Kuwait Cabinet approves decree-law കുവൈത്ത് സിറ്റി: ആധുനിക ഡിജിറ്റൽ-സാങ്കേതിക മാറ്റങ്ങൾക്കനുസരിച്ച് രാജ്യത്തെ മാധ്യമ പ്രവർത്തനങ്ങളെ നിയന്ത്രിക്കുന്നതിനും സാമ്പത്തിക മേഖല ശക്തിപ്പെടുത്തുന്നതിനും ലക്ഷ്യമിട്ടുള്ള സുപ്രധാന നിയമപരിഷ്കാരങ്ങൾക്ക് കുവൈത്ത് മന്ത്രിസഭ അംഗീകാരം നൽകി. പ്രധാനമന്ത്രി ഷെയ്ഖ് അഹമ്മദ് അബ്ദുള്ള അൽ-അഹമ്മദ് അൽ-സബാഹിന്റെ അധ്യക്ഷതയിൽ ചേർന്ന പ്രതിവാര മന്ത്രിസഭാ യോഗത്തിലാണ് തീരുമാനങ്ങൾ കൈക്കൊണ്ടത്. ആഗോളതലത്തിൽ മാധ്യമ രംഗത്തുണ്ടായ ഡിജിറ്റൽ മുന്നേറ്റങ്ങൾ കണക്കിലെടുത്താണ് പുതിയ മാധ്യമ നിയമം കൊണ്ടുവരുന്നത്. സമൂഹമാധ്യമങ്ങളിലെ ഉള്ളടക്കങ്ങൾക്കും പ്രവർത്തനങ്ങൾക്കും പുതിയ മാർഗ്ഗനിർദ്ദേശങ്ങൾ വരും. ഓൺലൈൻ പരസ്യ മേഖലയെ കൂടുതൽ സുതാര്യമാക്കാൻ നിയമം സഹായിക്കും. പ്രസിദ്ധീകരണങ്ങളുമായി ബന്ധപ്പെട്ട നിയമനിർമ്മാണങ്ങളും പുതിയ ഡിജിറ്റൽ സാഹചര്യങ്ങൾക്കനുസരിച്ച് പരിഷ്കരിക്കും. രാജ്യത്തെ ഇസ്‌ലാമിക് ബോണ്ട് (സുകൂക്ക്) വിപണിയെ ക്രമീകരിക്കുന്നതിനായുള്ള കരട് നിയമത്തിനും മന്ത്രിസഭ അംഗീകാരം നൽകി. ഈ രണ്ട് നിയമങ്ങളും അന്തിമ അനുമതിക്കായി അമീർ ഷെയ്ഖ് മിഷാൽ അൽ-അഹമ്മദ് അൽ-ജാബർ അൽ-സബാഹിന് സമർപ്പിച്ചു. യെമൻ പ്രസിഡൻഷ്യൽ ലീഡർഷിപ്പ് കൗൺസിൽ ചെയർമാൻ റഷാദ് മുഹമ്മദ് അൽ-അലിമി കുവൈറ്റ് അമീറിന് അയച്ച ഔദ്യോഗിക കത്തിനെക്കുറിച്ചും യോഗം വിലയിരുത്തി. ഇരുരാജ്യങ്ങളും തമ്മിലുള്ള സാഹോദര്യ ബന്ധം വിവിധ മേഖലകളിൽ ശക്തിപ്പെടുത്തുന്നതിനെക്കുറിച്ചാണ് കത്തിൽ സൂചിപ്പിക്കുന്നത്. യെമൻ വിദേശകാര്യ മന്ത്രി അഫ്ര അൽ-സൂബയാണ് ഈ കത്ത് കുവൈറ്റ് കിരീടാവകാശി ഷെയ്ഖ് സബാഹ് ഖാലിദ് അൽ-ഹമദ് അൽ-സബാഹിന് കൈമാറിയത്. രാജ്യത്തെ മാധ്യമ രംഗത്തെ നവീകരിക്കാനും സാമ്പത്തിക സുരക്ഷിതത്വം ഉറപ്പാക്കാനുമുള്ള കുവൈറ്റ് സർക്കാരിന്റെ നീക്കങ്ങളെ പ്രവാസി സമൂഹവും പ്രാദേശിക മാധ്യമങ്ങളും വലിയ പ്രാധാന്യത്തോടെയാണ് നോക്കിക്കാണുന്നത്.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

നടുക്കം ! കുവൈത്തിൽ മലയാളി യുവാവിനെ കെട്ടിടത്തിന് താഴെ മരിച്ച നിലയിൽ കണ്ടെത്തി

Malayali Dead Under Building Kuwait കുവൈത്ത് സിറ്റി: കുവൈത്തിലെ അബു ഖലീഫയിൽ പ്രവാസി മലയാളിയെ മരിച്ച നിലയിൽ കണ്ടെത്തി. ആലപ്പുഴ ചെന്നിത്തല സ്വദേശിയായ ഗിരീഷിനെയാണ് (53) ചൊവ്വാഴ്ച വൈകുന്നേരം താമസിക്കുന്ന കെട്ടിടത്തിന് താഴെ മരിച്ച നിലയിൽ കണ്ടെത്തിയത്. വർഷങ്ങളായി കുവൈത്തിൽ സ്വകാര്യ കമ്പനിയിൽ ജോലി ചെയ്തു വരികയായിരുന്ന ഗിരീഷ് കുടുംബത്തോടൊപ്പമാണ് അബു ഖലീഫയിൽ താമസിച്ചിരുന്നത്. ഭാര്യ ലക്ഷ്മി അദാൻ ആശുപത്രിയിലെ സ്റ്റാഫ് നഴ്സായി സേവനമനുഷ്ഠിക്കുകയാണ്. ഇവർക്ക് രണ്ട് പെൺമക്കളാണുള്ളത്. ഇളയ മകൾ കുവൈത്തിൽ ഒമ്പതാം ക്ലാസ് വിദ്യാർത്ഥിനിയാണ്. മൂത്ത മകൾ നാട്ടിൽ എൻജിനീയറിങ് പഠനം നടത്തുകയാണ്. മൃതദേഹം കണ്ടെത്തിയ ഉടൻ തന്നെ പോലീസ് സ്ഥലത്തെത്തി മേൽനടപടികൾ സ്വീകരിച്ചു. ഗിരീഷിന്റെ മരണം സംബന്ധിച്ച് കൂടുതൽ വ്യക്തത വരുത്തുന്നതിനായി മൃതദേഹം ഫോറൻസിക് പരിശോധനയ്ക്കായി അയച്ചിരിക്കുകയാണ്. കുടുംബത്തോടൊപ്പം സന്തോഷത്തോടെ കഴിഞ്ഞിരുന്ന ഗിരീഷിന്റെ ആകസ്മിക വിയോഗം സുഹൃത്തുക്കളെയും ബന്ധുക്കളെയും ഒരുപോലെ സങ്കടത്തിലാഴ്ത്തിയിരിക്കുകയാണ്. ഇൻക്വസ്റ്റ് നടപടികൾക്ക് ശേഷം മൃതദേഹം നാട്ടിലെത്തിക്കാനുള്ള ശ്രമങ്ങൾ നടന്നു വരുന്നു.