Automatic Visa Extensions കുവൈത്ത് സിറ്റി: കുവൈത്തിൽ സന്ദർശക വിസകൾക്കും രാജ്യത്തിന് പുറത്തുള്ള പ്രവാസികളുടെ അവധി കാലാവധിക്കും നൽകിയിരുന്ന അസാധാരണ ഇളവുകൾ അവസാനിപ്പിക്കുന്നു. ആഭ്യന്തര മന്ത്രാലയമാണ് ഇക്കാര്യം അറിയിച്ചത്. 2026 സെപ്റ്റംബർ 1 മുതൽ സാധാരണ നിയമങ്ങളും കാലാവധികളും വീണ്ടും പ്രാബല്യത്തിൽ വരുമെന്ന് ആഭ്യന്തര മന്ത്രാലയം വ്യക്തമാക്കി.

നിലവിൽ കുവൈത്തിലുള്ളവരുടെ എല്ലാ തരത്തിലുള്ള എൻട്രി, വിസിറ്റ് വിസകളുടെയും ഓട്ടോമാറ്റിക് എക്സ്റ്റൻഷൻ സെപ്റ്റംബർ 1 ന് അവസാനിക്കും. തുടർന്ന് ഓരോ വിസയ്ക്കും നിയമപ്രകാരം അനുവദിച്ചിരിക്കുന്ന കാലാവധിയും നടപടിക്രമങ്ങളും ബാധകമായിരിക്കും.
അതേസമയം, നിലവിൽ കുവൈത്തിന് പുറത്തുള്ള പ്രവാസികളുടെ ലീവ് പെർമിറ്റുകളുടെ നിയമപരമായ കാലാവധി കണക്കാക്കുന്നതും സെപ്റ്റംബർ 1 മുതൽ പുനരാരംഭിക്കും.

ഓഗസ്റ്റ് 31-നോ അതിന് മുമ്പോ കുവൈത്തിൽ നിന്ന് പുറത്തുപോയ പ്രവാസികൾക്ക്, നിലവിലുള്ള ചട്ടങ്ങൾ അനുസരിച്ച് അനുവദിച്ചിട്ടുള്ള അധിക അസാധാരണ കാലയളവ് തുടരും. പ്രവാസിയുടെ ലീവ് പെർമിറ്റ് കാലാവധി അവസാനിക്കുന്ന തീയതി നിർണയിക്കുന്നതിനുള്ള ഔദ്യോഗിക രേഖ സഹേൽ ആപ്പിലൂടെ ലഭിക്കുന്ന റെസിഡൻസി പെർമിറ്റ് സർട്ടിഫിക്കറ്റ് ആയിരിക്കും. അതിനാൽ കുവൈത്തിലേക്ക് മടങ്ങുന്നവർ സർട്ടിഫിക്കറ്റിൽ രേഖപ്പെടുത്തിയിരിക്കുന്ന കാലാവധി പ്രത്യേകം പരിശോധിച്ച് അതിനുള്ളിൽ രാജ്യത്ത് തിരിച്ചെത്തണമെന്ന് അധികൃതർ നിർദേശം നൽകി.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

കുവൈത്തിൽ കാലാവസ്ഥാ മാറ്റം; പുതിയ അപ്‌ഡേറ്റുകൾ അറിയാം

Suhail Season കുവൈത്ത് സിറ്റി: കുവൈത്തിൽ കാലാവസ്ഥാ മാറ്റം. കടുത്ത വേനൽച്ചൂടിന് ആശ്വാസമായി ഓഗസ്റ്റ് 24 മുതൽ താപനില കുറയുമെന്ന് അൽ-ഉജൈരി സയന്റിഫിക് സെന്റർ വ്യക്തമാക്കുന്നത്. ‘കുലൈബിൻ’ സീസൺ അവസാന പാദത്തിലേക്ക് കടക്കുന്നതോടെ, 52 ദിവസം നീണ്ടുനിൽക്കുന്ന ‘സുഹൈൽ’ സീസണിന്റെ വരവോടെയാണ് കാലാവസ്ഥയിൽ പ്രകടമായ മാറ്റങ്ങൾ ദൃശ്യമാകുന്നത്. ഒക്ടോബർ 14 വരെയാണ് ഈ സീസൺ നീണ്ടുനിൽക്കുന്നത്.

