Special Squad കുവൈത്ത് സിറ്റി: രാജ്യത്തെ സ്വദേശി പാർപ്പിട മേഖലയിലെ ബാച്ചിലർ ഹൗസിംഗ് കണ്ടെത്താൻ ശക്തമായ പരിശോധനയുമായി കുവൈത്ത്. രാജ്യത്തെ ആറ് ഗവർണറേറ്റുകളിലും പ്രത്യേക ഫീൽഡ് സംഘങ്ങൾ രൂപീകരിച്ചതായി കുവൈത്ത് നഗരസഭ അധികൃതർ വ്യക്തമാക്കി. ഇത്തരം കേന്ദ്രങ്ങളിൽ കുടുംബേതരമായി താസിക്കുന്നവരുടെ സാന്നിധ്യം കണ്ടെത്തുക, ഇതുസംബന്ധിച്ച വിവരങ്ങൾ ശേഖരിക്കുക, പ്രദേശവാസികളുടെ സൗകര്യങ്ങളെയും സാമൂഹിക ഘടനയെയും ബാധിക്കുന്ന നിയമലംഘനങ്ങൾ തടയുക തുടങ്ങിയ ലക്ഷ്യങ്ങളോടെയാണ് പ്രത്യേക സ്‌ക്വാഡ് രൂപീകരിച്ചത്.

ഇതിനായി ആഭ്യന്തര മന്ത്രാലയം, വൈദ്യുതി-ജലം-പുനരുപയോഗ ഊർജ മന്ത്രാലയം, മാനവ ശേഷി പൊതു സമിതി പരിസ്ഥിതി സംരക്ഷണ സമിതി തുടങ്ങിയ ബന്ധപ്പെട്ട സർക്കാർ ഏജൻസികളുമായി ഏകോപനം ശക്തമാക്കിയിട്ടുണ്ടെന്നും അധികൃതർ അറിയിച്ചു.ഫീൽഡ് സംഘങ്ങൾ നടത്തുന്ന പരിശോധനയുടെ വിശദമായ റിപ്പോർട്ടുകൾ നഗര സഭയിലെ ബന്ധപ്പെട്ട ഉദ്യോഗസ്ഥർക്ക് സമർപ്പിക്കും. നിയമലംഘനം നടത്തുന്ന വീടുകളുടെ എണ്ണം, സ്വീകരിച്ച നടപടികൾ, പുരോഗതി എന്നിവ ഉൾപ്പെടെയുള്ള കണക്കുകൾ എന്നിവ ഉൾപ്പെടുത്തി കൊണ്ടാണ് റിപ്പോർട്ടുകൾ തയ്യാറാക്കുക.

സ്വദേശി പാർപ്പിട മേഖലകളിൽ കുടുംബേതര പുരുഷന്മാർക്ക് വീടുകൾ വാടകയ്ക്ക് നൽകുന്ന ഉടമകൾക്കെതിരെ കർശന നടപടികൾ സ്വീകരിക്കുമെന്നും അധികൃതർ മുന്നറിയിപ്പ് നൽകി. മുൻ കാലങ്ങളിൽ എന്ന പോലെ മുന്നറിയിപ്പ് നൽകുന്നതിൽ മാത്രം നടപടികൾ ഒതുങ്ങില്ലെന്നും, ആവശ്യമെങ്കിൽ വൈദ്യുതി ബന്ധം വിച്ഛേദിക്കൽ, പിഴ ചുമത്തൽ തുടങ്ങിയ നടപടികൾ സ്വീകരിക്കുമെന്നും അധികൃതർ കൂട്ടിച്ചേർത്തു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

പ്രവാസികളുടെ ശ്രദ്ധയ്ക്ക്; വിസയും ലീവ് പെർമിറ്റും ഇനി പഴിയ രീതിയിൽ, കുവൈത്തിൽ സെപ്തംബർ 1 മുതൽ പുതിയ നിയമം

Visa and leave permit കുവൈത്ത് സിറ്റി: കുവൈത്തിൽ എൻട്രി വിസകൾക്കും ലീവ് പെർമിറ്റുകൾക്കും അനുവദിച്ചിരുന്ന സ്വമേധയാ കാലാവധി നീട്ടൽ സംവിധാനം സെപ്റ്റംബർ 1 മുതൽ അവസാനിപ്പിക്കും. കുവൈത്ത് ആഭ്യന്തര മന്ത്രാലയമാണ് ഇക്കാര്യം അറിയിച്ചത്. സെപ്തംബർ ഒന്നു മുതൽ വിസകൾക്കും പെർമിറ്റുകൾക്കും നിയമപ്രകാരം നിശ്ചയിച്ചിട്ടുള്ള സാധാരണ കാലാവധി വീണ്ടും പ്രാബല്യത്തിൽ വരും.

നിലവിൽ കുവൈത്തിലുള്ളവർക്കായി അനുവദിച്ചിരുന്ന എല്ലാ വിഭാഗം സന്ദർശക വിസകളുടെയും ഓട്ടോമാറ്റിക് എക്സ്റ്റൻഷൻ സെപ്തംബർ 1 മുതൽ അവസാനിക്കും. തുടർന്ന് ഓരോ വിസയുടെയും നിയമപരമായ കാലാവധി, ബന്ധപ്പെട്ട നടപടിക്രമങ്ങൾ, നിലവിലുള്ള ചട്ടങ്ങൾ എന്നിവ സാധാരണ രീതിയിൽ ബാധകമാകും. നിലവിൽ കുവൈത്തിന് പുറത്തുള്ള പ്രവാസികൾക്ക് അനുവദിച്ചിരുന്ന ലീവ് പെർമിറ്റുകളുടെ സാധാരണ കാലാവധിയും സെപ്തംബർ 1 മുതൽ പുനഃസ്ഥാപിക്കും. എന്നാൽ ഓഗസ്റ്റ് 31നോ അതിന് മുമ്പോ കുവൈത്തിൽ നിന്ന് പുറത്തുപോയ പ്രവാസികൾക്ക് നിലവിലെ ചട്ടങ്ങൾ പ്രകാരം അനുവദിച്ചിട്ടുള്ള അധിക പ്രത്യേക കാലാവധി തുടർന്നും ലഭിക്കും.

അതേസമയം, പ്രവാസിയുടെ ലീവ് പെർമിറ്റ് എപ്പോൾ അവസാനിക്കുന്നുവെന്ന് സ്ഥിരീകരിക്കുന്നതിനുള്ള ഔദ്യോഗിക രേഖയായി ‘സഹേൽ’ ആപ്പ് വഴി ലഭിക്കുന്ന റെസിഡൻസി പെർമിറ്റ് സ്റ്റാറ്റസ് സർട്ടിഫിക്കറ്റ് പരിഗണിക്കുമെന്ന് ആഭ്യന്തര മന്ത്രാലയം അറിയിച്ചു. വിദേശത്തുള്ള പ്രവാസികൾ സർട്ടിഫിക്കറ്റിൽ രേഖപ്പെടുത്തിയിരിക്കുന്ന കാലാവധിക്കുള്ളിൽ തന്നെ കുവൈത്തിൽ തിരിച്ചെത്തണമെന്നാണ് നിർദ്ദേശം.