UAE New Bus Timetable; റാസൽഖൈമയ്ക്കും ദുബായ്ക്കും ഇടയിൽ യാത്ര ചെയ്യുന്ന പൊതുജനങ്ങളുടെ സൗകര്യാർത്ഥം ബസ് സർവീസുകളുടെ എണ്ണം വർദ്ധിപ്പിച്ചു. റാസൽഖൈമ ട്രാൻസ്‌പോർട്ട് അതോറിറ്റി പുറത്തിറക്കിയ പുതിയ സമയക്രമം അനുസരിച്ച് ഇന്ന് (ഓഗസ്റ്റ് 24) മുതൽ ഇരുവശങ്ങളിലേക്കുമായി പ്രതിദിനം 19 സർവീസുകൾ വീതമുണ്ടാകും. പുലർച്ചെയുള്ള യാത്രകൾക്കും രാത്രി വൈകിയുള്ള മടക്കയാത്രകൾക്കും മുൻഗണന നൽകിക്കൊണ്ടാണ് പുതിയ ടൈംടേബിൾ തയ്യാറാക്കിയിരിക്കുന്നത്.പുതിയ സമയക്രമം അനുസരിച്ച് റാസൽഖൈമയിൽ നിന്നുള്ള ആദ്യ ബസ് പുലർച്ചെ 5 മണിക്ക് പുറപ്പെടും. ദുബായിൽ നിന്നുള്ള അവസാന ബസ് രാത്രി 11.30-നായിരിക്കും. റാസൽഖൈമയിൽ നിന്ന് ദുബായിലേക്കുള്ള നേരിട്ടുള്ള സർവീസുകൾ രാവിലെ 5, 6, 7, 8 മണിക്കും വൈകുന്നേരം 3.30, 5.30 നും ലഭ്യമാകും. രാവിലെ 9 മുതൽ ഉച്ചയ്ക്ക് 3 വരെയും വൈകുന്നേരം 4 മുതൽ രാത്രി 8 വരെയും ഷാർജ വഴിയായിരിക്കും സർവീസ് നടത്തുക. രാത്രി 9-നുള്ള അവസാന ബസ് ഉമ്മുൽ ഖുവൈൻ, അജ്മാൻ, ഷാർജ വഴിയാണ് ദുബായിലെത്തുക. ദുബായിൽ നിന്ന് റാസൽഖൈമയിലേക്കുള്ള ബസുകൾ രാവിലെ 7.30 മുതൽ വൈകുന്നേരം 5.30 വരെ ഓരോ മണിക്കൂർ ഇടവിട്ട് ഉമ്മുൽ ഖുവൈൻ വഴി സർവീസ് നടത്തും. വൈകുന്നേരം 6 മണിക്കും രാത്രി 8 മണിക്കും റാസൽഖൈമയിലേക്ക് നേരിട്ടുള്ള ബസുകളുണ്ടാകും. രാത്രി 6.30 മുതൽ 11.30 വരെ ഓരോ മണിക്കൂർ ഇടവിട്ട് ഉമ്മുൽ ഖുവൈൻ വഴിയും സർവീസുകൾ ലഭ്യമാണ്.
എമിറേറ്റിലെ പൊതുഗതാഗത ശൃംഖല വിപുലീകരിക്കുന്നതിന്റെയും അയൽ എമിറേറ്റുകളുമായുള്ള ബന്ധം മെച്ചപ്പെടുത്തുന്നതിന്റെയും ഭാഗമായാണ് ഈ നടപടി. ഇതിനുപുറമെ, നഗരത്തിനകത്തെ യാത്രക്കാർക്കായി അൽ നഖീൽ മുതൽ മനാർ മാൾ വരെയുള്ള ‘പേർപ്പിൾ റൂട്ട്’ സർവീസും അതോറിറ്റി ശക്തിപ്പെടുത്തിയിട്ടുണ്ട്. ഒബൈദുള്ള ഹോസ്പിറ്റൽ, റാസൽഖൈമ ഹോസ്പിറ്റൽ, അമേരിക്കൻ യൂണിവേഴ്സിറ്റി തുടങ്ങിയ പ്രധാന കേന്ദ്രങ്ങളെ ബന്ധിപ്പിച്ചുകൊണ്ടാണ് പേർപ്പിൾ റൂട്ട് പ്രവർത്തിക്കുന്നത്. കൂടുതൽ സർവീസുകൾ ആരംഭിച്ചതോടെ കുറഞ്ഞ ചെലവിൽ സുരക്ഷിതമായ യാത്ര ഉറപ്പാക്കാൻ സാധിക്കുമെന്ന് അതോറിറ്റി വ്യക്തമാക്കി.

യുഎഇയിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

നാടൻ രുചിയിൽ ഓണമുണ്ണാം; ദുബായിൽ സദ്യയൊരുക്കി ഈ പ്രമുഖ റെസ്റ്റോറന്റുകൾ

Dubai Onam 2026; ദുബായിലെ പ്രവാസി മലയാളികൾക്കായി ഇത്തവണയും വിപുലമായ ഓണസദ്യകളുമായി നഗരത്തിലെ പ്രമുഖ റെസ്റ്റോറന്റുകൾ ഒരുങ്ങിക്കഴിഞ്ഞു. സാധാരണക്കാർക്ക് അനുയോജ്യമായ നിരക്കിലുള്ള സദ്യകൾ മുതൽ ആഡംബര ഹോട്ടലുകളിലെ വിരുന്നുകൾ വരെ ഇത്തവണ ലഭ്യമാണ്. 44 ദിർഹം മുതലാണ് സദ്യയുടെ നിരക്ക് ആരംഭിക്കുന്നത്.

മലബാർ ടിഫിൻ ഹൗസ്

• കരാമയിലെ ജനപ്രിയ റെസ്റ്റോറന്റായ മലബാർ ടിഫിൻ ഹൗസിലാണ് ഏറ്റവും കുറഞ്ഞ നിരക്കിൽ സദ്യ ലഭിക്കുക. 25-ലധികം വിഭവങ്ങളുമായി വിളമ്പുന്ന സദ്യയ്ക്ക് 44 ദിർഹമാണ് നിരക്ക്. ഓഗസ്റ്റ് 26, 29, 30 തീയതികളിലാണ് ഇവിടെ സദ്യ ലഭിക്കുക.
• ദൈറയിലെ സ്പൈസറിയിൽ ഓഗസ്റ്റ് 15 മുതൽ ഒക്ടോബർ 31 വരെ നീളുന്ന സദ്യ ആസ്വദിക്കാം, നിരക്ക് 55 ദിർഹമാണ്.
• ആഡംബര വിരുന്നുകൾ ആഗ്രഹിക്കുന്നവർക്കായി ജെഎൽടിയിലെ ഷാമിയാനയിൽ 175 ദിർഹത്തിന് ഓഗസ്റ്റ് 22 മുതൽ 27 വരെ സദ്യ ഒരുക്കിയിട്ടുണ്ട്.

ഡൗൺടൗൺ ദുബായിലെ ജമാവർ റെസ്റ്റോറന്റിൽ ഓഗസ്റ്റ് 15 മുതൽ സെപ്റ്റംബർ 7 വരെ സദ്യ ലഭ്യമാണ്. 195 ദിർഹമാണ് ഇവിടുത്തെ വെജിറ്റേറിയൻ സദ്യയുടെ വില. കൂടാതെ ബിസിനസ് ബേയിലെ ബോംബെ ബ്രാസറിയിൽ 195 ദിർഹത്തിന് ഉച്ചയ്ക്കും രാത്രിയും സദ്യ ആസ്വദിക്കാം.

പരമ്പരാഗത വിഭവങ്ങളായ ഇഞ്ചിപ്പുളി, ശർക്കരവരട്ടി, അവിയൽ, ഓലൻ, എരിശ്ശേരി, വിവിധതരം പായസങ്ങൾ എന്നിവയെല്ലാം ഉൾപ്പെടുത്തിയാണ് ഓരോ റെസ്റ്റോറന്റും തങ്ങളുടെ മെനു തയ്യാറാക്കിയിരിക്കുന്നത്. മിക്കയിടങ്ങളിലും ഇലയിൽ വിളമ്പുന്ന സദ്യ നേരിട്ട് കഴിക്കാനും പാഴ്സലായി വാങ്ങാനും സൗകര്യമുണ്ടാകും. കുടുംബാംഗങ്ങൾക്കും സുഹൃത്തുക്കൾക്കുമൊപ്പം ഇത്തവണത്തെ ഓണം ആഘോഷമാക്കാൻ ദുബായിലെ ഈ റെസ്റ്റോറന്റുകൾ മികച്ച അവസരമാണ് ഒരുക്കുന്നത്.