Fire at Kuwait Residential Complex കുവൈത്ത് സിറ്റി: കുവൈത്ത് തലസ്ഥാനത്തെ ഒരു പാർപ്പിട സമുച്ചയത്തിന് നേരെ ഇറാന്റെ ഭാഗത്തുനിന്നുണ്ടായ ഡ്രോൺ ആക്രമണത്തെത്തുടർന്ന് തീപിടുത്തം. ബുധനാഴ്ച പുലർച്ചെയാണ് ശത്രുരാജ്യത്തിന്റെ ഡ്രോണുകൾ ഉപയോഗിച്ച് ചതിനിറഞ്ഞ ആക്രമണം നടന്നതെന്ന് അധികൃതർ വ്യക്തമാക്കി. തീപിടുത്തമുണ്ടായ ഉടൻ തന്നെ കുവൈറ്റ് ഫയർ ഫോഴ്‌സ് സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി. അൽ-ഹിലാലി, അൽ-മദീന ഫയർ സ്റ്റേഷനുകളിൽ നിന്നുള്ള അഗ്നിശമന സേനാംഗങ്ങൾ സംയുക്തമായി നടത്തിയ നീക്കത്തിനൊടുവിലാണ് തീ പൂർണ്ണമായും അണയ്ക്കാൻ സാധിച്ചത്. ആക്രമണത്തിൽ ആർക്കും പരിക്കേൽക്കുകയോ ആളപായം സംഭവിക്കുകയോ ചെയ്തിട്ടില്ലെന്ന് കുവൈറ്റ് ഫയർ ഫോഴ്‌സ് വക്താവ് ബ്രിഗേഡിയർ ജനറൽ മുഹമ്മദ് അൽ-ഗരീബ് സ്ഥിരീകരിച്ചു. എന്നാൽ പാർപ്പിട സമുച്ചയത്തിന് വലിയ രീതിയിലുള്ള ഭൗതിക നാശനഷ്ടങ്ങൾ സംഭവിച്ചിട്ടുണ്ട്. രാജ്യത്തിന്റെ സുരക്ഷയെ ബാധിക്കുന്ന ഇത്തരം ആക്രമണങ്ങളെ അതീവ ഗൗരവത്തോടെയാണ് കുവൈറ്റ് അധികൃതർ കാണുന്നത്. സംഭവത്തെക്കുറിച്ച് കൂടുതൽ അന്വേഷണങ്ങൾ നടന്നുവരികയാണെന്നും സുരക്ഷാ മുൻകരുതലുകൾ ശക്തമാക്കിയതായും ബന്ധപ്പെട്ട ഉദ്യോഗസ്ഥർ അറിയിച്ചു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിന്‍റെ സാമ്പത്തിക അടിത്തറ അതീവ സുരക്ഷിതം; വെല്ലുവിളികളെ അതിജീവിച്ച് കരുത്തുറ്റ മുന്നേറ്റം

Kuwait’s financial status കുവൈത്ത് സിറ്റി: ആഗോളതലത്തിലും പ്രാദേശികതലത്തിലുമുള്ള വെല്ലുവിളികൾക്കിടയിലും കുവൈത്തിന്‍റെ സാമ്പത്തിക നില അതീവ സുരക്ഷിതമാണെന്ന് മന്ത്രിസഭാ യോഗം വിലയിരുത്തി. പ്രധാനമന്ത്രി ഷെയ്ഖ് അഹമ്മദ് അബ്ദുള്ള അൽ-അഹമ്മദ് അൽ-സബാഹിന്റെ അധ്യക്ഷതയിൽ ചേർന്ന യോഗത്തിലാണ് രാജ്യത്തിന്റെ സാമ്പത്തിക കരുത്ത് വ്യക്തമാക്കുന്ന റിപ്പോർട്ടുകൾ അവതരിപ്പിച്ചത്. സാമ്പത്തിക കാര്യ നിക്ഷേപ മന്ത്രി അബ്ദുൽ അസീസ് അൽ-മർസൂഖ്, ധനമന്ത്രി ഡോ. യാക്കൂബ് അൽ-രിഫായ് എന്നിവർ ചേർന്ന് രാജ്യത്തിന്റെ സാമ്പത്തിക നിലയെക്കുറിച്ചുള്ള വിശദമായ റിപ്പോർട്ട് അവതരിപ്പിച്ചു. മാർച്ച് 31 വരെയുള്ള കണക്കുകൾ പ്രകാരം രാജ്യത്തിന്റെ ആസ്തികളും ബാധ്യതകളും വിലയിരുത്തി. കുവൈറ്റിന്റെ ‘ജനറൽ റിസർവ്’, ഭാവി തലമുറയ്ക്കായുള്ള പ്രത്യേക ഫണ്ട് എന്നിവ മികച്ച നിലയിലാണെന്നും ഏതൊരു സാമ്പത്തിക വെല്ലുവിളിയെയും നേരിടാൻ രാജ്യത്തിന് തക്കതായ ആസ്തിയുണ്ടെന്നും മന്ത്രിമാർ വ്യക്തമാക്കി. 2026-2027 സാമ്പത്തിക വർഷത്തെ ബജറ്റ് അവലോകന റിപ്പോർട്ടിലെ പ്രധാന കണ്ടെത്തലുകൾ ഇവയാണ്, സർക്കാർ നടപ്പിലാക്കി വരുന്ന സാമ്പത്തിക പരിഷ്കാരങ്ങൾ ഫലം കണ്ടുതുടങ്ങി. ഇത് സമ്പദ്‌വ്യവസ്ഥയെ കൂടുതൽ മത്സരബുദ്ധിയുള്ളതാക്കി മാറ്റും. പുതിയ സാമ്പത്തിക വർഷത്തിൽ എണ്ണയിതര വരുമാനത്തിൽ വലിയ വളർച്ചയുണ്ടാകുമെന്ന് പ്രതീക്ഷിക്കുന്നു. ദീർഘകാലാടിസ്ഥാനത്തിൽ കുവൈത്തിന്‍റെ സാമ്പത്തിക മേഖലയെ കൂടുതൽ സുസ്ഥിരമാക്കാൻ ഈ മാറ്റങ്ങൾ സഹായിക്കും. കുവൈത്തിന്‍റെ സാമ്പത്തിക ഭദ്രത കൂടുതൽ വിദേശ നിക്ഷേപകരെ രാജ്യത്തേക്ക് ആകർഷിക്കുമെന്ന് മന്ത്രിസഭ പ്രത്യാശ പ്രകടിപ്പിച്ചു. കുവൈറ്റിനെ ലോകത്തെ പ്രധാന സാമ്പത്തിക-വാണിജ്യ കേന്ദ്രമാക്കി മാറ്റുക എന്നതാണ് സർക്കാരിന്റെ നയം. ഇതിലൂടെ വരുംതലമുറയ്ക്കായി സുസ്ഥിരമായ തൊഴിലവസരങ്ങൾ സൃഷ്ടിക്കാനാവുമെന്നും സർക്കാർ വ്യക്തമാക്കി. ധനകാര്യ മന്ത്രാലയം അണ്ടർസെക്രട്ടറി അസീൽ അൽ-മുനീഫി, കുവൈത്ത് ഇൻവെസ്റ്റ്‌മെന്റ് അതോറിറ്റി മാനേജിംഗ് ഡയറക്ടർ ഷെയ്ഖ് സൗദ് സലേം അൽ-സബാഹ് തുടങ്ങിയ ഉന്നത ഉദ്യോഗസ്ഥരും യോഗത്തിൽ പങ്കെടുത്തു.