Stabbed കുവൈത്ത് സിറ്റി: കുവൈത്തിൽ പള്ളിക്ക് സമീപം യുവാവിന് കുത്തേറ്റു. കുവൈത്തിലെ അൽ-റിഖ പ്രദേശത്ത് പള്ളിയിൽ നിന്ന് സന്ധ്യാ പ്രാർത്ഥന കഴിഞ്ഞ് മടങ്ങുകയായിരുന്ന കുവൈത്തി പൗരനാണ് ആക്രമിക്കപ്പെട്ടത്. സ്വദേശി പൗരനെ ആക്രമിക്കുകയും കുത്തിപ്പരിക്കേൽപ്പിക്കുകയുമായിരുന്നു. സംഭവവുമായി ബന്ധപ്പെട്ട് അഞ്ച് അപരിചിതരായ അക്രമികൾക്കായി പോലീസ് അന്വേഷണം ശക്തമാക്കി.

മുപ്പതുകളിലുള്ള സ്വദേശി പൗരനുമായി അക്രമികളിലൊരാൾ ആദ്യം വാക്കുതർക്കത്തിൽ ഏർപ്പെടുകയായിരുന്നു. തുടർന്ന് മറ്റുള്ളവർ ചേർന്ന് ഇയാളെ തടഞ്ഞുനിർത്തുകയും മർദ്ദിച്ച ശേഷം കുത്തിപ്പരിക്കേൽപ്പിക്കുകയായിരുന്നു. സംഭവസ്ഥലത്തു നിന്ന് ഇവർ രക്ഷപ്പെടുകയും ചെയ്തു. അക്രമികളെ മുൻപരിചയമില്ലെന്നാണ് ഇരയായ യുവാവ് പോലീസിന് നൽകിയിരിക്കുന്ന മൊഴി.

യുവാവിന് ഇരുകൈകൾക്കും കുത്തേറ്റു. ഇയാളുടെ എട്ടാമത്തെ വാരിയെല്ലിന് പൊട്ടലുമുണ്ടായി. രക്തസ്രാവം തടയാൻ ഇയാളെ അടിയന്തര ശസ്ത്രക്രിയയ്ക്ക് വിധേയനാക്കി. കേസ് ഗുരുതരമായ കുറ്റകൃത്യമായി രജിസ്റ്റർ ചെയ്യുകയും കേസ് വിവരങ്ങൾ പബ്ലിക് പ്രോസിക്യൂഷന് കൈമാറുകയും ചെയ്തു. അക്രമികളെ ഉടനടി തിരിച്ചറിഞ്ഞ് അറസ്റ്റ് ചെയ്യാനും കേസിന്റെ യഥാർത്ഥ കാരണം (കവർച്ചാ ശ്രമമാണോ അതോ മറ്റ് എന്തെങ്കിലും വ്യക്തിവിരോധമാണോ എന്നത്) വ്യക്തമാക്കാനും ഡെപ്യൂട്ടി പബ്ലിക് പ്രൊസിക്യൂട്ടർ ഡിറ്റക്ടീവുകൾക്ക് നിർദ്ദേശം നൽകി.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ വാഹനാപകടം; ഒരാൾ മരിച്ചു, പ്രവാസിയ്ക്ക് പരിക്ക്

Accident കുവൈത്ത് സിറ്റി: കുവൈത്തിൽ വാഹനാപകടം. ഫിന്റാസ് ലക്ഷ്യമാക്കി പോയ സെവന്ത് റിംഗ് റോഡിൽ മൂന്ന് വാഹനങ്ങൾ കൂട്ടിയിടിച്ച് നേപ്പാൾ സ്വദേശി മരണപ്പെടുകയും ഇന്ത്യൻ പ്രവാസിക്ക് ഗുരുതരമായി പരിക്കേൽക്കുകയും ചെയ്തു.

നേപ്പാൾ സ്വദേശി ഓടിച്ചിരുന്ന ട്രക്കും ഈജിപ്ഷ്യൻ പൗരൻ ഓടിച്ചിരുന്ന മിനിബസ്സും മറ്റൊരു വാഹനവുമാണ് അപകടത്തിൽപ്പെട്ടത്. കുവൈത്തിലെ അൽ-ഖുസറിലുണ്ടായ അപകടത്തിലും ഒരു പ്രവാസി മരിച്ചു. സംഭവങ്ങളിൽ സുരക്ഷാ വിഭാഗം കേസെടുത്ത് അന്വേഷണം ആരംഭിച്ചു. അൽ-ഖുസൂറിൽ നിർമ്മാണ സ്ഥലത്ത് ജോലി ചെയ്യുന്നതിനിടെ ഉയരത്തിൽ നിന്ന് വീണ് ഈജിപ്ഷ്യൻ സ്വദേശിയായ നിർമ്മാണ തൊഴിലാളി മരണപ്പെട്ടു.

സുരക്ഷാ വീഴ്ചയോ അശ്രദ്ധയോ അപകടത്തിന് കാരണമായിട്ടുണ്ടോ എന്ന് കണ്ടെത്താൻ ഫോറൻസിക് സംഘവും പോലീസും അന്വേഷണം നടത്തുന്നുണ്ട്.