flashing traffic signals കുവൈത്ത് സിറ്റി: ട്രാഫിക് സിഗ്നലുകളിൽ ഏർപ്പെടുത്തിയ ഇലക്ട്രോണിക് ഫ്‌ളാഷിംഗ് വാണിംഗ് സിസ്റ്റം രാജ്യത്തുടനീളം വ്യാപിപ്പിക്കാൻ കുവൈത്ത്. റോഡപകടങ്ങൾ കുറയ്ക്കുന്നതിനായാണ് നടപടി. പരീക്ഷണാടിസ്ഥാനത്തിൽ ഈ സംവിധാനം ഏർപ്പെടുത്തിയ സ്ഥലങ്ങളിൽ വാഹനങ്ങൾ പിന്നിലിടിച്ചുണ്ടാകുന്ന അപകടങ്ങൾ ഗണ്യമായി കുറഞ്ഞതിനെത്തുടർന്നാണ് ഫ്‌ളാഷിംഗ് വാണിംഗ് സിസ്റ്റം രാജ്യത്തുടനീളം വ്യാപിപ്പിക്കാൻ ജനറൽ ട്രാഫിക് ഡിപ്പാർട്ട്മെന്റ് തീരുമാനിച്ചത്.

റോഡ് സുരക്ഷ വർദ്ധിപ്പിക്കുന്നതിനും ഡ്രൈവർമാർ, യാത്രക്കാർ, കാൽനടയാത്രക്കാർ എന്നിവരുടെ ജീവനും സ്വത്തിനും സംരക്ഷണം നൽകുന്നതിനുമാണ് ഈ സംവിധാനം നടപ്പിലാക്കുന്നതെന്ന് ട്രാഫിക് എൻഫോഴ്സ്മെന്റ് ഡിപ്പാർട്ട്മെന്റ് ഉദ്യോഗസ്ഥനായ മേജർ മുഹമ്മദ് അൽ-ഗാനം പറഞ്ഞു. ട്രാഫിക് ലൈറ്റുകളിൽ സിഗ്നൽ മാറുന്നതിന് തൊട്ടുമുൻപായി അഞ്ച് തവണ ലൈറ്റ് തുടർച്ചയായി മിന്നുന്നതാണ് ഈ സംവിധാനം. സിഗ്നൽ മാറാൻ പോകുന്നു എന്ന വ്യക്തമായ സൂചന ഡ്രൈവർമാർക്ക് നൽകാൻ ഇത് സഹായിക്കുന്നു.

സിഗ്നൽ മാറുമ്പോൾ വാഹനങ്ങൾ പെട്ടെന്ന് നിർത്തുന്നതും അത് പിന്നാലെ വരുന്ന വാഹനങ്ങൾ ഇടിക്കാൻ കാരണമാകുന്നതും ശ്രദ്ധയിൽപ്പെട്ടതിനെത്തുടർന്നാണ് ഈ പരിഷ്‌കാരം കൊണ്ടുവന്നത്. പരീക്ഷണാടിസ്ഥാനത്തിൽ ഈ സംവിധാനം ഏർപ്പെടുത്തിയ ഇടങ്ങളിൽ വാഹനങ്ങൾ പിന്നിലിടിച്ചുണ്ടാകുന്ന അപകടങ്ങളിൽ വലിയ കുറവുണ്ടായി. സിഗ്നലുകളിൽ നിൽക്കുമ്പോൾ ഡ്രൈവർമാർ മൊബൈൽ ഫോൺ ഉപയോഗിക്കുന്ന പ്രവണതയും ഇതോടെ കുറഞ്ഞുവെന്ന് അധികൃതർ നിരീക്ഷിച്ചു. സിഗ്നൽ ചുവപ്പാകാൻ പോകുകയാണെന്ന് മുൻകൂട്ടി അറിയുന്നതിലൂടെ ഡ്രൈവർമാർക്ക് സുരക്ഷിതമായി വാഹനം നിർത്താൻ സാധിക്കുന്നു.

