Dubai International Airport തിരക്കേറിയ യാത്രാ സീസണെ വരവേൽക്കാൻ തയ്യാറെടുപ്പുകളുമായി ദുബായ് വിമാനത്താവളം. 37 ലക്ഷം യാത്രക്കാരെ സ്വീകരിക്കാൻ ചെയ്യാനുള്ള വിപുലമായ തയ്യാറെടുപ്പുകളാണ് പൂർത്തിയായിരിക്കുന്നത്. പ്രതിദിനം ശരാശരി രണ്ടു ലക്ഷത്തി 22,000 യാത്രക്കാരെയാണ് പ്രതീക്ഷിക്കുന്നതെന്ന് ദുബായ് എയർപോർട്ട്സ് അധികൃതർ വ്യക്തമാക്കി. യാത്രക്കാർക്ക് മികച്ച യാത്രാനുഭവം നൽകാനായി ‘വെൽക്കം ടു ദുബായ്’ എന്ന പ്രത്യേക സംരംഭത്തിനും എയർപോർട്ട് തുടക്കം കുറിച്ചു. ബാഗേജ് ക്ലെയിം ഏരിയകളിൽ വിവിധ പരിപാടികളും തത്സമയ സംഗീത പ്രകടനങ്ങളും യാത്രക്കാർക്കായി ക്രമീകരിച്ചിട്ടുണ്ട്. യാത്രക്കാർക്ക് സൗജന്യ ലഘുഭക്ഷണങ്ങളും ട്രീറ്റുകളും തത്സമയ സംഗീതം എന്നിവ ഉൾപ്പെടെയുള്ള പരിപാടികളുണ്ടാകും.

ആഗമന ഹാളിലെത്തുന്ന പ്രിയപ്പെട്ടവരെ സ്വീകരിക്കാൻ പൊതുജനങ്ങൾക്ക് സ്വന്തമായി സ്വാഗത ബോർഡുകൾ ഡിസൈൻ ചെയ്യാനുള്ള പ്രത്യേക പ്ലാറ്റ്ഫോമുകളും സജ്ജമാക്കി. യാത്രക്കാരുടെ ഒഴുക്ക് വർദ്ധിക്കുന്ന കാലയളവിനെ നേരിടാൻ 24 മണിക്കൂറും സജ്ജമായ പ്രവർത്തനങ്ങളോടെയാണ് ദുബായ് വിമാനത്താവളം ഒരുങ്ങിയിരിക്കുന്നത്. ഇക്കാലയളവിൽ പ്രതീക്ഷിക്കുന്ന ആകെ യാത്രക്കാരുടെ 46 ശതമാനവും ട്രാൻസിറ്റ് യാത്രക്കാരാണ്. പ്രതിദിനം ശരാശരി 1,22,000 യാത്രക്കാരെ പ്രതീക്ഷിക്കുന്നതായി ദുബായ് എയർപോർട്ട്സ് ചീഫ് ഓപ്പറേറ്റിംഗ് ഓഫീസർ മജീദ് അൽ ജോക്കർ പറഞ്ഞു.

സുഗമവും സുഖകരവുമായ യാത്രാനുഭവം ഉറപ്പാക്കാൻ ‘വൺ ഡി എക്‌സ് ബി’ എയർപോർട്ട് കമ്മ്യൂണിറ്റിയുടെ കീഴിലുള്ള വിവിധ ഏജൻസികൾ ഏകോപിപ്പിച്ചാണ് പ്രവർത്തിക്കുന്നത്. ഇമിഗ്രേഷൻ നടപടികൾ, ബാഗേജ് ക്ലെയിം, ഗ്രൗണ്ട് ട്രാൻസ്പോർട്ട് സേവനങ്ങൾ എന്നിവ തടസ്സമില്ലാതെ നടപ്പിലാക്കാൻ ഓപ്പറേഷൻസ് ടീമുകൾ മുഴുവൻ സമയവും പ്രവർത്തിക്കും.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

യാത്രക്കാരുടെ ശ്രദ്ധയ്ക്ക്; യുഎഇയിലെ ഈ റോഡിൽ ഗതാഗത നിയന്ത്രണം

Traffic restrictions ഷാർജ: ഷാർജയിലെ അൽ ഹസാനയ്ക്ക് സമീപമുള്ള ഡ്യുവൽ കാരിയേജ് വേ ആറ് ദിവസത്തേക്ക് ഭാഗികമായി അടച്ചിടും. ഷാർജ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയാണ് ഇക്കാര്യം അറിയിച്ചത്. ഷാർജയിലെ വാഹന യാത്രക്കാർ അവരുടെ യാത്രകൾ മുൻകൂട്ടി ആസൂത്രണം ചെയ്യണമെന്നും യാത്രക്കായി ബദൽ പാതകൾ ഉപയോഗിക്കണമെന്നും അതോറിറ്റി നിർദ്ദേശിച്ചു.

റോഡ് അറ്റകുറ്റപ്പണികളും അടിസ്ഥാന സൗകര്യ വികസന പ്രവർത്തനങ്ങളുമായി ബന്ധപ്പെട്ടാണ് താൽക്കാലിക അടച്ചിടൽ. കാലതാമസം ഒഴിവാക്കാൻ ഡ്രൈവർമാർ അംഗീകൃത വഴിതിരിച്ചുവിടലുകൾ പിന്തുടരാനും ബദൽ റൂട്ടുകൾ ഉപയോഗിക്കാനും അഭ്യർത്ഥിക്കുന്നു. ഓഗസ്റ്റ് 23 ഞായറാഴ്ച മുതൽ ഓഗസ്റ്റ് 28 വെള്ളിയാഴ്ച്ച വരെയാണ് അടച്ചിടൽ. സയീദ് ബിൻ ഒബൈദ് അൽ ജർവാൻ സ്‌ക്വയറിൽ നിന്ന് ഷെയ്ഖ് മുഹമ്മദ് ബിൻ സുൽത്താൻ ബു അലിയൻ സ്‌ക്വയറിലേക്കുള്ള റോഡിനെ ഈ അടച്ചിടൽ ബാധിക്കും.