സുഹൈൽ സീസണിൽ താപനില 50 ഡിഗ്രി സെൽഷ്യസിന് താഴേക്ക് കുത്തനെ കുറയും. രാത്രികാലങ്ങളിൽ മിതമായ കാലാവസ്ഥയും സുഖകരമായ അന്തരീക്ഷവും അനുഭവപ്പെടും. തെക്ക്-കിഴക്കൻ ദിശയിൽ നിന്ന് വീശുന്ന കാറ്റ് മരുഭൂമിയിലെ ചൂടുകാറ്റിന്റെ തീവ്രത കുറയ്ക്കുകയും അന്തരീക്ഷത്തിൽ ഈർപ്പം വർദ്ധിപ്പിക്കുകയും ചെയ്യും. തീരദേശ മേഖലകളിൽ ഉയർന്ന ഈർപ്പം തുടരുമെങ്കിലും, ഇത് മഴ ലഭിക്കുന്നതിനുള്ള സാധ്യത വർദ്ധിപ്പിക്കുന്നു. ‘സുഹൈൽ’ നക്ഷത്രത്തിന്റെ ഉദയത്തോടെ ഭൗമോപരിതലത്തിലെ ചൂട് ശമിക്കുകയും ഭൂമി തണുത്തു തുടങ്ങുകയും ചെയ്യുമെന്നും സെന്റർ കൂട്ടിച്ചേർത്തു.

അൽ-ഷഹീദ് പാർക്ക്; മൂന്നാം ഘട്ടത്തിന്റെ ഉദ്ഘാടനം ഒക്ടോബറിൽ

കുവൈത്ത് സിറ്റി: കുവൈത്തിലെ അൽ-ഷഹീദ് പാർക്ക് മൂന്നാം ഘട്ടത്തിന്റെ ഉദഘാടനം ഒക്ടോബറിൽ. ഉദ്ഘാടനത്തിനായുള്ള ഒരുക്കങ്ങൾ കുവൈത്ത് മന്ത്രിസഭ അവലോകനം ചെയ്തു. 2,43,605 ചതുരശ്ര മീറ്ററാണ് പാർക്കിന്റെ വിസ്തീർണ്ണം. ഒക്ടോബർ 1 നാണ് പാർക്കിന്റെ ഉദ്ഘാടനം.

പാർക്കിന്റെ മൂന്നാം ഘട്ടത്തിൽ റെസ്റ്റോറന്റുകൾ, കഫേകൾ, റോമൻ തിയറ്റർ, ഔട്ട്ഡോർ സിനിമ, ജിംനേഷ്യം, ഐസ്-സ്‌കേറ്റിംഗ് റിങ്ക് തുടങ്ങിയ നിരവധി പുതിയ സൗകര്യങ്ങൾ ഉൾപ്പെടുത്തും. ഇതോടെ ഒരു ദേശീയ വിനോദസഞ്ചാര ലാൻഡ്മാർക്കായി പാർക്ക് മാറും.

ഉദ്ഘാടനത്തിന് മുന്നോടിയായി വിനോദവും കുടുംബങ്ങളെ കേന്ദ്രീകരിച്ചുള്ളതുമായ വിവിധ പരിപാടികൾ ഉൾക്കൊള്ളുന്ന വർണ്ണാഭമായ കാർണിവൽ സംഘടിപ്പിക്കുമെന്ന് അമീരി ദിവാൻ അണ്ടർ സെക്രട്ടറി ശൈഖ് അബ്ദുൽ അസീസ് അസ്സബാഹ് വ്യക്തമാക്കി.