Power Outage കുവൈത്ത് സിറ്റി: കുവൈത്തിലെ ചില ഭാഗങ്ങളിൽ വൈദ്യുതി തടസം. സാൽവയിലെ പ്രധാന സബ്‌സ്റ്റേഷനിലെ ട്രാൻസ്‌ഫോർമർ സാങ്കേതിക തകരാർ മൂലം പ്രവർത്തനരഹിതമായതായി വൈദ്യുതി, ജല, പുനരുപയോഗ, ഊർജ മന്ത്രാലയം അറിയിച്ചു. ഇതിനെ തുടർന്നാണ് വൈദ്യുതി തടസം നേരിട്ടത്. സാൽവയിലെ 7, 8, ബ്ലോക്കുകളിലെ പരിമിതമായ പ്രദേശങ്ങളിൽ വൈദ്യുതി തടസമുണ്ടായി. എത്രയും വേഗം വൈദ്യുതി പുന:സ്ഥാപിക്കാൻ അടിയന്തര സംഘങ്ങൾ സ്ഥലത്തെത്തിയതായി മന്ത്രാലയം വ്യക്തമാക്കി.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ കാലാവസ്ഥാ മാറ്റം; പുതിയ അപ്‌ഡേറ്റുകൾ അറിയാം

Suhail Season കുവൈത്ത് സിറ്റി: കുവൈത്തിൽ കാലാവസ്ഥാ മാറ്റം. കടുത്ത വേനൽച്ചൂടിന് ആശ്വാസമായി ഓഗസ്റ്റ് 24 മുതൽ താപനില കുറയുമെന്ന് അൽ-ഉജൈരി സയന്റിഫിക് സെന്റർ വ്യക്തമാക്കുന്നത്. ‘കുലൈബിൻ’ സീസൺ അവസാന പാദത്തിലേക്ക് കടക്കുന്നതോടെ, 52 ദിവസം നീണ്ടുനിൽക്കുന്ന ‘സുഹൈൽ’ സീസണിന്റെ വരവോടെയാണ് കാലാവസ്ഥയിൽ പ്രകടമായ മാറ്റങ്ങൾ ദൃശ്യമാകുന്നത്. ഒക്ടോബർ 14 വരെയാണ് ഈ സീസൺ നീണ്ടുനിൽക്കുന്നത്.

സുഹൈൽ സീസണിൽ താപനില 50 ഡിഗ്രി സെൽഷ്യസിന് താഴേക്ക് കുത്തനെ കുറയും. രാത്രികാലങ്ങളിൽ മിതമായ കാലാവസ്ഥയും സുഖകരമായ അന്തരീക്ഷവും അനുഭവപ്പെടും. തെക്ക്-കിഴക്കൻ ദിശയിൽ നിന്ന് വീശുന്ന കാറ്റ് മരുഭൂമിയിലെ ചൂടുകാറ്റിന്റെ തീവ്രത കുറയ്ക്കുകയും അന്തരീക്ഷത്തിൽ ഈർപ്പം വർദ്ധിപ്പിക്കുകയും ചെയ്യും. തീരദേശ മേഖലകളിൽ ഉയർന്ന ഈർപ്പം തുടരുമെങ്കിലും, ഇത് മഴ ലഭിക്കുന്നതിനുള്ള സാധ്യത വർദ്ധിപ്പിക്കുന്നു. ‘സുഹൈൽ’ നക്ഷത്രത്തിന്റെ ഉദയത്തോടെ ഭൗമോപരിതലത്തിലെ ചൂട് ശമിക്കുകയും ഭൂമി തണുത്തു തുടങ്ങുകയും ചെയ്യുമെന്നും സെന്റർ കൂട്ടിച്ചേർത്തു.