമാക്കി.

ബുക്കിംഗുകൾ തടസപ്പെട്ട യാത്രക്കാർ ഔദ്യോഗിക വെബ്‌സൈറ്റ് അല്ലെങ്കിൽ മൊബൈൽ ആപ്ലിക്കേഷൻ വഴി റിസർവ്വേഷനുകൾ കൈകാര്യം ചെയ്യണമെന്ന് എയർലൈൻ നിർദ്ദേശം നൽകി. സ്ഥിതിഗതികൽ മെച്ചപ്പെടുന്നതോടെ അമ്മാനിലേക്കും ദമ്മാമിലേക്കുമുള്ള വിമാന സർവ്വീസുകൾ 2026 ഏപ്രിൽ ഒന്നു മുതൽ പുന:രാംരംഭിക്കും. യാത്രക്കാർക്കുണ്ടായ ബുദ്ധിമുട്ടിൽ ഖേദം പ്രകടിപ്പിക്കുന്നുവെന്നും എയർലൈൻസ് അധികൃതർ കൂട്ടിച്ചേർത്തു.