Gold Rate ദുബായ്: ദുബായിൽ സ്വർണവിലയിൽ മുന്നേറ്റം. ഇന്ന് രാവിലെ 24 കാരറ്റ് സ്വർണം ഗ്രാമിന് 541 ദിർഹത്തിലാണ് വ്യാപാരം നടന്നത്. ഒരാഴ്ചയ്ക്കുള്ളിൽ 17.5 ദിർഹത്തിന്റെ വർദ്ധനവാണ് ഉണ്ടായിരിക്കുന്നത്.

ചൊവ്വാഴ്ചത്തെ വിപണി മൂല്യത്തേക്കാൾ 15 ദിർഹവും ബുധനാഴ്ചത്തെ ക്ലോസിങ്ങിനേക്കാൾ ഒരു ദിർഹവും വർധനവാണിത്. 22 കാരറ്റ് സ്വർണത്തിന് ഗ്രാമിന് 501 ദിർഹവും, 21 കാരറ്റിന് 480.5 ദിർഹവും, 18 കാരറ്റിന് 411.75 ദിർഹവും, 14 കാരറ്റിന് 321.25 ദിർഹവുമാണ് ഇന്നത്തെ നിരക്ക്. രാജ്യാന്തര വിപണിയിൽ സ്‌പോട്ട് ഗോൾഡ് വില ഔൺസിന് 0.09 ശതമാനം ഉയർന്ന് 4,491.47 ഡോളറിലെത്തി. വെള്ളി വില 2.16 ശതമാനം ഉയർന്ന് ഔൺസിന് 67.14 ഡോളറിലെത്തി.

അമേരിക്കൻ ട്രഷറി ബോണ്ട് യീൽഡ് ഉയർന്ന നിരക്കുകളിൽ നിന്ന് താഴ്ന്നതും ഡോളറിന്റെ മൂല്യത്തിലുണ്ടായ ഇടിവുമാണ് സ്വർണവില ഉയരാൻ പ്രധാന കാരണം. യുഎസ് പലിശനിരക്കുകളിൽ പെട്ടെന്ന് വലിയ വർധനവുണ്ടായേക്കില്ലെന്ന സൂചനകളും സ്വർണ്ണത്തിന് കരുത്തുപകർന്നു.

പ്രവാസികളുടെ ശ്രദ്ധയ്ക്ക്; 6 ആഴ്ച്ച നാട്ടിലേക്ക് അവധിയ്ക്ക് പോയോ? വേനൽക്കാലം മുഴുവൻ എസി ഓഫാകുമ്പോൾ ദുബായിലെ ഒരു വീട്ടിൽ എന്ത് സംഭവിക്കും?

air conditioner ദുബായ്: യുഎഇയിലെ പ്രവാസികൾ ഉൾപ്പെടെ പല നിവാസികൾക്കും, ഒരു നീണ്ട വേനൽക്കാല അവധി കഴിഞ്ഞ് മടങ്ങുക എന്നതിനർത്ഥം സ്യൂട്ട്‌കേസുകൾ അഴിക്കുക, കുട്ടികളെ സ്‌കൂളിലേക്ക് ഒരുക്കുക, പതിവ് ജോലികളിലേക്ക് മടങ്ങുക എന്നിവയാണ്. എന്നാൽ ചിലരെ വീട്ടിനുള്ളിൽ കാത്തിരിക്കുന്നത് ദുർഗന്ധം, ദുർബലമായ എയർ കണ്ടീഷനിംഗ്, വെള്ളം ചോർന്നൊലിക്കൽ അല്ലെങ്കിൽ പൂപ്പൽ എന്നിവയൊക്കെയാണ്. അൽ ഖൂസിൽ ജോലി ചെയ്യുന്ന എഞ്ചിനീയറായ അബ്ദുൾ ബാസിത് ആറ് ആഴ്ചയോളം വിദേശത്തായിരുന്ന ശേഷം ദുബായിലെ അൽ നഹ്ദയിലെ തന്റെ അപ്പാർട്ട്‌മെന്റിലേക്ക് മടങ്ങിയെത്തിയപ്പോൾ കൃത്യമായി ഇക്കാര്യങ്ങളെല്ലാം അനുഭവിക്കുകയും ചെയ്തു.

