US Embassy in Kuwait കുവൈത്ത് സിറ്റി: കുവൈത്തിലെ യുഎസ് എംബസി കോൺസുലർ സേവനങ്ങളിൽ പുതിയ മാറ്റങ്ങളും വിപുലീകരണവും പ്രഖ്യാപിച്ചു. ഇനി മുതൽ വിസ അഭിമുഖത്തിനുള്ള അപ്പോയിന്റ്മെന്റുകൾ ഓൺലൈനായി ബുക്ക് ചെയ്യാൻ അപേക്ഷകർക്ക് സാധിക്കും. അപേക്ഷകരെ വീണ്ടും സ്വീകരിക്കുന്നതിൽ സന്തോഷമുണ്ടെന്ന് എംബസി അറിയിച്ചു. കോൺസുലർ സേവനങ്ങൾ, വിസ നടപടിക്രമങ്ങൾ എന്നിവ സംബന്ധിച്ച കൂടുതൽ വിവരങ്ങൾ അറിയാൻ താൽപര്യമുള്ളവർ യുഎസ് എംബസിയുടെ ഔദ്യോഗിക വെബ്സൈറ്റ് സന്ദർശിക്കണമെന്നും എംബസി നിർദേശിച്ചു.

കുവൈത്തിലെ പുതിയ ജോലി അവസരങ്ങൾ പുതിയ അറിയുവാൻ ഇവിടെ ക്ലിക്ക് ചെയ്യുക

രാജ്യത്തിന് പുറത്തേക്ക് കടക്കാൻ സഹായിച്ചു, കുവൈത്തിൽ കസ്റ്റഡിയിൽ നിന്ന് രക്ഷപ്പെട്ട പ്രതി പിടിയിൽ

Kuwait apprehends fugitive കുവൈത്ത് സിറ്റി: അനധികൃതമായി ഒരാളെ രാജ്യത്തിന് പുറത്തേക്ക് കടക്കാൻ സഹായിച്ച കേസുമായി ബന്ധപ്പെട്ട് കസ്റ്റഡിയിലിരിക്കെ രക്ഷപ്പെട്ട പ്രതിയെ കുവൈത്ത് ആഭ്യന്തര മന്ത്രാലയം വീണ്ടും പിടികൂടി. മന്ത്രാലയത്തിന്റെ അറിയിപ്പ് പ്രകാരം, ബോർഡർ ഇൻവെസ്റ്റിഗേഷൻസ് ഡിപ്പാർട്ട്‌മെന്റ് ആദ്യം പ്രതിയെ അറസ്റ്റ് ചെയ്ത് അന്വേഷണ നടപടികൾ പൂർത്തിയാക്കുന്നതിനായി ജനറൽ ഡിപ്പാർട്ട്‌മെന്റ് ഓഫ് ക്രിമിനൽ ഇൻവെസ്റ്റിഗേഷനിലേക്ക് കൈമാറിയിരുന്നു. ഇതിനിടെയാണ് പ്രതി കസ്റ്റഡിയിൽ നിന്ന് രക്ഷപ്പെട്ടത്. ആഭ്യന്തര മന്ത്രിയും ഒന്നാം ഉപപ്രധാനമന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹിന്റെ നിർദേശപ്രകാരം പ്രതി രക്ഷപ്പെട്ട സാഹചര്യം അന്വേഷിക്കുന്നതിനായി അടിയന്തര അന്വേഷണ സമിതി രൂപീകരിച്ചു. സംഭവത്തിൽ വീഴ്ച വരുത്തിയവരെയും ഉത്തരവാദികളായ വ്യക്തികളെയും കണ്ടെത്തി ആവശ്യമായ നിയമനടപടികൾ സ്വീകരിക്കുമെന്നും മന്ത്രാലയം അറിയിച്ചു. രക്ഷപ്പെട്ട പ്രതിക്കായി തിരച്ചിൽ, അന്വേഷണം, സുരക്ഷാ നടപടികൾ എന്നിവ ശക്തമാക്കിയതിനെ തുടർന്ന് പ്രതിയെ വീണ്ടും പിടികൂടാൻ സാധിച്ചതായി ആഭ്യന്തര മന്ത്രാലയം വ്യക്തമാക്കി. അതേസമയം, തിരച്ചിൽ നേരിടുന്നവരെയോ രക്ഷപ്പെട്ട പ്രതികളെയോ ഒളിപ്പിക്കുകയോ താമസിപ്പിക്കുകയോ ഏതെങ്കിലും തരത്തിൽ സഹായിക്കുകയോ ചെയ്യരുതെന്ന് ആഭ്യന്തര മന്ത്രാലയം പൊതുജനങ്ങൾക്ക് മുന്നറിയിപ്പ് നൽകി. ഇത്തരം പ്രവർത്തനങ്ങളിൽ ഏർപ്പെടുന്നവർ നിയമപരമായ ഉത്തരവാദിത്തം നേരിടേണ്ടിവരുമെന്നും മന്ത്രാലയം വ്യക്തമാക്കി.