കുവൈത്ത് കെ.എം.സി.സി കാഞ്ഞങ്ങാട് മണ്ഡലം പ്രസിഡന്റും സാമൂഹിക പ്രവർത്തകനുമായ കാഞ്ഞങ്ങാട് സ്വദേശി ഹാരിസ് മുട്ടുംതല (50) കുവൈത്തിൽ ഹൃദയാഘാതത്തെ തുടർന്ന് അന്തരിച്ചു.ഷുവൈഖിലെ ജോലി സ്ഥലത്ത് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ഫർവാനിയ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.പരേതരായ മുട്ടുംതല അബ്ദുല്ലയുടെയും ആയിഷയുടെയും മകനാണ് ഹാരിസ്. ബേക്കൽ ഖിദറിലെ ജസീലയാണ് ഭാര്യ. ഹൻഫ, ഹാഷിർ, ഹയ, ഹസീം എന്നിവർ മക്കളാണ്. മിസരിയ, സമീറ എന്നിവർ സഹോദരങ്ങളാണ്.മൃതശരീരം നാട്ടിലെത്തിക്കുന്നതിനുള്ള നടപടികൾ കുവൈത്ത് കെ.എം.സി.സി ഹെൽപ്പ് ഡെസ്കിന്റെ നേതൃത്വത്തിൽ പുരോഗമിക്കുകയാണ്.ഹാരിസ് മുട്ടുംതലയുടെ നിര്യാണത്തിൽ കുവൈത്ത് കെ.എം.സി.സി സംസ്ഥാന കമ്മിറ്റി അനുശോചനം രേഖപ്പെടുത്തി.
കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക
കുവൈത്തിലെ പ്രമുഖ തീരദേശമേഖല വളഞ്ഞു; പിടികിട്ടാപ്പുള്ളിയും മദ്യപാനികളും കുടുങ്ങി
Kuwait Coast Guard Campaign കുവൈത്ത് സിറ്റി: കുവൈത്തിലെ തീരദേശ മേഖലകളിൽ സുരക്ഷയും സമാധാനവും ഉറപ്പാക്കുന്നതിന്റെ ഭാഗമായി നഖ്അത്ത് ഷംലാനിൽ വിപുലമായ സുരക്ഷാ പരിശോധന നടത്തി. കുവൈറ്റ് ജനറൽ ഡയറക്ടറേറ്റ് ഓഫ് കോസ്റ്റ് ഗാർഡിന്റെ നേതൃത്വത്തിൽ വിവിധ സർക്കാർ വകുപ്പുകളെ ഏകോപിപ്പിച്ചായിരുന്നു ഈ മിന്നൽ പരിശോധന. പബ്ലിക് സെക്യൂരിറ്റി ഡയറക്ടറേറ്റ്, ജനറൽ ഫയർ ഫോഴ്സ്, എൻവയോൺമെന്റൽ പോലീസ്, എൻവയോൺമെന്റ് പബ്ലിക് അതോറിറ്റി, കാർഷിക-മത്സ്യവിഭവ അതോറിറ്റി എന്നിവയുടെ സംയുക്ത സഹകരണത്തോടെയാണ് നടപടികൾ പൂർത്തിയാക്കിയത്. സമുദ്രമേഖലയിലെ നിയമലംഘനങ്ങൾ കണ്ടെത്തുക എന്നതായിരുന്നു പരിശോധനയുടെ പ്രധാന ലക്ഷ്യം. 152 പേരെ തടഞ്ഞുനിർത്തി പരിശോധിക്കുകയും രേഖകൾ ഉറപ്പുവരുത്തുകയും ചെയ്തു. വിവിധയിടങ്ങളിൽ ഉപേക്ഷിക്കപ്പെട്ട നിലയിൽ കണ്ടെത്തിയ 32 ബോട്ടുകൾ തിരിച്ചറിഞ്ഞു. ഇവയ്ക്കെതിരെ തുടർനടപടികൾ സ്വീകരിക്കും. ജനറൽ ഫയർ ഫോഴ്സ് 3 നിയമലംഘനങ്ങൾ രേഖപ്പെടുത്തി. മദ്യപിച്ച നിലയിൽ കണ്ടെത്തിയ രണ്ട് പേരെ കസ്റ്റഡിയിലെടുത്തു. വിവിധ കേസുകളിൽ തിരയുന്ന ഒരു പിടികിട്ടാപ്പുള്ളിയെയും പരിശോധനയ്ക്കിടെ അറസ്റ്റ് ചെയ്തു. പിടികൂടിയവർക്കെതിരെ അതത് വകുപ്പുകൾ നിയമപരമായ നടപടികൾ സ്വീകരിച്ചുവരികയാണെന്ന് അധികൃതർ അറിയിച്ചു. കുവൈറ്റിന്റെ തീരദേശത്തും കടൽ മേഖലയിലും നിയമവാഴ്ച ഉറപ്പാക്കാനും സുരക്ഷ വർദ്ധിപ്പിക്കാനും വരും ദിവസങ്ങളിലും ഇത്തരം പരിശോധനകൾ തുടരുമെന്ന് കോസ്റ്റ് ഗാർഡ് വ്യക്തമാക്കി
