Jordan Downs Iranian Missiles കുവൈത്ത് സിറ്റി: കഴിഞ്ഞ രാത്രി തങ്ങളുടെ വ്യോമാതിർത്തി ലക്ഷ്യമാക്കി ഇറാൻ തൊടുത്ത എട്ട് മിസൈലുകൾ ജോർദാന്റെ വ്യോമപ്രതിരോധ സംവിധാനങ്ങൾ വിജയകരമായി തടസ്സപ്പെടുത്തുകയും തകർക്കുകയും ചെയ്തതായി ജോർദാൻ സായുധ സേന അറിയിച്ചു. കൃത്യമായ ഇടപെടലിലൂടെ വൻ നാശനഷ്ടങ്ങളും ആളപായവും ഒഴിവാക്കാൻ കഴിഞ്ഞതായി സൈന്യം വ്യക്തമാക്കി. മിസൈലുകൾ തകർത്തതിനെ തുടർന്ന് ആർക്കും പരിക്കേൽക്കുകയോ ഭൗതികമായ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ജോർദാൻ സൈന്യം പ്രസ്താവനയിൽ അറിയിച്ചു. മിസൈൽ അവശിഷ്ടങ്ങൾ വീണ സ്ഥലങ്ങൾ സുരക്ഷിതമാക്കാനും പൊതുജനങ്ങളുടെ സുരക്ഷ ഉറപ്പാക്കാനുമായി എഞ്ചിനീയറിംഗ് വിഭാഗത്തെ ഉടൻ തന്നെ നിയോഗിച്ചു. മേഖലയിൽ സംഘർഷം കനക്കുന്ന പശ്ചാത്തലത്തിൽ, കൂടുതൽ ഭീഷണികളെ പ്രതിരോധിക്കാൻ സൈന്യം അതീവ ജാഗ്രതയിലാണെന്നും ഏത് സാഹചര്യത്തെയും നേരിടാൻ സജ്ജമാണെന്നും അധികൃതർ കൂട്ടിച്ചേർത്തു. ഇറാനും അമേരിക്കയും തമ്മിലുള്ള ശത്രുത വർദ്ധിച്ച സാഹചര്യത്തിലാണ് ഈ സംഭവം.
സ്ഫോടന ശബ്ദങ്ങള് ഉണ്ടായേക്കാം; ജനങ്ങള് പരിഭ്രാന്തരാകേണ്ടതില്ലെന്ന് കുവൈത്ത് സായുധ സേന
Kuwait Security Instructions കുവൈത്ത് സിറ്റി: വ്യോമപ്രതിരോധ സംവിധാനങ്ങൾ ശത്രുതാപരമായ ലക്ഷ്യങ്ങളെ വിജയകരമായി തടഞ്ഞുനിർത്തിയതിന്റെ ഭാഗമായാണ് സ്ഫോടന ശബ്ദങ്ങൾ കേൾക്കുന്നതെന്ന് കുവൈറ്റ് സായുധ സേനയുടെ ജനറൽ സ്റ്റാഫ് സ്ഥിരീകരിച്ചു. ആരും പരിഭ്രാന്തരാകേണ്ടതില്ലെന്നും ബന്ധപ്പെട്ട അധികാരികൾ പുറപ്പെടുവിക്കുന്ന സുരക്ഷാ നിർദ്ദേശങ്ങൾ പൊതുജനങ്ങൾ കർശനമായി പാലിക്കണമെന്നും സായുധ സേന അഭ്യർത്ഥിച്ചു.