അതേസമയം, ഫ്‌ളാഷിംഗ് മുന്നറിയിപ്പ് നൽകിക്കഴിഞ്ഞും സിഗ്നൽ ചുവപ്പായ ശേഷം വാഹനം മുന്നോട്ട് എടുത്താൽ അത് ട്രാഫിക് നിയമലംഘനമായി കണക്കാക്കും. ട്രാഫിക് ക്യാമറകൾ വഴിയും ഓപ്പറേഷൻസ് ഡിപ്പാർട്ട്മെന്റ് വഴിയും ഇത്തരം നിയമലംഘനങ്ങൾ കണ്ടെത്തി പിഴ ചുമത്തും.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

അൽ-ഷഹീദ് പാർക്ക്; മൂന്നാം ഘട്ടത്തിന്റെ ഉദ്ഘാടനം ഒക്ടോബറിൽ

കുവൈത്ത് സിറ്റി: കുവൈത്തിലെ അൽ-ഷഹീദ് പാർക്ക് മൂന്നാം ഘട്ടത്തിന്റെ ഉദഘാടനം ഒക്ടോബറിൽ. ഉദ്ഘാടനത്തിനായുള്ള ഒരുക്കങ്ങൾ കുവൈത്ത് മന്ത്രിസഭ അവലോകനം ചെയ്തു. 2,43,605 ചതുരശ്ര മീറ്ററാണ് പാർക്കിന്റെ വിസ്തീർണ്ണം. ഒക്ടോബർ 1 നാണ് പാർക്കിന്റെ ഉദ്ഘാടനം.

പാർക്കിന്റെ മൂന്നാം ഘട്ടത്തിൽ റെസ്റ്റോറന്റുകൾ, കഫേകൾ, റോമൻ തിയറ്റർ, ഔട്ട്ഡോർ സിനിമ, ജിംനേഷ്യം, ഐസ്-സ്‌കേറ്റിംഗ് റിങ്ക് തുടങ്ങിയ നിരവധി പുതിയ സൗകര്യങ്ങൾ ഉൾപ്പെടുത്തും. ഇതോടെ ഒരു ദേശീയ വിനോദസഞ്ചാര ലാൻഡ്മാർക്കായി പാർക്ക് മാറും.

ഉദ്ഘാടനത്തിന് മുന്നോടിയായി വിനോദവും കുടുംബങ്ങളെ കേന്ദ്രീകരിച്ചുള്ളതുമായ വിവിധ പരിപാടികൾ ഉൾക്കൊള്ളുന്ന വർണ്ണാഭമായ കാർണിവൽ സംഘടിപ്പിക്കുമെന്ന് അമീരി ദിവാൻ അണ്ടർ സെക്രട്ടറി ശൈഖ് അബ്ദുൽ അസീസ് അസ്സബാഹ് വ്യക്തമാക്കി.

ഗതാഗത നിയമലംഘനം; കുവൈത്തിൽ 40 കാരിയ്ക്ക് വൻതുക പിഴ, ഞെട്ടൽ!

Traffic Violations കുവൈത്ത് സിറ്റി: കുവൈത്തിൽ ഗതാഗത നിയമലംഘനത്തെ തുടർന്ന് 40 കാരിയ്ക്ക് വൻ തുക പിഴ. തന്റെ പേരിൽ രജിസ്റ്റർ ചെയ്ത ട്രാഫിക് പിഴകളിൽ ആയിരക്കണക്കിന് കുവൈത്തി ദിനാർ കുടിശികയുണ്ടെന്നറിഞ്ഞ ഞെട്ടലിലാണ് ഇവർ. അമിത വേഗത, ചുവപ്പ് സിഗ്നൽ മറികടക്കൽ, മറ്റ് ഗതാഗത നിയമ ലംഘനങ്ങൾ എന്നിങ്ങനെ ഡസൻ കണക്കിന് നിയമ ലംഘനങ്ങൾ ഇവരുടെ പേരിൽ രജിസ്റ്റർ ചെയ്തിട്ടുണ്ടെന്നാണ് ട്രാഫിക് ഉദ്യോഗസ്ഥർ പറയുന്നത്.

നിയമലംഘനങ്ങളുടെ വൻസംഖ്യ ഉദ്യോഗസ്ഥരെ അത്ഭുതപ്പെടുത്തിയെന്നാണ് പുറത്തുവരുന്ന റിപ്പോർട്ടുകൾ. എന്നാൽ, എല്ലാ നിയമലംഘനങ്ങളും ഒരു വാഹനത്തിന് എതിരെയാണോ അതോ ഈ സ്ത്രീയുടെ പേരിൽ രജിസ്റ്റർ ചെയ്തിരിക്കുന്ന ഒന്നിലധികം വാഹനങ്ങൾക്കെതിരെയാണോയെന്ന കാര്യ വ്യക്തമല്ല. ഇത്രയും വലിയ ഗതാഗത നിയമ ലംഘനങ്ങളുമായി ബന്ധപ്പെട്ട വിശദാംശങ്ങളും സാഹചര്യങ്ങളും പണം നൽകാത്തതിന്റെ കാരണവും ബന്ധപ്പെട്ട അധികാരികൾ അന്വേഷിക്കും എന്നാണ് പുറത്ത് വരുന്ന വിവരം.