Dubai’s Parkin to expand ദുബായ്: പാർക്കിങ് ഓപ്പറേറ്ററായ പാർക്കിൻ കമ്പനി യുഎഇയിലെ മറ്റ് എമിറേറ്റുകളിലേക്കും പ്രവർത്തനം വ്യാപിപ്പിക്കാൻ ഒരുങ്ങുന്നതായി സിഇഒ അറിയിച്ചു. ഗൾഫ് സഹകരണ കൗൺസിൽ രാജ്യങ്ങളിലും പുതിയ അവസരങ്ങൾ സജീവമായി പരിശോധിച്ചുവരികയാണ്. ദുബായ് ആസ്ഥാനമായുള്ള പാർക്കിങ് സേവനദാതാവ് നഗരവികസനം, സ്മാർട്ട് സിറ്റികൾ, മൊബിലിറ്റി അടിസ്ഥാനസൗകര്യങ്ങൾ തുടങ്ങിയ മേഖലകളിലെ നിക്ഷേപ സാധ്യതകളും നിരീക്ഷിച്ചുവരികയാണെന്ന് കമ്പനി സിഇഒ മുഹമ്മദ് അൽ അലി പറഞ്ഞു. “പാർക്കിങ് മാനേജ്മെന്റ് ടെക്നോളജി ഓപ്പറേഷൻ, കൺസൾട്ടിങ്, പങ്കാളിത്ത മാതൃകകൾ തുടങ്ങി വിവിധ രീതികളിലൂടെ യുഎഇയ്ക്ക് പുറത്തുള്ള അവസരങ്ങളും ഞങ്ങൾ പരിശോധിച്ചുവരികയാണ്,” ഖലീജ് ടൈംസിന് നൽകിയ പ്രത്യേക അഭിമുഖത്തിൽ അൽ അലി പറഞ്ഞു. നിലവിലെ ഭൗമരാഷ്ട്രീയ സാഹചര്യം വിലയിരുത്തിയ ശേഷമാണ് അടുത്ത വിപുലീകരണ പദ്ധതി പ്രഖ്യാപിക്കുകയെന്ന് അൽ അലി വ്യക്തമാക്കി. “നിലവിൽ ചില ഓപ്ഷനുകൾ പരിഗണനയിലുണ്ട്. ചർച്ചകൾ നടന്നുവരികയാണ്. മികച്ച അവസരവും സുരക്ഷിതമായ സാഹചര്യവും ഉറപ്പായാൽ പദ്ധതി പ്രഖ്യാപിക്കും,” അദ്ദേഹം പറഞ്ഞു. ഏത് രാജ്യത്തേക്കാണ് വ്യാപനം ലക്ഷ്യമിടുന്നതെന്ന് ഈ ഘട്ടത്തിൽ വ്യക്തമാക്കാൻ സിഇഒ തയ്യാറായില്ല. എന്നാൽ ഗൾഫ് മേഖലയിലേക്കാണ് സാധ്യതയെന്ന് അദ്ദേഹം സൂചന നൽകി. പാർക്കിങ് മാനേജ്മെന്റ്, ഓപ്പറേഷൻ, ടെക്നോളജി മേഖലയിൽ മൂന്ന് പതിറ്റാണ്ടിലേറെ പരിചയമുള്ള കമ്പനിയാണ് പാർക്കിൻ എന്നും ഈ വൈദഗ്ധ്യം ജിസിസിയിലെയും മേഖലയിലെയും മറ്റ് വിപണികളിലേക്കും എളുപ്പത്തിൽ കൈമാറാനാകുമെന്നും അൽ അലി പറഞ്ഞു. അതേസമയം, പാർക്കിൻ കമ്പനി ജൂലൈ മധ്യത്തിൽ അൽ ജദ പ്രദേശത്ത് പണമടച്ച് ടിക്കറ്റ് ആവശ്യമില്ലാത്ത പാർക്കിങ് സംവിധാനം ആരംഭിച്ചിരുന്നു. എമിറേറ്റിലെ പ്രവർത്തനം വിപുലീകരിക്കുന്നതിനനുസരിച്ച് കൂടുതൽ പ്രദേശങ്ങളിൽ ഈ സംവിധാനം നടപ്പാക്കാനാണ് കമ്പനിയുടെ പദ്ധതി.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

ദുബായിൽ ഇനി നൊൽ ട്രാവൽ കാർഡ് ‘ഇവിടെ’യും കിട്ടും

Dubai nol cards ദുബായിൽ താമസിക്കുന്നവർക്കും സന്ദർശകർക്കും യാത്ര കൂടുതൽ സൗകര്യപ്രദമാക്കുന്നതിനായി അൽ അൻസാരി എക്സ്ചേഞ്ച്, ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റിയുമായി സഹകരിച്ച് തിരഞ്ഞെടുത്ത ശാഖകളിൽ നൊൽ ട്രാവൽ കാർഡുകൾ ലഭ്യമാക്കുന്നു. RTAയുടെ അംഗീകൃത നൊൽ ട്രാവൽ കാർഡ് വിതരണക്കാരായ MDX ടെക്നോളജി സൊല്യൂഷൻസ് MEയുമായി സഹകരിച്ചാണ് പദ്ധതി നടപ്പാക്കുന്നത്. ഇതോടെ അൽ അൻസാരി എക്സ്ചേഞ്ചിന്റെ വിവിധ ശാഖകളിലൂടെ ഉപഭോക്താക്കൾക്ക് നൊൽ കാർഡുകൾ എളുപ്പത്തിൽ വാങ്ങാൻ കഴിയും. നൊൽ ട്രാവൽ കാർഡ് ഉപയോഗിച്ച് ദുബായിലെ പൊതുഗതാഗത സംവിധാനങ്ങളിൽ പണം നൽകാതെ യാത്ര ചെയ്യാം. ദുബായ് മെട്രോ, ദുബായ് ട്രാം, പൊതുബസുകൾ, ജലഗതാഗത സംവിധാനങ്ങൾ എന്നിവയ്ക്കും പൊതുപാർക്കിങ്ങിനും കാർഡ് ഉപയോഗിക്കാം. ഗതാഗത സേവനങ്ങൾക്ക് പുറമെ യുഎഇയിലുടനീളം 14,000ലേറെ റീട്ടെയിൽ ഔട്ട്‌ലെറ്റുകളിലും നൊൽ കാർഡ് ഉപയോഗിക്കാം. കൂടാതെ, നൊൽ പേ ആപ്പ് വഴി 200ലേറെ ലൈഫ്‌സ്റ്റൈൽ ഓഫറുകളും ഡിസ്കൗണ്ടുകളും ലഭിക്കും. പണമയയ്ക്കൽ, വിദേശനാണയ വിനിമയം തുടങ്ങിയ സേവനങ്ങൾക്കപ്പുറം ദൈനംദിന പേയ്‌മെന്റ്, ലൈഫ്‌സ്റ്റൈൽ സേവനങ്ങളിലേക്കും അൽ അൻസാരി എക്സ്ചേഞ്ച് പ്രവർത്തനം വ്യാപിപ്പിക്കുന്നതിന്റെ ഭാഗമാണ് പുതിയ നീക്കം.