Kuwait Employers Electronic Attendance കുവൈത്ത് സിറ്റി: രാജ്യത്തെ തൊഴിൽ പരിശോധനകൾ കൂടുതൽ സുഗമമാക്കുന്നതിനായി പുതിയ നിബന്ധനകളുമായി പബ്ലിക് അതോറിറ്റി ഫോർ മാൻപവർ. എല്ലാ സ്ഥാപനങ്ങളുടെയും കവാടത്തിൽ ഇലക്ട്രോണിക് ഹാജർ പോളിസിയും ക്യുആർ കോഡും വ്യക്തമായി കാണുന്ന രീതിയിൽ പ്രദർശിപ്പിക്കണമെന്ന് അതോറിറ്റി തൊഴിലുടമകൾക്ക് നിർദ്ദേശം നൽകി. പരിശോധനയ്ക്കായി എത്തുന്ന ഉദ്യോഗസ്ഥർക്ക് ഈ ക്യുആർ കോഡ് സ്കാൻ ചെയ്തുകൊണ്ട് സ്ഥാപനത്തിലെ ഹാജർ വിവരങ്ങൾ വേഗത്തിൽ അവലോകനം ചെയ്യാൻ സാധിക്കും. തൊഴിലാളികളുടെ ജോലിയിൽ പ്രവേശിക്കുന്ന സമയവും ജോലി കഴിഞ്ഞ് ഇറങ്ങുന്ന സമയവും കൃത്യമായി രേഖപ്പെടുത്തിയിട്ടുണ്ടോ എന്ന് പരിശോധകർക്ക് ഇതിലൂടെ എളുപ്പത്തിൽ ഉറപ്പുവരുത്താം. തൊഴിൽ വിപണി കൂടുതൽ ക്രമീകൃതമാക്കുന്നതിനും പരിശോധനാ നടപടികൾ ലളിതമാക്കുന്നതിനുമാണ് ഈ പരിഷ്കാരം ഏർപ്പെടുത്തിയിരിക്കുന്നത്. തൊഴിലുടമകൾ ഈ നിർദ്ദേശങ്ങൾ പാലിക്കുന്നത് തൊഴിൽ സാഹചര്യങ്ങൾ കൂടുതൽ കാര്യക്ഷമമാക്കാൻ സഹായിക്കുമെന്ന് അതോറിറ്റി വ്യക്തമാക്കി. എല്ലാ സ്ഥാപനങ്ങളും ഈ ഡിജിറ്റൽ സംവിധാനത്തിലേക്ക് മാറണമെന്നും അധികൃതർ അഭ്യർത്ഥിച്ചു.
കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക
യാത്രക്കാർ ശ്രദ്ധിക്കുക! കുവൈത്തിലെ കിംഗ് ഫഹദ് റോഡിൽ നിയന്ത്രണം; പ്രധാന പാതകൾ 20 ദിവസത്തേക്ക് അടച്ചിടും
King Fahd Road to Close Two Lanes കുവൈത്ത് സിറ്റി: കുവൈത്തിലെ ഏറ്റവും തിരക്കേറിയ പാതകളിലൊന്നായ കിംഗ് ഫഹദ് ബിൻ അബ്ദുൽ അസീസ് അൽ സൗദ് റോഡിൽ (മൊറോക്കോ റോഡ്) ഇന്ന് മുതൽ ഗതാഗത നിയന്ത്രണം ഏർപ്പെടുത്തുമെന്ന് ജനറൽ ട്രാഫിക് ഡിപ്പാർട്ട്മെന്റ് അറിയിച്ചു. റോഡിലെ അറ്റകുറ്റപ്പണികളുടെ ഭാഗമായാണ് നടപടി. 20 ദിവസത്തേക്കാണ് റോഡുകള് അടച്ചിടുക. അബ്ദുള്ള അൽ സാലിം സബർബ് ഭാഗത്തേക്ക് പോകുന്ന റോഡിലെ ഫാസ്റ്റ് ലൈനും മിഡിൽ ലൈനുമാണ് അടയ്ക്കുന്നത്. ഒന്നാം റിംഗ് റോഡ് ഇന്റർസെക്ഷൻ മുതൽ രണ്ടാം റിംഗ് റോഡ് ഇന്റർസെക്ഷനിലെ പാലത്തിന് താഴെയുള്ള ഭാഗം വരെ (അഹമ്മദി ഭാഗത്തേക്ക്). ഈ പാതയിലൂടെ യാത്ര ചെയ്യുന്ന വാഹന ഉടമകൾ അതീവ ജാഗ്രത പാലിക്കണമെന്നും ട്രാഫിക് നിയമങ്ങൾ കർശനമായി പിന്തുടരണമെന്നും അധികൃതർ നിർദ്ദേശിച്ചു. യാത്രാ സമയം ക്രമീകരിക്കുമ്പോൾ പാതകൾ അടച്ചിടുന്നത് കൂടി പരിഗണിക്കണമെന്ന് ജനറൽ ട്രാഫിക് ഡിപ്പാർട്ട്മെന്റ് അറിയിച്ചു.