വാതിൽ തുറന്ന നിമിഷം അപ്പാർട്ട്‌മെന്റിനുള്ളിൽ വളരെ ശക്തമായ, അസുഖകരമായ ഒരു ദുർഗന്ധം ഉണ്ടായിരുന്നുവെന്ന് അദ്ദേഹം പറയുന്നു. വീട് ഇത്രയും കാലം അടച്ചിട്ടിരുന്നതുകൊണ്ടാണ് ഈ ദുർഗന്ധമെന്നാണ് ആദ്യം കരുതിയത്. ദുർഗന്ധം അപ്രത്യക്ഷമാകുമെന്ന് പ്രതീക്ഷിച്ച് താൻ ജനാലകൾ തുറന്ന് എസി ഓൺ ചെയ്തു. പക്ഷേ അത് പോയില്ലെന്ന് അദ്ദേഹം വ്യക്തമാക്കി. പെട്ടെന്ന് തന്നെ മറ്റൊരു പ്രശ്‌നം ഉണ്ടെന്ന് അദ്ദേഹത്തിന് മനസ്സിലായി. എസി ശരിയായി തണുപ്പിക്കുന്നില്ലായിരുന്നു. എസി പ്രവർത്തിക്കുമ്പോൾ ഒരു വിചിത്രമായ ദുർഗന്ധവും ഉണ്ടായിരുന്നു. ഒരു യൂണിറ്റിൽ നിന്ന് വെള്ളം ഒഴുകുന്നതും അദ്ദേഹത്തിന്റെ ശ്രദ്ധയിൽപ്പെട്ടു. മണിക്കൂറുകൾ നീണ്ട യാത്രയ്ക്ക് ശേഷം, വീട്ടിലെത്തി ഉടൻ തന്നെ എസി അറ്റകുറ്റപ്പണികളും വൃത്തിയാക്കലും ആരംഭിക്കുക എന്നത് ഒരിക്കലും പ്രതീക്ഷിക്കാത്ത കാര്യമാണെന്നും അദ്ദേഹം പറഞ്ഞു.

ദുബായിലെയും ഷാർജയിലെയും ക്ലീനിംഗ്, എസി ടെക്‌നീഷ്യൻമാരുടെ അഭിപ്രായത്തിൽ, വേനൽക്കാല റിട്ടേൺ കാലയളവിൽ ബാസിത്തിന്റെ അനുഭവം അസാധാരണമല്ല. തന്റെ ടീം നിലവിൽ ഒരു ദിവസം കുറഞ്ഞത് മൂന്ന് മുതൽ നാല് വരെ വീടുകൾ സന്ദർശിക്കുന്നുണ്ടെന്നാണ് ഷാർജയിലെ അൽ നഹ്ദയിൽ പ്രവർത്തിക്കുന്ന ക്ലീൻ ടച്ചിലെ ഷംവീൽ ഖാൻ പറയുന്നത്. വേനൽക്കാല അവധി കഴിഞ്ഞ് കുടുംബങ്ങൾ തിരിച്ചുവരാൻ തുടങ്ങിയതോടെ തങ്ങളുടെ ഷെഡ്യൂൾ വളരെ തിരക്കേറിയതായി. ചിലപ്പോൾ എല്ലാ സ്ലോട്ടുകളും ഫിൽ ആയിതിനാൽ ബുക്കിംഗ് അടുത്ത ദിവസത്തേക്ക് മാറ്റേണ്ടി വരുമെന്നും അദ്ദേഹം പറഞ്ഞു. ആഴ്ചകളോളം അടച്ചിട്ടിരിക്കുന്ന വീടുകളിൽ അടിഞ്ഞുകൂടുന്ന പൊടി, ദുർഗന്ധം എന്നിവ മുതൽ എസി വെന്റുകളിലോ ഭിത്തികളിലോ ചുറ്റുമുള്ള നനഞ്ഞ പാടുകൾ, പ്രാണികൾ, പൂപ്പൽ എന്നിങ്ങനെ നിരവധി പ്രശ്‌നങ്ങൾ ഉണ്ടാകാമെന്ന് അദ്ദേഹം വ്യക്തമാക്കി.

അടുക്കളകൾക്കും കുളിമുറികൾക്കും പലപ്പോഴും ഏറ്റവും കൂടുതൽ ശ്രദ്ധ ആവശ്യമാണ്. ആഴ്ചകളായി ഡ്രെയിനുകൾ ഉപയോഗിച്ചിട്ടില്ലെങ്കിൽ, ശക്തമായ ദുർഗന്ധം ഉണ്ടാകാം. ചില സന്ദർഭങ്ങളിൽ, സാധാരണ വൃത്തിയാക്കൽ മതിയാകില്ല. ഡീപ്പ് ക്ലീനീംഗ് ചെയ്താൻ മാത്രമേ ഇത് ഒഴിവാക്കാൻ കഴിയൂ. ‘എസി വളരെക്കാലം ഓഫാക്കിയിരുന്നാൽ ഈർപ്പം അടിഞ്ഞുകൂടും. വീണ്ടും എസി ഓണാക്കുമ്പോൾ ചിലപ്പോൾ ദുർഗന്ധം വമിക്കുന്നതായി താമസക്കാർ പരാതിപ്പെടുന്നുവെന്ന് അദ്ദേഹം ചൂണ്ടിക്കാട്ടി.

