Kuwaiti Assaulting Wife കുവൈത്ത് സിറ്റി: ഭാര്യയുമായുണ്ടായ തർക്കത്തിനിടെ മർദിച്ച കേസിൽ കുവൈത്ത് പൗരന് മൂന്ന് മാസം തടവ് ശിക്ഷ വിധിച്ച് മിസ്‌ഡിമീനർ കോടതി. കുവൈത്തിലെ കുടുംബ പീഡന സംരക്ഷണ നിയമത്തിലെ വ്യവസ്ഥകൾ പ്രകാരമാണ് പ്രതിയെ കുറ്റക്കാരനായി കണ്ടെത്തി കോടതി ശിക്ഷ വിധിച്ചത്. എന്നാൽ കേസിൽ അന്തിമ തീരുമാനം ഉണ്ടാകുന്നതുവരെ ശിക്ഷ നടപ്പാക്കുന്നത് കോടതി താൽക്കാലികമായി നിർത്തിവെച്ചു. ഇതിനായി പ്രതിക്ക് 300 കുവൈത്ത് ദിനാർ ജാമ്യം അനുവദിച്ചു. നിലവിലുള്ള നിയമനടപടികൾക്ക് വിധേയമായാണ് കോടതി ഉത്തരവ്. വിധി അന്തിമമായി പ്രാബല്യത്തിൽ വന്നതിന് ശേഷമായിരിക്കും ശിക്ഷ നടപ്പാക്കുക.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ മയക്കുമരുന്ന് കേസുകളിൽ കർശന ശിക്ഷ; പ്രതികൾക്ക് ജീവപര്യന്തം ഉൾപ്പെടെ തടവ്

drug cases verdict kuwait കുവൈത്ത് സിറ്റി: രാജ്യത്തിന്റെ വിവിധ ഭാഗങ്ങളിൽ മയക്കുമരുന്ന് വിരുദ്ധ ഉദ്യോഗസ്ഥർ നടത്തിയ അന്വേഷണങ്ങളുടെയും അറസ്റ്റുകളുടെയും അടിസ്ഥാനത്തിൽ, മയക്കുമരുന്ന് കടത്ത്, കൈവശംവെക്കൽ, ഉപയോഗം തുടങ്ങിയ കുറ്റങ്ങളിൽ കുറ്റക്കാരെന്ന് കണ്ടെത്തിയ നിരവധി പേർക്ക് കുവൈത്ത് ക്രിമിനൽ കോടതിയിലെ വിവിധ ബെഞ്ചുകൾ കർശന ശിക്ഷ വിധിച്ചു. കുവൈത്തിലെ മയക്കുമരുന്നുകളും സൈക്കോട്രോപിക് വസ്തുക്കളും നിയന്ത്രിക്കുന്ന നിയമത്തിലെ ഭേദഗതികൾ പ്രകാരമാണ് വിവിധ കേസുകളിൽ തടവുശിക്ഷയും പിഴയും കോടതി വിധിച്ചത്. മയക്കുമരുന്ന് കടത്തുകയും സൈക്കോട്രോപിക് വസ്തുക്കൾ ഉപയോഗിക്കുകയും ചെയ്ത കേസിൽ ബംഗ്ലാദേശ് പൗരന് ജീവപര്യന്തം തടവും 50,000 കുവൈത്ത് ദിനാർ പിഴയും കോടതി വിധിച്ചു. മറ്റൊരു കേസിൽ, സൈക്കോട്രോപിക് വസ്തുക്കൾ കടത്തുകയും ഉപയോഗിക്കുകയും ചെയ്ത പ്രതിക്ക് 15 വർഷം തടവും 50,000 ദിനാർ പിഴയും വിധിച്ചു. ഈ ശിക്ഷയിൽ മാപ്പ് അനുവദിക്കില്ലെന്നും കോടതി വ്യക്തമാക്കി. മറ്റൊരു പ്രതിക്ക് സൈക്കോട്രോപിക് വസ്തുക്കൾ കടത്തുകയും ഉപയോഗിക്കുകയും ചെയ്തതിനും, ലൈസൻസില്ലാതെ ഒരു പിസ്റ്റളും രണ്ട് വെടിയുണ്ടകളും കൈവശംവെച്ചതിനും, അറസ്റ്റിനിടെ സുരക്ഷാ ഉദ്യോഗസ്ഥരെ ചെറുത്തതിനും 15 വർഷം തടവ് വിധിച്ചു. ജഹ്റ സൂഖിൽ നിന്നാണ് ഇയാളെ അറസ്റ്റ് ചെയ്തത്. ശിക്ഷയിൽ മാപ്പിന് സാധ്യതയില്ലെന്നും കോടതി വ്യക്തമാക്കി. ഹാഷിഷും സൈക്കോട്രോപിക് വസ്തുക്കളും കടത്തിയ കേസിൽ ഒരു കുവൈത്ത് പൗരന് 10 വർഷം തടവും 50,000 ദിനാർ പിഴയും കോടതി വിധിച്ചു. ജനറൽ ഡിപ്പാർട്ട്മെന്റ് ഫോർ നാർക്കോട്ടിക്സ് കൺട്രോൾ നടത്തിയ അന്വേഷണങ്ങളാണ് വിവിധ കേസുകളിലെ പ്രതികളുടെ അറസ്റ്റിലേക്ക് നയിച്ചത്. കുവൈറ്റിലെ വിവിധ മേഖലകളിൽ നിന്നാണ് പ്രതികളെ പിടികൂടിയത്.