Malayali Dies Heart Attack Kuwait കുവൈത്ത് സിറ്റി: കുവൈത്തിൽ പാലക്കാട് സ്വദേശിയായ മലയാളി യുവാവ് ഹൃദയാഘാതത്തെ തുടർന്ന് അന്തരിച്ചു. ആലത്തൂർ മേലോർക്കോട് ചിറ്റിലഞ്ചേരി സ്വദേശി കൊന്നല്ലൂർ വീട്ടിൽ സലീം ഹംസ (44) ആണ് മരിച്ചത്. ഫർവാനിയയിലെ ഒരു റെസ്റ്റോറന്റിൽ ജീവനക്കാരനായി ജോലി ചെയ്തുവരികയായിരുന്നു സലീം. ഹൃദയസംബന്ധമായ അസുഖത്തെ തുടർന്ന് കഴിഞ്ഞ കുറച്ചു ദിവസങ്ങളായി ആശുപത്രിയിൽ ചികിത്സയിലായിരുന്നു. ചികിത്സയിലിരിക്കെയാണ് മരണം സംഭവിച്ചത്. ഭാര്യ: സീനത്ത്. മകൻ: അമീൻ. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങൾ പുരോഗമിക്കുകയാണെന്ന് ബന്ധുക്കളും സുഹൃത്തുക്കളും അറിയിച്ചു. സലീമിന്റെ അപ്രതീക്ഷിത വിയോഗത്തിൽ പ്രവാസി സമൂഹവും സഹപ്രവർത്തകരും അനുശോചിച്ചു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ അഞ്ഞൂറിലധികം മരുന്നുകൾക്ക് കൂടി വില കുറച്ചു; ഇവയ്ക്ക് ഇനി ചെലവ് കുറയും

medicines price cuts kuwait കുവൈത്ത് സിറ്റി: കുവൈത്തിൽ രോഗികൾക്ക് വലിയ ആശ്വാസം നൽകിക്കൊണ്ട് 517 മരുന്നുകളുടെയും ഫാർമസ്യൂട്ടിക്കൽ ഉൽപ്പന്നങ്ങളുടെയും വില കുറയ്ക്കാൻ ആരോഗ്യ മന്ത്രാലയം തീരുമാനിച്ചു. ആരോഗ്യ മന്ത്രി ഡോ. അഹമ്മദ് അബ്ദുൽ വഹാബ് അൽ അവാദി ഇത് സംബന്ധിച്ച ഔദ്യോഗിക ഉത്തരവ് പുറപ്പെടുവിച്ചു. പുതിയ തീരുമാനത്തോടെ കഴിഞ്ഞ മൂന്ന് വർഷത്തിനിടെ കുവൈറ്റിൽ വില കുറച്ച ആകെ മരുന്നുകളുടെ എണ്ണം 2,760 ആയി ഉയർന്നു. ഇതോടെ ഗൾഫ് സഹകരണ കൗൺസിൽ രാജ്യങ്ങളിൽ ഏറ്റവും കുറഞ്ഞ മരുന്ന് വില കുവൈത്തിലാണെന്ന് മന്ത്രാലയം വ്യക്തമാക്കി.

വില കുറയുന്ന പ്രധാന മരുന്നുകൾ:

ക്യാൻസർ ചികിത്സയ്ക്കുള്ള മരുന്നുകൾ, കൊളസ്ട്രോൾ കുറയ്ക്കാനുള്ള ആധുനിക ഔഷധങ്ങൾ, അപസ്മാരം, അലർജി, വിവിധതരം വേദനസംഹാരികൾ, ആന്റിബയോട്ടിക്സ്, ഫംഗസ് അണുബാധയ്ക്കുള്ള മരുന്നുകൾ, പുകവലി നിർത്താൻ സഹായിക്കുന്ന മരുന്നുകൾ എന്നിവ പുതിയ വിലക്കുറവിന്റെ പട്ടികയിൽ ഉൾപ്പെടുന്നു.

ശാസ്‌ത്രീയമായ പഠനങ്ങൾക്കും അന്താരാഷ്ട്ര-മേഖലാ നിലവാരത്തിലുള്ള വില പരിശോധനകൾക്കും ശേഷമാണ് പുതിയ നിരക്കുകൾ നിശ്ചയിച്ചിരിക്കുന്നത്. മരുന്നുകളുടെ ഗുണനിലവാരത്തിലും ഫലപ്രാപ്തിയിലും വിട്ടുവീഴ്ച ചെയ്യാതെ തന്നെ, രോഗികൾക്ക് മിതമായ നിരക്കിൽ അവ ലഭ്യമാക്കുകയാണ് മന്ത്രാലയത്തിന്റെ ലക്ഷ്യം. വിപണിയിലെ കൃത്യമായ വില നിലവാരം ഉറപ്പാക്കാൻ മരുന്ന് വില നയങ്ങൾ മന്ത്രാലയം നിരന്തരം അവലോകനം ചെയ്തുവരികയാണെന്നും അധികൃതർ അറിയിച്ചു.