യാത്ര ചെയ്യുന്നതിന് മുമ്പ് എസി ഫിൽട്ടറുകൾ സർവീസ് ചെയ്ത് വൃത്തിയാക്കാനും, ചോർച്ചയോ ഭാഗികമായി അടഞ്ഞുപോയ ഡ്രെയിനേജ് ലൈനുകളോ ഉണ്ടോ എന്ന് പരിശോധിക്കാനും വിദഗ്ദ്ധർ ശുപാർശ ചെയ്യുന്നു. നിലവിലുള്ള ചോർച്ചകളോ കണ്ടൻസേഷൻ പ്രശ്‌നങ്ങളോ ആഴ്ചകളോളം അവശേഷിപ്പിക്കുന്നതിനുപകരം ഇവ പരിഹരിക്കണമെന്നും വിദഗ്ധർ കൂട്ടിച്ചേർത്തു.

യുഎഇ ദേശീയ ദിനം; വരുന്നു നീണ്ട അവധി ദിനങ്ങൾ…..

Holiday ദുബായ്: 2026 ലെ യുഎഇയുടെ അവസാന പൊതു അവധി ദിനം ഈദ് അൽ ഇത്തിഹാദ് എന്നറിയപ്പെടുന്ന ദേശീയ ദിനമായിരിക്കും. ഇത് വർഷാവസാനത്തിന് മുമ്പ് വാർഷിക അവധി നീട്ടാൻ താമസക്കാർക്ക് ഒരു അവസാന അവസരം നൽകുന്നു. ശ്രദ്ധാപൂർവ്വമായ ആസൂത്രണത്തിലൂടെ, ജീവനക്കാർക്ക് എത്ര വാർഷിക അവധി ദിവസങ്ങൾ ലഭ്യമാണ് എന്നതിനെ ആശ്രയിച്ച്, രണ്ട് ദിവസത്തെ പൊതു അവധി വളരെ നീണ്ട ഇടവേളയാക്കി മാറ്റാൻ കഴിഞ്ഞേക്കും.

യുഎഇ ദേശീയ ദിനത്തോടനുബന്ധിച്ച് പൊതു അവധി രണ്ട് ദിവസമാണ്. ഡിസംബർ 2, 3 തീയതികളിൽ പൊതു, സ്വകാര്യ മേഖലകൾക്ക് അവധിയായിരിക്കും. 2026 ൽ, ആ തീയതികൾ ബുധനാഴ്ചയും വ്യാഴാഴ്ചയും ആയിരിക്കും. എന്നിരുന്നാലും, അവധി ആഴ്ചയുടെ തുടക്കത്തിലേക്കോ അവസാനത്തിലേക്കോ മാറ്റാൻ സാധ്യതയുണ്ട്.

2024-ലെ 27-ാം നമ്പർ മന്ത്രിസഭാ പ്രമേയം പ്രകാരം, മന്ത്രിസഭയ്ക്ക് ഔദ്യോഗിക തീരുമാനത്തിലൂടെ യോഗ്യമായ പൊതു അവധി ദിനങ്ങൾ ആഴ്ചയുടെ തുടക്കത്തിലേക്കോ അവസാനത്തിലേക്കോ മാറ്റാൻ കഴിയും. ഈദ് അവധി ദിനങ്ങൾക്ക് ഇത് ബാധകമല്ല. അവധി ആഴ്ചയുടെ തുടക്കത്തിലേക്കോ അവസാനത്തിലേക്കോ മാറ്റാം, പകരം വാരാന്ത്യവുമായി സംയോജിപ്പിക്കുമ്പോൾ താമസക്കാർക്ക് നാല് ദിവസത്തെ ഇടവേള ലഭിക്കും.

ഓപ്ഷൻ 1: അഞ്ച് ദിവസത്തെ ഇടവേളയ്ക്ക് വേണ്ടി ഒരു ദിവസത്തെ അവധി എടുക്കുക.

ദേശീയ ദിന അവധി ദിവസങ്ങൾ ബുധനാഴ്ചയും വ്യാഴാഴ്ചയും തുടരുകയാണെങ്കിൽ, ജീവനക്കാർക്ക് ഡിസംബർ 4 വെള്ളിയാഴ്ച വാർഷിക അവധിയായി എടുക്കാം.

