Malayali Nurse Dies in Kuwait കുവൈത്ത് സിറ്റി: കുവൈത്തിൽ ജോലി ചെയ്തിരുന്ന മലയാളി നഴ്സ് നാട്ടിൽ വെച്ച് മരിച്ചു. കുവൈത്ത് ആരോഗ്യ മന്ത്രാലയത്തിന് കീഴിൽ ജാബിർ ആശുപത്രിയിൽ സ്റ്റാഫ് നഴ്സായി ജോലി ചെയ്തിരുന്ന പത്തനംതിട്ട ഏനാദിമംഗലം സ്വദേശിനിയായ ദിവ്യ പ്രശാന്ത് (40) ആണ് മരിച്ചത്. ജാബിർ ആശുപത്രിയിലെ മൈനർ ഒ.ടി. വിഭാഗത്തിൽ സ്റ്റാഫ് നഴ്സായി സേവനമനുഷ്ഠിച്ചുവരികയായിരുന്നു ദിവ്യ. കഴിഞ്ഞ ഏഴ് മാസമായി അസുഖബാധിതയായതിനെ തുടർന്ന് നാട്ടിൽ ചികിത്സയിലായിരുന്നു. ഇതിനിടെയാണ് മരണം. ഭർത്താവ്: പ്രശാന്ത് പ്രസാദ്, മകൻ: ശ്രീ ശബരി, പിതാവ്: പങ്കജാക്ഷൻ പിള്ള, മാതാവ്: രമാദേവി.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

ഐഫോൺ ഉപയോക്താക്കൾക്ക് ജാഗ്രത; വ്യാജ ഡെലിവറി സന്ദേശങ്ങൾ, മുന്നറിയിപ്പുമായി കുവൈത്ത്

Kuwait Warns iPhone Users കുവൈത്ത് സിറ്റി: ആപ്പിളിന്റെ iMessage സേവനം വഴി ഷിപ്പിങ്, ഡെലിവറി കമ്പനികളുടെ പേരിൽ തട്ടിപ്പ് സന്ദേശങ്ങൾ പ്രചരിക്കുന്നതായി കുവൈത്തിലെ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി മുന്നറിയിപ്പ് നൽകി. ഷിപ്പ്മെന്റ് വിവരങ്ങൾ പുതുക്കാനോ ഡെലിവറി ഫീസ് അടയ്ക്കാനോ ആവശ്യപ്പെട്ടാണ് ഇത്തരം വ്യാജ സന്ദേശങ്ങൾ ലഭിക്കുന്നത്. സന്ദേശങ്ങളിലെ സംശയകരമായ ലിങ്കുകൾ വഴി വ്യക്തിഗത വിവരങ്ങളും ബാങ്കിങ്, സാമ്പത്തിക വിവരങ്ങളും തട്ടിയെടുക്കാനാണ് തട്ടിപ്പുകാരുടെ ശ്രമം. ഇത്തരം സന്ദേശങ്ങളിലെ ലിങ്കുകളിൽ ക്ലിക്ക് ചെയ്യുകയോ വ്യക്തിഗത, ബാങ്കിങ് വിവരങ്ങൾ നൽകുകയോ ചെയ്യരുതെന്ന് അധികൃതർ നിർദേശിച്ചു. ഷിപ്പ്മെന്റ് വിവരങ്ങളും പണമടയ്ക്കാനുള്ള ആവശ്യങ്ങളും ബന്ധപ്പെട്ട ഡെലിവറി കമ്പനിയുടെ ഔദ്യോഗിക വെബ്സൈറ്റ് അല്ലെങ്കിൽ മൊബൈൽ ആപ്പ് വഴി മാത്രം പരിശോധിക്കണം. സംശയകരമായ സന്ദേശങ്ങൾ ഡിലീറ്റ് ചെയ്യുകയും അവയെ അനാവശ്യ സന്ദേശങ്ങളായി റിപ്പോർട്ട് ചെയ്യുകയും വേണം. ഡെലിവറി, ഷിപ്പ്മെന്റ് അറിയിപ്പുകളുടെ മറവിൽ വ്യക്തിഗത, സാമ്പത്തിക വിവരങ്ങൾ കൈക്കലാക്കാനുള്ള ശ്രമങ്ങൾ തുടരുന്ന സാഹചര്യത്തിലാണ് CITRAയുടെ മുന്നറിയിപ്പ്. അതേസമയം, സ്മാർട്ട് ഇലക്ട്രോണിക് ഉപകരണങ്ങൾ സുരക്ഷിതമല്ലാത്ത രീതിയിൽ ഉപയോഗിക്കുന്നതിനെതിരെ കുവൈത്ത് ഫയർ ഫോഴ്സും മുന്നറിയിപ്പ് നൽകി. മൊബൈൽ ഫോണുകൾ, ടാബ്ലറ്റുകൾ, ലാപ്ടോപ്പുകൾ തുടങ്ങിയ ഉപകരണങ്ങൾ പ്രത്യേകിച്ച് ചാർജ് ചെയ്യുന്ന സമയത്ത് ശ്രദ്ധയോടെ കൈകാര്യം ചെയ്യണമെന്ന് KFF പബ്ലിക് റിലേഷൻസ് ആൻഡ് മീഡിയ ഡയറക്ടർ ബ്രിഗേഡിയർ ജനറൽ മുഹമ്മദ് അൽ ഗരീബ് വ്യക്തമാക്കി. ചാർജ് ചെയ്യുമ്പോൾ ഉപകരണങ്ങൾ കിടക്കയിലോ മറ്റ് തീപിടിക്കാൻ സാധ്യതയുള്ള പ്രതലങ്ങളിലോ വയ്ക്കരുത്. ഇത് ബാറ്ററി അമിതമായി ചൂടാകാനും തീപിടിത്ത സാധ്യത വർധിപ്പിക്കാനും ഇടയാക്കുമെന്ന് അധികൃതർ മുന്നറിയിപ്പ് നൽകി. ഉപകരണങ്ങൾ ദീർഘനേരം ചാർജറിൽ ഘടിപ്പിച്ചിടുന്നത് ഒഴിവാക്കണം. അമിതമായി ചൂടാകുന്ന തരത്തിൽ ഉപകരണങ്ങൾ ഉപയോഗിക്കാതിരിക്കണമെന്നും ബാറ്ററിയിലോ ഉപകരണത്തിലോ അസാധാരണമായ ലക്ഷണങ്ങൾ ശ്രദ്ധയിൽപ്പെട്ടാൽ ഉടൻ നടപടി സ്വീകരിക്കണമെന്നും KFF നിർദേശിച്ചു. തീപിടിത്തമോ മറ്റേതെങ്കിലും അടിയന്തര സാഹചര്യമോ ഉണ്ടായാൽ 112 എന്ന എമർജൻസി നമ്പറിൽ ഉടൻ ബന്ധപ്പെടണം. അപകടസാധ്യതയുള്ള സ്ഥലത്തുനിന്ന് മാറിനിൽക്കുകയും മറ്റുള്ളവരുടെ സുരക്ഷ ഉറപ്പാക്കുകയും വേണമെന്നും അധികൃതർ അറിയിച്ചു.