Domestic Violence Kuwait കുവൈത്ത് സിറ്റി: ഭർത്താവിൽ നിന്ന് ശാരീരികപീഡനം അനുഭവിച്ചതായി തെളിഞ്ഞതിനെത്തുടർന്ന്, ഒരു സ്ത്രീക്ക് കുവൈത്ത് കോടതി വിവാഹമോചനം അനുവദിച്ചു. മെഡിക്കൽ റിപ്പോർട്ടുകൾ, നിരീക്ഷണ ദൃശ്യങ്ങൾ, ദമ്പതികളുടെ വീട്ടുജോലിക്കാരിയുടെ മൊഴി എന്നിവയുൾപ്പെടെയുള്ള ശക്തമായ തെളിവുകളുടെ അടിസ്ഥാനത്തിലാണ് കോടതി വിധി പുറപ്പെടുവിച്ചത്. ഹാജരാക്കിയ തെളിവുകൾ കോടതിക്ക് പൂർണമായും ബോധ്യപ്പെട്ടതായി സ്ത്രീയുടെ അഭിഭാഷകൻ മുഹമ്മദ് സഫർ പറഞ്ഞു. ഇത് തന്‍റെ കക്ഷി കഠിനമായ ശാരീരിക പീഡനത്തിന് വിധേയയായിട്ടുണ്ടെന്ന് തെളിയിക്കുന്നതാണ്. ഇത് അവളുടെ ശാരീരികവും മാനസികവുമായ അന്തസിന്റെ ഗുരുതരമായ ലംഘനമാണ്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/EeM9kQDbfi48HR9CEHANYT വിവാഹമോചനം അനുവദിച്ചതിനു പുറമേ, ഭർത്താവില്‍നിന്ന് ഉണ്ടായ ദ്രോഹത്തിന് നഷ്ടപരിഹാരമായി 8,000 കുവൈത്ത് ദിനാർ നൽകാനും കോടതി ഉത്തരവിട്ടു. കുവൈത്തിലെ ഗാർഹിക പീഡനത്തിനെതിരായ പോരാട്ടത്തിൽ ഈ വിധി ഒരു സുപ്രധാന നാഴികക്കല്ലാണെന്ന് സഫർ ഊന്നിപ്പറഞ്ഞു. മനുഷ്യാവകാശ ലംഘനങ്ങൾക്കെതിരെ ഉറച്ച നിലപാട് സ്വീകരിച്ചതിന് ജുഡീഷ്യറിയെ അദ്ദേഹം പ്രശംസിക്കുകയും പീഡനത്തിന് ഇരയായവർ മുന്നോട്ടുവരാൻ ആവശ്യപ്പെടുകയും ചെയ്തു.