അങ്ങനെയെങ്കിൽ ഡിസംബർ 2 ബുധനാഴ്ച മുതൽ ഡിസംബർ 6 ഞായറാഴ്ച വരെ തുടർച്ചയായി അഞ്ച് ദിവസം ജോലിയിൽ നിന്ന് വിട്ടുനിൽക്കേണ്ടിവരും. അതിൽ രണ്ട് പൊതു അവധി ദിനങ്ങൾ, വാർഷിക അവധി ദിനം, വാരാന്ത്യം എന്നിവ ഉൾപ്പെടുന്നു.

വാർഷിക അവധിയുടെ ഭൂരിഭാഗവും ഇതിനകം ഉപയോഗിച്ചെങ്കിലും ദേശീയ ദിന അവധി നീട്ടാൻ ആഗ്രഹിക്കുന്ന ജീവനക്കാർക്ക് ഇത് ഉപയോഗപ്രദമായ ഒരു ഓപ്ഷനായിരിക്കാം.

ഓപ്ഷൻ 2: ആറ് ദിവസത്തെ ഇടവേളയ്ക്ക് രണ്ട് ദിവസത്തെ അവധി എടുക്കുക.

രണ്ട് ദിവസത്തെ വാർഷിക അവധി ലഭ്യമായ ജീവനക്കാർക്ക് നവംബർ 30 തിങ്കളാഴ്ചയും ഡിസംബർ 1 ചൊവ്വാഴ്ചയും അവധി എടുക്കാം.

അവധി ദിവസങ്ങൾക്ക് മുമ്പുള്ള ശനി-ഞായർ വാരാന്ത്യങ്ങളും രണ്ട് ദേശീയ ദിന അവധി ദിനങ്ങളും കൂടി ചേർത്താൽ, നവംബർ 28 ശനിയാഴ്ച മുതൽ ഡിസംബർ 3 വ്യാഴം വരെ തുടർച്ചയായി ആറ് ദിവസങ്ങൾ ജോലിയിൽ നിന്ന് വിട്ടുനിൽക്കേണ്ടി വരും. ഡിസംബർ 4 വെള്ളിയാഴ്ച ജീവനക്കാർ ജോലിയിൽ തിരിച്ചെത്തും.

ഓപ്ഷൻ 3: ഒമ്പത് ദിവസത്തെ ഇടവേളയ്ക്ക് മൂന്ന് ദിവസത്തെ അവധി എടുക്കുക.

ഈ ക്രമീകരണത്തിന് കീഴിലുള്ള ഏറ്റവും ദൈർഘ്യമേറിയ ഇടവേളയ്ക്ക്, ജീവനക്കാർക്ക് നവംബർ 30 തിങ്കളാഴ്ചയും, ഡിസംബർ 1 ചൊവ്വാഴ്ചയും, ഡിസംബർ 4 വെള്ളിയാഴ്ചയും വാർഷിക അവധിയായി എടുക്കാം .

ഇത് മുമ്പത്തെ വാരാന്ത്യത്തെയും രണ്ട് വാർഷിക അവധി ദിവസങ്ങളെയും രണ്ട് ദേശീയ ദിന അവധി ദിവസങ്ങളെയും മറ്റൊരു വാർഷിക അവധി ദിനത്തെയും തുടർന്നുള്ള വാരാന്ത്യത്തെയും ബന്ധിപ്പിക്കും. നവംബർ 28 ശനിയാഴ്ച മുതൽ ഡിസംബർ 6 ഞായറാഴ്ച വരെ തുടർച്ചയായി ഒമ്പത് ദിവസം ജോലിയിൽ നിന്ന് വിട്ടുനിൽക്കും.

അതേസമയം, ലീവ് ബുക്ക് ചെയ്യുന്നതിന് മുമ്പ് നിങ്ങളുടെ തൊഴിലുടമയുമായി ബന്ധപ്പെടണം. പദ്ധതികൾ തയ്യാറാക്കുന്നതിനുമുമ്പ് ജീവനക്കാർ അവരുടെ കമ്പനിയുടെ വാർഷിക അവധി നയം പരിശോധിക്കണം. വാർഷിക അവധി അംഗീകരിക്കുമ്പോൾ ബാധകമാകുന്ന പ്രവർത്തന ആവശ്യകതകൾ തൊഴിലുടമകൾക്ക് ഉണ്ടായിരിക്കാം. അതിനാൽ ജീവനക്കാർ അവരുടെ കമ്പനിയുടെ ഔദ്യോഗിക അവധി സംവിധാനത്തിലൂടെ അഭ്യർത്ഥനകൾ സമർപ്പിക്കുകയും മുൻകൂട്ടി പദ്ധതികൾ തയ്യാറാക്കുകയും വേണം.